بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

ميھىرنيسا توقتى مەملەكەت جاعىنان ءادىليا بولىمشەسىنىڭ ۇلگىلى باستىعى اتاعىنا يە بولدى

2016.07.20 13:45    

  ول مىنانى ءبىلدىردى: داڭق - بۇرىنعىعا ءتان، بۇدان كەيىن دە زاڭ – ءتۇزىم ۇگىتىنىڭ الدىڭعى لەگىندە بولىپ، پارتيانىڭ ساياساتىن نەگىزگى ساتىداعى بۇقاراعا جەتكىزىپ، كوپشىلىكتىڭ كۇتكەن ۇمىتىنەن شىعاتىن نەگىزگى ساتى ءادىليا ۇگىت - لەكسياشىسى بولامىن

  ءتىلشىمىز مىڭ شيا حابارلايدى. شىلدەنىڭ 12 – كۇنى وبلىسقا توتە قاراستى ءادىليا جۇيەسى مەملەكەت جاعىنان ءادىليا بولىمشەسىنىڭ ۇلگىلى باستىعى بولعان ميھىرنيسا توقتىنىڭ ىزگى ىستەرىنەن دوكلاد جاساۋ ءماجىلىسىن وتكىزدى. ءماجىلىس وبلىسقا توتە قاراستى ءادىليا جۇيەسىندەگى بارلىق كادرلاردى، جۇمىسشى – قىزمەتكەرلەردى ميھىرنيسا توقتىدان ۇيرەنۋگە ۇندەدى.

  شىلدەنىڭ 7 – كۇنى ءادىليا مينيسترلىگى مەملەكەت جاعىنان ءادىليا بولىمشەلەرىندەگى ۇزدىك كوللەكتيۆتەر مەن جەكەلەردى ماداقتاۋ – سيلاۋ ءماجىلىسىن وتكىزدى، وبلىسقا توتە قاراستى ورىنداردان ەكى كوللەكتيۆ جانە ءبىر جەكە سيلاندى. مۇنىڭ ىشىندە توعىزتاراۋ اۋداندىق ءادىليا مەكەمەسىنىڭ قالا – قالاشىق ءادىليا بولىمشەسى مەن كۇيتۇن قالالىق ءادىليا مەكەمەسىنە قاراستى ىنتىماق جولى ءادىليا بولىمشەسى مەملەكەتتىك ۇزدىك ءادىليا بولىمشەسى اتاعىنا؛ قۇلجا قالاسى ىلە وزەنى جولى ءادىليا بولىمشەسىنىڭ باستىعى ميھىرنيسا توقتى مەملەكەت جاعىنان ءادىليا بولىمشەسىنىڭ ۇلگىلى باستىعى اتاعىنا يە بولدى، بۇل ەرەكشە داڭقتى شينجياڭ بويىنشا ەكى ادام عانا العان.

  ميھىرنيسا توقتى بەيجيڭدە مەملەكەتتىك ۇلگىلى ءادىليا بولىمشەسى باستىقتارىمەن وتكىزگەن اڭگىمە ماجىلىستە شينجياڭ ۋاكىلدەرى اتىنان ءسوز سويلەدى ءارى ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ساياسي – زاڭ كوميتەتىنىڭ شۋجيى مىڭ جيانجۋدىڭ قابىلداۋىندا بولدى.

  ۇعىسۋىمىزشا، ميھىرنيسا توقتى ۇيعۇر ۇلتىنان شىققان ايەل ساقشى، باتىس سولتۇستىك ساياسي – زاڭ ينستيتۋتىنان وقۋ تاۋىسقان، ۋنيۆەرسيتەتتى بىتىرگەننەن كەيىن نەگىزگى ساتىداعى ءادىليا بولىمشەسىنە قىزمەتكە ورنالاسىپ، ءادىليا – اكىمشىلىك قىزمەتىمەن اينالىسقان.

