- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جەتىمدەر مەن قيىنشىلىقتا قالعانداردىڭ جاناشىر جاقىنى
بەيسەنباي ساۋىت ۇلى
2016.06.13 11:03
باسىنان ىستىق ـ سۋىقتى كوپ وتكىزىپ، جاسىندا قيىنشىلىقتى كوپ كورگەن ادام عانا باسى اۋىرىپ، بالتىرى سىزداعاندارعا مەيىرىمىن توگەتىنى شىندىق. 2008 ـ جىلى تامىزدىڭ 19 ـ كۇنى بولاتىن، نىلقى اۋدانى قاراتوبە اۋىلىندا دۋلات جانەلباي ۇلىنا جوعارى مەكتەپتەن شاقىرتۋ قاعازى كەلگەنىمەن، وتباسىلىق قيىنشىلىق سەبەبىنەن مەكتەپكە بارۋعا امالسىز قالادى. سونىمە وسى جاعدايدان حاباردار بولعان تويىنشى دۋلات ءۇشىن حالىقتى جىلۋ اتاۋعا ۇيىمداستىرادى. سول اۋىلدان تۇلەپ ۇشقاندىقتان وسى ءبىر پارشا حات تا مەنىڭ قولىما تيگەن – دى.
قاراتوبە اۋىلدىق پارتكومنىڭ جيىن زالىندا جىلۋ اتاۋعا كەلگەن ءار ۇلت بۇقاراسى يىن تىرەسەدى. قيمىل باستالعان العاشقى ساتتە اۋىلدىڭ تۇرعىنى تويىنشى سىلامجان ۇلى 4 مىڭ يۋان جىلۋ اتاپ: سايبويى قىستاعىنىڭ مالشىسى جانەلبايدىڭ بالاسى دۋلات قيىنشىلىق سەبەبىنە داشۋەگە اتتانا الماي وتىر، جەتكىنشەگىمىزدىڭ كەلەشەگىنە جول اشىپ بەرسەك دەگەن ويمەن سىزدەردەن كومەك سۇراپ وتىرمىز،- دەگەن ەدى، مۇنى ەستىگەن اۋىلدىق پارتكوم شۋجيى حان تاۋ جولداس ءوزى باستاماشى بولىپ 500 يۋان اتاعان ەدى، وسىندا جينالعان بۇقارا قالتالارىنداعى بارىن ورتاعا سالدى. «كوپ تۇكىرسە كول» دەگەندەي ناق مايداندا 9 مىڭ يۋان اقشا جينالدى. بۇعان سۇيىنگەن تويىنشى «اق ەدىل حالقىم، اق جارما پەيىلدەرىڭىزگە مىڭ مارتە راقىمەت! بۇدان كەيىنگى وقۋ قاراجاتىن مەن ۇستىمە الام» ـ دەپ ۋادە بەرگەنى ءالى ەسىمدە. سول دۋلات داشۋەگە وسىلايشا قۋانىش كۇلكىسىمەن اتتانعان ەدى.
تويىنشى سىلامجان ۇلى نىلقى اۋدانى قاراتوبە اۋىلى سايبويى قىستاعىنداعى قاراپايىم مالشى. اقكوڭىل، اشىق ـ جارقىن ول قاشان دا حالقىم دەسە قالتاسىنداعىنى قاعىپ بەرەتىن، جەتىم ـ جەسىر، مۇگەدەك دەسە جانى اشىپ تۇراتىن، وزگەنى وزىندەي كورەتىن اق ەدىل ازامات. 2005 ـ جىلدان بەرى جەتىم، مۇگەدەك، وتباسىندا ەرەكشە قيىنشىلىعى بار 42 وقۋشىنى تولىق ورتانى تاۋىسقانشا تەگىن وقىتىپ، داشۋەگە اتتانعاندا دا وقۋ قاراجاتىن بەرىپ وتىرعانى كۇنى بۇگىنگە دەيىن مەكتەپتىڭ ارحيۆىندە ساقتالىپ كەلە جاتقانىن كورىپ ەرەكشە تەبىرەندىم.
