- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىس باسشىلارى «17 - ماۋسىم» تاسقىن اپاتى جاعدايىنان جاسالعان ارناۋلى دوكلادتى تىڭدادى، حۋاڭ سانپيڭ مىنانى تالاپ ەتتى: ادامدى نەگىز ەتۋدى كورنەكتىلەندىرىپ، اپاتقا ۇشىراعان بۇقارانىڭ باس اماندىعىنا كەپىلدىك ەتۋ كەرەك
2016.06.21 13:19
تىلشىلەرىمىز لي شين – ان، ليۋ ليجۇن حابارلايدى. ماۋسىمنىڭ 19 – كۇنى تۇستەن كەيىن وبلىس باسشىلارىنان حۋاڭ سانپيڭ، قۇرماش سىرجان ۇلى، نۇرىم سىمايىلقان ۇلى، ءرازيا ابىليز، مەي يۇي، ليۋ كىحۋا وبلىستىق حالىق ىستەرى تاراۋلارىنىڭ «17 – ماۋسىم» تاسقىن اپاتى جاعدايىنان جاساعان ارناۋلى دوكلادىن تىڭدادى.
ماۋسىمنىڭ 16 – كۇنى تۇننەن ماۋسىمنىڭ 17 – كۇنى تاڭەرتەڭگە دەيىن ىلە اڭعارىندا نوسەرلى جاۋىن تولاستاماي جاۋىپ، قۇلجا اۋدانىنىڭ جاۋىن – شاشىن مولشەرى 103.9 ميلليمەترگە؛ توعىزتاراۋ اۋدانىنىڭ جاۋىن - شاشىن مولشەرى 89.7 ميلليمەترگە؛ نىلقى اۋدانىنىڭ جاۋىن – شاشىن مولشەرى 68.2 ميلليمەترگە جەتىپ، قۇلجا، توعىزتاراۋ، كۇنەس، نىلقى اۋداندارىندا تاسقىن اپاتى تۋىلدى. ماۋسىمنىڭ 19 – كۇنى ساعات 15 كە دەيىنگى ساناققا نەگىزدەلگەندە، وسى رەتكى تاسقىن اپاتىندا توعىزتاراۋ، كۇنەس، نىلقى، قۇلجا، قورعاس، موڭعۇلكۇرە، تەكەس اۋداندارى مەن قورعاس قالاسىندا جالپى 29 مىڭ 787 ادام اپاتقا ۇشىراپ، اپات سەبەبىنەن ەكى ادام قازا بولىپ، ءبىر ادام ءىز – توزسىز كەتكەن، 5 مىڭ 722 ادام شۇعىل باسقا ورىنعا جوتكەلىپ؛ 15 مىڭ 79.98 گەكتار جەردەگى اۋىل شارۋاشىلىق داقىلدارى، ءبىر مىڭ 439.9 گەكتار جەردەگى جايىلىم اپاتقا ۇشىراعان، اپاتتا 126 باس ءىرى قارا، 650 تۇياق قوي ءولىپ، 211 وتباسىنىڭ 478 اۋىز ءۇيى قۇلاعان، ءبىر مىڭ 354 وتباسىنىڭ 3 مىڭ 351 اۋىز ءۇيى اۋىر دارەجەدە بۇلىنگەن، 2 مىڭ 334 وتباسىنىڭ 4 مىڭ 823 اۋىز ءۇيى جەڭىل دارەجەدە بۇلىنگەن، تىكەلەي ەكونوميكالىق زيان 195 ميلليون 706 مىڭ 800 يۋانعا جەتكەن.
اپات تۋىلعاننان كەيىن وبلىستىق پارتكوم مەن ۇكىمەت وسكەلەڭ دارەجەدە ءمان بەرىپ، قىزمەت گرۋپپاسىن ۇيىمداستىرىپ، اپات تۋىلعان رايوندا اپاتقا قارسى اتتانۋ، اپاتتان قۇتقارۋ قىزمەتىن باقىلاۋ، جەتەكشىلىك ەتۋگە جىبەردى؛ اۋدان – قالالار اپاتقا قارسى اتتانۋ، اپاتتان قۇتقارۋ، اپاتقا ۇشىراعان بۇقارانى ۇيلەسىمدى ورنالاستىرۋ قىزمەتىن جەدەل ورىستەتتى ءارى اپاتتان قۇتقارۋ زاتتارىن دەرەۋ جەتكىزىپ، اپاتقا ۇشىراعان بۇقارانىڭ نەگىزگى تۇرمىسىن دەركەزىندە قامتاماسىزداندىردى.
