بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

لوپ حالقىنىڭ تىنىستى تىرشىلىك كورۋ ارمانى ورىندالدى

2016.08.09 14:57     كەلۋ قاينارى : شينجياڭ گازەتى

  كەڭ الاڭ، قاز - قاتار سالىنعان «سارايلار»، فورماسى ءار الۋان جول شىراقتارى، دەنە شىنىقتىرۋ اسپاپتارى، مەكتەپ، دارەتحانا، قىستاق قيمىل ورتالىعى سياقتىلاردىڭ ءبارى - ءبارى بار... ءتىلشى جازدىڭ شىلىڭگىر ىستىعىندا لوپ اۋدانىنىڭ اۋىل - قىستاقتارىنا بارعاندا مىنە وسىنداي كورىنىستەرگە كۋا بولدى.

  ءار ۇلت بۇقاراسىنىڭ ءتۇبىرلى مۇددەسىن ويداعىداي قورعاۋ، ويداعىداي جۇزەگە اسىرۋ، ويداعىداي دامىتۋ ءۇشىن، 2010 - جىلدان بەرى لوپ اۋدانى بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا ءۇي سالۋ مەن كاسىپ سالاسىن دامىتۋدى ءوزارا ۇشتاستىرۋعا، جاڭالاپ سالۋ مەن تىڭنان سالۋدى ءوزارا ۇشتاستىرۋعا، «كورەگەندىك» پەن «جالپىعا تيىمدىلىك جاساۋدى» ءوزارا ۇشتاستىرۋعا، قۇرىلىس ۇلگىسىنىڭ كوركەمدىگى مەن تاڭداۋلىلارىنان پايدالانۋدى ءوزارا ۇشتاستىرۋعا باستان - اياق تاباندى بولىپ كەلدى. قازىر تۇتاس اۋداننىڭ اۋىل - قىستاقتارىنداعى 59 مىڭ وتباسىنان 30 مىڭنان استام وتباسى كەڭ دە جارىق بەيقۇت ۇيگە كوشىپ كىردى. بەيقۇت ءۇي سالىپ، حالىقتى اۋقاتتاندىرۋ ينجەنەرياسى تاعى اۋىل - قىستاقتاردىڭ نەگىزدىك قۇرىلعى قۇرىلىسىن بارىنشا جەبەپ، ادامداردىڭ تۇرمىس تاسىلىنە، ءىس - ارەكەتىنە، يدەياسىنا ىقپال كورسەتىپ، كوپتەگەن شارۋالاردىڭ باسىندا ءۇيى بولۋ، ىستەيتىن كاسىبى بولۋ ارمانىن جۇزەگە اسىردى.

  اۋلا ەكونوميكاسى كىرىستى ارتتىرۋعا دەم بەردى

  ءمىجيت ابدىراقىم سامپۇل قالاشىعى بوستانكول قىستاعىنىڭ تۇرعىنى. مەن 31 - شىلدە كۇنى ءمىجيتتىڭ ۇيىنە بارعانىمدا، ول قىستاق پارتيا ياچەيكاسىنىڭ شۋجيى ابىلەز توحتىتەمىرمەن كاسىپتى دامىتۋ ىستەرى جونىندە كەڭەسىپ وتىر ەكەن.

  ءمىجيت وتباسىندا 4 ادام بار، 2006 - جىلى كوكتەمدە جەر سىلكىنىسىنە ءتوزىمدى بەيقۇت ءۇي سالدى، وعان قوسا 3 مۋ كەلەتىن اۋلاسىنىڭ شىعىسىنا جەمىس اعاشىن وتىرعىزىپ، باتىسىنا مال بورلايتىن قورا سالىپ، ءبىر جىلدىڭ ءتورت ماۋسىمىندا كىرىس كىرگىزۋ جوباسىن وسىلاي جاسايدى. بىلتىر كوكتەمدە ءمىجيت اۋلا كىرىسىنە قوسا، مەملەكەتتىڭ، اۆتونوميالى رايوننىڭ جانە شينجياڭعا باعىتتامالى كومەكتەسەتىن ولكە، قالالاردىڭ كومەگىمەن تاعى دا 99 شارشى مەترلىك بەيقۇت ءۇي سالىپ الدى.

  ابىلەز: قىستاعىمىزداعى 163 وتباسىنىڭ 135 وتباسى بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا سالىنعان ۇيلەرگە كوشىپ كىردى، «قىستاعىمىزدا جەمىس ورمانىنىڭ كولەمى 13 مىڭ مۋ، تەك اۋلادا وسىرىلگەن جەمىس اعاشى جالپى جەمىس ورمانىنىڭ ۇشتەن ءبىرىن يەلەيدى»، - دەدى.

