- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
دالمە - ءدال سۇيەمەلدەۋ قىزمەتىن تىڭعىلىقتى ورىستەتتى
2016.08.03 13:08
جۋىقتا تولى اۋدانى كۇپ اۋىلى سارباستاۋ قىستاعىنىڭ پارتيا ياچەيكا شۋجيى ومىرسەرىك مۇقاش ۇلى: «قامسىزداندىرۋعا قاتىناسقاننان كەيىن قىستاق تۇرعىندارىنىڭ كوڭىلى ورنىعىپ قالدى»، - دەدى.
سارباستاۋ قىستاعى اۋدان قالاشىعىنان 150 كيلومەتر قاشىقتىققا ورنالاسقان. قىستاقتاعى 333 وتباسىنىڭ 179 ى كەدەي بولىپ، جالپى قىستاقتاعى وتباسىلارىنىڭ 53.7 پايىزىن ۇستايتىن. قىستاققا وسى كۇنگە دەيىن قۇبىر سۋى، توك، تەلەفون جەتكىزىلمەگەن، جولى جوندەلمەگەن، جولاۋشى تاسىمالىنىڭ كەزەكشى كولىكتەرى دە قاتىنامايتىن ەدى. قىستاق تۇرعىندار كوميتەتىنىڭ تۇراقتى كەڭسەسى دە جوق بولاتىن.
بيىل ايماقتىق دامۋ جانە رەفورما كوميتەتىنەن وسى قىستاققا تۇسكەن قىزمەت گرۋپپاسى ناۋقاس سەبەبىنەن كەدەيلەسۋدىڭ الدىن الۋدى كۇشەيتۋ جاعىندا امال قاراستىرىپ، كەدەي وتباسىلارىنىڭ اقاۋسىزدىعى جانە حاۋىپسىزدىگى جونىندە ارناۋلى جوسپار جاساپ، ناۋقاس سەبەبىنەن كەدەيلەسۋدىڭ الدىن الدى.
قىزمەت گرۋپپاسىنىڭ ورىنباسار باستىعى چىڭ شۋەشيان: «كەدەي وتباسىلارىن جاڭاشا اۋىل-قىستاق سەلبەسىپ ەمدەلۋىنە 100 پايىز قاتىناستىرۋ ءۇشىن ‹ۇكىمەت ءبىر ءبولىمىن، سۇيەمەلدەۋگە جاۋاپتى جاق ءبىر ءبولىمىن، سۇيەمەلدەۋگە جاۋاپتى كاسىپورىن ءبىر ءبولىمىن شىعارۋ› ءادىسىن قولدانىپ، 179 كەدەي وتباسىنداعى 615 ادامدى جاڭاشا اۋىل -قىستاق سەلبەسىپ ەمدەلۋىنە قاتىناستىردىق»، - دەدى.
ۇعىسۋعا قاراعاندا، ءاربىر ادامعا تولەيتىن 100 يۋان قوسىمشا قامسىزداندىرۋ قاراجاتىنىڭ 20 يۋانىن ۇكىمەت، قالعان ءبولىمىن كومەكتەسۋگە جاۋاپتى ادام مەن كومەكتەسۋگە جاۋاپتى كاسىپورىن تولەگەن. قىستاق تۇرعىندارى شيپاحاناعا جاتىپ ەمدەلسە سەلبەسىپ ەمدەلۋ ەسەبىنەن كوتەرۋدەن سىرت، قالعان ءبولىمىنىڭ 90 پايىزىن ساۋدا قامسىزداندىرۋى ەسەپتەن كوتەرەتىن بولعان.
بيىل ايماقتىق دامۋ جانە رەفورما كوميتەتىنىڭ قىستاقتا تۇراتىن قىزمەت گرۋپپاسى «ەكىنى ۇيرەنىپ، بىردە تولىمدى بولۋدى» اتقارىپ، «مۇقيات ۇيرەنىپ، تەرەڭ ءتۇسىنىپ، ناقتاپ تياناقتاندىرۋ» پرينسيبى بويىنشا بۇقارانىڭ شۇعىل شەشۋگە ءتيىستى بولعان ماسەلەلەرىن شەشىپ، كەدەيلىكتەن قامال الۋ قىزمەتىن ناقتى، ءونىمدى، تىڭعىلىقتى ورىستەتتى.
قىستاقتاعى بالالاردىڭ بالالار باقشاسىنا كىرە الماۋ ماسەلەسى، قىستاقتاعى بۇرىننان شەشىلمەي كەلە جاتقان قيىن ماسەلە ەدى. بيىل قىزمەت گرۋپپاسى 3 ميلليون 300 مىڭ يۋان نىسان قارجىسىنا قول جەتكىزىپ، جاڭادان ءبىر مىڭ 650 شارشى مەترلىك 270 بالا قابىلداۋعا بولاتىن «قوس ءتىل» بالالار باقشاسىن سالۋدى جوسپارلاپ، شىلدەنىڭ 25 - كۇنى قۇرىلىس باستاماقشى ەكەن.
ءسالىمقان بيىل 28 جاستا، وتباسىندا ءتورت جان بار، ەكى بالاسىنىڭ ۇلكەنى 7 جاستا بولىپ، اۋداندىق باستاۋىش مەكتەپتىڭ ءبىرىنشى جىلدىعىندا وقيتىن دا، ال 4 جاستاعى بالاسىن شەشەسى ءوزى قارايتىن، وتباسىنداعىلار ونىڭ ۋاقىتتىق جۇمىس ىستەپ تاپقان ماردىمسىز كىرىسىنە سۇيەنىپ تۇرمىس وتكىزىپ كەلگەن.
بيىل قىزمەت گرۋپپاسى ونىڭ جۇبايىنا قىزمەت تانىستىرادى، جۇبايى دا سىرتتاي جۇمىس ىستەگىسى كەلگەنىمەن، كىشكەنتاي بالاسىن قارايتىن ادام جوق بولعاندىقتان، امالسىز ۇيدە بولعان.
ءسالىمقان: «بيىل قىستاقتان بالالار باقشاسى سالىنسا، بالام بالالار باقشاسىنا باراتىن بولادى، جۇبايىم ەكەۋىمىز ەكى جاقتاپ جۇمىس ىستەپ كىرىس ەنگىزسەك تۇرمىسىمىز بىرتە - بىرتە جاقسارا تۇسەدى»، - دەدى.
ۇعىسۋعا قاراعاندا، بيىل قىزمەت گرۋپپاسى 100 مىڭ يۋان قارجى جۇمساپ جاڭادان 10 كيلومەترلىك سۋ قۇبىرىن ورناتپاقشى ەكەن، مەجەمەن تامىز ايىندا جۇمىس باستاپ، قازان ايىندا اياقتاتۋدى جوسپارعا العان. قۇرىلىس اياقتاپ پايدالانۋعا بەرىلسە، 40 وتباسىنىڭ اۋىز سۋ ماسەلەسى مەن 20 مىڭ باس (تۇياق) مالدىڭ سۋات ماسەلەسىن شەشىۋگە بولادى ەكەن. گۇلنۇر جۇماش قىزى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
