- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
سانجى وبلىسى: گۇلدەي جايناعان كورىكتى جەر قۇرۋ جولىندا
2016.08.05 16:04 كەلۋ قاينارى : شينجياڭ گازەتى
رەداكتوردان بيىل 11 - قاڭتاردا ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان اۆتونوميالى رايوندىق 12 - كەزەكتى حالىق قۇرىلتايىنىڭ 4 - ماجىلىسىندە سانجى حۇيزۋ اۆتونوميالى وبلىسى ۋاكىلدەر ۇيىرمەسىنىڭ تالقىسىنا قاتىسقاندا «سانجىنى گۇلدەي جايناتىپ، قالاسى مەن دالاسىن ادامدى ءتانتى ەتەتىن اسەمدىككە بولەۋ كەرەك. جانعا جايلى، ومىرشەڭدىك كۇشكە باي، جول قاتىناسى ىڭعايلى، ىنتىماقتى، جاراسىمدى قالا قۇرۋعا كۇش سالۋ قاجەت. جاڭا ۇيلەر سالۋمەن بىرگە جاڭا بەت - بەينە قالىپتاستىرىپ، <قورجاسى كوركەم، تۇرعىنى باي، سالتى جاقسى> كورىكتى اۋىل - قىستاق قۇرۋ كەرەك» دەپ العا قويدى. بۇل اۆتونوميالى رايوندىق پارتكومنىڭ سانجى وبلىسىنا «ۇشكە باستاماشى بولۋ»، «ەكىدە الدا ءجۇرۋ» دەگەن دامۋ نىساناسىن بەلگىلەگەننەن كەيىن ورتاعا قويعان تاعى ءبىر ناقتىلى دامۋ تالابى. وسى بايلانىسپەن، سانجى وبلىسى قاتىستى تالاپتاردى جەدەل تياناقتاندىرىپ، «حۋا - ار سانجى» قۇرىلىسىن جوبالاپ، اتقاردى.
ءتىلشىمىز گاي يۋجۇن ەرىكتى ءتىلشى لي جينچاۋ
«حۋا - ار سانجى» دەگەن ءسوز ەل اۋزىنا ە دەگەنشە تاراپ كەتتى.
«حۋا - ار» − حۇيزۋ ۇلتىنىڭ وزگەشە فولكلورلىق كوركەم جانرى رەتىندە جۇرتقا بەلگىلى، سونىمەن بىرگە حۋا - ار − كوركەمدىكتىڭ نىشانى رەتىندە كوپ كوڭىلىنەن ورىن العان. تۇرمىستان، كۇندەلىكتى ومىردەن باستاۋ العان وسى وبرازدىڭ اسەرىنەن «حۋا - ار سانجى» دەگەن اتاۋ ورتاعا قويىلىسىمەن، سانجى حۇيزۋ اۆتونوميالى وبلىسىنداعى ءار ۇلت كادر - جۇرتشىلىعى ونى قوستاي جونەلدى.
تىلەك، اڭسار، شابىت، سەرپىلىس... سانجى وبلىسىنداعى ءار ۇلت جۇرتشىلىعى ورتاسىندا شاپشاڭ قانات جازدى.
«حۋا - ار سانجى» − كوركەم بولاشاق
«حۋا - ار سانجى» قانداي بولۋى كەرەك؟ ول تۋرالى اركىمنىڭ ءوز ويى بار شىعار، ءبىراق بارشاعا ورتاق وي − ول تاڭداي قاقتىرار كوركەم بولۋعا ءتيىس.
ول − اندەي اسەم، كۇيدەي كوركەم. «ءبىزدىڭ مەكەن − حۋا - ار جىرىنىڭ اۋىلى، قونىس تۇتقان تۋىس ءار ۇلت قاۋىمى. اسپانداعى جۇلدىزداردان توككەن نۇر، جەر بەتىنىڭ ءمولدىر مونشاق جاۋىنى»... بۇل ءانشى كۇي حۇڭ شىرعان حۋا - ار جىرى − «انامنىڭ شايى» دەگەن ءاننىڭ ءماتىنى.
ءيا، «حۋا - ار سانجىنىڭ» اسپانى جۇلدىزعا تولى بولۋعا ءتيىس. سانجى قالاسىنىڭ تۇرعىنى ۋاڭ جىفىڭ: مەن 20 جىلدىڭ الدىنداعى شايداي اشىق اسپاندى اڭسايمىن، قۇس جولى كوك جۇزىنە كەرىلىپ، ارىستان شوقجۇلدىزىنان مەترو اعىنى جاڭبىرشا قۇلايتىن، - دەدى.
