- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەلەكترلى پاردى جالپىلاستىرا باستادى
2016.08.19 14:09 كەلۋ قاينارى : شينجياڭ گازەتى
زايرا ءابىلوقاس قىزى حابارلايدى. توعىزتاراۋ اۋدانى بيىل جاڭ تەحنيكا، جاڭا جابدىقتاردى ەنگىزۋگە باسا ءمان بەرىپ، ءتيىمدى ساياسات بەلگىلەپ، بۇقارانى ەنەرگيانى ۇنەمدەيتىن، شاعىن قالا - قالاشىقتاندىرۋعا ءتيىمدى، ورتانى قورعاۋعا پايدالى ەلەكترلى پاردان پايدالانۋعا جەتەلەپ، ەلەكترلى پاردى بىرتىندەپ جالپىلاستىرا باستادى.
اۋدان ورتالىعىندا رەستوران اشاتىن امان ەلەكترلى پاردىڭ وتە قولايلى ەكەندىگىن ءارى ۇكىمەتتىڭ ەلەكترلى پار ورناتقاندارعا قوسىمشا قاراجات بەرەتىندىگىن ەستىپ، رەستورانعا ەلەكترلى پار ورناتىپ، كومىر ساتىپ الۋعا جانە جۇمىسكەر جالداۋعا جۇمسايتىن اقشاسىن ۇنەمدەدى. ول: ءار جىلى كومىر ساتىپ الۋعا 20 مىڭ يۋاننان ارتىق اقشا جۇمساۋشى ەدىم، مۇنىڭ سىرتىندا ايلىق ەڭبەكاقىسىن 2000 يۋاننان بەرىپ، پار قازان جۇمىسشىسىن جالدايتىنمىن، بىلتىر قىستا ەلەكترلى پاردى سىناق رەتىندە پايدالاندىم، ءونىمى، شىنىندا، وتە جاقسى ەكەن، اسحانانىڭ ورتاسى تازا، رەتتى بولۋمەن بىرگە، ەنەرگيا كوپ مولشەردە ۇنەمدەلدى، - دەدى.
اتالعان اۋدان بيىل 300 وتباسىنا ەلەكترلى پار ورناتۋدى، ەلەكترلى پاردى جالپىلاستىرۋ جوباسىن توپقا ءبولىپ اتقارۋدى جوسپارلادى. وسىعان وراي اۋداندىق ەلەكترلى پارمەن قامداۋ سەرىكتەستىگى كەمەلدى جوسپار جاساپ، ءىس جۇزىندىك جاعدايعا قاراي ەلەكتر لەنيالارىن وزگەرتىپ، ەلەكترلى پار ورناتقان وتباسىلارعا كەرنەۋ وزگەرتۋ جابدىعىن قايتا ورناتىپ، ولاردىڭ ەلەكتردەن حاۋىپسىز پايدالانۋىنا كەپىلدىك ەتتى. سەرىكتەستىكتىڭ ورىنباسار ديركتورى حان يۇنچيڭ: ەلەكترلى پار ەنەرگيانى ۇنەمدەپ، ورتانى قورعايدى، اۋانىڭ لاستانۋىن تىزگىندەيدى، ىستەتۋگە وتە قولايلى. ىستەتكەن كەزدە ەلەكتر كوزىنە جالعاپ، قاجەتسىز كەزدە ەلەكتر كوزىنەن ايىرىپ تاستاۋعا بولادى، ەلەكترلى پار ورناتقان وتباسىلارىنا كەرنەۋ وزگەرتۋ جابدىعىن قايتا ورناتىپ، ەلەكتر قۋاتىن كۇشەيتىپ، ولاردىڭ ەلەكتردەن حاۋىپسىز پايدالانۋىنا كەپىلدىك ەتتىك، - دەدى.
بۇل اۋدان بيىل مەملەكەت بويىنشا ەكولوگيالىق وركەنيەتتەن ۇلگى كورسەتەتىن اۋدان مەن تازا قالا قۇرۋ، جانعا جايلى ورتا جاراتۋ نىساناسىن العا قويىپ، ەكولوگيالىق ورتانى قورعاۋ، اۋا ساپاسىن جاقسارتۋ، جانعا جايلى ورتا جاراتۋ شارالارىن اتقارىپ، ءتيىمدى ساياسات بەلگىلەپ، اۋدان قالاشىعىنداعى ەلەكترلى پار ورناتقان وتباسىلارى مەن الەۋمەتتىك ورىنداردىڭ ەلەكتر اقىسى مەن ەلەكترلى پار ورناتۋ اقىسىنا قوسىمشا قاراجات بەرۋدى، مۇندا 50 شارشى مەتردەن اساتىن ۇيگە ەلەكترلى پار ورناتقان وتباسىلارىنىڭ ەلەكتر اقىسىنا جىلىنا 500 يۋاننان، پار ورناتۋ اقىسىنا 2000 يۋاننان، 100 شارشى مەتردەن اساتىن ءۇيدىڭ ەلەكتر اقىسىنا جىلىنا 800 يۋاننان، پار ورناتۋ اقىسىنا 4000 يۋاننان قوسىمشا قاراجات بەرىپ، جاڭا، وزىق تەحنيكا مەن جابدىقتاردى جالپىلاستىرۋ اياق الىسىن جەدەلدەتىپ، بۇقارانىڭ تۇرمىس ساپاسىن جوعارىلاتۋعا كۇش سالدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
