- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قۇمىل قالالىق پارتكومنىڭ بۇرىنعى تۇراقتى مۇشەسى، ۇگىت ءبولىمىنىڭ باستىعى ۋاڭ جياڭحۋا تارتىپكە اۋىر قايشىلىق جاساعاندىقتان پارتيادان جانە قىزمەتتەن شىعارىلدى
2016.09.19 10:33 كەلۋ قاينارى : شينجياڭ گازەتى
جۋىقتا اۆتونوميالى رايوندىق پارتكومنىڭ بەكىتۋىمەن، اۆتونوميالى رايوندىق ءتارتىپ تەكسەرۋ كوميتەتى ىلە قازاق اۆتونوميالى وبلىستىق دەنساۋلىق ساقتاۋ جانە جوسپارلى تۋىت كوميتەتى پارتيا باسشىلىق گرۋپپاسىنىڭ بۇرىنعى شۋجيى، ورىنباسار مەڭگەرۋشىسى شۇي حۇڭيۋاننىڭ تارتىپكە اۋىر قايشىلىق جاساۋ ماسەلەسىن دەلو تۇرعىزىپ تەكسەردى.
تەكسەرۋدەن بەلگىلى بولۋىنشا، شۇي حۇڭيۋان ساياسي تارتىپكە اۋىر قايشىلىق جاساپ، ۇيىمدىق تەكسەرۋگە قارسىلىق كورسەتكەن؛ ۇيىمدىق تارتىپكە اۋىر قايشىلىق جاساپ، جەكە باسىنا قاتىستى ىستەردى بەلگىلەمە بويىنشا ناقتىلى مالىمدەمەگەن، كادرلاردى تاڭداۋ، مىندەتكە قويۋ بەلگىلەمەسىنە قايشىلىق جاساپ، قىزمەت ىڭعايىنان پايدالانىپ، كادرلاردىڭ، قىزمەتكەرلەردىڭ مىندەتىن جوعارىلاتۋ، كاسىپتىك اتاعىن باعالاۋ سياقتى جۇمىستاردا باسقالارعا پايدا جەتكىزىپ، باسقالاردان بەلگىلەمەگە قايشى مال - مۇلىك العان؛ پاكتىك تارتىبىنە اۋىر قايشىلىق جاساپ، جاقىندارىنىڭ ءوزىنىڭ قىزمەت وكىلەتتىلىگىن جەكە مۇددەسىنە پايدالانۋىنا جول بەرگەن جانە رۇقسات ەتكەن، جارنا بازارىنا قاتىسپاعان سەرىكتەستىكتەرگە قارجى سالىپ جانە جارنا قوسىپ، بەلگىلەمەگە قايشى شارۋاشىلىق قيمىلدارىمەن اينالىسقان، باسقالاردان تارتۋ - تارالعى، اقشا العان؛ جۇمىس تارتىبىنە اۋىر قايشىلىق جاساپ، قۇرىلىس نىساندارىن كوتەرمەگە بەرۋ، ۇكىمەتتىك ساتىپ الۋ سياقتى ىستەرگە بەلگىلەمەگە قايشى كيلىككەن جانە قول سۇققان؛ تۇرمىس تارتىبىنە اۋىر قايشىلىق جاساپ، باسقالارمەن ۇزاق ۋاقىت قالىپسىز جىنىستىق قاتىناستا بولعان؛ مەملەكەتتىڭ زاڭ - ەرەجە، بەلگىلەمەلەرىنە اۋىر قايشىلىق جاساپ، قىزمەت ىڭعايىنان پايدالانىپ، كاسىپورىنداردىڭ شارۋاشىلىق جۇرگىزۋى سياقتى جاقتاردا باسقالارعا پايدا جەتكىزىپ، قوماقتى مال - مۇلىك سۇراپ جانە الىپ، قىلمىسقا شاتىلعان.
شۇي حۇڭيۋان پارتيانىڭ باسشى كادرى بولا تۇرا مۇرات - سەنىمنەن كوز جازىپ، پارتيانىڭ تارتىبىنە اۋىر قايشىلىق جاساعان ءارى پارتيانىڭ 18 - قۇرىلتايىنان كەيىن دە ايىلىن جيماعان، تىزگىنىن تارتپاعان، ونىڭ ارەكەتىنىڭ سيپاتى جيرەنىشتى، كىناسى اۋىر. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى» سياقتى قاتىستى بەلگىلەمەلەرگە سايكەس، اۆتونوميالى رايوندىق ءتارتىپ تەكسەرۋ كوميتەتىنىڭ تۇراقتى كوميتەت جيىنىندا اقىلداسۋ ءارى اۆتونوميالى رايوندىق پارتكومنىڭ تۇراقتى كوميتەت جيىنىندا قاراۋعا جولداۋ ارقىلى شۇي حۇڭيۋانعا پارتيادان، قىزمەتتەن شىعارۋ جازاسىن بەرۋ؛ ءتارتىپ بۇزۋدان تاپقان تابىسىن تاركىلەۋ؛ زاڭ بۇزدى دەپ كۇمان تاعىلعان ماسەلەلەرى مەن ونىڭ دەرەكتەرىن ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرۋ ۇيعارىلدى.
