- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىسقا توتە قاراستى ورىندار الۋان ءتۇرلى، باي مازمۇندى قيمىلدار ارقىلى «جۇڭگو ساياحات كۇنىن» قارسى الدى
2016.05.24 14:57
ءوز حابارىمىز. مامىردىڭ 19-كۇنى —▬ 6-رەتكى « جۇڭگو ساياحات كۇنى »، وسىعان بايلانىستى وبلىسقا توتە قاراستى ورىندار «ساياحاتتى، تۇرمىستى قىزۋ ءسۇيۋ» نەگىزگى تاقىرىبىنداعى الۋان ءتۇرلى، باي مازمۇندى ساياحاتتى ۇگىتتەۋ قيمىلدارىن ورىستەتىپ، ىلەنىڭ الداعى ساياحاتتىڭ قاۋىرت كەزەڭىندە جەر-جەردەگى ساياحاتشىلاردى باۋراۋىنا بەرىك نەگىز قالادى. سول كۇنى تاڭەرتەڭ ىلە وبلىسىنىڭ 2016-جىلعى «جۇڭگو ساياحات كۇنى» ۇگىت قيمىلىنىڭ نەگىزگى قيمىلى قالانىڭ حالىق باقشاسىندا وتكىزىلىپ، شات مەرەيگە تولعان ءبي، قىزۋ دۋمانعا بولەنگەن از ۇلتتاردىڭ توي سالتى ىلەنىڭ وزىندىك ەرەكشەلىككە يە ۇلتتىق سالت-ساناسىن، جەرگىلىكتى ءداستۇرىن ايگىلەسە، وبلىسقا توتە قاراستى ورىندارداعى ۇلكەن ساياحات ۇيىرمەلەرى ناق مايداندا ساياحاتشىلارعا اقىل-كەڭەس بەرىپ، ۇگىت ماتەريالدارىن تاراتتى، ساياحات لەنيالارىن، ايگىلى كورىنىس، ساياحات رايوندارىن تانىستىردى. وبلىسقا وتە قاراستى ورىندارداعى كورىنىس، ساياحات رايوندارى «جۇڭگو ساياحات كۇنى» بايلانىسىمەن باعادا تيىمدىلىك جاساۋ قيمىلدارىن جانە ارالاپ كورۋ قيمىلدارىن ورىستەتىپ، ساياحاتشىلاردىڭ الاقاۋىنا بولەندى.
قۇلجا قالاسى قازانشى ۇلتتىق سالت-سانا ساياحات رايونىنىڭ ديرەكتورى حاليما بىلاي دەدى: مامىردىڭ 19-كۇنى قازانشى ۇلتتىق سالت-سانا ساياحات رايونىنا كەلگەن ساياحاتشىلاردان ەسىك بەلەتى الىنباي، ساياحاتشىلار قىزدىرىلعان تاندىرعا نان ءپىسىرىپ كورۋدى جانە بالمۇزداق جاساۋدى تالاپ ەتسە، ولارعا باعادا ٪20 تيىمدىلىك جاسادىق. بۇدان تىس ساياحات رايونىنىڭ قىزمەتكەرلەرى ساياحاتشىلارعا اقىسىز ءبي ۇيرەتتى. بول سوزدەردى ەستىگەن گۋاڭدۇڭدىق ساياحاتشى ۋاڭ مىرزا: « شىنىندا دا وتە ءتيىمدى ەكەن. وندا مەن دە سول جەرگە بارايىنشى » دەدى. ۋاڭ مىرزا مامىردىڭ 14-كۇنى دوسىمەن بىرگە نارات كورىنىس رايونىن، قورعاس اۋدانىنىڭ تاۋىنداعى قىزعالداق گۇلىن تاماشالاعان سوڭ، مامىردىڭ 21-كۇنى گۋاڭجوۋ قالاسىنا قايتاتىن ۇشاق بەلەتىنە تاپسىرىس بەرگەن بولاتىن. ول اسا قۋانىشتى بەينەدە تىلشىگە: ىلەنىڭ تاۋلارى كوركەم، بەينە گۇل باقشاعا ۇقسايدى ەكەن، بۇل ارادان كەتكىم كەلمەي قالدى. گۋاڭجۋعا قايتاتىن ۋاقىتىمدى كەشەۋىلدەتىپ، ىلەنىڭ ساياحات، كورىنىس رايوندارىن تاماشالايمىن، -دەدى.
ىلە وبلىستىق ساياحات مەكەمەسىنىڭ باستىعى گۇڭ ۋەيبين بىلاي دەدى: بىرنەشە جىلدان بەرى ىلە وبلىسىنىڭ ساياحات كاسىبى ءۇرتىس دامىپ، جەر-جەردە ورىستەتىلگەن الۋان ءتۇرلى، باي مازمۇندى ساياحاتتى ۇگىتتەۋ قيمىلدارى ارقىلى جالپى جۇرتتىڭ ساياحات جونىندەگى تانىمى تەرەڭدەتىلىپ، ساياحاتقا ات سالىسۋ بەلسەندىلىگى جوعارىلاپ، بۇكىل قوعامدا ساياحاتقا باسا نازار اۋداراتىن، ساياحاتقا بەلسەنە ات سالىساتىن، قولدايتىن ءارى ساياحاتتىڭ دامۋىن جەبەيتىن تاماشا اۋقىم قالىپتاستىرىلىپ، ساياحات كاسىبىنىڭ اقاۋسىز، تەز قارقىنمەن دامۋىنا بەرىك نەگىز قالاندى. بيىل وبلىسقا توتە قارستى ورىنداردىڭ ساياحات كاسىبىندە تىڭ دامۋ ارىنى جارىققا شىعىپ، قاڭتاردان ساۋىرگە دەيىن وبلىسقا توتە قاراستى ورىندارداعى ساياحات، كورىنىس رايوندارى قابىلداعان ساياحاتشى رەت-سانى بويىنشا 4 ميلليون 330 مىڭعا، ساياحات كىرىسى 3 ميلليارد 138 ميلليون يۋانعا جەتىپ، وتكەن جىلدىڭ ۇقساس مەزگىلىندەگىدەن جەكە-جەكە ٪98.37 جانە ٪71.71 ارتتى.
سول كۇنى حالىق باقشاسىندا وتكىزىلگەن «مادەنيەتتى قالا تۇرعىنى بولۋعا قۇلشىنىپ، قۇلجا قالاسىنىڭ مەملەكەت بويىنشا ورتا تازالىعى تاماشا قالا قۇرۋ جانە اۆتونوميالى رايون بويىنشا وركەنيەتتى قالا قۇرۋىنا ۇلەس قوسۋ» اتىنداعى ۋادە بەرىپ، قولتاڭبا قالدىرۋ قيمىلى مەن «ىلە اڭعارىنداعى ەڭ كورىكتى 10 ساياحات، كورىنىس رايونىن» سالىستىرىپ، باعالاۋ قيمىلى بارشانىڭ نازارىن اۋداردى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
