- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
توعىزتاراۋ اۋدانى وسى زامانعى اۋىل شارۋاشىلىعىنىڭ دامۋ اياق الىسىن جەدەلدەتتى
2016.08.18 13:23
سوڭعى جىلداردان بەرى توعىزتاراۋ اۋدانى اۋىل شارۋاشىلىعىنىڭ ءونىمىن، شارۋالار كىرىسىن ارتتىرۋ نىساناسىن توڭىرەكتەپ، اۋىل شارۋاشىلىق عىلىم –تەحنيكاسىنان ۇلگى كورسەتۋ باقشاسىن قۇرىپ، ەگىس داقىلدارىنىڭ جاڭا سورتى مەن وزىق تەحنيكالاردى ەنگىزىپ، وسى زامانعى اۋىل شارۋاشىلىعىنىڭ دامۋ اياق الىسىن جەدەلدەتتى.
بيىل بۇل اۋدان ۋنيۆەرسالدى ەگىنشىلىك الاڭىندا قۇرىلعان اۋىل شارۋاشىلىق عىلىم –تەحنيكاسىنان ۇلگى كورسەتۋ باقشاسىنىڭ 5 مىڭ تەكشە مەتر جەرىن تەگىستەپ، مىڭ مەتر جەردەگى سۋ ۇنەمدەپ سۋارۋ قۇبىرىن جاڭالاپ، 230 مىڭ مەتر جەرگە تامشىلاتىپ سۋارۋ قۇبىرىن ورناتىپ، ءبىر سۋ ساقتاۋ كولشىگى مەن ءبىر سۋ تازارتۋ كولشىگىن جاساپ، سورتتى ەگىس داقىلدارى مەن جاڭا تەحنيكانى جالپىلاستىرۋعا شارت - جاعداي ازىرلەدى.
ۋنيۆەرسالدى ەگىنشىلىك الاڭىنىڭ باستىعى شۋە بايشىڭ: «عىلىم – تەحنيكادان ۇلگى كورسەتۋ باقشاسىنا جاپون كارتوبى، تاسپا ءشوپ سىندى ەكونوميكالىق داقىلدار ەگىلدى، بيىل سىناق رەتىندە ەگۋ مەن جالپىلاستىرۋدى تىعىز ۇشتاستىرىپ، ءدارى ءشوپ پەن مايمۇل شاپتولدىڭ جاڭا سورتىن ەنگىزىپ، سىناق رەتىندە ەكتىك، ءونىمى كورنەكتى بولسا، بىرتىندەپ جالپىلاستىرىپ، شارۋالاردىڭ كىرىسىن ارتتىرۋدى جوسپارلاپ وتىرمىز»، – دەدى.
ۋنيۆەرسالدى ەگىنشىلىك الاڭىنىڭ شارۋاسى سۇن جيرۇڭ ءۇش جىلدىڭ الدىندا اۋىل شارۋاشىلىق عىلىم - تەحنيكاسىنان ۇلگى كورسەتۋ باقشاسىندا جاپون كارتوبىن سىناق رەتىندە ەگىپ، تابىسقا جەتكەن سوڭ ەگىمشىلىك كولەمىن كەڭەيىتىپ ءار جىلى 100 مىڭ يۋاننان استام كىرىس كىرگىزدى، بيىل ول باقشاعا سۇمبىل بۇرشاق پەن جاسىل بۇرشاقتى سىناق رەتىندە ەگىپ، ءونىمى جاقسى بولسا كولەمىن كەڭەيتۋدى جوسپارلاعان.
سۇن جيرۇڭ بىلاي دەيدى: «بۇرىن اتىزعا ءبيداي، جۇگەرى، سويا بۇرشاق سىندى ءداستۇرلى ەگىس داقىلدارى ەگەتىنمىن. بىرنەشە جىلدان بەرى جاڭا سورتتى كوكونىستەردى ەگىپ، قوماقتى پايداعا كەنەلدىم، وتكەن جىلى جاپون كارتوبىنىڭ اراسىنا قاربىزدى كىرىستىرىپ ەكتىم، جاپون كارتوبىنىڭ ءبىر مۋىنان 6 دا 7 مىڭ يۋان كىرىس كىرگىزۋگە بولادى. بيىل باقشاعا سۇمبىل بۇرشاق پەن جاسىل بۇرشاقتىڭ جاڭا سورتىن سىناق رەتىندە ەكتىم، ءونىمى ايتارلىقتاي بولدى، كەلەر جىلى سۇمبىل بۇرشاق پەن جاسىل بۇرشاق ەگىمشىلىگىنىڭ كولەمىن كەڭەيتىپ، قارا استىقتى سىناق رەتىندە ەگىپ كورۋدى جوسپارلاپ وتىرمىن»، - دەدى.
