- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىسقا توتە قاراستى ورىندار بيىل كوكتەمدە 99 مىڭ 421 مۋ جەرگە اعاش ەكتى
مىندەت اۋىل – قىستاقتاردا تياناقتانىپ، قارجى ازىرلەنىپ، سيلىق قوسىمشا قاراجات ولشەمى جوعارىلاتىلىپ، اعاش ەگۋ قۋاتى كۇشەيتىلدى
2016.06.15 13:51
ءتىلشىمىز شى شۋەحۇڭ حابارلايدى. ماۋسىمنىڭ 13 – كۇنى وبلىستىق ورمان شارۋاشىلىعى مەكەمەسىنەن ۇعىسۋىمىزشا، مامىردىڭ 31 – كۇنىنە دەيىن وبلىسقا توتە قاراستى ورىندار 99 مىڭ 421 مۋ جەرگە كوكتەمگى اعاش ەگىپ، ورمان وتىرعىزۋ مىندەتىن ورىنداعان. مۇندا «ءۇش تەرىستىك قورعانىس ورمانى» ينجەنەرياسى بويىنشا 47 مىڭ 318 مۋ جەرگە اعاش ەگىلگەن؛ ىلە اڭعارىنىڭ ميلليون مۋلىق ەكولوگيالىق، ەكونوميكالىق ورمان ينجەنەرياسى بويىنشا 46 مىڭ مۋ جەرگە اعاش ەگىلىپ، جوسپارداعى مىندەت %100 ورىندالعان.
بيىل – وبلىستىڭ ورمان شارۋاشىلىعىن دامىتۋدىڭ «13 – بەس جىلدىق» جوباسىن باستايتىن جىل جانە ىلە اڭعارىنىڭ ميلليون مۋلىق ەكولوگيالىق، ەكونوميكالىق ورمان ينجەنەرياسىن ۇزدىكسىز اتقارۋدان قامال الاتىن جىل ءارى «ءۇش تەرىستىك قورعانىس ورمانى» ينجەنەرياسىنىڭ ورتا مەرزىمدىك قۇرىلىسىن ىشكەرىلەي اتقاراتىن ماڭىزدى جىل. بيىل وبلىسقا توتە قاراستى ورىنداردىڭ ورمان شارۋاشىلىعى سالاسى جاسىل دامۋ كوزقاراسىمەن ىلەنىڭ جاسىل ءونىمىنىڭ ارتۋىن جەبەۋدە، «ورمان شارۋاشىلىعى ينجەنەرياسىن» مىقتى يگەرۋدە، ىلە اڭعارىنىڭ ميلليون مۋلىق ەكولوگيالىق، ەكونوميكالىق ورمان ينجەنەرياسى بويىنشا جاسىلداندىرۋدى ءتۇيىن ەتۋدە، ەكولوگيانى قالپىنا كەلتىرۋدى ۇيىتقى ەتۋدە، ورمان شارۋاشىلىعى رەفورماسىندا جاڭالىق اشۋدى تەرەڭدەتۋدە، ەكولوگيالىق ورمان شارۋاشىلىعىن، حالىق تۇرمىسى ورمان شارۋاشىلىعىن دامىتۋدى ورمانشىلاردىڭ كىرىسىن ارتتىرۋمەن جانە ورمان شارۋاشىلىعىندا كەدەيلىكتەن دالمە – ءدال قۇتىلدىرۋدان قامال الۋدى ۇشتاستىرۋدا تاباندى بولدى.
اۆتونوميالى وبلىس اۋدان، قالالاردىڭ ورمان شارۋاشىلىعى قۇرىلىسىنىڭ ءىس جۇزىندىگىمەن ۇشتاستىرىپ، بيىل كوكتەمدە ورمان شارۋاشىلىعى ءوندىرىسى مەن ينجەنەريا نىسان قۇرىلىسى مىندەتىن 273 مىڭ 800 مۋعا جەتكىزۋدى ورنالاستىردى. ورمان وتىرعىزۋ كەزىندە وبلىسىتق ورمان شارۋاشىلىعى مەكەمەسى 5 باقىلاۋ – جەتەكشىلىك ەتۋ گرۋپپاسىن وبلىسقا توتە قاراستى اۋدان، قالالاردىڭ اعاش ەگۋ، ورمان وتىرعىزۋعا قاتىستى قالامشا دايىنداۋ، ورمان وتىرعىزۋ قارقىنى، مىندەتتى ورىنداۋ جانە ورمان وتىرعىزۋ ساپاسىن جوعارىلاتۋ سياقتى ماڭىزدى تۇيىندەرگە باقىلاۋ جۇرگىزۋگە جىبەردى.
