- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇلتتار ىنتىماعى تاربيەسى جەلىلەس قيمىلدارى جۇرت تىلەگىنەن شىقتى
قايىربەك قاسيران ۇلى (ءوز ءتىلشىمىز)
2016.07.22 16:39
قۇلجا اۋدانى بايتوقاي قالاشىعىنىڭ اقجول قىستاعى 245 وتباسى، 913 جان سانى بار، قازاق، حانزۋ، ۇيعۇر، حۇيزۋ، دۇڭشياڭ سىندى كوپ ۇلتتان قۇرالعان قىستاق. ۇستەگى جىلى ناۋرىزدا اۋداندىق ساياحات مەكەمەسى سياقتى ورىنداردان «حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ» قيمىلىنا وراي 3–توپتا وسى قىستاققا تۇسكەن قىزمەت گرۋپپاسى قىستاقتىڭ ءار ۇلت ارالاس قونىستانعان ەرەكشەلىگىنە نەگىزدەلە وتىرىپ، ۇلتتار ىنتىماعى تاربيەسى جەلىلەس قيمىلدارىن وتكىزىپ، جەرگىلىكتى تۇرعىنداردىڭ بەرەكەسىن بارىنشا بەكەمدەي ءتۇستى.
قىزمەت گرۋپپاسىنداعىلار ەڭ اۋەلى ۇلتتار ىنتىماعىن باس تاقىرىپ ەتكەن ۇگىت–تاربيە قيمىلدارىن كەڭ كولەمدە ورىستەتىپ، قىزمەت گرۋپپاسىنىڭ باستىعى باستاماشى بولىپ، حالىق بۇقاراسىنا «شينجياڭ ۇيعۇر اۆتونوميالى رايونىنىڭ ۇلتتار ىنتىماعى العاباسارلىعى ەرەجەسىنەن» لەكسيا سويلەۋمەن بىرگە، اۋدان دارەجەلى لەكتورلاردى ۇسىنىس ەتىپ، جەرگىلىكتى تۇرعىندارعا ۇلتتار ىنتىماعى بىلىمدەرىنەن ساباق سويلەتىپ، ءار ۇلت بۇقاراسىنىڭ ۇلتتار ىنتىماعى جونىندەگى تانىمىن ىشكەرىلەي تەرەڭدەتتى. تاعى ءبىر جاعىنان ءتۇرلى قيمىلدار ارقىلى جاراسىمدىلىقتى جەبەدى. مۇندا ءتۇرلى مەرەكە، مەيرام كۇندەرىن وراي ەتىپ، ءار ۇلت ايەلدەرىن، وقۋشىلاردى، جاستاردى ءتۇرلى مادەني كوڭىل اشۋ قيمىلدارىنا قاتىناسۋعا ۇيىمداستىرىپ، ۇلتتار ارا توعىسۋدى، مادەنيەت اۋىستىرۋدى كۇشەيتىپ، سول ارقىلى ۇلتتار ارا بەرەكە–بىرلىكتى بارىنشا نىعايتىپ، جاراسىمدىلىقتى جەبەدى.
قىستاققا تۇسكەن قىزمەت گرۋپپاسىنداعىلار وزدەرى ۇلگى كورسەتىپ، قىزمەت گرۋپپاسىنىڭ ءاربىر مۇشەسى كەمىندە ەكى ءار ۇلت قىستاق تۇرعىنىمەن دوستىق قارىم–قاتىناس ورناتىپ، ولاردىڭ وتباسىلارىنا بارىپ جاعداي ۇعىسىپ، كۇندەلىك ءوندىرىس، تۇرمىس جۇمىستارىنا قولعابىس تيگىزىپ، ونەگە بولا ءبىلدى. قىستاق تۇرعىنى ءميناۋاردىڭ اۋرۋشاڭ ەكەندىگىنەن حابار تاپقان نۇربول باستاعان قىزمەت گرۋپپاسىنداعىلار ءميناۋاردى ەكى رەت وبلىستىق دوستىق شيپاحاناسىنا اكەلىپ، دەنساۋلىق جاعدايىن تەكسەرتىپ بەرسە، ال قىستاقتاعى كەدەي وتباسى وسمانجانعا 30 شوجە الىپ بەرىپ، ونىڭ تاۋىق باعىپ، كىرىسىن ارتتىرۋىنا كومەكتەستى.
قىزمەت گرۋپپاسىنداعىلار قىستاق باسشىلارىمەن تىعىز سەلبەسە وتىرىپ، قىستاق كادرلارىن «جاڭ چۇنشيان شۋجيدىڭ اۆتونوميالى رايوننىڭ ۇلتتار ىنتىماعى العاباسارلىعى جىلى قيمىلىنا اتتانىسقا كەلتىرۋ ماجىلىسىندە سويلەگەن ماڭىزدى ءسوزىنىڭ» رۋحىن ۇيرەنۋگە ۇيىمداستىرىپ،سول ارقىلى قىستاق كادرلارىنىڭ ۇلتتار ىنتىماعى تاربيەسىنىڭ ماڭىزدىلىعى جونىندەگى تانىمدارىن تەرەڭدەتتى.
قىزمەت گرۋپپاسىنداعىلار قىستاق تۇرعىندارى اراسىنان ۇلتتار ىنتىماعىنداعى ۇلگىلى تيپتەردى سارالاپ، ماداقتاۋ–سيلاۋ قيمىلىن ورىستەتىپ، قىستاقتاعى باسقالارعا ۇلگى بولا بىلگەن 5 ازاماتتى ماراپاتتاپ، ۇلگىلى تيپتەردىڭ ونەگەلى ىستەرى ارقىلى جۇرتشىلىقتى ۇلتتار ىنتىماعىنىڭ ۇلگىلەرىنەن بولۋعا شابىتتاندىردى.
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
