- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تاس تەرەتىن ماشينا شارۋالاردىڭ جۇگىن جەڭىلدەتتى
2016.06.15 13:53
شاۋەشەك قالاسى اۋىل شارۋاشىلىعى تەحنيكاسىن جالپىلاستىرۋ پۋنكتىنىڭ باستىعى شۋە شانلياڭ: «اتىز باسىنداعى كورسەتپەلى تۇسىندىرۋدەن تاس تەرۋ ماشيناسىمەن تاس-شاعىلى تەرىلگەن اتىزداردا نەگىزىنەن، تاس قالمايتىنىن كوردىك. مۇنداي ماشينا شاۋەشەكتىڭ تاسى كوپ ەگىستىك جەرلەرىنە باپ كەلەتىنىن بايقادىق، قالالىق اۋىل شارۋاشىلىعىن ماشينالاندىرۋ مەكەمەسىنىڭ بەكىمىمەن زاۆودتان وسى ماشينا ەنگىزىلگەن بولاتىن»،- دەدى.
شاۋەشەك قالالىق ەگىن، مال شارۋاشىلىعى ماشينالارىن باسقارۋ مەكەمەسى جۋىقتا Stonebear（康斯凯 尔） SB5200 تۇرپاتتى تاس تەرۋ ماشيناسىن اكەلىپ، شاۋەشەك قالاسىنىڭ ابدىرا اۋىلى، اشىلى داعۇر ۇلتتىق اۋىلى سياقتى ورىنداردا سىناپ كورگەندە ءونىمى وتە جاقسى بولعان.
ۇعىسۋعا قاراعاندا، دانيادان قۇراستىرۋلى كۇيىندە يمپورت ەتىلگەن، قۇنى 620 مىڭ يۋاندىق بۇل تاس تەرۋ ماشيناسى توپىراق بەتىندەگى جانە جەر بەتىنەن 7 سانتيمەتر تەرەڭدىكتەگى ديامەترى 4 سانتيمەتر دە 35 سانتيمەتر ۇلكەندىكتەگى تاستاردى تەرە الادى ەكەن. ءوزىنىڭ بىرگە الىپ جۇرگەن دوڭگەلەكتى تراكتورىمەن جالعىز ادام جۇمىس جۇرگىزەتىن بۇل ماشينانىڭ قىزمەت ونىمدىلىگى مينۋتىنا 700 كيلوگرامعا دەيىن جەتىپ، 1.8 تەكشەمەترلىك ساندىعىنا 3 توننا تاس جيناي الاتىن بولىپ، مەڭگەرۋگە اسا قولايلى ەكەن.
اتىزداعى جۇمىس بارىسىن ءوز كوزىمەن كورگەن شارۋا باي يۇنگو: «قىستاعىمىزدىڭ ەگىستىك جەرىندە تاس وتە كوپ ەدى، بۇرىن قولمەن تەرگەن بولاتىنبىز، ەندى مىنە، جەردىڭ تاسىن ماشينامەن تەرسەك بىزگە جەڭىل بولۋمەن بىرگە، اتىزدىڭ ءونىم مولشەرى دە جوعارىلايتىن بولدى»، - دەدى.
شاۋەشەك قالالىق اۋىل شارۋاشىلىعىن ماشينالاندىرۋ تەحنيكاسى مەكتەبىنىڭ باستىعى ليۋ كايفىڭ: «شاۋەشەك قالاسىنىڭ ءبىر ميلليون 600 مىڭ مۋ ەگىستىك جەرىنىڭ مولشەرمەن 100 مىڭ مۋى قۇنارلاندىرىلماعان تاستاق جەر بولعاسىن، ەگىس داقىلدارىنىڭ ءوسىپ - جەتىلۋىنە، شارۋالاردىڭ كىرىسىنە كۇشتى ىقپال ەتىپ كەلگەن ەدى. بۇل ماشينانىڭ جۇمىس جۇرگىزۋ اۋماعىنىڭ كەڭدىگى 5.2 مەتر، جىلدامدىعى ساعاتىنا 6 كيلومەتر شاماسىندا، مولشەرمەن ساعاتىنا 25 مۋ جەردىڭ تاسىن تەرە الادى. تاسى كوپ ەگىستىك جەرلەردى وسىنداي ماشينامەن جىلىنا ءبىر رەت تاسىن تەرىپ تۇرسا، ءۇش جىلدا تاستان تۇبەگەيلى ارىلتۋعا بولادى»، - دەيدى. ايبىنبەك مۇسايىر ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
