- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
التاي ايماعى ۇلتتار ىنتىماعىن وسپىرىمدەردەن باستاپ يگەردى
جيا چۇنشيا، جاڭ تيڭ
2016.05.11 14:32 كەلۋ قاينارى : شينجياڭ گازەتى
رەداكتور ەسكەرتپەسى
ۇلتتار ىنتىماعى − شينجياڭداعى ءار ۇلت حالقىنىڭ ارقاۋى. اۆتونوميالى رايوننىڭ بيىل بۇكىل شينجياڭ كولەمىندە «ۇلتتار ىنتىماعى، العاباسارلىعى جىلى» قيمىلىن ورىستەتۋىنە بەلسەنە ءۇن قوسۋ ءۇشىن، جەر - جەر، تاراۋلار اۆتونوميالى رايوندىق پارتكومنىڭ ورنالاستىرۋلارى مەن تالاپتارىن قاۋىرت تياناقتاندىرىپ، رايونىمىزدىڭ ۇلتتار ىنتىماعى، العاباسارلىعى ىستەرىن جەدەل ىلگەرىلەتۋدە. «ىنتىماقتاسىپ، كۇش - قۋاتتى شوعىرلاندىرىپ، ارمانعا قانات قاعايىق» جەتەكشى اۋەنىن ونان ارى اسقاقتاتىپ، شينجياڭداعى ءار ۇلت حالقىنىڭ «ىنتىماقتاسا كۇرەس جۇرگىزۋ، بىرگە گۇلدەنىپ، دامۋ» وڭ ەنەرگياسىن ساۋلەلەندىرۋ ءۇشىن، گازەتىمىز تاياۋدا وڭتۇستىك، سولتۇستىك شينجياڭعا «ۇلتتار ىنتىماعى، العاباسارلىعى جىلى» قيمىلى جونىندە مايتالمان جۋرناليستەردەن قۇرالعان تىلشىلەر قوسىنىن جىبەرىپ، ۇلتتار ىنتىماعىنداعى، العاباسارلىعىنداعى مەملەكەتتىك ۇلگىلى كوللەكتيۆ جانە ۇلگىلى ورىن اتاعىن العان ايماق - وبلىستاردا، اۋدان - قالالاردا تىلشىلىك ىستەپ، وسى ۇلگىلى كوللەكتيۆتەردىڭ ۇلتتار ىنتىماعى، العاباسارلىعى جاعىنداعى تيپتىك تاجىريبە جانە ىزگى ىستەرىمەن ىشكەرىلەي تانىسىپ، وزات تيپتەردىڭ جەتەكتەۋ، ۇلگى كورسەتۋ رولىن تولىق ساۋلەلەندىردى. گازەتىمىز بۇگىن ۇلتتار ىنتىماعىنىڭ، العاباسارلىعىنىڭ شينجياڭ ۇلگىسى ايدارىندا «التاي ايماعى ۇلتتار ىنتىماعىن وسپىرىمدەردەن باستاپ يگەردى» اتتى حاباردى جاريالاپ وتىر. نازار اۋدارعايسىزدار.
تىلشىلەرىمىز جيا چۇنشيا، جاڭ تيڭ 9 - مامىردا التايدان حابارلايدى. ءار دۇيسەنبىدەن جۇماعا دەيىن ءتۇستىڭ الدىندا ساعات 12دە، قابا اۋداندىق 1 - باستاۋىش مەكتەپتە ويناقى مۋزيكا ءۇنى كوتەرىلىپ، 1000نىڭ ۇستىندە وقۋشى مەكتەپتىڭ ءوزى جاساپ دايىنداعان ۇلتتار ىنتىماعى تاقىرىبىنداعى گيمناستيكانى ويناپ، دەنە شىنىقتىرۋمەن قاتار، ۇلتتاردىڭ ىنتىماعىنا دا ءار بەرەدى.
