بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

اۆتونوميالى رايوننىڭ ۇلتتار ىنتىماعى العاباسارلىعى جىلى قيمىلى بويىنشا ىلە وبلىسىنداعى جاس ءوسپىرىم وقۋشىلاردىڭ قوس ءتىل جارىسى ءساتتى اياقتادى

ۇيرەنۋ ناتيجەلەرىن جان – جاقتى ايگىلەپ، ۇلتتار ىنتىماعى العاباسارلىعىندا جاڭا سالت ورناتتى

2016.08.22 16:06    

  تامىزدىڭ 18 – كۇنى اۆتونوميالى رايوننىڭ ۇلتتار ىنتىماعى العاباسارلىعى جىلى قيمىلى بويىنشا ىلە وبلىسى جاس ءوسپىرىم وقۋشىلارىنىڭ قوس ءتىل جارىسى قۇلجا قالاسىنداعى جينلين بۇقارالىق مادەنيەت قيمىل ورتالىعىندا شىمىلدىعىن جاپتى. وبلىستىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋ فىڭجۇن جانە وبلىستىق پارتكوم ۇگىت ءبولىمىنىڭ، وبلىستىق وقۋ – اعارتۋ مەكەمەسىنىڭ، بيڭتۋان 4 – ديۆيزياسى وقۋ – اعارتۋ مەكەمەسىنىڭ قاتىستى تاراۋلارىنىڭ جاۋاپتىلارى جابىلۋ سالتىنا قاتىناستى ءارى اۆتونوميالى رايوندىق جارىسقا جولداما العان شەبەرلەرگە سيلىق گرامموتاسىن جانە سوماسىن تارتۋ ەتتى.

  تامىزدىڭ 13 – كۇنىنەن 18 – كۇنىنە دەيىن اۆتونوميالى رايوننىڭ ۇلتتار ىنتىماعى العاباسارلىعى جىلى قيمىلى بويىنشا ىلە وبلىسى جاس ءوسپىرىم وقۋشىلارىنىڭ قوس ءتىل جارىسىندا جالپى 18 مايدان جارىس وتكىزىلىپ، وبلىسقا توتە قاراستى ورىنداردان، بيڭتۋان 4 – ديۆيزياسىنان جالپى 270 شاباندوز قيان – كەسكى جارىسقا قاتىناسىپ، بالا باقشا، باستاۋىش، ورتالاۋ جىلدىق، تولىق ورتا گرۋپپاسى بويىنشا 18 شاباندوز سارالاندى. ولار اۆتونوميالى وبلىسقا ۋاكىل رەتىندە اۆتونوميالى رايوندا وتكىزىلەتىن جالپى شەشۋشى جارىسقا قاتىناسادى.

  ۇعىسۋعا قاراعاندا، اۆتونوميالى وبلىس بيىل مامىردان باستاپ وسى رەتكى جارىستىڭ سارالاۋ جارىسىن قولعا العان، جارىسقا جالپى 270 مىڭ وقۋشى تىزىمدەلىپ، قات – قابات سارالاۋدان وتكىزۋ ارقىلى 270 شاباندوز سوڭعى جارىسقا جولداما العان ەكەن.

  بۇل رەتكى جارىس اۆتونوميالى وبلىستىڭ ۇلتتار ىنتىماعى العاباسارلىعى جىلى قيمىلىنىڭ ءبىرى ەسەپتەلەدى، قيمىلدىڭ ماقساتى – جارىس ارقىلى تۇتاس وبلىستاعى ءار ۇلت جاس ءوسپىرىم وقۋشىلاردىڭ ءوزارا بارىس – كەلىس، اۋىس – كۇيىسىن جەدەلدەتىپ، جۇڭحۋا ۇلتتارى ورتاق تۇلعاسى تانىمىن قالىپتاستىرىپ، دۇرىس مەملەكەت، ۇلت، تاريح، مادەنيەت، ءدىن كوزقاراسىن ورناتىپ، جاس ءوسپىرىم وقۋشىلار اراسىندا قوس ءتىل ۇيرەنەتىن، قوس تىلدە باسەكەلەسەتىن، قوس ءتىل قولداناتىن، ىنتىماقتىلىقتى دارىپتەيتىن، ءوزارا قولداپ – قۋاتتايتىن، جەبەيتىن تاماشا اۋان قالىپتاستىرىپ، اۆتونوميالى وبلىستىڭ ۇلتتار ىنتىماعى العاباسارلىعى ىستەرى مەن قوعام ورنىقتىلىعىن جەبەۋىنە يدەيالىق نەگىز قالاۋ.