سانجى وبلىسىنىڭ بايتاق دالاسى گۇلمەن كومكەرىلىپ، جاسىل جەلەك جامىلادى. ماناس اۋداندىق پارتكومنىڭ كادرى ني چيانجين: وزەن مەن كول ارناسىنا قايتا تولىپ، باتپاقتى - سازدى جەرلەر قالپىنا كەلىپ، ادام مەن تابيعاتتىڭ ورتاسىندا جاراستىق ورناعانىن كورگىم كەلەدى، - دەدى.
سانجى وبلىسىنىڭ اۋىل - قىستاقتارى سىزعان سۋرەتتەي كورىكتەنەدى. فۋكاڭ قالاسىنىڭ چىڭگۋان قالاشىعىنداعى لياڭفان سەنترلى قىستاعىنىڭ تۇرعىنى، 75 جاستاعى يۋە جۇنلين قاريا −− وسى قىستاقتىڭ تازالىقشىسى. ول: شىنى كەرەك، تازالايتىن قوقىر - قوقسىق جوق قازىر. قىستاق تۇرعىندارىنىڭ كوپشىلىگى ساياجايعا كوشكەن، قالاداعىنىڭ بارلىعى تابىلادى، قورشاعان ورتاسى دا كوركەم، تۇرمىسقا دا قولايلى، قوقىر - قوقسىقتى دا بەتالدى تاستامايدى، مەنىڭشە، «حۋا - ار سانجى» وسىنداي بولۋعا ءتيىس، - دەدى.
فۋكاڭ قالاسى فۋشين ءمالى باسقارماسى يىڭبيڭ جولى الەۋمەتتىك اۋماعى پارتيا باس ياچەيكاسىنىڭ شۋجيى گاۋ مياۋ: قالانىڭ الەۋمەتتىك اۋماعىندا تۇرعىندار كەرەكتى قىزمەتتىڭ بارىنە قول جەتكىزە الاتىن بولۋى، تۇرمىس ورتاسى كورىكتى، حاۋىپسىز، جاراسىمدى بولۋى كەرەك، - دەدى. «حۋا - ار سانجى» قۇرىلىسىنىڭ 1 - ءنومىرلى ينجەنەرياسى وسىلاي ومىرگە كەلدى، ول «تۇنىق اۋا، تازا سۋ، كورىكتى اۋىل - قىستاق، كوركەم الەۋمەتتىك اۋماق جانە جاسىلداندىرۋ، كورىكتەندىرۋ» باعدارلاماسى دەپ اتالادى. «حۋا - ار سانجى» جوباسىندا ءبىرى دە كەم بولمايدى
جاڭ چۇنشيان شۋجيدىڭ تالابى، كادر - جۇرتشىلىقتىڭ تىلەگى سانجى وبلىستىق پارتكوم مەن ۇكىمەتتى تەرەڭ ويعا سالدى، سانجىنىڭ قالاسى مەن دالاسىندا وزگەرىس پەن رەفورما تۋراسىنداعى يدەيانى ازات ەتۋ ورلەۋى كوتەرىلدى.
ىشكى ولكەلەردە كوپ رەت تەكسەرۋ - زەرتتەۋ جۇرگىزۋ، نەگىزگى ساتىداعى بۇقارادان قايتا - قايتا پىكىر الۋ، سانجى وبلىستىق پارتكومنىڭ تۇراقتى كوميتەتى مەن ۇكىمەتتىڭ ۇنەمىلىك ىستەر ماجىلىسىندە سان مارتە تالقىعا سالۋ نەگىزىندە، «حۋا - ار سانجى» قۇرىلىسى «بەستى ءبىر تۇلعالاندىرۋ» جالپى ورنالاستىرۋىن قامتىعان، «بەس ۇلكەن دامۋ يدەياسىن» ايگىلەيتىن ءىرى، جۇيەلى ينجەنەريا دەپ انىقتالىپ، ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعام قۇرىلىسى، ەكولوگيالىق قۇرىلىستىڭ ءبىرى دە كەم بولماۋعا ءتيىس دەپ ۇيعارىلدى. بيىل 17 - مامىردا سانجى وبلىستىق پارتكوم مەن ۇكىمەت «<حۋا - ار سانجى> قۇرىلىسىنىڭ ارەكەت باعدارلاماسىن»، «سانجى وبلىسىنىڭ <تۇنىق اۋا، تازا سۋ، كورىكتى اۋىل - قىستاق، كوركەم الەۋمەتتىك اۋماق جانە جاسىلداندىرۋ، كورىكتەندىرۋ> 3 جىلدىق ارەكەت جوسپارىن (2016 − 2018)» باسىپ تاراتتى. ءسويتىپ، «حۋا - ار سانجى» قۇرىلىسى رەسمي باستالدى.