«ۇلتتار ىنتىماعىن تاقىرىپ ەتكەن بۇل گيمناستيكا قازاق، موڭعۇل، ۇيعۇر، تاتار سىندى 4 ۇلتتىڭ كلاسسيكالىق ءبي ارەكەتتەرىن كىرىستىرۋ ارقىلى جاسالعان، مۇنداعى ماقسات − ۇلتتار ىنتىماعىن مەكتەپتەگى وقىتۋشى - وقۋشىلاردىڭ جۇرەك تۇكپىرىنە ۇيالاتۋ»، − دەيدى وسى مەكتەپتىڭ باستىعى ياڭ حىلين. قابا اۋداندىق 1 - باستاۋىش مەكتەپتىڭ بۇل ءىس - شاراسى − التاي ايماعىنىڭ «ۇلتتار ىنتىماعىن وسپىرىمدەردەن باستاپ يگەرۋ» قىزمەتىنىڭ ءبىر كورىنىسى عانا. التاي ايماعىنىڭ بيىل ورىستەتكەن «ۇلتتار ىنتىماعى، العاباسارلىعى جىلى» قيمىلىنىڭ وزەك مازمۇنى رەتىندە، ايماق وقۋ - اعارتۋ سالاسىنداعى ۇلتتار ىنتىماعى، العاباسارلىعىنداعى ۇلگىلى وزات كوللەكتيۆتەر مەن وزات جەكەلەردىڭ ىزگى ىستەرىن ۇگىتتەۋ، حابارلاۋ، «ۇلتتار ىنتىماعىنىڭ جانىمىزداعى ادامدارى» تاقىرىبىنداعى اڭگىمە ايتۋ، ۇلتتار ىنتىماعى تاقىرىبىنداعى جاس وسپىرىمدەردىڭ تەلەۆيزيالىق ونەر بايقاۋى سياقتى قيمىلدار وتكىزىپ، مەكتەپ اۋلاسىندا ۇلتتار ىنتىماعىنىڭ بايشەشەگىن قۇلپىرتپاقشى.
اۆتونوميالى رايوننىڭ «ۇلتتار ىنتىماعى، العاباسارلىعى جىلىنداعى» ءتۇرلى ءىس - شارالاردى بۇلجىتپاي تياناقتاندىرۋ ءۇشىن، التاي ايماعى جوعارى دەڭگەيدە ىلگەرىلەتۋگە، بيىك ورەدە جوبالاۋعا تاباندى بولىپ، ساتىلار بويىنشا اڭگىمە ماجىلىستەرىن اشۋ، وتباسىلارىن ارالاپ تەكسەرۋ، ساۋالناما تاراتۋ سياقتى فورمالارمەن كادرلار مەن بۇقارانىڭ اڭىسى كۇشتى بولعان كورنەكتى ماسەلەلەردى ىرىكتەپ جونگە سالىپ، ۇلتتار ىنتىماعى، العاباسارلىعى ءىسىن كۇش سالا ىلگەرىلەتتى. اۆتونوميالى رايوندىق پارتكوم ءار ۇلت بۇقاراسى اڭىس ەتكەن كورنەكتى ماسەلەلەرگە سايكەس العا قويعان ماسەلەلەردى شەشۋدىڭ 27 ءتۇرلى ماڭىزدى شاراسى نەگىزىندە، التاي ايماعى ءىس جۇزىندىك جاعدايمەن ۇشتاستىرا 30 ءتۇرلى ءتۇيىندى شارانى بەلگىلەپ، ءار ۇلت بۇقاراسى نازار اۋدارعان كورنەكتى ماسەلەلەردى شىن مانىندە شەشتى. «ۇلتتار ىنتىماعىن وسپىرىمدەردەن باستاپ يگەرۋدىڭ» ماقساتى − ۇلتتار ىنتىماعى تاربيەسىنىڭ ۇدايىلانۋىنا، ومىرمەن بىتە قايناسۋىنا مۇمكىندىك جاساپ، ۇلتتار ىنتىماعىن ءاربىر ۇساق ىستەردە ايگىلەپ، ءار ۇلت وقىتۋشى − وقۋشىلارىنىڭ تۇرمىستىق سالتىنا، داعدىسىنا، تاسىلىنە اينالدىرۋ، ءبىرسىپىرا ۇتىمدى تاربيە ءتاسىلى ارقىلى «ۇلتتار ىنتىماعى تاربيەسى جىلى» قيمىلىن شىنايى ءونىم بەرۋگە جەتەكتەۋ.