وسى مەكتەپتەن تولىق ورتادان شينجياڭ سىفان داشۋەگە اتتانىپ، 5 جىلدىق وقۋىن تاۋىسىپ، نىلقى اۋدانى اسىل تۇقىمدى ارا فەرماسىنا قىزمەتكە ورنالاسقان قىرعىز ازامات قاستەر ماتكەرىم ۇلى كوزىنە ىستىق جاس الىپ تۇرىپ: «مەن اكەمنەن ايىرىلىپ جاستاي جەتىم قالعام. شەشەم ۇزاق جىلدىق ناۋقاس، توسەك تارتىپ جاتىر. تويىنشىداي كىرشىكسىز، ماليكەدەي مەيىربان اكە ـ شەشەمنىڭ ارقاسىندا تولىق ورتانى الاڭسىز وقىپ، داشۋەگە بارسام دا ەش نارسەدەن تارىعىپ كورگەم جوق. جىرتىعىما جاماۋ، تىرلىگىمە تالعاۋ، جۇرەگىمە دەمەۋ بولىپ كەلۋىنىڭ ارقاسىندا داشۋەنى الاڭسىز تامامداپ، مىنە 2015 ـ جىلى قىزمەتكە ورنالاستىم، وسىنىڭ بارىندە وسى اكە ـ شەشەلەرىم قاباق شىتىپ كورگەن ەمەس. مەن وسى اكە ـ شەشەمە بورىشتارمىن » دەدى.
سايبويى قىستاعىنداعىنان كەلگەن جەتىم حۇيزۋ وقۋشى ما شاۋحۇڭ مەن حانزۋ وقۋشى تيان جينباۋ تەبىرەنگەندەرىنەن بىلاي دەدى: «تويىنشى اكەمىز ءبىزدىڭ مەكتەپ قۇشاعىندا ءبىلىم الۋىمىزعا جاناشىرلىقپەن كوپتەپ كومەك كورسەتتى. سەنبى، جەكسەنبى، مەرەكە ـ مەيرام كۇندەرى ۇيىنە اپارىپ ءبىزدى تاماقتاندىرىپ، كىرىمىزدى جۋىپ، باسىمىزدان سيپاپ اقىل ـ كەڭەسىن بەرەدى، بۇنىڭ ءوزى اكە مەيىرىن كورمەگەن ءبىز ءۇشىن ۇلكەن مەدەت ەكەن. ال شەشەمىز ماليكە دە بىزگە قاباق شىتىپ كورگەن ەمەس، ءوز ۇيلەرىڭ، تاماق ىشۋدەن تارتىنباڭدار، نە ىشكىلەرىڭ كەلسە سونى ايتپاي - اق جاساپ جەي بەرىڭدەر.ءوز بالالارىمسىڭدار، ءوز ۇيلەرىڭدەي كورىڭدەر دەيتىن. ءبىز ولاردىڭ بالالارىنداي بولىپ كەتتىك، تاماعى قاي جەردە تۇرسا، الىپ جەي بەرەمىز. ءبىز ەكى اپتا بارماي قالساق، بالالارىم نەگە كەلىپ ـ كەتىپ تۇرمايسىڭدار، ورىندارىڭ بولەك بولىپ تۇرادى ەكەن. ساعىنىپ قالدىق قوي دەيتىن ـ ماليكە شەشەمىز» ـ دەپ وسىلايشا اعىنان اقتارىلسا، تويىنشى اكەمىز « سەندەر داشۋەگە وتسەڭدەر ءوزىم بارلىق قاراجاتتارىڭدى تولەپ وقىتامىن، جاقسى وقىساڭدار بولدى دەپ ۋاعدا بەرگەن». تويىنشى ءوزىن كوپكە ارناعان جان. مۇگەدەك جانباقىت قاتارلى 3 ادامنىڭ اربىرىنە 3 مىڭ 500 يۋانعا 3 دوڭگەلەكتى موتورلى كولىك الىپ بەرىپ، ولاردى اۋقاتتانۋعا جەبەگەن. بۇدان تىس، بيىل كوكتوعان قىستاعىنداعى بەلدەن تومەن سالدانىپ قالعان مۇگەدەك دولداي سىماعۇل ۇلىنا 5 مىڭ 800 يۋانعا ەلەكترلى جۇرەتىن موتوتسيكل الىپ بەرۋدەن تىس، 100 شارشى مەترلىك بەيقۇت ءۇي سالىپ بەرۋگە ۋادە بەرىپ، قازىر قۇم، شاعىل، كەرپىش سياقتى ماتەريالدارىن ءتۇسىرتىپ، قۇرىلىسىن باستاپ، قىركۇيەككە دەيىن جاڭا ۇيگە كىرگىزۋگە قۇلشىنۋدا ەكەن.
