قورعاس اۋدانىنىڭ 6 _ كەزەكتى جۇپار ءشوپ حالىقارالىق ساياحات مەرەكەسى سالتاناتپەن باستالدى

2016.06.13 13:26  

　　سۋرەتتە: ساياحاتشىلار شاعىن ساياحات پويەزىنا وتىرىپ قورعاس اۋدانىنىڭ لۋساۋگوۋ قالاشىعى سىگۇڭ قىستاعىنىڭ كوگەرشىن جۇپار ءشوپ باقشاسىندا ساياحاتتاۋدا. جاڭ چيڭحۋا فوتوسى

　　ءتىلشىمىز جاڭ چيڭحۋا حابارلايدى. ماۋسىمنىڭ 9-كۇنى تۇستەن بۇرىن جۇڭگو قورعاس 6-كەزەكتى جۇپار ءشوپ حالىقارالىق ساياحات مەرەكەسى سالتاناتپەن باستالىپ، جۇپار ءيىسى اڭقىعان، دالاسى كۇلگىن تۇسكە بولەنگەن قورعاس اۋدانى ساياحاتشىلاردى ەرىكسىز وزىنە باۋرادى.

　　41 كۇنگە جالعاساتىن جۇپار ءشوپ ساياحات مەرەكەسىندە جۇپار ءيىسى اڭقىعان «رومانتيكالى» قورعاس، قاراساڭ كوزىڭ تويمايتىن «كوركەم» قورعاس، شاتتىققا شومعان «گۇلدەنگەن» قورعاس، ورتاق سەلبەسە ورتاق يگىلىككە كەنەلگەن «اقىل _ پاراساتتى» قورعاس قۇرۋ سىندى ءتورت ۇلكەن ءتۇر بويىنشا 20 دان استام جەلىلەس قيمىل وتكىزىلەدى.

　　بيىل قورعاس اۋدانى دۇنيە جۇزىلىك دەڭگەيدەگى ساياحات سارا ونىمدەرىن ءوندىرۋدى تىعىز توڭىرەكتەپ، كۇشتى شوعىرلاندىرىپ، ءتۇيىندى كورنەكتىلەندىرىپ، «جۇپار ءيىسى اڭقىعان، باي-باقىتتى قورعاس قۇرۋداي» ساياحاتتىڭ جاڭا وبرازىن قالىپتاستىرىپ، قورعاس ساياحاتىنىڭ تىڭ ورلەۋگە كوتەرىلۋىن اناعۇرلىم ىلگەرىلەتىپ، تۇتاس جىلدا رەت سانى بويىنشا ءبىر ميلليون 150 مىڭ ساياحاتشى قابىلداۋدى جۇزەگە اسىرىپ، ۇقساس مەزگىلدەگىدەن %10 ارتتىرۋعا؛ ساياحاتتىڭ جالپى كىرىسىن ءبىر ميلليارد 300 ميلليون يۋانعا جەتكىزىپ، ۇقساس مەزگىلدەگىدەن %5 ارتتىرۋعا قۇلشىنادى.

　　وبلىس باسشىلارىنان تيان حۇڭ، رازيا ابىليز، مەي يۇي، اسەت ءانۋار اشىلۋ سالتىنا قاتىناستى.

　　كەلۋ قاينارى: «ىلە گازەتى» - ىلە اقپارات تورابى