- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ىلەدەگى ءار ۇلت كادرلارى مەن بۇقاراسى «شينجياڭنىڭ ءدىني سەنىم ەركىندىگى جاعدايى» جونىندەگى اق تىستى كىتاپتى دەن قويا ۇيرەندى
2016.06.13 13:25
مەملەكەتتىك كەڭەستىڭ اقپارات كەڭسەسى ماۋسىمنىڭ 2 - كۇنى «شينجياڭداعى ءدىني سەنىم ەركىندىگى جاعدايى» اتتى اق تىستى كىتاپتى جاريالادى ءارى اقپارات جاريالاۋ ءماجىلىسىن اشىپ، شينجياڭنىڭ ءدىني سەنىم ەركىندىگىنىڭ ناقتى جاعدايىن جان - جاقتى تانىستىردى. بۇل ەلىمىزدىڭ شينجياڭنىڭ ءدىن ىستەرىن باستى تاقىرىپ ەتىپ تۇڭعىش رەت جاريالاعان اق تىستى كىتابى. كەزەكتە ىلە قازاق اۆتونوميالى وبلىسىنا توتە قاراستى ورىنداردىڭ ءار سالاسىنداعى كادرلار مەن ءار ۇلت بۇقاراسى جانە ءدىني قايراتكەرلەر «شينجياڭداعى ءدىني سەنىم ەركىندىگى جاعدايى» اتتى اق تىستى كىتاپتىڭ نەگىزگى مازمۇنىن ۇيرەنۋ، شينجياڭنىڭ ءدىني سەنىم ەركىندىگىنىڭ جاعدايىن ءتۇسىنۋ، ۇگىتتەۋ ناۋقانى دابىرالى باستالىپ، تاماشا قوعامدىق اۋقىم قالىپتاستىرۋدا.
ىلە قازاق اۆتونوميالى وبلىستىق بىرلىكساپ ءبولىمىنىڭ ورىنباسار باستىعى حۇڭ جۇن بىلاي دەدى: «اق تىستى كىتاپ جاريالانعاننان كەيىن ىلە وبلىسىنداعى ءار ۇلت، ءار سالا قايراتكەرلەرى ارت - ارتىنان اق تىستى كىتاپتىڭ مازمۇنىن القادى. ىلە وبلىسىنداعى ءدىن ىستەرىنىڭ باسقارىلۋ جاعدايىن الساق، وبلىس، اۋدان، قالادا ءسىلام ءدىني قوعامى قۇرىلىپ، دىنگە سەنەتىن بۇقارا شوعىرلانعان اۋىل - قالاشىقتاردا بولىمشە قوعام قۇردىق. وتانشىل ءدىني قايراتكەرلەر دىنگە سەنەتىن بۇقارانى ەڭبەكپەن اۋقاتتانۋ، عىلىم - تەحنيكامەن اۋقاتتانۋ جاقتارىنداعى جەتەكشىلىك رولىن ساۋلەلەندىرۋگە ءمان بەرىپ، دىنگە سەنەتىن بۇقارا شوعىرلانعان اۋىل - قالاشىقتار قارجى توپتاپ وتانشىل قايراتكەرلەر شاڭىراعىن قۇرىپ، دىنگە سەنەتىن قايراتكەرلەردىڭ رولىن ساۋلەلەندىرۋگە ءوزارا ۇيرەنۋ، ءوزارا اۋىس - كۇيىس جاساۋ، ءوزارا زەرتتەپ تالقىلاۋ تەكشەسىن قۇردىق».
ىلە كاسىپتىك – تەحنيكالىق ينستيتۋتى پارتكومىنىڭ مۇشەسى ەركىن زامەن ۇلى: «شينجياڭداعى ءدىني سەنىم ەركىندىگىنىڭ جاعدايى اتتى اق تىستى كىتاپ حانزۋشا 8 مىڭ 600 ارىپتەن قۇرالىپ، وندا العى ءسوز، نەگىزگى مازمۇن، سوڭعى ءسوز سياقتى 3 بولەك قامتىلعان. نەگىزگى مازمۇندا شينجياڭنىڭ ءدىن تاريحى، ازاماتتاردىڭ دىنگە سەنۋ ەركىندىگى ۇقىعىن قامتاماسىزداندىرۋ، دىنگە سەنەتىن ازاماتتاردىڭ قالىپتى ءدىن قاجەتىن قاناعاتتاندىرۋ، ءدىن ىستەرىن زاڭ بويىنشا باسقارۋ، ءدىن جاعىندا شەتەلمەن قارىم - قاتىناس جاساۋ، ءدىني ۇشقارىلىقتان ساقتانۋ جانە وعان سوققى بەرۋ، ءدىن سالاسىنداعىلاردىڭ بەلسەندى رولىن ساۋلەلەندىرۋ سياقتى 7 ءتۇيىندى مازمۇن باياندالعان؛ اق تىستى كىتاپتا شينجياڭنىڭ ءدىني سەنىم ەركىندىگى جاعدايى قىرۋار شىنايى ساندى مالىمەت، ناقتى ءىس ارقىلى جان - جاقتى تانىستىرىلدى. وندا جاڭا جۇڭگو قۇرىلعاننان بەرى ءدىني سەنىم ەركىندىگىنىڭ نەگىزگى زاڭداعى پرينسيبى شينجياڭدا جان - جاقتى تياناقتاندىرىلدى، ازاماتتاردىڭ ءدىني سەنىم ەركىندىك ۇقىعىنا تولىق قۇرمەت ەتىلدى، دىنگە سەنەتىن ازاماتتاردىڭ قالىپتى ءدىني تالاپتارى ءونىمدى قاناعاتتاندىرىلدى، ءدىن سالاسىنداعىلاردىڭ ەكونوميكانىڭ دامۋى مەن قوعامىنىڭ ورنىقتىلىعىن ىلگەرىلەتۋدە اتقاراتىن بەلسەندى رولى ءبىرشاما ويداعىداي ساۋلەلەندىرىلدى، ۇكىمەتتىڭ ءدىني ىستەردى زاڭ بويىنشا باسقارۋ قابىلەتى بىرتىندەپ جوعارىلادى، ءدىن سالاسىنداعى شەتەلمەن قارىم - قاتىناسى ورنىقتى ىلگەرىلەتىلدى، ءدىني ۇشقارىلىقتىڭ جالبىزبالاپ كىرۋ اۋقىمى ءونىمدى تەجەلدى»، - دەدى.
