- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك تاڭداۋلى پارتيا مۇشەسى ليدا پەرباي قىزى داڭقپەن ورالدى
2016.07.08 15:12
جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىندا بۋىرشىن اۋدانىنان بارعان ليدا پەرباي قىزى «مەملەكەتتىك تاڭداۋلى پارتيا مۇشەسى» اتاعىنا يە بولدى. شىلدەنىڭ 2 – كۇنى ليدا پەرباي قىزى ۇرىمجىدە ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشياننىڭ قابىلداۋىندا بولعاننان كەيىن شىلدەنىڭ 3 – كۇنى اۋىلىنا داڭقپەن ورالدى.
التاي اۋەجايىندا جانە بۋىرشىن اۋدانى جينحى الەۋمەتتىك اۋماعىندا توسىپ تۇرعان قاتىستى باسشىلار مەن بۋىرشىن اۋدانىنداعى ءار ۇلت بۇقاراسى ليدا پەرباي قىزىن قاۋمالاپ، وعان گۇل ۇسىنىپ، كوپشىلىك بىرگە ءبي بيلەپ، قىزۋ قۇتتىقتادى.
54 جاستاعى ليدا پەرباي قىزى بۋىرشىن اۋدانىنداعى 21 جىلدىق پارتيالىلىق ستاجىعا يە قازاق ايەل. ول ءوزىن ۇزدىكسىز الۋەتتەندىرىپ، جاپالى ورتادا يگىلىك جاراتىپ، دامىپ، جەرگىلىكتى ورىنداعى ايگىلى كاسىپورىنشىعا اينالدى؛ ول 90 نان ارتىق ايەلدى بىرگە كاسىپ جاراتىپ، اۋقاتتانۋعا باستاپ، جەرگىلىكتى ورىنداعى ايەلدەردى اۋقاتتاندىرۋدىڭ باستاماشىسى بولدى؛ ول تاعى تۇرمىسىندا قيىنشىلىعى بار وتباسىلارىنداعى بالالاردىڭ وقۋىنا قارجىلاي كومەكتەسىپ، 12 بالانىڭ اياۋلى اناسى بولدى. ىلگەرىندى – كەيىندى «مەملەكەتتىك ۇلتتار ىنتىماعى العاباسارلىعىنىڭ وزاتى»، «مەملەكەتتىك 8 – ناۋرىز قىزىلتۋشىسى»، اۆتونوميالى رايوننىڭ تاڭداۋلى پارتيا مۇشەسى»، «اۆتونوميالى رايون بويىنشا 10 ۇزدىك انانىڭ ءبىرى» سياقتى اتاقتاردى ەنشىلەدى.
ۇرىمجىدە جاڭ چۇنشيان شۋجي قابىلداعاندا ليدا پەرباي قىزى مىنانى ءبىلدىردى: وسى رەتكى جينالىستىڭ رۋحى مەن ماداقتالىپ – سيلانعانداعى اسەرىمدى، ءسوز جوق، اتا مەكەنىمە، قىستاق تۇرعىندارىنا جەتكىزەمىن، ۇلتتار ىنتىماعى العاباسارلىعى جىلى قيمىلىندا پارتيا مۇشەلەرىنىڭ باستاماشىلىق رولىن ساۋلەلەندىرىپ، كوپشىلىكتى كوپتەپ اۋىس – كۇيىس، قارىم – قاتىناس جاساۋعا، ۇيرەنۋگە، ۇلتتار ىنتىماعىن بەكەمدەۋگە، ءوندىرىستى جاقسارتۋعا جەبەپ، ءتىپتى دە تاماشا تۇرمىسقا كەنەلۋىنە مۇمكىندىك جاراتامىن.
ليدا پەرباي قىزى بەيجيڭدەگى ساپارىن تىلگە تيەك ەتىپ ايرىقشا اسەرلەنىپ بىلاي دەدى: وسى رەتكى قۇتتىقتاۋ جينالىسى اسا سالتاناتتى بولدى، ءوزىم تىزىمگە الدىرعان كۇنى ورتالىق ۇيىمداستىرۋ بولىمىندەگى جولداستار ءماجىلىس اشىپ، تانىستىرىپ بىلاي دەدى: جينالىسقا قاتىناسقانداردىڭ ءبارى ج ك پ ورتالىق كوميتەتىنىڭ سيلى قوناقتارى.
ليدا پەرباي قىزى بىلاي دەدى: وسى رەت بەيجيڭگە بارعانىما ايرىقشا شاتتاندىم، ۇرىمجىگە كەلگەندە تاعى جاڭ چۇنشيان شۋجي تىكەلەي قابىلدادى ءارى بىرگە سۋرەتكە دە تۇستىك، بۇعان ايرىقشا تەبىرەندىم. ىستەگەندەرىم شاناقتى بولسا دا، پارتيا مەن ورتالىق كوميتەت ماعان وسىنشاما داڭق سيلادى، بۇدان كەيىن ۇزدىكسىز قۇلشىنا تۇسەمىن.
بۋىرشىن اۋدانى سىرلى كول جولى باستاۋىش مەكتەبى پيونەرلەر وتريادىنىڭ مۇشەسى ايبوتا ليدا پەرباي قىزىنا گۇل ۇسىنىپ بىلاي دەدى: مەن بۇدان كەيىن، ءسوزسىز، قۇلشىنا ۇيرەنىپ، ەرجەتكەندە ليدا شەشەيدەن ۇلگى الىپ، كومەككە مۇقتاج ادامدارعا كومەكتەسەمىن.
ليدا پەرباي قىزى بىلاي دەدى: اتا مەكەنىمە ورالعاننان كەيىن باس شۋجي شي جينپيڭنىڭ «1 – شىلدەدە» سويلەگەن ماڭىزدى ءسوزىنىڭ رۋحى مەن جاڭ چۇنشيان شۋجيدىڭ تالاپتارىن ويداعىداي ۇيرەنىپ، ۇگىتتەپ، ءتىپتى دە جوعارى ولشەممەن وزىمە قاتاڭ تالاپ قويىپ، پارتيا مۇشەلەرىنىڭ ۇزدىك، ۇنەگەلىك رولىن ساۋلەلەندىرىپ، تاڭداۋلى پارتيا مۇشەلەرىندە بولۋعا ءتيىستى رۋحاني بەت – بەينەنى ايگىلەپ، كورىكتى بۋىرشىن قۇرۋ ءۇشىن ءتيىستى ۇلەستەر قوسامىن!
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