ىلە وبلىستىق دەنساۋلىق ساقتاۋ جانە جوسپارلى تۋىت كوميتەتى پارتيا باسشىلىق گرۋپپاسىنىڭ بۇرىنعى شۋجيى شۇي حۇڭيۋان تارتىپكە اۋىر قايشىلىق جاساعاندىقتان پارتيادان جانە قىزمەتتەن شىعارىلدى
ءوز حابارىمىز. تاياۋدا اۆتونوميالى رايوندىق پارتكومنىڭ بەكىتۋىمەن، اۆتونوميالى رايوندىق ءتارتىپ تەكسەرۋ كوميتەتى قۇمىل قالالىق پارتكومنىڭ بۇرىنعى تۇراقتى مۇشەسى، ۇگىت ءبولىمىنىڭ باستىعى ۋاڭ جياڭحۋانىڭ تارتىپكە اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.
تەكسەرۋدەن بەلگىلى بولۋىنشا، ۋاڭ جياڭحۋا ساياسي تارتىپكە اۋىر قايشىلىق جاساپ، ۇيىمنىڭ تەكسەرۋىنە قارسىلىق كورسەتكەن؛ ۇيىمدىق تارتىپكە اۋىر قايشىلىق جاساپ، جەكە باسىنا قاتىستى ىستەردى بەلگىلەمە بويىنشا شىنايى مالىمدەمەگەن، قىزمەت مىندەتى قولايلىلىعىنان پايدالانىپ، كادرلاردى تاڭداپ ءوسىرۋ، مىندەتكە قويۋ جاقتارىندا باسقالارعا پايدا جەتكىزىپ، باسقالاردان اقشا العان؛ بۇقارالىق تارتىپكە اۋىر قايشىلىق جاساپ، بۇقارانىڭ تىلەگىنە قايشىلىق جاساپ، باسقالاردى قورا - جاي ساتىپ الۋعا قىساعان؛ قىزمەت تارتىبىنە اۋىر قايشىلىق جاساپ، قۇرىلىس ينجەنەرياسى نىساندارىن كوتەرمەگە الۋعا، كوتەرمەگە بەرۋگە، اكىمشىلىك رۇقسات بەرۋ ىستەرىن بەكىتۋگە بەلگىلەمەگە قايشى تۇردە كيلىككەن جانە قول سۇققان؛ تۇرمىس تارتىبىنە اۋىر قايشىلىق جاساپ، باسقالارمەن ۇزاق ۋاقىت قالىپسىز جىنىستىق قاتىناستا بولعان؛ مەملەكەت زاڭىنا، زاڭ - ەرەجەسىنە، بەلگىلەمەسىنە اۋىر قايشىلىق جاساپ، قىزمەت مىندەتى قولايلىلىعىنان پايدالانىپ، كاسىپورىن تيجاراتى سىندى جاقتاردا باسقالارعا پايدا جەتكىزىپ، قوماقتى ناق اقشا جانە باسقادا قىمبات بۇيىمداردى الىپ، قابىلداپ، قىلمىسقا شاتىلعان.
ۋاڭ جياڭحۋا پارتيانىڭ باسشى كادرى بولۋ سالاۋاتىمەن ۇكىمەت ىسىندە پاك بولىپ، تارتىپكە، زاڭعا بويسۇنۋعا ءتيىستى ەدى، الايدا مۇرات - سەنىمنەن كوز جازىپ، پارتيانىڭ تارتىبىنە اۋىر قايشىلىق جاسادى، سونداي - اق پارتيانىڭ 18 - قۇرىلتايىنان كەيىن دە تيىلمادى، تىزگىنىن تارتپادى، ونىڭ ارەكەتىنىڭ سيپاتى جيىركەنىشتى، كىناسى اۋىر. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى» سىندى قاتىستى بەلگىلەمەلەرگە ساي، اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەتتىڭ ءماجىلىسىندە اقىلداسۋ ءارى اۆتونوميالى رايوندىق پارتكوم تۇراقتى كوميتەتى ءماجىلىسىنىڭ قاراۋىنا جولداۋ ارقىلى ۋاڭ جياڭحۋاعا پارتيادان، قىزمەتتەن شىعارۋ جازاسىن بەرۋدى؛ ونىڭ تارتىپكە قايشى تابىسىن تاركىلەۋدى؛ ونىڭ زاڭ بۇزدى دەپ كۇمان تاعىلعان ماسەلەسىن جانە ونىڭ دەرەگىن ءادىليا ورگانىنىڭ زاڭ بويىنشا ءبىر جاقتى ەتۋىنە تاپسىرىپ بەرۋدى ۇيعاردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