قۇلجا قالاسى سايبويى باسقارماسى شارىق ءمالى تۇرعىندار كوميتەتى بىرلىكساپ ءبولىمىنىڭ جاۋاپتىسى ەردەن تاڭجارىق ۇلى «شينجياڭداعى ءدىني سەنىم ەركىندىگى جاعدايى» اتتى اق تىستى كىتاپتى ۇيرەنۋدەن العان اسەرى جونىندە بىلاي دەدى: «مەملەكەتتىك كەڭەستىڭ اقپارات كەڭسەسى جاريالاعان شينجياڭداعى ءدىني سەنىم ەركىندىگى جاعدايى اتتى اق تىستى كىتاپتى نەگىزگى مازمۇنىن راديودان ەستىپ، تەلەۆيزوردان كورۋ ارقىلى شينجياڭنىڭ ءدىني سەنىم ەركىندىگى جاعدايىن ءتۇسىنۋ شينجياڭنىڭ ازاماتتارىنىڭ ءدىني سەنىم ەركىندىگى ۇقىعىن قامتاماسىزداندىرىپ، باسقارۋ مەن قىزمەت وتەۋدى بىردەي ماڭىزدى ورىنعا قويۋ تانىمىنا تاباندى بولىپ، ءدىن ىستەرىن زاڭ بويىنشا باسقارۋمەن بىرگە، دىنگە سەنەتىن بۇقارانىڭ قالىپتى ءدىن قاجەتىن قۇلشىنا قاناعاتتاندىرىپ كەلگەندىگىن، سونىمەن بىرگە، ءدىن ىستەرىمەن شۇعىلداناتىنداردى تاربيەلەۋدى كۇشەيتىپ، ءدىن بىلىمىنە يە بولۋ جولىن ۇزدىكسىز كەڭەيتكەندىگىن اناعۇرلىم ءتۇسىندىم». ەردەن تاڭجارىق ۇلى تاعى بىلاي دەدى: «سوڭعى جىلداردان بەرى اۆتونوميالى رايونىمىز زاڭ - ەرەجە بويىنشا زاڭدى ءدىني قيمىلداردى قورعاۋ، زاڭسىز ءدىني قيمىلدارعا تيىم سالۋ، ۇشقارىلىقتى الاستاۋ، ۇشقارى ءدىني يدەيانىڭ جالبىزبالاپ كىرۋىن تەجەۋ، قىلمىستىق ارەكەتتەرگە سوققى بەرۋ پرينسيبى بويىنشا ءدىني ىستەردى باسقارىپ، ءدىني سەنىم ەركىندىگىن قورعاپ، قالىپتى ءدىني قيمىلداردىڭ ءتارتىپتى جۇرگىزىلۋىن قامتاماسىزداندىردى. شينجياڭ تاعى ءدىن ىستەرىن باسقارۋ زاڭ - ەرەجە، تۇزىمدەرىن ۇزدىكسىز كەمەلدەندىرىپ، ءدىن ىستەرى قىزمەتىن زاڭمەن باسقارۋ دەڭگەيىن اناعۇرلىم جوعارىلاتتى. اق تىستى كىتاپتا بىلاي دەپ اتاپ كورسەتىلدى: دىنگە دەربەس، ءوزى سەنۋ پرينسيبىنە تاباندى بولۋمەن بىرگە، شينجياڭ تاعى ءوزارا قۇرمەت ەتۋ، تەڭدىك، تاتۋلىق نەگىزىندە ءدىن ءىلىمى مادەنيەتى جاعىندا اۋىس - كۇيىس جاساپ، شەتەلگە وقۋعا، ءبىلىم تولىقتاۋعا جىبەرىپ، دۇنيە جۇزىندەگى ەلدەردىڭ ءدىني ۇيىمدارىمەن بەلسەنە قارىم - قاتىناس جاسادى. جۇڭگونىڭ يەلىك ۇقىعىنا، جۇڭگونىڭ دىنگە دەربەس، ءوزى سەنۋ پرينسيبىنە قۇرمەت ەتەتىن شەتەلدەگى بارلىق ءدىني ۇيىمدار مەن جەكەلەرگە شينجياڭنىڭ ءار دارەجەلى ۇكىمەتتەرى، حالقى ەسىك اشۋ جانە قارسى الۋ پوزيتسياسىن ۇستاندى. رايونىمىزدا قالىپتى ءدىني قيمىل زاڭ بويىنشا قورعالادى، ءدىن ىستەرىنىڭ بارلىق اكىمشىلىك قيمىلىن ۇكىمەت باسقارادى، نەگىزگى زاڭ مەن قاتىستى زاڭ جۇلگەسىندە زاڭ بويىنشا جۇرگىزىلۋدە»، - دەدى.