سايبويى قىستاعىنىڭ باستاي مال شارۋاشىلىق گرۋپپاسىنداعى 40 قا تارتا مالشى وتباسىنىڭ 10 مىڭعا جۋىق ءار تۇلىك مالى بار، بۇل جەردە مال سۋاتى جوق بولعاندىقتان، كوكتەم مەن كۇزدە اۋىز سۋ ءىشۋ، مال سۋارۋ ءۇشىن مالشىلار 6 كيلومەتر جول باسىپ الىستاعى قاس وزەنىنە باراتىن، اۋىز سۋى ءۇشىن ءبىر تراكتور سۋدى 80 يۋانعا ساتىپ ىشەتىن. تويىنشى باستايدا وتىرعان جاكەيدىڭ 5 مۋ جەرىن 53 مىڭ يۋانعا ساتىپ الىپ، 72 مىڭ يۋانعا ەكى بولمەلى ءۇي جاساتىپ، سۋ باك ورناتىپ، ناۋا قويىپ، مامىردىڭ 29-كۇنى قۇرىلىسىن ءساتتى ءبىتىرىپ، سۋات جاساپ، سۋ قيىنشىلىعىن تۇبەگەيلى شەشتى. بۇنى كورگەن سول ورىنداعى سۋ قيىنشىلىعىنان ابدەن تارىققان، مالىن وسى اراعا باعىپ جۇرگەن ابىلا دەگەن ۇيعۇر ازامات: وسى زامانعا ۇڭىلە قاراسام اكە مەن بالا اراسىندا جەرگە، مالعا تالاسىپ، سوتتاسىپ جۇرگەندەردى كوزىمىز كورىپ ءجۇر، ءتىپتى، مىنا قوعامدا باۋىر ەتى بالالارىن تاستاندى ەتىپ جۇرگەن بەزبۇيرەك اتا ـ انالاردى كورگەندە بەتىڭمەن جەر باساسىڭ، جەر باسساڭ دا شىركىن، سولارعا تويىنشى مەن ماليكەنىڭ مەيىرباندىعىن ازدا بولسا دارىتسا قانداي عانيبەت بولار ەدى دەپ تەرەڭ كۇرسىنىپ جىبەرەمىن. مىنا تويىنشى مەن ماليكە اق كوڭىل، ادال، مەيىربان جۇبايلار، قاشان كورسەڭ باسقانى وزىندەي كورىپ، ءبارىن ىشكە تارتادى دا جۇرەدى، ءارقانداي ۇلتتى شەتكە قاعىپ كورگەن جوق. باسىمىزعا ءىس تۇسسە بولدى وسىلاردى ىزدەيمىز. ءبىزدىڭ كوكتوعان قىستاعىنداعى ۇيعۇر قىز ءاليامدى ءوز بالاسىنداي كورىپ وقىتىپ كەلەدى. مىنە بۇگىن باستايدىڭ اۋىز سۋ ماسەلەسىن تۇبەگەيلى شەشىپ بەرىپ، ءار ۇلت حالقىنىڭ ءدان رازدىعىن الدى. ونىڭ حالىق بۇقاراسى دەگەندە ىشكەن اسىن جەرگە قوياتىن، اق پەيىل، جاناشىرلىعىنا حالىق قوس قولداپ راقىمەتىن ايتتى ـ دەدى.
تويىنشى ءوزىنىڭ ادال دا كىرشىكسىز جۇرەگىن ءار ۇلت حالىق بۇقاراسىنىڭ ۇرپاقتارىنا ارناعان وسكەلەڭ قورمال، ادال جان دەۋمىزگە ابدەن بولادى. مىنە بيىلعى «1 ـ ماۋسىم حالىقارالىق بالالار مەرەكەسىندە » قاراتوبە اۋىلدىق سەنتىرلى ورتالاۋ مەكتەپكە بارىپ، ءوزىنىڭ قاراۋىنداعى جەتىم، مۇگەدەك، وتباسىندا اۋىر قيىنشىلىعى بار 30 ءار ۇلت وقۋشىسىنىڭ اربىرىنە 200 يۋاننان وقۋ قاراجاتىن بەرىپ، مەكتەپ ۇيىمىنىڭ شىنايى العىسىنا يە بولدى. ءبىز تويىنشىنىڭ ۇرپاققا دەگەن جاۋاپكەرشىلىككە تولى اسقاق ارمانىن، وتاننىڭ ەرتەڭى، بولاشاقتىڭ يەسى، كەلەشەك ۇرپاقتارىنا دەگەن سەنىمىنىڭ كۇشتى ەكەندىگىن كورە بىلدىك. وسىنداي ازاماتتارىمىزدىڭ قاتارى كوبەيە بەرسە نۇر ۇستىنە نۇر بولارەدى دەپ تىلەيىمىز!
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
