كۇيتۇن قالاسى حور جارىسىن وتكىزىپ، پارتيا قۇرىلعاندىعىنىڭ 95 جىلدىعىن قۇتتىقتادى

2016.07.12 13:04  

　　كۇيتۇن قالاسى 27 - ماۋسىم تۇستەن كەيىن، «جۇرەگىمىز پارتيا دەپ سوعادى» تاقىرىبىندا كلاسسيك توڭكەرىستىك اندەردەن حور ايتۋ جارىسىن وتكىزىپ، پارتيا قۇرىلعاندىعىنىڭ 95 جىلدىعىن قۇتتىقتادى.

　　بۇل رەتكى حور جارىسىىنا كۇيتۇن قالالىق 10 - ورتا مەكتەپ، 7 - باستاۋىش مەكتەپ، كۇيتۇن تاس جول باسقارۋ مەكەمەسى، كۇيتۇن قالالىق جەرگىلىكتى باجى مەكەمەسى سياقتى 11 ورىننان كەلگەن مىڭىنان استام ادام قاتىناسىپ، «كوممۋنيستىك پارتيا جاقسى»، «وتانىمىزدى شىن جۇرەكتەن سۇيەمىز»، «ىنتىماق كۇش»، «باتىس بولەكتى جىرلايمىز»، «دۇنيە باۋرمالدىقتى قاجەت ەتەدى»، «شي ءتوراعانىڭ سالەمى»، «قىزىل گالستوك ماڭگى جەلبىرەيدى» سياقتى اندەردى اسقاقتاتا شىرقاپ، كوممۋنيستىك پارتيانىڭ ۇلىلىعىن، باقىتتى زاماندى، پارتيانىڭ باسشىلىعىندا قول جەتكىزگەن تابىستاردى جىرلاپ، پارتيا مەن وتانعا دەگەن شەكسىز سۇيىسپەنىشلىكتەرىن، «جٷڭگو ارمانىن» ىسكە اسىرىپ، كورىكتى اتا مەكەن قۇرۋ سەنىمدەرىن بەينەلەدى. قۇلاققا جاعىمدى توڭكەرىستىك اندەر ايتىلعاندا، الاڭداعى كورەرمەندەر شاپالاق سوعىپ، قىزۋ قارسى الدى.

　　حور جارىسىن تاماشالاپ، توڭكەرىستىك اندەردى تىڭداپ، پارتيانىڭ ۇلىلىعىن ءتىپتى دە ىشكەرىلەي تانىپ جەتكەن كۇيتۇن قالاسىنىڭ تۇرعىندارى ءبىر اۋىزدان: كۇيتۇن قالاسىنىڭ پارتيا قۇرىلعاندىعىنىڭ 95 جىلدىعىن قۇتتىقتاپ وتكىزگەن توڭكەرىستىك اندەردى ايتۋ حور جارسى وتە جاقسى بولدى. جارىسقا قاتىناسقاندار جىگەرلى دە جاندى سەزىممەن توڭكەرىستىك اندەردى اسقاقتاتا شىرقاپ، پارتيامىزدىڭ قارلى تاۋ، ءشول دالانى باسىپ وتكەن كەشىرمەسىن كوز الدىعا جانە ءبىر رەت ەلەستەتتى. توڭكەرىستىك اندەردى ەستىپ، قاتتى اسەرلەندىك. ءبىزدىڭ پارتيامىز داڭقتى پارتيا، پارتيامىزدىڭ باسشىلىعىندا مەملەكەتىمىزدىڭ ءتىپتى دە گۇلدەنە تۇسەتىندىگىنە، ءار ۇلت حالقىنىڭ ءتىپتى دە جاقسى تۇرمىس كەشىرەتىنىنە، جۇڭگو ارمانىنىڭ سكە اساتىنىنا سەنەمىز- دەستى.

　　قالا تۇرعىنى حى ياڭ بىلاي دەدى: كلاسسيك توڭكەرىستىك اندەردى ايتۋ ارقىلى وتانعا دەگەن سۇيىسپەنشىلىكتى جەتكىزۋ وتە تاماشا بەينەلەۋ ءتاسىلى سانالادى. حور ايتۋشىلار ۇلكەن بولسىن، كشكەنە بولسىن بارلىعى ءاندى ناشىنا كەلتىرىپ جاقسى ورىندادى. بۇدان كەيىن وسىنداي قيمىلداردىڭ كوپ وتكىزىلىپ تۇرۋىن ءۇمىت ەتەمىز. ءبىز وسىنداي قيمىلداردى وتە ۇناتىپ كورەمىز.

　　حور جارىسىنا قاتىناسۋشى جاڭ باۋشيا بىلاي دەدى: بۇگىنگى حور ايتۋ جارىسىنا قاتىناسقانىمدى وتە باقىت سانايمىن. مەملەكەتىمىزدىڭ ءتىپتى دە كوركەيىپ - گۇلدەنىپ، قۇدىرەتتەنە ءتۇسۋىن ءۇمىت ەتەمىن.

