- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
الاتاۋ ساعاسى بەكەتىندە جوڭگو - ەۆروپا پويەزدەرىنىڭ شەكارادان ءوتۋ جۇمىسىندا تىڭ تابىسقا قول جەتتى
2016.06.13 11:03 كەلۋ قاينارى : ءتاڭىرتاۋ تورابى
تىلشىلەردىڭ ءۇرىمجى تەمىر جول مەكەمەسىنەن ۇعىسۋىنشا، 10 - ماۋسىمدا الاتاۋ ساعاسى پويەز بەكەتى تۇڭعىش رەت جۇڭگودان ەۆروپاعا باراتىن 5 كەزەكشى پويەزدى ءبىر كۇندە قابىلداپ، شەكاردان جونەلتكەن، بۇل باتىسقا باراتىن حالىقارالىق جۇك پويەزدەردىڭ كەدەننەن ءوتۋ جۇمىستارى بۇرىنعىدان دا تەزدەگەندىگىن كورسەتەدى.
سول كۇنى ساعات 7دەن 12 مينۋت وتكەندە، چىڭدۋ تەمىر جول مەكەمەسىنىڭ چىڭشيان بەكەتىنەن شىققان X8103 كەزەكتى تەز پويەز الاتاۋ ساعاسى بەكەتىنە كەلىپ توقتادى، پويەز قىزمەتكەرلەرى بەكەتكە جەتىسىمەن قاتىستى كۋالىكتەردى حالىقارالىق بىرلەسىپ تاسىمالداۋ ورنىنىڭ جۇك تاسىمال باسقارماسىنا تاپسىردى، 4 ساعات مولشەرىندە شەكارالىق تەكسەرۋ، كەدەندىك راسىمدەۋ جۇمىستارىن بىتىرگەننەن كەيىن، سۇيىق كريستالدى كورسەتكىش ەكران، رەڭدى تەلەۆيزور جانە كومپيۋتەر تولتىرىپ تيەگەن پويەز ساعات 11دەن 10 مينۋت وتكەندە الاتاۋ ساعاسى بەكەتىنەن پولشانىڭ ۆارشاۆا قالاسىنا جول الدى.
بۇل پويەزدىڭ بەكەتتەن شىعۋىنا ىلەسە، جىڭجوۋ تەمىر جول مەكەمەسىنىڭ پۋتيان بەكەتىنەن شىققان X8105 كەزەكتى، چىڭدۋ تەمىر جول مەكەمەسىنىڭ جيەسۇن بەكەتىنەن شىققان X8101 كەزەكتى، ۋحان تەمىر جول مەكەمەسىنىڭ ۋجياشان بەكەتىنەن شىققان X8107 كەزەكتى، شاڭحاي تەمىر جول مەكەمەسىنىڭ ي - ۋ باتىس بەكەتىنەن شىققان X8115 كەزەكتى پويەزدەر دە الاتاۋ ساعاسى بەكەتىنە ىلگەرىندى - كەيىندى جەتىپ ۇلگىردى، كەدەندىك راسىمدەۋ، شەكارالىق تەكسەرۋلەردى جەدەل بىتىرگەننەن كەيىن، جەكە - جەكە پولشانىڭ ۆارشاۆا، مالاشۆيچ قالالارى مەن گەرمانيانىڭ دۋيسپورگ قالاسىنا اتتاندى.
ۇعىسۋعا قاراعاندا، بۇل جولى ىلگەرىندى - كەيىندى كەلگەن كەزەكشى پويەزدەر الاتاۋ ساعاسى بەكەتىندە 4 ساعات مولشەرىندە ايالداعان، بۇرىندارى باتىسقا باراتىن جۇك پويەزدەرى شەكارادا 6 - 8 ساعات توقتاپ كەدەندىك راسمياتتاردى بىتىرەتىن، ال قازىر مۇنىڭ ۇشتەن بىرىنەن استام ۋاقىتىن ۇنەمدەۋگە بولاتىن بولعان، كەدەندىك راسمياتتاردى ءبىتىرۋ دە بۇرىنعىدان نەداۋىر تەزدەگەن. باتىسقا باراتىن حالىقارالىق جۇك پويەزدەرىنىڭ تاسىمال مىندەتىن جوعارى ءونىمدى، تەز ورىنداۋىنا كەپىلدىك ەتۋ ءۇشىن، الاتاۋ ساعاسى پويەز ستانسياسى كەزەكشى پويەزدەردىڭ تاسىمال مىندەتىن ۇيىمداستىرۋعا باسشىلىق ەتۋ گرۋپپاسىن قۇرىپ، كەزەكشى پويەزدەردىڭ تاسىمال مىندەتىن ۇيىمداستىرۋ جوباسىن العا قويىپ، جان - جاقتى ورنالاستىرۋ جاساعان. كەزەكشى پويەزدەردىڭ تاسىمال بارىسىندا جولىعۋى مۇمكىن دەپ قارالعان ماسەلەلەرگە باعىتتاي وتىرىپ، ولاردى قابىلداۋ - جونەلتۋ، كۋالىك جۇمىستارىن ءبىتىرۋ، كەدەن مەكەمەسىنىڭ، شەكارا وتكەلى تەكسەرۋ، كارانتيندەۋ مەكەمەسىنىڭ جانە شەكارا قورعانىس تەكسەرۋ پۋنكتىنىڭ تەكسەرۋىنەن ءوتۋ، قازاقستان جاققا تاپسىرىپ بەرۋ سياقتى جۇمىستار جونىندە ەگجەي - تەگجەيلى جوبا جاساپ، كەزەكشى پويەزدەردىڭ كەدەننەن نەعۇرلىم تەز وتۋىنە، تاسىمال مىندەتىن جوعارى ءونىمدى ورىنداۋىنا كەپىلدىك ەتكەن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