  سامپۇل قالاشىعى بەيقۇت ءۇي سالىپ، حالىقتى اۋقاتتاندىرۋ ينجەنەرياسىمەن ۇشتاستىرىپ، اۋلا ەكونوميكاسى قۇرىلىسى بويىنشا 16 قىستاقتاعى 3657 وتباسىنىڭ 4215 مۋ جەرىنە شوعىرلى وزگەرتۋ جۇرگىزىپ، تۇرمىس رايونى، ءوندىرىس رايونى، باعىمشىلىق رايونى، ەگىنشىلىك رايونى بويىنشا قاتاڭ جوبا جاساۋدىڭ ارقاسىندا، اۋلا شارۋاشىلىعىنىڭ ۇلەسى شارۋالاردىڭ ارتقان كىرىسىنىڭ %20ىنەن جوعارى بولۋىن جۇزەگە اسىردى.

  قازىر اتاۋلى قالاشىقتىڭ حاۋىپتى داۋالدى، حاۋىپتى ۇيلەردى بۇزۋ سالىستىرماسى %99كە، اۋلانى تازا ۇستاۋ سالىستىرماسى %97كە، اعاشتاردى تۇراقتاندىرىپ ەگۋ سالىستىرماسى %98كە جەتتى. اچچىق اۋىلى − لوپ اۋدانىنداعى سەيىل - سەرۋەن قۇرىپ، سالقىن سامالعا توعىتىلۋداعى تاپتىرماس جەر. بۇل ارادا اسقار تاۋ، اساۋ وزەن، جاسىل القاپ، قارلى تاۋ سىندى ەرەكشە ساياحات بايلىعى بار. مەرەكە - مەيرام، دەمالىس كۇندەرى شينجياڭنىڭ ءىشى - سىرتىنان قوناقتار وسىندا ات باسىن بۇرادى.

  50 جاسقا تاياعان پاتەمحان روزى − اچچىق اۋىلى ۇلىقبالى قىستاعىنداعى اتى ايگىلى شارۋالار ساياجايىنىڭ ايەل قوجايىنى. «2011 - جىلى مەملەكەت بەرگەن 28 مىڭ 500 يۋان كومەك قاراجاتقا ءوزىم 15مىڭ يۋان قوسىپ، بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا 80 شارشى مەترلىك ءۇي سالدىرىپ، تۇتاس وتباسىمىزبەن وسى ۇيگە كوشىپ كىردىك»، - دەدى ول.

  2012 - جىلعى جازدا اۋدان قالاشىعىندا جەكەلىك ساۋدا ىستەيتىن ابدۇحالەل تۇرۇپ قىستاققا كەلىپ، پاتەمحان وتباسىنىڭ وسىرگەن تاۋىعىن، تاۋىق جۇمىرتقاسىن ساتىپ العان كەزدە، ول پاتەمحانعا: وسىنشاما ۇلكەن اۋلادا قوي، تاۋىق باعىپ وتىر ەكەنسىڭ، جاڭا سالىنعان ءۇيىڭدى شارۋا ساياجايىنا نەگە وزگەرتپەيسىڭ؟ - دەيدى، پاتەمحان ويلانا كەلە، بۇل ىسكە بىلەك سىبانا كىرىسىپ، قىستاق بويىنشا تۇڭعىش شارۋالار ساياجايىن اشادى.

  اۋىلدىق پارتكوم پاتەمحاننىڭ ونەرىن جالپىلاستىرۋ ءۇشىن، قوناق كۇتۋ زالىن، ۇلتتىق كيىز ءۇي جانە ءجۇزىم سورەسىن سالاتىن كومەك قاراجاتپەن قامدادى. «اۋلامىزداعى ساياجاي 05 قوناقتى جاتىن ورىنمەن، اس - سۋمەن قامداي الادى، ادەتتە ايلىق كىرىسىمىز 10 مىڭ يۋانعا جەتپەيدى، ايتسە دە ساياحات ىستەرىنىڭ قاۋىرت كەزىندە ايلىق تابىسىمىز 20 مىڭ يۋانعا دەيىن جەتەدى»، - دەيدى پاتەمحان قۋانىشپەن.

  اچچىق اۋىلدىق ۇكىمەتتىڭ كادرى جاڭ چاۋچيڭ بىلاي دەدى: پاتەمحان شارۋالار ساياجايىنىڭ ۇگىتشىسى مىندەتىن دە وتەگەن، ول وسىندا ساياحاتتاي كەلگەن حوتاندىق قىستاق تۇرعىندارىنا «ۇشقارىلىقتى الاستاۋدىڭ» جولدارىن، قاجىرلى ەڭبەكپەن اۋقاتتانۋدىڭ حيكايالارىن ۇنەمى ايتىپ وتىرادى.

