التاي شينجياڭدا اۋە ساياحاتىنىڭ جاڭا پاراقتارىن اشپاقشى

2016.05.10 13:09   كەلۋ قاينارى : حالىق تورابى

　　حالىق تورابى، 10- مامىر، بەيجيڭ. «التاي گازەتىنىڭ» حابارلاۋىنشا، «وتان كوگىندە سامعاپ، شينجياڭنىڭ ءوندىرىس سالاسىنا دەم بەرۋ» بورىشىن ارقالاعان شاعىن تيپتەگى ەكى جالپىلىق ۇشاق 16 – ءساۋىر كۇنى كوكتوعاي اۋەجايىنا قوندى، التاي ايماقتىق اۆياتسيا سالاسى بۇل ەكى ارنايى قوناقتى سالتاناتتى تۇردە ەڭ جوعارى قۇرمەتپەن قارسى الدى، وسىلايشا، التاي ايماعى بۇكىل شينجياڭ بويىنشا ەڭ الدىمەن جالپىلىق اۆياتسيا شىمىلدىعىن اشتى.

　　ءتىلشىنىڭ ۇعىسۋىنشا، بۇل ەكى ۇشاق گۋاڭدۇڭ ولكەسىنىڭ جۋحاي قالاسىنان كوك جۇزىنە كوتەرىلىپ، جول بويى حۋنان ولكەسىنىڭ حىڭياڭ قالاسى، گانسۋ ولكەسىنىڭ جيايۇيگۋان قالاسى، شينجياڭنىڭ قۇمىل قالاسى مەن التاي قالاسىنا قونىپ، سوڭىندا كوكتوعاي اۋەجايىنا كەلگەن، جول بويى 6 كۇن ۋاقىت كەتكەن، ۇشاق ەڭ سوڭىندا بۋىرشىن اۋدانىنا «ىرگە تەۋىپ»، التايداعى كورىنىس ورىندارىنا كوك جۇزىنەن ساياحاتتاۋ سىندى ۇشۋ مىندەتىن اتقارىپ، شينجياڭنىڭ اۋە ساياحاتى جاعىندا جاڭا پاراقتاردى اشادى.

　　كەلۋ قاينارى: حالىق تورابى