بىلتىر قاراشادان بيىل كوكتەمگە دەيىن وبلىسقا توتە قاراستى اۋدان، قالالار ورمان وتىرعىزۋ ينجەنەريا قىزمەت جوسپارىن عىلمي، جۇيەلى جاساپ، ورمان وتىرعىزۋ نەگىزگى تۇلعاسى، تيجارات مەحانيزمى، ورمان وتىرعىزاتىن جەر، مايسا وتىرعىزۋدى رەتكە سالۋ، قارجى ازىرلەۋ، سۋارۋ قۇرىلعىلارى، ماشينا – جابدىقتاردى تەكسەرۋ – جوندەۋ، وندىرىسكە ۇيىمداستىرۋ سياقتى دايىندىق قىزمەتتەردى تياناقتاندىردى. ورماندىق اعاش تۇرلەرى: قورعانىس ورمانى مەن ماتەريالعا پايدالانىلاتىن نەگىزگى اعاشتار – تەرەك، تاۋ ورىك اعاشى، قاراعاش؛ نەگىزگى ەكونوميكالىق ورمان اعاشتار – ساباعىندا قۇرعايتىن ورىك، الما، شاپتول، تاۋ ورىگى، باتىس قارا ورىك اعاشى، ساۋساق ءتارىزدى تاڭقۋراي سياقتىلاردى قامتيدى.
وبلىستىق ورمان شارۋاشىلىعى مەكەمەسى ورمان وتىرعىزۋ باسقارماسىنىڭ باستىعى ليۋ حىشيننىڭ تانىستىرۋىنشا، بيىل كوكتەمدە وبلىسقا توتە قاراستى ورىنداردىڭ اعاش ەگۋ، ورمان وتىرعىزۋ قىزمەتىندە مىناداي ەرەكشەلىكتەر جارىققا شىققان: مىندەت بۇكىلدەي اۋىل – قىستاقتاردا تياناقتانىپ، ورمان وتىرعىزۋ مىندەتى ساتىلار بويىنشا وبلىسقا توتە قاراستى 11 اۋدان - قالاعا، 121 اۋىل – قالاشىق، فەرماعا، 419 قىستاق – اترەتكە جۇكتەلگەن؛ ورمان وتىرعىزىلاتىن جەر تياناقتاندىرىلعان، مۇندا قۇلجا اۋدانى، توعىزتاراۋ اۋدانى، قورعاس قالاسى، قۇلجا قالاسى، كۇنەس اۋدانى، نىلقى اۋدانى مىندەتتى اسىرا ورىنداعان؛ وبلىسقا توتە قاراستى ورىنداردىڭ ورمان وتىرعىزۋعا قاجەتتى قالامشاسى 10 ميلليون 989 مىڭ 400 تۇپتەن اسىپ، قالامشا جەتكىلىكتى ازىرلەنگەن؛ ورمان وتىرعىزۋ قارجىسى تولىق ازىرلەنگەن، مۇندا قۇلجا اۋدانىنىڭ قارجى قوسۋ تەبىنى ءبىرشاما زور بولىپ، اۋداندىق قازىنادان 10 ميلليون يۋاننان ارتىق قارجى شىعارىلعان. بۇدان سىرت قۇلجا، قورعاس، توعىزتاراۋ اۋداندارى تاعى اۋىل شارۋاشىلىعىن الۋەتتەندىرۋ، ديقاندارعا تيىمدىلىك جاساۋ 1 – ءنومىرلى قۇجاتىن ارت – ارتىنان شىعارىپ، ديقانداردىڭ، كاسىپورىنداردىڭ اعاش ەگۋ، ورمان وتىرعىزۋ قۋاتىن بارىنشا جەبەگەن؛ وبلىسقا توتە قاراستى ورىنداردىڭ ورمان وتىرعىزۋ ماشيناسى، قىزمەتكەرلەر قوسىنى تولىق دايىندالعان، وبلىسقا توتە قاراستى ورىنداردا جالپى ءبىر مىڭ 57 ورمان وتىرعىزۋ ماشيناسى تەكسەرىلىپ – جوندەلگەن ءارى اۋدان، قالالارداعى ورگان كادرلارى مەن جۇمىسشى – قىزمەتشىلەر مىندەتتى اعاش ەگۋ قيمىلىنا ۇيىمداستىرىلىپ، ديقاندار، كاسىپورىندار سياقتى اعاش ەگۋ قوسىنى 143 مىڭ ادامنان اسقان.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
