- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
توعىزتاراۋ اۋدانى شارۋالاردى كاسىپ ارقىلى كەدەيلىكتەن قۇتىلدىردى
2016.07.25 14:52
بيىل توعىزتاراۋ اۋدانى «ەكىدە تارىقتىرماۋ، ۇشتە قامتاماسىزداندىرۋ» نىساناسىنا ساي كەدەيلەردى كەدەيلىكتەن ارىلتۋ اياق الىسىن اناعۇرلىم تەزدەتىپ، كاسىپ ارقىلى كەدەيلىكتەن ارىلتۋدان قامال الۋ قىزمەت تەبىنىن ءتۇيىندى تۇردە كۇشەيتىپ، كەدەيلەردىڭ كەدەيلىكتەن ارىلىپ اۋقاتتانۋىنا كومەكتەستى.
توعىزتاراۋ اۋدانىنىڭ تاستوبە اۋىلى باقىباي قىستاعى اۆتونوميالى رايون دارەجەلى كەدەي قىستاق. قىستاقتاعى 256 وتباسىنداعى 870 ادامعا ارحيۆ تۇرعىزىلىپ كارتۋچكالاندىرىلعان. مۇندا 175 وتباسىنداعى 590 ادام كەدەيلىكتەن ارىلماعان. جىل باسىنان بەرى اۋىل – قىستاق ەكى دارەجەلى پارتيا ۇيىمى يدەياعا بۇرىلىس جاساپ، كاسىپ ارقىلى كەدەيلىكتەن ارىلتۋ وي جەلىسىنە ساي جاڭالىق جاراتىپ جارنا تۇزىمىندەگى ەكپەشىلىك سەلبەستىك كووپەراتيۆىن قۇرىپ، كووپەراتيۆ مۇشەلەرى جەرلەرىن جارناعا قوسۋعا جىگەرلەندىرىپ، ۇنەمدى، جۇيەلى باسقارۋ شاراسىن اتقاردى. جارناعا قوسىلعان جەر 2 مىڭ 500 مۋعا جەتىپ، 128 وتباسىنداعى 139 ادام كووپەراتيۆكە مۇشە بولعان. مۇندا 46 كەدەي وتباسىنداعى 167 ادامعا ارحيۆ تۇرعىزىلىپ كارتۋچكالاندىرىلعان.
توعىزتاراۋ اۋدانى تاستوبە اۋىلىنىڭ ورىنباسار باستىعى ليۋ جيە: « باقىباي قىستاعىندا ەكپەشىلىك سەلبەستىك كووپەراتيۆىن قۇردىق. وسى كاسىپ ارقىلى كەدەيلەردى جەتەلەپ قىستاقتىڭ بيىلعى كەدەيلىكتەن ارىلتۋ قىزمەتىن جاپپاي جالعاستى ورىستەتەمىز»، - دەدى.
قىستاق تۇرعىنى ءالبوسىننىڭ 10 مۋ عانا ەگىستىك جەرى بار بولىپ، جىلدا قارىز اقشا الىپ، ەگىن سالىپ، كۇزدە استىعىن ساتىپ قارىزىن قايتاراتىن. ەشقانداي ەكونوميكالىق كىرىس كىرگىزە المايتىن. جىل باسىندا قىستاقتا چۋاڭ – ي جارنا تۇزىمىندەگى ەكپەشىلىك سەلبەستىك كووپەراتيۆى قۇرىلادى. قىستاق كادرلارى مەن قىزمەت گرۋپپاسى ءالبوسىندى اتتانىسقا كەلتىرىپ كووپەراتيۆكە مۇشە بولىپ، جەرىن جارناعا قوسۋىن، كووپەراتيۆكە مۇشە بولسا ءار مۋ جەرىنەن 900 يۋان كىرىس كىرگىزەتىندىگىن ءارى كووپەراتيۆكە جۇمىس ىستەپ اقشا تابۋىنا دا بولاتىندىعىن ايتادى. ءالبوسىن بىلاي دەيدى: «10 مۋ ەگىستىك جەرىم بار. كووپەراتيۆكە مۇشە بولىپ، ءار مۋىنان 900 يۋاننان كىرىس كىرگىزەتىن بولدىم ءارى وسى ارادا جۇمىس ىستەپ، كۇندىك ەڭبەكاقىم 100 يۋاننان اينالىپ جاتىر. كووپەراتيۆ مۇشەسى بولعاننان بەرى كىرىسىم دە ارتا ءتۇستى»، - دەدى.
