- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو ايگىلى كورىنىس وڭىرلەرى ساياحات عالامتور ءماجىلىسى مەن شينجياڭ ءتاڭىر تاۋى كولدەنەڭ 3 – رەتكى ورمان، مادەنيەت ساياحات مەرەكەسى وتكىزىلدى
2016.06.20 16:34 كەلۋ قاينارى : حالىق تورابى
ءتىلشىمىز سەنبەك اۋەسقان ۇلى حابارلايدى. ىلە جونىنەن بيىلعى جىل دا جاۋىن – شاشىندى، ىرىستى جىل بولدى، جاز كىرىسىمەن تۇتاس ىلە القابى ماساتىداي قۇلپىرىپ، جايناي ءتۇستى. ساياحات ىستەرىنىڭ قاۋىرت كەزەڭى دە باستالدى. وسىنداي تاماشا مەزگىلدە، اتاپ ايتقاندا، ماۋسىمنىڭ 16 – كۇنى جۇڭگو ايگىلى كورىنىس وڭىرلەرى ساياحات عالامتور ءماجىلىسى مەن شينجياڭ ءتاڭىر تاۋى كولدەنەڭ 3 – رەتكى ورمان، مادەنيەت ساياحات مەرەكەسىنىڭ باستالۋ سالتى توعىزتاراۋ اۋدانىنىڭ دەنەتاربيە ورتالىعىندا سالتاناتپەن وتكىزىلدى.
قۇرىلىس مينيسترلىگىنىڭ بۇرىنعى مينيسترى ۋاڭ گۋاڭداۋ، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى ينام ناسىردين، وبلىس باسشىلارىنان حۋاڭ سانپيڭ، ان پيڭ، فىڭ شيننان، زاكىر زوردۇن، توقمۇقامەت سىرايىل ۇلى، توعىزتاراۋ اۋدانىنىڭ ءتورت باسشىلىق القاسىنىڭ باسشىلارىنان جاڭ ياۋحۋا، نۇربولات مۇقاميا ۇلى، سارسەن سىمايىل ۇلى، تاشمامەت ابەي قاتارلىلار اشىلۋ سالتىنا قاتىناستى. اۋداندىق پارتكومنىڭ ورىنباسار شۋجيى، اۋدان اكىمى نۇربولات اشىلۋ سالتىن باسقاردى.
وبلىستىق پارتكومنىڭ شۋجيى حۋاڭ سانپيڭ اتالعان ءماجىلىستىڭ اشىلۋىن، ساياحات مەرەكەسىنىڭ باستالۋىن قىزۋ قۇتتىقتاپ، ۇزاق ۋاقىتتان بەرى ىلەنىڭ رەفورما جۇرگىزۋ، قاقپا اشۋ ىستەرىنە قامقورلىق جاساپ، قولداۋ كورسەتىپ كەلە جاتقان ءار دارەجەلى باسشىلارعا، ءار سالاداعى قايراتكەرلەرگە شىن كوڭىلدەن راقىمەت ايتا كەلىپ بىلاي دەدى: ىلەنىڭ «شەكارا وڭىردەگى ىرىستى مەكەن» دەگەن ادەمى اتى بار، جۇرتشىلىق: «ىلەگە بارماي شينجياڭنىڭ كوركىن بىلمەيسىز» دەسەدى. 2015 – جىلى ىلە وبلىسىنا ساياحاتتاي كەلۋشىلەردىڭ سانى 10 ميلليون ادامنان، ساياحات كىرىسى 10 ميلليارد يۋاننان استى. جۇڭگو ايگىلى كورىنىس وڭىرلەرى ساياحات عالامتور ءماجىلىسىنىڭ ىلەدە اشىلۋى عالامتورمەن توعىستىرۋ ستراتەگياسىنان پايدالانىپ، ساياحاتتى قاتىستى كاسىپتەرمەن توعىستىرا دامىتىپ، دامۋ ۇلگىسىندە جاڭالىق جاراتىپ، قىزمەت وتەۋ ساپاسىن جاقسارتىپ، ىلەنىڭ ساياحاتىن دۇنيەگە بەت الدىرۋعا ءتيىمدى.
