- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تاجىريبە الماستىرىپ، قىزىل كرەست ىستەرىنىڭ اقاۋسىز دامۋىن جەبەيىك
اۆتونوميالى رايوننىڭ قىزىل كرەست قوعامى جۇيەسى قىزمەتىن ىلگەرىلەتۋ ءماجىلىسى (سولتۇستىك شينجياڭ، شىعىس شينجياڭ رايونى بويىنشا) قۇلجا قالاسىندا اشىلدى
2016.08.08 13:53
تامىزدىڭ 3-كۇنى اۆتونوميالى رايوننىڭ قىزىل كرەست قوعامى جۇيەسىنىڭ قىزمەتىن ىلگەرىلەتۋ ءماجىلىسى (سولتۇستىك شينجياڭ، شىعىس شينجياڭ رايونى بويىنشا) قۇلجا قالاسىندا اشىلدى. ماجىلىستە الدىڭعى جارتى جىلدىق قىزمەت قورىتىندىلانىپ، سوڭعى جارتى جىلدىق قىزمەت ورنالاستىرىلىپ، ءتۇرلى قىزمەتتى ويداعىداي تياناقتاندىرىپ، تۇتاس جىلدىق قىزمەت نساناسىن ورىنداۋعا كەپىلدىك ەتۋ دارىپتەلدى. ماجىلىسكە اۆتونوميالى وبلىستىڭ ورىنباسار باستىعى، وبلىستىق قىزىل كرەست قوعامىنىڭ باستىعى جاڭ جۇي، اۆتونوميالى رايوننىڭ، ءۇرىمجى، سانجى، تۇرپان جانە اۆتونوميالى وبلىستاعى اۋدان-قالالاردىڭ قىزىل كرەست قوعامدارىنىڭ قاتىستى باسشىلارى قاتىناستى.
سول كۇنى تۇستەن بۇرىن، ماجىلىسكە قاتىناسقاندار قۇلجا اۋدانى اروستەڭ اۋىلى جانە قۇلجا قالالىق 15-باستاۋىش مەكتەپ، 23-ورتا مەكتەپ سياقتى ورىنداردى كوزدەن كەشىردى. قۇلجا قالالىق 23-ورتا مەكتەپتە ماجىلىسكە قاتىناسقاندار ءومىر اقاۋسىزدىعى جانە اماندىق تاجىريبە سارايىن كوردى. بۇل ساراي اۆتونوميالى وبلىستاعى بىردەن -ءبىر ءومىر اقاۋسىزدىعى جانە اماندىق تاجىريبە بازاسى بولىپ، وندا ءورت مايدانىنداعى تۇتەكتەن قاشىپ شىعۋ تاجىريبەسى، ەلىكتەمەلى جەر سىلكىنىسى تاجىريبەسى، شۇعىل قۇتقارۋ تاجىريبەسى سىندى نەشە ون تاجىريبە رايونى ورنالاستىرىلعان. تاجىريبە سارايىنىڭ قۇرىلۋى ءداستۇرلى وقىتۋ-تاربيەلەۋ فورماسىنا جاڭالىق ەنگىزىلگەن، وقۋشىلار اپات تۋىلعاندا ودان قالاي قورعانۋ شارالارى مەن قابىلەتىن ناقتى تاجىريبەلەر ارقىلى يگەرە الادى. ۇعىسۋىمىزشا، اۆتونوميالى وبلىستىق قىزىل كرەست قوعامى وقۋ-اعارتۋ تاراۋلارىمەن بىرلەسىپ قىزىل كرەست ۇلگى مەكتەبىن قۇرۋ قيمىلىن كەڭ كولەمدى ورىستەتكەن. مەكتەپتەر ءتۇرلى قىزىل كرەست قيمىلدارىن بەلسەنە قانات جايدىرىپ، ءمورال تاربيەسىنىڭ ماڭىزدى قۇرامداس بولەگىنە اينالدىردى.
ۇعىسۋعا قاراعاندا، جۋىق جىلداردان بەرى اۆتونوميالى وبلىستىڭ قىزىل كرەست ىستەرى باياندى دامىعان، ءار دارەجەلى قىزىل كرەست ۇيىمدارى جاڭاشا اۋىل-قىستاق، جاراسىمدى الەۋمەتتىك اۋماق قۇرۋ، مادەنيەتتى مەكتەپ اۋلاسى قۇرىلىستارى، مادەنيەتتى ورىن قۇرۋ قيمىلى بارىسىندا بەلسەندى رول اتقارعان. اپاتتان ساقتانۋ، قۇتقارۋ بارىسىندا دەركەزىندە ءونىمدى جۇمىستار ىستەگەن. بەس جىلدان بەرى وبلىس بويىنشا اپاتتان قۇتقارۋ، اپاتقا ۇشىراعاندارعا كومەك بەرۋگە جينالعان قارجى جيىنى 35 ميلليون 620 مىڭ يۋان؛ قوعامدىق قۇتقارۋعا اقشالاي جانە زاتتاي تاراتىلعان كومەك سوما 10 ميلليون 670 مىڭ يۋان؛ 58 مىڭنان استام قيىنشىلىعى بار بۇقارادان حال سۇراعان جانە ولارعا كومەكتەسكەن، قۇتقارۋ جاتتىقتىرۋىن تياناقتى ورىستەتىپ، جيىنى 120 مىڭ 500 دەن استام ادامدى ءتۇرلى جاتتىقتىرۋعا قاتىناستىرعان، ەرىكتى قىزمەت وتەۋ كورنەكتىلەنىپ، قوعامنىڭ ءار سالاسىنىڭ قىزىل كرەست ىستەرىنىڭ دامۋىنا بەلسەنە اتسالىساتىن تاماشا اۋقىم قالىپتاسقان.
جاڭ جۇي بىلاي دەدى: اۆتونوميالى وبلىستىق قىزىل كرەست قوعامى وسى رەتكى ىلگەرىلەتۋ ءماجىلىسىن وراي ەتىپ، تۋىسقان وبلىستاردىڭ جاقسى تاجىريبە، ۇتىمدى ادىستەرىن ۇلگى ەتە ۇيرەنىپ، قىزمەت وتەۋ دانەكەرىن بەلسەنە جەبەپ، ايگىلى ماركا نىساندارىن كۇش سالا قۇرىپ، قىزىل كرەست ىستەرىنىڭ اقاۋسىز دامۋىن جەبەپ، ىنتىماقتى دا ورنىقتى، حالقى باي، وبلىسى الۋەتتى، ەكولوگياسى كوركەم ىلە قۇرۋ ءۇشىن ۇلەس قوسامىز. (كاميلا حالمۇرات)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