«حۋا - ار سانجى» قۇرىلىسىنىڭ نىسانالىق جوباسى: سانجى وبلىسىن شينجياڭنىڭ قارىشتاپ دامۋىنىڭ وزەكتى ءوسۋ پوليۋسىنىڭ، جىبەك جولى ەكونوميكالىق بەلدەۋى وزەكتى رايونىنىڭ، ەرەنقابىرعا ەكونوميكالىق بەلدەۋىنىڭ، ەرەنقابىرعا قالالار شوعىرىنىڭ جايناعان مەرۋەرتى ەتىپ قۇرۋعا قۇلشىنىپ، جاراسىمدى، تىنىش، باي، اسەم، كاسىپكە، جانعا جايلى، وركەنيەتتى، العا باسقان، ومىرشەڭدىككە باي، ادامدى ءتانتى ەتەتىن باقىتتى، كورىكتى مەكەنگە اينالدىرۋ. كەزەڭدىك نىساناسى: 2020 - جىلعا دەيىن ەكونوميكالىق دامۋ جاسىلدانعان، تۇرعىندار تۇرمىسى قاۋىمداستىرىلعان، الەۋمەتتىك قىزمەت كورسەتۋ تەڭگەرىلگەن، اسپانى اشىق، جەرى جاسىل بولۋ ۇدايىلانعان جانە قوعام ورنىقتى دا جاراسىمدى، حالىق باي، وبلىس قۋاتتى، تۇرمىس جايدارى، جاسىل، تومەن كومىرتەكتى دامۋ كورنەكتى، قالا - اۋىل قۇرىلىسىنىڭ سىنى كوركەم، تاۋى شىرايلى، سۋى تۇنىق، ەكولوگياسى تاماشا، قوعام وركەنيەتىنىڭ ساپاسى جوعارى جاڭا جاعداي قالىپتاستىرىپ، كورىكتى جۇڭگو، تازا شينجياڭ، «حۋا - ار سانجى» جاڭا نىساناسىن ىسكە اسىرۋ.
20 - ماۋسىمدا سانجى وبلىستىق پارتكومنىڭ شۋجيى جاۋ چيڭ وبلىستىق پارتكوم تۇراقتى كوميتەتىنىڭ (كەڭەيتىلگەن) ماجىلىسىندە: «حۋا - ار سانجى» −− ەكونوميكالىق دامۋدىڭ، ساياسي دەموكراتيالىلىقتىڭ، مادەنيەت گۇلدەنۋىنىڭ، قوعام جاراسىمدىلىعىنىڭ، ەكولوگيالىق جاقسارۋدىڭ، حالىق باقىتىنىڭ جالپى جيىنتىعى، ءسوز جوق، بۇكىل وبلىستىڭ كۇشىن جۇمىلدىرىپ، مەجەلى جوبانى ىسكە اسىرىپ، ءار ۇلت جۇرتشىلىعىنىڭ تابىستىلىق سەزىمىن ۇزدىكسىز نىعايتىپ، جۇرتقا گۇلدەي جايناعان شات كۇلكى سيلاپ، «حۋا - اردىڭ» قۇدىرەتىن سانجىنىڭ بايتاق دالاسىندا تولىق ايگىلەپ، ونى تانىمال نىشانعا اينالدىرۋ كەرەك، - دەدى. «حۋا - ار سانجى» قۇرىلىسى ادامدى ءتانتى ەتىپ، ارمانعا قانات جالعايدى
«حۋا - ار سانجى» قۇرىلىسى قالاي جۇرگىزىلەدى؟ سانجى وبلىستىق پارتكوم مەن ۇكىمەت ونىڭ انىق، ناقتى جولدارىن ورتاعا قويدى. اتاپ ايتقاندا، «<حۋا - ار سانجى> قۇرىلىسىنىڭ ارەكەت باعدارلاماسىن» ارقاۋ ەتىپ، «1 - ءنومىرلى ينجەنەريا» مەن «تۇنىق اۋا، تازا سۋ، كورىكتى اۋىل - قىستاق، كوركەم الەۋمەتتىك اۋماق جانە جاسىلداندىرۋ، كورىكتەندىرۋ» 3 جىلدىق ارەكەت جوسپارىن الدىمەن جولعا قويىپ، 1 -، 2 -، 3 - كاسىپتەردىڭ تيپىن وزگەرتۋ، دارەجەسىن كوتەرۋ ارەكەت جوسپارىن تىرەك، قوعامنىڭ ورنىقتىلىعى مەن جاراسىمدىلىعىن قورعاۋ، عىلىم - تەحنيكادا جاڭالىق اشۋ، جاساۋ كاسىبىندە قۋاتتى وبلىس قۇرۋ، لاستانۋدى وڭاۋ سياقتىلاردى ناقتى قىزمەت جوباسى، كورىكتى اۋىل - قىستاق، كورىكتى الەۋمەتتىك اۋماق قۇرىلىسىنىڭ ولشەمى مەن قۇرىلىستى باعالاۋ ءادىسى، ءتۇيىندى سالالار مەن شەشۋشى بۋىندارداعى رەفورما سياقتىلاردى جەلىلەس كەشەندى شارا ەتىپ، «حۋا - ار سانجى» قۇرىلىسىن «بەستى ءبىر تۇلعالاندىرۋ» جالپى ورنالاستىرۋىنىڭ بارلىق جاعىمەن جانە تۇتاس بارىسىمەن ساباقتاستىرىپ، ناقتىلى، ەگجەي - تەگجەيلى تياناقتاندىرىپ، «حۋا - ار سانجى» قۇرىلىسىنىڭ ويدان تاجىريبەگە، قاعاز جۇزىندەگى جوبادان ءىس جۇزىندەگى ارەكەتكە كوشۋىن ىلگەرىلەتۋ قاجەت.
ماۋسىم ايىنان بەرى، سانجى وبلىسى 2016 - جىلعى «حۋا - ار سانجى» قۇرىلىسى 1 - ءنومىرلى ينجەنەرياسى اياسىنداعى ءتۇيىندى قىزمەتتەردىڭ جوباسى مەن نىسانداردىڭ ءتىزىمىن جەدەل العا قويىپ، «تۇنىق اۋا، تازا سۋ، كورىكتى اۋىل - قىستاق، كوركەم الەۋمەتتىك اۋماق جانە جاسىلداندىرۋ، كورىكتەندىرۋ» بويىنشا 304 نىسان قابىلدادى، وعان جالپى 41 ميلليارد 100 ميلليون يۋان قارجى سالىنادى، جوسپار بويىنشا بيىل 20 ميلليارد 430 ميلليون يۋان قارجى يگەرىلەدى.
1 - تامىزدا جەمسارى اۋداندىق پارتكومنىڭ شۋجيى حى يۇڭجۇن تىلشىلىگىمىزدى قابىلداعاندا: «حۋا - ار سانجى» قۇرىلىسى بويىنشا بۇقارانى ناقتى يگىلىككە كەنەلتەتىن ىستەر ىستەۋ قاجەت، - دەدى. بيىل وسى اۋدان 15 جىلدىق اقىسىز مىندەتتى ءبىلىم بەرۋ، ءىرى الەۋمەتتىك ورىنداردا اقىسىز ينتەرنەتكە جالعانۋ سياقتى ءبىرقىدىرۋ ناقتى جۇمىستاردى اتقارعان، تاياۋ مەزگىلدەگى قالا اۋماعىن وزگەرتۋ قۇرىلىسىندا، بەسبالىق تاريحي مادەنيەتىنىڭ ەلەمەنتتەرى توعىستىرىلعان 4 جاڭا الەۋمەتتىك اۋماق، 19 ساياباق سالۋدى جانە جارىقپەن قامتاماسىز ەتىلگەن اشىق سپورت الاڭدارىن ورنالاستىرۋدى جوسپارعا العان. «بولاشاقتا جەمسارى اۋدانى ءىرى كورىنىس رايونىنا، ءىرى ساياباققا اينالادى»، - دەدى حى يۇڭجۇن.