ۋنيۆەرسالدى ەگىنشىلىك الاڭىنىڭ شارۋاسى شي ساڭلۋ وتكەن جىلى اۋداندىق پارتكومنىڭ 1-ءنومىرلى قۇجاتىندا بەلگىلەنگەن ءتيىمدى ساياساتتاردان ۇتىمدى پايدالانىپ، 3 ميلليون يۋان قارجى جۇمساپ، قۇرىلعىلى اۋىل شارۋاشىلىق بازاسىنا يەلەگەن جەر اۋماعى ءبىر مىڭ 500 شارشى مەتر كەلەتىن ينتەللەكتتى جىلىجاي سالىپ، ۇكىمەتتىڭ 100 مىڭ يۋان تولىقتاما قاراجاتىنان يگىلىكتەندى. ول جىلىجايعا اۆتوماتتى مەڭگەرىلەتىن جىلجىمالى تەزەرە، كۇن نۇرىنان ساقتاۋ جۇيەسى، اۋا تەڭشەگىش جابدىعى، اۆتوماتتى بۇركىپ سۋارۋ قۇبىرى سىندى قۇرىلعىلاردى ورناتىپ، تاقتادا كوكونىس، گۇل، بۇلدىرگەن مايساسىن سىناق رەتىندە ەگىپ، تابىسقا جەتكەن سوڭ جىلىجايدا گۇل جانە بۇلدىرگەن ءوسىرۋ بەكىمىنە كەلىپ، بۇلدىرگەن ەگىمشىلىك اۋماعىن كەڭەيتۋ ءۇشىن بيىل 2 - مەرزىمدىك قۇرىلىسىن سالىپ، جىلىجايدى ساياحاتتاي ءجۇرىپ بۇلدىرگەن ءۇزۋ، گۇلدەردى تاماشالاۋ ءبىر تۇلعالانعان ۋنيۆەرسالدى جىلىجايعا اينالدىرۋدى جوسپارلاعان.
شي ساڭلۋ بىلاي دەيدى: «اۋدانىمىز وسى زامانعى اۋىل شارۋاشىلىعىن دامىتۋعا زور كۇشپەن قولداۋ كورسەتىپ وتىر، بيىل جانە دە 3 ميلليون يۋان قارجى جۇمساپ، 3 مىڭ شارشى مەتر كەلەتىن جىلىجاي سالدىم، كەلەر جىلى جىلىجايدىڭ 3-مەرزىمدىك قۇرىلىسىن سالىپ، ەگىمشىلىك كولەمىن كەڭەيتىپ، جىلىجايدى ساياحاتتاي ءجۇرىپ جەمىس - جيدەك ءۇزۋ، كورىنىستەردى تاماشالاۋ، تاماقتانۋ ءبىر تۇلعالانعان كولەمدى جىلىجايعا اينالدىرۋدى جوسپارلاپ وتىرمىن»، – دەدى.
توعىزتاراۋ اۋدانى اۋىل شارۋاشىلىعىن دامىتۋ ءۇشىن ۇدايى 4 جىل 1- ءنومىرلى قۇجات شىعارىپ، ءتيىمدى ساياسات بەلگىلەپ، عىلىم - تەحنيكادا جاڭالىق جاراتىپ، وسى زامانعى اۋىل شارۋاشىلىعىن زور كۇشپەن دامىتىپ، تۇقىمدىق جۇگەرى، ءدارى ءشوپ سىندى ەرەكشە اۋىل شارۋاشىلىعىن بىرتىندەپ كولەمدەندىرىپ، ەگىس داقىلدارىنىڭ جاڭا سورتى مەن جاڭا تەحنيكالاردى ەنگىزىپ، اۋىل شارۋاشىلىق عىلىم – تەحنيكاسىنان ۇلگى كورسەتۋ باقشاسىن، 20 ورىندا ۇلگى كورسەتۋ ءتۇيىنىن قۇردى ءارى اۋىل شارۋاشىلىق عىلىم – تەحنيكاسىنان ۇلگى كورسەتۋ باقشاسىن اۆتونوميالى رايون دارەجەلى ۇلگى كورسەتۋ باقشاسى ەتىپ قۇرىپ شىعۋعا كۇش سالدى. زايرا ءابىلوقاس قىزى
كەلۋ قاينارى: حۋيۇي تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