وبلىستىق پارتكومنىڭ شۋجيى حۋاڭ سانپيڭ وبلىستىق حالىق ىستەرى تاراۋى جاۋاپتىسىنىڭ دوكلادىن تىڭداعاننان كەيىن مىنانى باسا دارىپتەدى: اۋدان – قالالار تابيعي اپاتقا شۇعىل توتەپ بەرۋ مەحانيزمىن ىسكە قوسىپتى، ءار دارەجەلى باسشى كادرلار، ءسوزسىز، اپات تۋىلعان ناق مايداندا اپاتتان قۇتقارۋ قىزمەتىنە جەتەكشىلىك ەتىپ، اۋىر اپاتقا قارسى تۇرۋ، اپاتقا ۇزدىكسىز قارسى اتتانۋ يدەياسىن ورناتۋ، سونىمەن بىرگە، اپاتتان كەيىنگى قايتا قۇرۋ قىزمەتىنە كىرىسىپ، باسشىلىق پەن جەتەكشىلىكتى كۇشەيتۋ؛ قوسالقى اپاتتاردىڭ تۋىلۋىنان ساقتانۋ، اسىرەسە، جىرا - جىلعا، تاسقىن سۋى اعاتىن ارنالار، تاۋ ساعاسى سياقتى جەرلەردە دايىندىقتى ويداعىداي ىستەپ، جەرگىلىكتى ورىنداعى جۇرتشىلىق پەن مالشىلاردى ۋاعىندا جوتكەپ جانە قاتەرلى وڭىردەن الىپ شىعىپ، حالىق جۇرتشىلىعىنىڭ باس اماندىعىن قورعاپ، ادامدى نەگىز ەتۋدى كورنەكتىلەندىرۋ، وبلىستىق حالىق ىستەرى، سۋ ىستەرى، مەملەكەت جەر بايلىعى سياقتى تاراۋلار قاتىستى جاقتارداعى جەتەكشىلىكتى كۇشەيتۋ؛ اپاتتان قۇتقارۋ قىزمەتىندە تۇرعىنداردى ۋاقىتتىق باسقا ورىنعا جوتكەۋ قىزمەتىن ويداعىداي ىستەپ، اپاتتان كەيىنگى قايتا قۇرۋ قىزمەتىن كۇشەيتىپ، اپاتقا ۇشىراعان بۇقارانىڭ قىس تۇسۋدەن بۇرىن ۇيلەرىنە امان – ەسەن كىرۋىنە كەپىلدىك ەتۋ كەرەك. سونىمەن بىرگە، وندىرىسكە ويداعىداي جەتەكشىلىك ەتىپ، ءدال قازىرگى جازعى استىق جينالاتىن ساتتە اۋىل شارۋاشىلىق ءوندىرىسى قىزمەتىن بار كۇشپەن ويداعىداي ىستەۋ كەرەك؛ وبلىستىق ەمدەۋ، دەنساۋلىق ساقتاۋ تاراۋلارى اپاتتان كەيىنگى جۇقپالى اۋرۋلاردىڭ تارالۋىنان ساقتانۋ، مال شارۋاشىلىق تاراۋلارى حايۋاناتتارداعى جۇقپالى اۋرۋدان ساقتانۋ قىزمەتىن ويداعىداي ىستەۋدى كۇشەيتىپ، جۇقپالى اۋرۋلاردىڭ تۋىلۋىنان ساقتانۋ؛ اۋا رايى تاراۋلارى ساندى مالىمەتتى توپتاۋ جانە الدىن الا مالىمەت بەرۋ قىزمەتىن ويداعىداي ىستەۋ؛ اۆتونوميالى وبلىستىڭ قاتىستى تاراۋلارى قامسىزاندىرۋ سەرىكتىكتەرىمەن بەلسەنە سايكەسىپ، قامسىزداندىرۋ تولەمى قىزمەتىن ويداعىداي ءبىر جاقتى ەتۋ كەرەك.
اۆتونوميالى وبلىستىڭ قاتىستى تاراۋلارىنىڭ جاۋاپتىلارى ماجىلىسكە قاتىناستى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
