- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
2016 – جىلعى جىبەك جولى حالىقارالىق كورمەسى مەن 20 – كەزەكتى شي – ان ساۋدا جارمەنكەسى جابىلدى
وبلىسقا توتە قاراستى ورىنداردىڭ ۋاكىلدەر ۇيىرمەسى قول قويىسقان كەلىسىم سوماسى 3 ميلليارد يۋاننان استى
2016.05.20 14:53
ءتىلشىمىز سۇن ۋەيشيا شي – اننان حابارلايدى. 2016 – جىلعى جىبەك جولى حالىقارالىق كورمەسى مەن 20 – كەزەكتى شي – ان ساۋدا جارمەنكەسى مامىردىڭ 17 – كۇنى شي – ان قالاسىندا تابىسپەن جابىلدى. وبلىسقا توتە قاراستى ورىندار قول قويۋ سالتىندا 18 نىسانعا شوعىرلى قول قويىستى، كەلىسىم جالپى سوماسى 3 ميلليارد 313 ميلليون يۋانعا جەتتى.
وبلىسقا توتە قاراستى اۋدان، قالالار (وتكەلدەر) قول قويىسقان 18 نىسان اۋىل شارۋاشىلىعى قوسالقى ونىمدەرىن جىنتىكتەي مانەرلەۋ، جارىق ۆولت ەلەكترىن تاراتۋ، توقىماشىلىق، كيىم – كەشەك، سەيىلدەۋ ساياحاتى، نەگىزدىك قۇرىلعىلار، ساۋدا كاسىبىن ۋنيۆەرسالدى اشۋ سياقتى سالالاردى قامتيدى. مۇندا قورعاس ەكونوميكالىق اشۋ رايونى جالپى سوماسى 400 ميلليون يۋانعا جەتەتىن 2 نىسانعا؛ قۇلجا قالاسى جالپى سوماسى 720 ميلليون يۋانعا جەتەتىن 4 نىسانعا؛ كۇيتۇن قالاسى جالپى سوماسى 96 ميلليون يۋانعا جەتەتىن 2 نىسانعا؛ قۇلجا اۋدانى جالپى سوماسى 30 ميلليون يۋانعا جەتەتىن ءبىر نىسانعا؛ چاپچال سىبە اۆتونوميالى اۋدانى جالپى سوماسى 330 ميلليون يۋانعا جەتەتىن 2 نىسانعا؛ قورعاس اۋدانى جالپى سوماسى 50 ميلليون يۋانعا جەتەتىن ءبىر نىسانعا؛ كۇنەس اۋدانى جالپى سوماسى 180 ميلليون يۋانعا جەتەتىن ءبىر نىسانعا؛ نىلقى اۋدانى جالپى سوماسى ءبىر ميلليارد 290 ميلليون يۋانعا جەتەتىن 2 نىسانعا؛ توعىزتاراۋ اۋدانى جالپى سوماسى 150 ميلليون يۋانعا جەتەتىن ءبىر نىسانعا؛ تەكەس اۋدانى جالپى سوماسى 37 ميلليون يۋانعا جەتەتىن ءبىر نىسانعا؛ موڭعۇلكۇرە اۋدانى جالپى سوماسى 30 ميلليون يۋانعا جەتەتىن ءبىر نىسانعا قول قويىستى.