  باسەكە بارىسىندا شاباندوزدار بار ىنتا – پەيىلدەرىمەن باسەكەلەسىپ، تاماشا رۋحاني بەت – بەينە ارقىلى قوس ءتىل ۇيرەنۋدىڭ ناتيجەسىن، وزدەرىنىڭ دارىنى مەن وبرازدارىن ايگىلەپ، ويداعىداي ناتيجەلەرگە قول جەتكىزىپ، جاڭا ستيل ورناتىپ، ۇلتتار ىنتىماعى العاباسارلىعىنىڭ جاڭا سالتىن قالىپتاستىردى.

  وبلىستىق قوس ءتىل وقىتۋ كەڭسەسىنىڭ مەڭگەرۋشىسى لي رۇڭ بىلاي دەدى: جۋىق جىلداردان بەرى اۆتونوميالى وبلىستىڭ قوس ءتىل وقىتۋ قىزمەتى «بەلسەندى، ورنىقتى، ءونىمدى بولۋ» پرينسيبى بويىنشا جالپىلاستىرۋدى مىقتى يگەرىپ، باسقارۋدى كۇشەيتىپ، ساپانى جوعارىلاتىپ، قوس ءتىل وقىتۋىنىڭ اقاۋسىز دامۋىن ىشكەرىلەي جەبەدى.

  وسى جولعى جارىستا تاعى 114 ۇزدىك جەتەكشى سارالاندى. كەزەكتە جان - جاقتى كۇش سالۋ ارقىلى اۆتونوميالى وبلىستىڭ قوس ءتىل وقۋ – وقىتۋ ورەسىنىڭ ساپاسى ايگىلەنبەك. كەزەكتە اۆتونوميالى وبلىستىڭ قوس ءتىل وقىتۋىنىڭ جالپىلاسۋ مولشەرى مەن قوس ءتىل وقۋشىلارىنىڭ جوعارى مەكتەپكە ءتۇسۋ مولشەرى ۇزدىكسىز جوعارىلاۋدا، دەسە دە ءالى دە مەجەلەنگەن ولشەمگە جەتە العانى جوق. بۇدان كەيىن اۆتونوميالى وبلىس قوس ءتىل وقىتۋى ساپاسىن مىقتى يگەرۋدەن تىس، ءتۇرلى فورمالار ارقىلى وبلىستىڭ قوس ءتىل وقىتۋ ناتيجەلەرىن كورنەكتىلەندىرەدى.

  جابىلۋ سالتىندا، ۋ فىڭجۇن جانە وبلىستىق وقۋ – اعارتۋ مەكەمەسى سياقتى قاتىستى تاراۋلاردىڭ باسشىلارى اۆتونوميالى رايونداعى شەشۋشى جارىسقا جولداما العان شاباندوزدارعا سيلىق جانە سيلىق سوماسىن؛ جارىسقا قاتىناسقان 7 اۋدان- قالاعا ۇزدىك ۇيىمداستىرۋ سيلىعىن تاراتتى.

  جابىلۋ سالتىندا 10 ۇزدىك شاباندوز وزدەرى جارىسقا قاتىناستىرعان ويىن نومىرلەرىن قايتادان ورىنداپ، ءار ۇلت كورەرمەندەرىنىڭ جاقسى باعاسىنا يە بولدى.

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.