كەزەكتەگى رايونىمىزدىڭ ءدىني سەنىم ەركىندىگى جاعدايىن وتكەن ءارقانداي كەزدەگىمەن سالىستىرۋعا بولمايدى ءارى ءارقانداي ءبىر ناقتى شىندىققا قۇرمەت ەتۋشى ونى تەرىستەي المايدى. ايتالىق اۆتونوميالى رايونىمىز ورازا ايىندا قىزمەت وتەۋگە كەپىلدىك ەتۋدى كۇشەيتىپ، دىنگە سەنەتىن بۇقارانىڭ اۋىز اشار تاماعى سياقتى قيمىلدارىنىڭ تارتىپپەن جۇرگىزىلۋىنە كەپىلدىك ەتىپ كەلەدى. ءار دارەجەلى پارتكوم مەن ۇكىمەت ءدىني سەنىم ەركىندىگى تولىق قورعاپ، دۇنيە جۇزىنە رايونىمىزدىڭ ءدىني سەنىم ەركىندىگى احۋالىن وبيەكتيۆ تۇردە تولىق ايگىلەپ، جۇرتتىڭ رايونىمىزدىڭ ناقتى احۋالىن ۇعىنۋىنا مۇمكىندىك جاسادى.
ىلە قازاق اۆتونوميالى وبلىسىنا توتە قاراستى ورىنداردىڭ ءار سالاسىنداعى كادرلار مەن ءار ۇلت بۇقاراسى جانە ءدىني قايراتكەرلەر «شينجياڭداعى ءدىني سەنىم ەركىندىگىنىڭ جاعدايى» اتتى اق تىستى كىتاپتىڭ نەگىزگى مازمۇنىن ۇيرەنۋ، شينجياڭنىڭ ءدىني سەنىم ەركىندىگى جاعدايىن ءتۇسىنۋ، ۇگىتتەۋ قيمىلى ارقىلى ءبىر اۋىزدان: شينجياڭنىڭ «ۇشقارىلىقتى الاستاۋدى» ورىستەتىپ، ءدىني ۇشقارىلىقتان ساقتانۋى مەملەكەت پەن حالىقتىق ءتۇبىرلى مۇددەسىن قورعاۋداعى ءادىل شاراسى ءارى حالىقارالىق قوعامىنىڭ ءدىني ۇشقارىلىققا توتەپ بەرۋىنىڭ ماڭىزدى قۇرامداس بولەگى. شينجياڭنىڭ «ۇشقارىلىقتى الاستاۋ» قىزمەتىن ورىستەتۋى ءدىني ۇشقارىلىقتىڭ جالبىزبالاپ كىرۋ جاعدايىن ءونىمدى تەجەپ، حالىقارالىق قوعامنىڭ «ۇشقارىلىقتى الاستاۋىنا» جانە لاڭكەستىكتەن ساقتانۋىنا، سوققى بەرۋىنە، دۇنيە ءجۇزىنىڭ بەيبىتشىلىگى مەن دامۋىنا بەلسەندى ۇلەس قوستى. ءدىني ۇشقارىلىق دۇنيە ءجۇزى حالقىنىڭ ورتاق جاۋى. ءدىني ۇشقارلىق ءدىن ماسەلەسى ەمەس، قايتا ءدىندى جەلەۋ ەتىپ، ءدىني ۇشقارى يدەيانى جەتكىزەتىن ساياسي كۇش، ونىڭ ءمانى ـ ادامزاتقا، قوعامعا، مادەنيەتكە، دىنگە قارسى تۇرۋ. ىلەدەگى ءار ۇلت حالقى رايونىمىزدىڭ قوعام ورنىقتىلىعى مەن باياندى تىنىشتىق جالپى نىساناسىن ارقاۋ ەتۋگە تاباندى بولىپ، «ۇشقارىلىقتى الاستاۋدى» كوكەيتەستى مىندەت ەتىپ اتقارۋعا ورتاق كۇش شىعارامىز، - دەدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