جۇڭگو ايگىلى كورىنىس وڭىرلەرى قوعامىنىڭ ورىنباسار ءتوراعاسى، باس حاتشىسى ۋاڭ فىڭبين بىلاي دەدى: مەملەكەتتىڭ ايگىلى كورىنىس وڭىرلەرىنىڭ جاراتىلىستىق بايلىعى مەن مادەني مۇرا بايلىعى ەكولوگيالىق وركەنيەت قۇرىلىسىنىڭ جانە ۇلتتار مادەنيەتىن اسپەتتەۋدىڭ تەكشەسىنە اينالدى. وسى رەتكى ءماجىلىس مەملەكەت كولەمىندەگى ايگىلى كورىنىس وڭىرلەرىنىڭ بىرنەشە جىلدان بەرگى اقىل – پاراساتقا دەن قويۋ قۇرىلىسىنداعى تاجىريبەلەردى ىشكەرىلەي قورىتىندىلاپ، جۇيەلى تەكسەرىپ – زەرتتەۋ جۇرگىزۋدە، اۋىس – كۇيىس جاساۋدا ماڭىزدى مانگە يە.
توعىزتاراۋ اۋداندىق پارتكومنىڭ شۋجيى جاڭ ياۋحۋا توعىزتارا اۋدانىنىڭ ەكونوميكالىق، قوعامدىق دامۋ جاعدايىن تانىستىرا كەلىپ بىلاي دەدى: اۋدانىمىز ورمان، ساياحات مەرەكەسىن ءۇرتىس 3 جىل وتكىزدى، ساياحاتشىلار سانى مەن ساياحات كىرىسى جىلىنا ورتا ەسەپپەن %50 تەن استام ارتىپ وتىردى، اۋدانىمىز قازىر دامۋدىڭ ەڭ جاقسى، ەڭ تەز مەزگىلىنە قادام تاستادى. جۇڭگو ايگىلى كورىنىس وڭىرلەرى ساياحات عالامتور ءماجىلىسى، كولدەنەڭ ساۋىتى اتىنداعى جاس انشىلەر جارىسى، شينجياڭ حۇسنيحات، سىزبا سۋرەت، فوتو سۋرەت كورمەسى، كورىكتى ءتاڭىر تاۋى ءان، ءبي، دراما ءتول جاسامپازدىعىنان ونەر كورسەتۋ، مەملەكەتتىك تاۋلى جەر مارافون جارىسى، قازاق ۇلتىنىڭ سالت – سانا، مادەنيەت كورمەسى سياقتى جەلىلەس قيمىلدار ارقىلى توعىزتاراۋ اۋدانىنىڭ ورمان مادەنيەت، ساياحات ونىمدەرى ايگىلەنىپ، توعىزتاراۋ اۋدانىن شينجياڭ، ءتىپتى مەملەكەت بويىنشا دەنساۋلىقتى كۇتىمدەۋ كاسىپ بازاسى، دۇنيە جۇزىلىك ورەدەگى ساياحات اۋدانى ەتىپ قۇرىپ شىعۋ تەزدەتىلەدى. اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى ينام ناسىردين جۇڭگو ايگىلى كورىنىس وڭىرلەرى ساياحات عالامتور ءماجىلىسى مەن شينجياڭ ءتاڭىر تاۋى كولدەنەڭ 3 – رەتكى ورمان، مادەنيەت ساياحات مەرەكەسىنىڭ باستالعانىن جاريالادى.
اشىلۋ سالتىنان كەيىن ۇيىمداستىرۋ كوميسسياسى «كولدەنەڭ ساۋىتى» اتىنداعى شينجياڭ جاس انشىلەر بايقاۋىنىڭ جۇلدەگەرلەرىنە سيلىق تاراتتى، سيلانعان انشىلەردىڭ ۋاكىلدەرى مەن تالانتتى جاس ءانشى، شينجياڭ تۇلەگى اراي ايدارقان ۇلى، شينجياڭ ساياحات وبرازى ەلشىسى، جاس ءانشى گاۋ اڭ قاتارلىلار اننەن شاشۋ شاشىپ، مەرەكە مەرەيىن اسىردى.
وسى كۇنى تۇستەن كەيىن توعىزتاراۋ اۋدانىنىڭ جاستار – ورەندەر قيمىل ورتالىعىندا جۇڭگو ايگىلى ساياحات وڭىرلەرى قوعامىنىڭ 5 - رەتكى مۇشەلەر جينالىسى مەن جۇڭگو ايگىلى كورىنىس وڭىرلەرى ساياحات عالامتور ءماجىلىسى جانە توعىزتاراۋ اۋدانىنىڭ ساۋداگەر شاقىرىپ، قارجى ەنگىزۋ اڭگىمە ءماجىلىسى اشىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