  تالاي جىلدان بەرى ول نەگىزگى ساتىدا ورنىقتىلىقتى قورعاۋدىڭ 1 – شەبىندە تىنباي قۇلشىنا قىزمەت ىستەپ، قايشىلىقتاردى جاراستىرۋ جانە «ۇشقارىلىقتى الاستاۋ» ۇگىت – لەكسياسى جاعىندا كوپتەگەن قىزمەتتەر ىستەگەن. 19 جىلدان بەرى ول 90 نان استام ءتۇيىندى ادامدى تاربيەلەپ، وزگەرتكەن؛ ءبىر جىلدا شينجياڭنىڭ جەر – جەرىندە 300 مايداننان (رەت) ارتىق ارالاپ ۇگىت – لەكسيا جۇرگىزگەن. نەگىزگى ساتىدا ىستەۋ بارىسىندا ءادىليا قىزمەتىنىڭ جارقىن ءتۇيىنىن جاراتۋمەن بىرگە كۇندەلىكتى ءادىليا قىزمەتىنەن سىرت ۇلتتار ىنتىماعى قىزمەتىن، «ۇشقارىلىقتى الاستاۋ» جانە ءتۇيىندى ادامداردى تاربيەلەۋ، وزگەرتۋ قىزمەتىن دە ورىستەتىپ وتىرعان.ول تاعى «ۇشقارىلىقتى الاستاۋ» قىزمەتىندە ساقتانۋدى مىقتى ۇستاۋ كەرەك دەگەندى العا قويادى. قىزمەت امالياتى بارىسىندا ءونىمدى شارا قورىتىندىلاپ شىعىپ، «ۇشقارىلىقتى الاستاۋ» ۇگىت – لەكسياسىندا ءار قىرىنان نازار اۋدارعاندىعى بەينەلەنەدى. جالپىلاي ايتقاندا ۇگىت – لەكسيانى 4 ساتىعا بولگەن، ياعني زاڭ – ءتۇزىم، مادەنيەت، ءدىن جانە تاريح تۇرعىسىنان ءار ۇلت بۇقاراسىنا ىشكەرىلەي ۇعىندىرعان. جاقىنعى جىلداردا ميھىرنيسا توقتى اۆتونوميالى وبلىس جانە بۇكىل شينجاڭ جاعىنان ۇگىت – لەكسيا جاساۋعا ۇنەمى ۇسىنىس ەتىلىپ، ءار ۇلت كادر – جۇرتشىلىعىنىڭ قىزۋ قارسى الۋىنا بولەنگەن. ول قۇلجا قالاسىنىڭ «ۇزدىك ءادىليا بولىمشەسى باستىعى»، اۆتونوميالى رايوننىڭ، اۆتونوميالى وبلىستىڭ «تىنىشتىق قورعاۋشىسى»، اۆتونوميالى وبلىستىڭ «10 ۇزدىك ساياسي – زاڭ كادرى»، «8 – ناۋرىز قىزىل تۋشىسى»، «ىلەنى تەبىرەنتكەن 10 كەيىپكەر» سياقتى اتاقتارعا يە بولعان ءارى اۆتونوميالى رايوندىق ءادىليا مەڭگەرمەسى جاعىنان وعان 2 – دارەجەلى ەڭبەك جازىلعان، اۆتونوميالى رايوندىق «ۇزدىك تاربيەشى» اتاعىنا، سونداي – اق مەملەكەتتىك، اۆتونوميالى رايون بويىنشا «ۇلتتار ىنتىماعىنداعى ۇزدىك جەكە» سياقتى داڭقتى اتاقتاردىڭ يەگەرى بولعان.

  دوكلاد ماجىلىسىندە ميھىرنيسا توقتى بىلاي دەدى: مەن نەگىزگى ساتى ءادىليا كادرى ىستەۋگە ءتيىستى قىزمەتتى ىستەدىم. نەگىزگى ساتى ۇگىت – لەكسياشىسى بولۋ سالاۋاتىممەن كۇشتى جاۋاپكەرلىك سەزىممەن ادامدار جۇرەگىن تەبىرەنتۋدى نىسانا ەتىپ، ۇيىمدىق جاقتان وزىمە جۇكتەلگەن مىندەتتى ويداعىداي ورىندادىم. بۇل داڭق جىگەرىمدى ونان ارى تاسىتتى ءارى قۋانىش سيلادى. قازىردەن باستاپ داڭق – بۇرىنعىعا ءتان دەپ قارايمىن. بۇدان كەيىن زاڭ – ءتۇزىم جونىندەگى ۇگىت – لەكسيا جاساۋدىڭ الدىڭعى شەبىندە بولىپ، پارتيانىڭ ساياساتىن نەگىزگى ساتىداعى بۇقاراعا جەتكىزىپ، ۇزدىكسىز جاڭالىق اشىپ، ءادىليا بولىمشەسىنىڭ فۋنكتسيالىق ابزالدىعىن ساۋلەلەندىرىپ، كوپشىلىكتىڭ كۇتكەن ۇمىتىنەن شىعاتىن نەگىزگى ساتى ءادىليا بولىمشەسىنىڭ ۇگىت – لەكسياشىسى بولۋعا جالعاستى قۇلشىنامىن.

  دوكلادتى تىڭداعاننان كەيىن وبلىستىق ءادىليا مەكەمەسىنىڭ كادرى ياڭ جيڭ قاتتى اسەرلەنىپ بىلاي دەدى: مەنشە ميھىرنيسا توقتى تالاي جىلدان بەرى نەگىزگى ساتىدا ءۇن – ءتۇنسىز ۇلەس قوستى، بۇگىن مىنە ول تابىسقا جەتتى، بۇل ونىڭ قىزمەتىنىڭ باسقالار جاعىنان مويىندالعانىنىڭ ايعاعى.

  وبلىستىق ءادىليا مەكەمەسىنىڭ كادرى جانار شاعان قىزى بىلاي دەدى: از ۇلت ءادىليا كادرى بولۋ سالاۋاتىممەن بۇدان كەيىنگى قىزمەت – تۇرمىس بارىسىندا ميھىرنيسا توقتىنىڭ قالتقىسىز ۇلەس قوسۋ رۋحىنان ۇيرەنىپ، زاڭدى قاتاڭ اتقارۋعا، ءادىل تورەشى بولۋعا تاباندى بولىپ، ۇلتتار ىنتىماعىن قورعاپ، ماڭايىمداعى ءار ۇلت جۇرتشىلىعىنا زاڭعا قۇرمەت ەتۋ، زاڭعا بويسۇنۋ جٶنىندە بەلسەنە ۇگىت جۇرگىزىپ، تىنىش ىلە قۇرۋعا ءبىر كىسىلىك ۇلەسىمدى قوسامىن.

  كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.