  اۋداندا ساۋدا - ساتتىقپەن شۇعىلداناتىن ابدۇحالەل ءار جىلى شىلدە، تامىز ايلارىندا پاتەمحاننىڭ وتباسى ساياجايىنا اعايىن - دوستارىن ەرتىپ كەلىپ، باس قوسىپ قايتادى ەكەن. 1 - تامىز تۇستەن بۇرىن ول تۋىستارىنان، دوستارىنان 38 ادامدى پاتەمحاننىڭ وتباسى ساياجايىنا ەرتىپ كەلدى. «پاتەمحاننىڭ وتباسى ساياجايىنىڭ ورتاسى تىنىستى، تاعامى ءدامدى، تازالىعى جاقسى، باستىسى، ول بىزگە پارتيانىڭ ساياساتتارىن ۇگىتتەپ، زاڭسىز ءدىني قيمىلدان اۋلاق ءجۇرۋدى ەسكەرتەدى»، - دەيدى ابدۇحالەل.

  اچچىق اۋىلىنا قاراستى 4 قىستاقتاعى 521 وتباسىنىڭ 484ى بەيقۇت ۇيگە كوشىپ كىرگەن. جاڭادان سالىنعان بەيقۇت ۇيىندە شارۋالار ساياجايىن اشىپ وتىرعان 121 وتباسى بار. تۇتاس اۋىلدىڭ ءار جىلعى قابىلداعان ساياحاتشى مولشەرى 50 مىڭ ادام - رەتكە جەتەدى، كىسى باسىندىق جىلدىق كىرىس 51 مىڭ يۋاننان اسادى، ساياحات كاسىبى 100دەن اسا قىستاق تۇرعىنىن كاسىپتەنۋگە جەبەدى. 2007 - جىلدان بىلتىرعا دەيىن قىستاقتاعى 104 وتباسى تۇگەلدەي بەيقۇت ۇيگە قونىستانىپ ۇلگىرگەن. قىستاق تۇرعىنى جاڭ چۇننىڭ ايتۋىنشا، قازىر قۇرعاق جەمىس بازارىندا شىلان سياقتى ونىمدەردىڭ باعاسى جاقسى بولعاندىقتان، اۋىلدىق پارتكوم، قىستاق پارتيا ياچەيكاسى شىلان اعاشىن ەگۋ كولەمىن كەڭەيتۋدى ۇيعارعان ەكەن. جاڭ چۇن ءوزى اۋلاسىنداعى 3 مۋ جەرگە شىلان ەگىپتى. مۇنان پايدا تاپقاننان كەيىن جاڭ چۇن 10 مۋ اتىزىنا تۇگەلدەي شىلان ەككەن، كەيىن ءتىپتى باسقالاردىڭ جەرىن كوتەرمەگە الىپ شىلان ەككەن. ءسويتىپ، 75 مۋ جەرگە شىلان ەگىپتى.

  قىستاقتا جاڭ چۇن سياقتى شىلان ەگۋمەن شۇعىلداناتىن 40 تا 50 وتباسى بار. كورشىلەس قىستاقتاعى ديقاندار ىسلىقدۇن قىستاعىنداعى جۇرتشىلىقتىڭ كوبىنىڭ شىلان ەگىپ اۋقاتتانىپ كەتكەنىن كورىپ، ولاردىڭ دا شىلان ەگۋگە ىقىلاسى كۇشەيدى.

  ءبىر اۋىلدىققا قاراستى باقارىق قىستاعى ىسلىقدۇن قىستاعىنان 10 نەشە كيلومەتر الىستا. 2009 - جىلى باقارىق قىستاعىنىڭ تۇرعىنى مامەت ايسا جاڭ چۇننىڭ شىلان ەگۋدىڭ شەبەرىنە اينالعانىن ەستىپ، جاڭ چۇننەن شىلان ەگۋ تەحنيكاسىن ۇيرەنبەكشى بولادى، جاڭ چۇن وعان شىلان ەگۋدى تەگىن ۇيرەتەدى، جاتىن ورىنمەن، تاماقپەن قامدايدى، مامەت تابانداپ بىرنەشە جىل ۇيرەنەدى. بۇگىنگى كەزدە مامەت تە 15 مۋ جەرگە شىلان ەككەن. قازىر ىسلىقدۇن قىستاعىنداعى شىلان ەگىلگەن جەر كولەمى 3500 مۋعا، شىلاننىڭ جىلدىق ءتۇسىمى 1500 تونناعا جەتكەن، جىلدىق ءونىم قۇنى 20 ميلليون يۋانعا تاياعان.

  قىستاق پارتيا ياچەيكاسى 2014 - جىلى اۋىلدىق پارتكومنىڭ ۇندەۋىنە ءۇن قوسۋ ءۇشىن، «قول ۇستاسۋ، دوستاسۋ» قيمىلىن باستادى، جەلىلەس قيمىلدار ارقىلى 50 مىڭ يۋاننان اسا كومەك بەردى، تەحنيكالىق قولداۋعا يە بولعاندار 269 ادام - رەتكە جەتتى، تۇتاس قىستاقتاعى 99 وتباسى ماڭىنداعى قىستاقتاردىڭ 176 وتباسىمەن «قول ۇستاسۋ» قيمىلىنا قاتىناستى، كاسىپتەنگەندەر 110 ادام - رەتكە جەتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.