- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جياڭسۋدىڭ «قارت دارىندىلارى» مەن وبلىسقا توتە قاراستى ورىنداردىڭ ەمدەۋ دارىندىلارى سەرىكتەستى
2016.08.05 15:23
ءتىلشىمىز مىڭ شيا حابارلايدى. جياڭسۋدىڭ «قارت دارىندىلار» جاعىنان ىلەگە كومەك بەرۋ قيمىلىن قورىتىندىلاۋ جونىندەگى اڭگىمە ءماجىلىسى شىلدەنىڭ 29 – كۇنى وبلىستىق دوستىق شيپاحاناسىندا وتكىزىلدى. ماجىلىستە ەمدەۋ جاعىندا 10 كۇندىك كومەك بەرۋ جاعدايى قورىتىندىلانىپ، تۇراقتى ەمدەۋ قوسىنىن قۇرۋ ءۇشىن جياڭسۋدىڭ ىلەگە كومەك بەرەتىن «قارت دارىندىلارى» مەن وبلىسقا توتە قاراستى ورىنداردىڭ ەمدەۋ دارىندىلارى ۇستاز – شاكىرت بويىنشا سەرىكتەسۋ تىلەكناماسىنا قول قويىستى.
شىلدەنىڭ 19 – كۇنى جياڭسۋدىڭ «قارت دارىندىلار» جاعىنان ىلەگە كومەك بەرەتىن ەمدەۋ قوسىنى ىلەگە كەلىپ، ەمدەۋ ماماندارى قاجىرلىلىقپەن قىزمەت ىستەپ، وبلىستىق دوستىق شيپاحاناسىنىڭ ءبولىم – كەڭسە، ناۋقاستار بولمەسىنە ىشكەرىلەي بارىپ، شيپاگەرلەرمەن بەتپە – بەت پىكىر اۋىستىرىپ، قىزمەتكە تىكەلەي جەتەكشىلىك ەتتى. وسى رەتكى كومەك بەرۋ قيمىلىندا ماماندار تەگىن كورگەن ناۋقاس جالپى 192 ادام – رەتكە، ءتۇرلى پاندەرمەن سەلبەسىپ دياگنوز قويۋى 5 رەتكە، كۇردەلى، قيىن ناۋقاس جاعدايىن تالقىلاۋى 60 ادام – رەتكە، ناۋقاستار بولمەسىن تەكسەرۋى 682 ادام – رەتكە، جەتەكشىلىك ەتىپ تاربيەلەۋى 394 ادام – رەتكە، دەنساۋلىق ساقتاۋ بىلىمدەرى بويىنشا تاربيەلەنگەندەر 240 ادامعا، ۇستاز – شاكىرت بويىنشا سەرىكتەسۋى 12 ادامعا جەتتى. وسى رەتكى جياڭسۋدىڭ «قارت دارىندىلار» جاعىنان ىلەگە كومەك بەرەتىن ەمدەۋ قوسىنى جۇڭگوشا ەمدەۋ، جۇرەك قان تامىر اۋرۋى، وسپە اۋرۋى، بالالار اۋرۋى، ىشكى سەكرەتسيا اۋرۋى بولىمدەرىنىڭ جوعارى دارەجەلى ماماندارىنان قۇرالعان. ولاردىڭ ءبارى مول ەمدەۋ تاجىريبەسىنە يە جانە كاسىپكە شۇگەل قارت ماماندار، بۇلاردىڭ ىشىندە ەڭ ەگدەسى 74 جاستا. الدىڭعى ەكى رەتكىمەن سالىستىرعاندا وسى رەتكى قيمىلدا ىلەنىڭ ەمدەۋ كاسىپتىك - تەحنيكالىق دارىندىلارىن باۋلۋىنا اناعۇرلىم ءمان بەرىلىپ، ەمدەۋ، دەنساۋلىق ساقتاۋ ورەسى جوعارىلاتىلدى.
سول كۇنى ەمدەۋ ماماندارى وبلىستىق دوستىق شيپاحاناسىنىڭ شيپاگەرلەرىمەن ۇستاز – شاكىرت بويىنشا سەرىكتەسۋ تىلەكناماسىنا قول قويىستى. جياڭسۋ ولكەلىك وسپە اۋرۋلار شيپاحاناسى وسپە ىشكى اۋرۋلار ءبولىمىنىڭ مەڭگەرۋشى شيپاگەرى جياڭ ۋەي مىنانى ءبىلدىردى: ءبىز شاكىرتتەردى تاربيەلەۋگە بارىنشا كۇش سالامىز، بۇدان كەيىن تاعى وسى زامانعى حابارلاسۋ جابدىقتارى ارقىلى كاسىپتىك جاقتان جەتەكشىلىك ەتەمىز. سونىمەن بىرگە، ىلەنىڭ دامۋىنا ۇزدىكسىز ءمان بەرىپ جانە ونى قولداپ، جياڭسۋ مەن ىلەنىڭ اۋىس – كۇيىسى، قارىم – قاتىناسى، توعىسۋى ءۇشىن تىڭ ۇلەستەر قوسامىز.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