نىلقى اۋدانىنداعى قول قويىسقا كاسىپورىنداردىڭ ءبىرى ىلە بۋرىل شىڭچۋان شەكتى سەرىكتىگىنىڭ باس جوراسى ۋاڭ حۇڭلي بىلاي دەدى: نىلقى اۋدانىنىڭ تابيعي ەرەكشەلىككە يە سۋ بايلىعى ابزالدىعى سەرىكتىكتى ىرگە تەبۋگە باۋرادى. كوپتەگەن مەملەكەتتىڭ ىقپالدى قۇرىلىمدارى ۇلگى الىپ تەكسەرۋ ارقىلى نىلقى اۋدانىنداعى بۋرىل شاتقالىنىڭ تەڭىز دەڭگەيىنەن 4 مىڭ مەتر بيىك جەرىندەگى ءتورت ورىننان دۇنيە جۇزىندە سيرەك كەزدەسەتىن اسقار تاۋ تومەن دەۋتەريلى اراسانىن بايقادى، بۇل اراسان سۋىنىڭ قۇرامىندا كرەمني قىشقىلى مەن ميكرو ەلەمەنتتىڭ مولشەرى ءبىرشاما كوپ، جاندى مولەكۋلالاردىڭ تىعىزدىعى جوعارى بولىپ، دىمقىل ساقتاۋ، اجارلاندىرۋ، تەرىنى مايدالاۋ قاسيەتىنە يە، ول تابيعي اجارلاندىراتىن، تەرىنى قورعايتىن سۋ. بۇل نىسان ەكى مەرزىمگە بولىنەدى، جالپى 300 ميلليون يۋان قارجى قوسىلادى، قازىر ءبىرىنشى مەرزىمدىك ينجەنەريانىڭ جابدىقتارى سارالانىپ ساتىپ الىندى، مۇندا ونىمدەردىڭ ىشىندە تەرىنى مايدالاۋ، بەت ۇلپاسى جانە مۇرىنعا تامىزاتىن ءدارى سياقتىلاردى ءوندىرۋ قاراشانىڭ سوڭىندا وندىرىسكە قوسىلادى؛ ەكىنشى مەرزىمدىك ينجەنەريانىڭ قوراپتالعان سۋسىندىق ءوندىرۋ لەنياسىندا 2017 – جىلى قۇرىلىس باستالادى، سول تۇستا جەرگىلىكتى ورىندارداعى 500 دەن ارتىق ەڭبەككۇش كاسىپتەنەتىن بولادى.
قورعاس قالالىق ساۋدا ىستەرى جانە ەكونوميكا – ينفورماتسيالاندىرۋ كوميتەتى (ساۋداگەر شاقىرۋ مەكەمەسى) پارتگرۋپپاسىنىڭ مۇشەسى، ورىنباسار مەڭگەرۋشىسى چىن جيە بىلاي دەدى: قورعاس وسى جولى 2 نىسانعا قول قويىستى، بۇعان جالپى 400 ميلليون يۋان قارجى قوسىلدى.
وبلىستىق ساۋداگەر شاقىرۋ، دامىتۋ مەكەمەسىنىڭ ورىنباسار باستىعى جاڭ جييۋە بىلاي دەدى: وسى رەتكى كورمەدە وبلىسقا توتە قاراستى ورىندار اۆتونوميالى وبلىستىڭ «جىبەك جولى ەكونوميكالىق بەلدەۋى وزەكتى رايونىنىڭ ستراتەگيالىق ءتۇيىنى» سىندى تاماشا ابزالدىقتان تولىق پايدالانىپ، «جىبەك جولى حالىقارالىق كورمەسى مەن شي – ان ساۋدا جارمەنكەسى» سىندى تەكشە ارقىلى وڭىرلىك ەكونوميكالىق سەلبەستىك پەن اۋىس – كۇيىس تەبىنىن ارتتىرىپ، ابزال بايلىقتى كادەگە جاراتۋ جانە ءىرى كاسىپورىن، ءىرى توپتار ستراتەگياسىن كورنەكتىلەندىرىپ، اۆتونوميالى وبلىستىڭ ابزال كاسىپتەرىن الۋەتتەندىرىپ، ىلەنى ءتاڭىر تاۋىنىڭ تەرىستىك بوكتەرىندەگى ەكونوميكاسى مىعىم رايون، ورتالىق قالا، باتىسقا قاقپا اشۋ قامالى جانە دۇنيە جۇزىلىك ورەدەگى ساياحات سارا ونىمدەرىن وندىرەتىن ورىن ەتىپ قۇرۋ ءۇشىن تاماشا نەگىز قالايدى. وسى جولعى شي – ان ساۋدا جارمەنكەسىندە جالپى 18 نىسانعا قول قويىلدى، بۇعان جالپى 3 ميلليارد 300 ميلليون يۋان قارجى قوسىلدى، بۇل اۆتونوميالى وبلىستىڭ ەكونوميكاسىنىڭ دامۋىن، كاسىپتەندىرۋىن جانە قازىنا كىرىسىنىڭ ارتۋىن بارىنشا جەبەيدى، ءماجىلىس اياقتاعاننان كەيىن وبلىستىق ساۋداگەر شاقىرۋ مەكەمەسى ۇيىمدىق باسشىلىقتى كۇشەيتىپ، قاتىستى ولكە، قالالارعا ساۋداگەر شاقىرۋعا ادام جىبەرىپ، ساۋداگەر شاقىرۋ قيمىلىندا ناقتى ونىمدىلىككە قول جەتكىزۋگە كەپىلدىك ەتەدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