　　تاعى ءبىر جابار 30 - ماۋسىم دا كۇيتۇن قالاسى ج ك پ قۇرىلعاندىعىنىڭ 95 جىلدىعىن قۇتتىقتاۋ مەن ۇزدىكتەردى ماداقتاپ - سيلاۋ ءماجىلىسىن اشىپ، ۇزدىكتەردى ماداقتاپ - سيلاپ، قالاداعى ءار ۇلت پارتيا مۇشەلەرىن تالىقپاي تالپىنىپ، قوعام ورنىقتىلىعى مەن باياندى تىنىشتىقتى جەبەۋگە جىگەرلەندىردى.

　　ءماجىلس بۇكىل الاڭداعىلاردىڭ مەملەكەت گيمنىن اسقاقتاتا شىرقاۋمەن باستالدى. ماجىلىسكە قاتىناسقان بارلىق پارتيا مۇشەسى پارتيا تۋى الدىندا وڭ قولدارىن كوتەرىپ، پارتياعا كىرۋ سەرتىن بەردى.

　　ماجىلىستە قالاداعى ءار دارەجەلى پارتيا ۇيىمدارىنان، پارتيالى كادرلاردان وسى رەتكى ءماجىلىستى وراي ەتىپ، ۇزدىكتەردەن ۇيرەنىپ، ۇلگىلىك رولدى ساۋلەلەندىرىپ، جاڭالىق جاراتۋدىڭ تىڭ ءادىسىن قاراستىرىپ، قۇرىلىمدى كەمەلدەندىرىپ، نەگىزدى بەكەمدەپ، نەگىزگى ساتىعا قىزمەت وتەۋ فورماسىندىق ۇيىمدىق قۇرىلىستى ىلگەرىلەتۋدى مىقتى يگەرىپ، «باسەكەلەسۋ، ۇيرەنۋ، تايسالماۋ، كومەكتەسۋ، اسىپ ءتۇسۋ» ءتاسىلى ارقىلى پارتيا مۇشەلەرىنىڭ قوسىن قۇرىلىسىن جاپپاي كۇشەيتىپ، مەملەكەتىمىزدىڭ «ءبىر بەلدەۋ، ءبىر جول» ستراتەگياسىنىڭ تاريحي ورايىن مىقتى يگەرىپ، جۇرەكتىلىكپەن رەكورد جاراتىپ، قيىنشىلىققا توتەپ بەرىپ، قوماقتى تابىستارمەن پارتيانىڭ داڭقىن اسىرۋ تالاپ ەتىلدى.

　　ماجىلىستە 40 ۇزدىك نەگىزگى ساتى پارتيا ۇيىمى، 60 ۇزدىك پارتيا مۇشەسى، 30 ۇزدىك پارتيا ىستەرى قىزمەتكەرلەرى، پەنسياعا، دەمالىسقا شىققان كادرلاردىڭ ۇزدىك كوللەكتيۆتەرى مەن ۇزدىك جەكەلەرى ماداقتالىپ سيلاندى.

　　ماداقتالىپ سيلانعان پارتيا مۇشەلەرى ءبىر اۋىزدان: بۇدان كەيىن جالعاستى ءوز رولدارىن ساۋلەلەندىرىپ، جاپادا الدا، راقاتتا ارتتا بولىپ، كۇيتۇننىڭ ءتۇرلى ىستەرىنىڭ دامۋىنا ءتيسىلى ۇلەسىمىزدى قوسامىز دەستى. ۇزدىك پارتيا مۇشەسى بولىپ سيلانعان، كۇيتۇن قالالىق مادەنيەت دەنەتاربيە - راديو - كينو تەلەۆيزيا مەكەمەسىنىڭ ورىنباسار باستىعى ارداق مىرزاقالي قىزى بۇدان كەيىن ءتىپتى دە قۇلشىنا قىزمەت ىستەپ، قوماقتى تابىستار جاراتۋعا كۇش سالاتىنىن ايتا كەلىپ، بىلاي دەدى: بۇگىن ۇزدىك پارتيا مۇشەسى بولىپ سيلانعانىما ەرەكشە قۋانىپ تۇرمىن. بۇگىنگى ماداقتاپ - سيلاۋ ماجىلىسىندە كوپتەگەن ۇزدىك پارتيا مۇشەلەرىنىڭ ىزگى ىستەرىمەن تانىسىپ، الدىدا ىستەيتىن جٷمستارىمنىڭ، ءتىپتى، كوپ، ۇستىمە الاتىن مىندەتىمنىڭ الدە اۋىر ەكەنىن تەرەڭ سەزىندىم. بۇدان كەيىن وزىمە ءتىپتى دە قاتاڭ تالاپ قويىپ، پارتيا ۋستاۆىن، پارتيا قاعيداسىن، باس شۋجي شي جينپينىڭ جەلىلەس سوزدەرىن مۇقيات ۇيرەنىپ، تولىمدى پارتيا مۇشەسى بولۋعا جالعاستى كۇش سالىپ، كۇيتۇننىڭ مادەنيەت راديو - كينو - تەلەۆيزيا ىستەرىنىڭ دامۋىنا ءبىر كىسىلىك ۇلەسىمدى قوسۋعا قۇلشىنامىن. ەركىنعازى احىمەتباي ۇلى

　　كەلۋ قاينارى: «ىلە گازەتى» - ىلە اقپارات تورابى