جىل باسىنان بەرى، ماناس اۋدان قالاشىعىنىڭ تۇرعىندارى قۇبىر سۋىن ماقتانىشپەن اتاپ، ءبىز تاۋ بۇلاعىنىڭ سۋىن تۇتىنامىز دەسىپ ءجۇر. وسى اۋدان جاڭا سۋ زاۆودىن سالۋ، اۋىل - قىستاقتاردىڭ قۇبىر جەلىسىن جاڭالاۋ جۇمىستارىنا 300 ميلليون يۋان قارجى ءبولدى، بيىل قالا - اۋىلداردىڭ ءبىر تۇتاس سۋمەن قامدالۋ سالىستىرماسى %90 تىڭ ۇستىنە كوتەرىلىپ، كەلەسى جىلى تەگىس قامتۋ ىسكە اسىرىلادى. «سول كەزدە اۋدانداعى 280 مىڭ قالا - اۋىل تۇرعىنىنىڭ بارلىعى تازا، تابيعي مينەرال سۋىن تۇتىنىپ، تابيعاتتىڭ سيىن بولىسەدى»، - دەدى اۋدان اكىمى ديڭ يانميڭ.
موري قازاق اۆتونوميالى اۋدانىنىڭ تۇنىق اۋاسى تۋرالى ءسوز بولعاندا، اۋداندىق پارتكوم ۇگىت ءبولىمىنىڭ ۇنەمىلىك ىستەرگە جاۋاپتى ورىنباسار باستىعى ۋ گۇيشان: موريدىڭ اۋاسى ساتۋعا جارايدى! - دەدى ماقتانىشپەن. وسى اۋدان بيىل ءوز اۋماعىنداعى وزگەشە ەكولوگيالىق ورتا بايلىعىن كادەگە جاراتىپ، اۋماقتىق ساياحاتتى بارىنشا دامىتىپ، شينجياڭداعى ساياحاتشىلاردىڭ سەنبى - جەكسەنبىلىك سەرۋەنىنىڭ العاشقى تاڭداۋىنا اينالۋعا ۇمتىلىس جاساپ وتىر. بيىل الدىڭعى جارتى جىلدا، وبلىس بويىنشا 8 ميلليون 545 مىڭ 400 ادام - رەت ساياحاتشى قابىلداندى، بۇل شينجياڭداعى سەيىل - سەرۋەن ساياحاتىنىڭ %67.3 ىن ۇستايدى.
«حۋا - ار سانجى» ارەكەتى بويىنشا، بۇكىل وبلىستاعى 5 اۋدان، 2 قالا، 3 باقشا رايونىنىڭ قۇرىلىسى ءبىر تۇتاس ىلگەرىلەتىلىپ، ونەركاسىپ بىلعانىشىن وڭاۋ، كاسىپتەردىڭ تيپىن وزگەرتىپ، دارەجەسىن كوتەرۋ، اۋىل - قىستاقتاردى كورىكتەندىرۋ سياقتى جۇمىستار جەدەل جۇرگىزىلۋدە. ءبىر توپ جاسىل ەكولوگيالىق دامۋ نىساندارى جولعا قويىلدى. موري قازاق اۆتونوميالى اۋدانىنىڭ جەل كۇشى جانە فوتوۆولت ەلەكتر نىسانى، ماناس اۋدانىنىڭ بۇلتتىق ەسەپتەۋ جانە جاسىل ماعلۇماتتار كاسىپ باقشاسى نىسانى، سانجى مەملەكەتتىك اگروتەحنيكالىق باقشا رايونىنىڭ 100 مىڭ مۋلىق وسى زامانعى اۋىل شارۋاشىلىعىن كاسىپ سالالاندىرىپ توعىستىرا دامىتۋ نىسانى، شينجياڭ ەنەرگيا توبىنىڭ فۋكاڭ تازا ەنەرگيا كوپ سالالى ءوندىرىس نىساناسى، ت.ب ءساتتى قۇرىلىس باستاپ، «حۋا - ار سانجى» قۇرىلىسىنىڭ شىعىس جەلىنە جەلكەن كوتەردى.
قامشىنىڭ سابىنداي عانا 3 جىل ۋاقىت كوزدى اشىپ - جۇمعانشا وتە شىعادى. «تۇنىق اۋا، تازا سۋ، كورىكتى اۋىل - قىستاق، كوركەم الەۋمەتتىك اۋماق جانە جاسىلداندىرۋ، كورىكتەندىرۋ» 3 جىلدىق ارەكەت جوسپارىنىڭ بارلىق نىساناسى بىرتىندەپ ىسكە اسقاندا، الدىمىزدان جاڭا سانجىنىڭ، ادامدى ءتانتى ەتەتىن گۇلدەي كورىكتى سانجىنىڭ جارقىن كەلبەتى كوز تارتپاق.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