التاي ايماعىنىڭ ۇلتتار ىنتىماعى، العاباسارلىعى قىزمەتىن ورىستەتۋىنىڭ تاماشا نەگىزى بار. 2014 - جىلى ايماق ۇلتتار ىنتىماعى، العاباسارلىعىنداعى مەملەكەتتىك ۇلگىلى ايماق قۇرۋ قىزمەتىن جاپپاي باستاپ، «كلەتكا ينجەنەرياسىن» تۇتقا ەتە وتىرىپ، ۇلتتار ىنتىماعى، العاباسارلىعىنداعى وزات ورىن قۇرۋ قيمىلىن ورگاندارعا، كاسىپورىندارعا، قىستاقتارعا (الەۋمەتتىك اۋماق)، اۋىلدارعا (قالاشىق، ءمالى، الاڭ)، مەكتەپتەرگە، ءدىني قيمىل ورىندارىنا، اسكەري بولىمدەرگە، بيڭتۋانعا جالپىلاستىرۋ ءىسىن جەبەپ، «بەستى ۇيرەنۋ، بەستى سالىستىرۋ، بەسكە تالپىنۋ» قيمىلىن، «بەس ءبىر، بەس جاقسى» سىندى سۇيىسپەنشىلىك توعىستىرىپ، دوستىق ورناتۋ قيمىلىن ورىستەتۋ ارقىلى از ۇلت قونىستانعان قىستاقتار مەن حانزۋ قىستاقتارىن دوستىق ورناتۋعا، ۇقساماعان ۇلت بۇقاراسىن دوستىق ورناتۋعا اتتانىسقا كەلتىرىپ، ۇلتتار ىنتىماعىنىڭ جۇرت جۇرەگىنە تەرەڭ ۇيالاۋىنا جول اشتى. ايماق تاعى ۇلتتار ىنتىماعىندا وزات ورىن قۇرۋ قىزمەتىن جالپىلىق نىسانا، جالپى بەتتىك وڭاۋ، رۋحاني وركەنيەت قۇرىلىسى، «بەستە جاقسى» نەگىزگى ساتى پارتيا ۇيىمى، قوس قورعاۋ، بىرگە قۇرۋ، كورىكتى اۋىل - قىستاق قۇرىلىسى سياقتىلاردى باعالاۋ مازمۇنىنا ەنگىزىپ، ۇلتتار ىنتىماعى قىزمەتىنىڭ عىلميلانۋىن، تۇزىمدەنۋىن، ارناعا ءتۇسۋىن ىلگەرىلەتتى. 2015 - جىلى قىركۇيەكتە ايماق ۇلتتار ىنتىماعىنداعى، العاباسارلىعىنداعى مەملەكەتتىك ۇلگىلى ايماق بولدى.
6 - مامىردا بۋىرشىن اۋداندىق شىنحۋلۋ باستاۋىش مەكتەپ «سۇيىسپەنشىلىك توعىستىرىپ، جۇڭگو ارمانىن ورنەكتەيىك» تاقىرىبىندا 100 مەتر ۇزىندىقتاعى قاعازعا سۋرەت سالۋ قيمىلىن وتكىزدى، 446 «كىشكەنتاي سۋرەتشى» ويلاعان ارماندارىن اق قاعازعا ءتۇسىرىپ، وتاندى ءسۇيۋ، مەكەندى ءسۇيۋ، ۇلى تابيعاتتى ءسۇيۋ سىندى كوركەم سەزىمدەرىن بەينەلەدى.
سۋرەتتى ۋي جىيۋان تۇسىرگەن
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