سوڭعى كۇندەرى تاستوبە اۋىلى باقىباي قىستاعىنداعى چۋاڭ – ي ەكپەشىلىك كووپەراتيۆى ەككەن باكىلاجان 3 – رەت ءۇزىپ الىندى. كووپەراتيۆ مۇشەلەرى ءار كۇنى كوكونىس العالى كەلگەن ساۋداگەرلەرگە باكىلاجاندى ءۇزىپ اۆتوكولىكتەرىنە تيەپ بەرىپ قاربالاس بولۋدا. بۇل ارادا ەگىلگەن باكىلاجان ورگانيكالى جاسىل ءونىم بولعاندىقتان، كوپتەگەن ساۋداگەرلەر ارنايى كەلىپ ساتىپ الاتىن بولعان. موڭعۇلكۇرە اۋدانىنان كەلگەن ساۋداگەر لي چاڭيۇڭ ءار جىلى ىلە وبلىسىنا قاراستى اۋدان، قالالاردان كوكونىس ساتىپ الاتىن. بىرنەشە كۇننىڭ الدىندا باقىباي قىستاعىنان 500 كيلوگرام باكىلاجان ساتىپ الامىن، ول بۇل رەت ارنايى كەلىپ 2 توننا باكىلاجان ساتىپ الماقشى ەكەن.
ول بىلاي دەيدى: «بۇل ارانىڭ باكىلاجانى ۇلكەن ءارى ءدامدى. موڭعۇلكۇرەدەن ارنايى كەلىپ 2 توننا ساتىپ الدىم. ءوتىمى جاقسى. بۇدان كەيىن تاپسىرىپ بەرىپ مولىنان ساتىپ الامىن».
توعىزتاراۋ اۋدانى تاستوبە اۋىلىنىڭ ورىنباسار باستىعى ليۋ جيە: «بۇل كاسىپكە سۇيەنىپ كەدەي وتباسىلارىنداعى ءاربىر ادام كىرىس كىرگىزۋدە. كووپەراتيۆىمىز ءار مۋ جەردەن ەڭ تومەن بولعاندا 900 يۋاننان كىرىس كىرگىزدى. بوس ەڭبەككۇشتەر وتباسىنان ۇزاماي – اق وسى ارادا جۇمىس ىستەپ اقشا تابۋدا. وسىنداي توپتىق كۇش شىعارۋ ارقىلى كەدەيلەردىڭ كىرىسىن ارتتىرىپ، ولاردىڭ كەدەيلىكتەن ەرتەرەك ارىلۋىنا كومەكتەسەمىز»، -دەدى.
2016 – جىلى توعىزتاراۋ اۋدانى ءىس جۇزىندىككە بىرلەستىرىپ، ءتۇرلى شارالاردى اتقارىپ، كەدەي وتباسىلارىنا باعىتتاپ ءتيىمدى ساياساتتار شىعارىپ، ءاربىر كەدەي وتباسىن شىنايى، دالمە – ءدال سۇيەمەلدەدى ءارى وسى جىل ىشىندە ارحيۆ تۇرعىزىلىپ كارتۋچكالاندىرىلعان ءبىر مىڭ 330 كەدەي وتباسىنداعى 4 مىڭ 722 ادامدى كەديلىكتەن ارىلتىپ، اۋدانداعى اۆتونوميالى رايون دارەجەلى 10 كەدەي قىستاقتى ەرتەرەك كەدەيلىكتەن قۇتىلدىرۋعا قۇلشىنىس جاساۋدا. ءالنۇر ءنۇسىپايدار ۇلى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
