بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

ات مايعا بەرۋ كاسىبى جەرگىلىكتى مالشىلاردى تىڭ دامۋ جولىنا باستادى

2016.10.20 15:23    

  جاقىندا ءتىلشىنىڭ تەكەس اۋداندىق قاراجون ساياحات كورىنىس رايونىنان ۇعىسۋىنشا، ات ءمىنىپ ساياحاتتاۋ كاسىبى وسى كورىنىس رايوننىڭ تىرەكتى كاسىبىنە اينالىپ، ساياحاتشىلاردىڭ باسىم كوبى ات ءمىنىپ ساياحاتتاۋعا قىزىعاتىندىقتان، بۇل جەرگىلىكتى تۇرعىنداردىڭ ساياحات كىرىسىن ەسەلەپ ارتتىرا تۇسكەن.

  جەرگىلىكتى مالشى تۇرعىندارى دا وسى تيجارات تاسىلىنەن ۇتىمدى پايدالانىپ، كىرىس قاينارىن مولايتسا، ەندى ءبىر جاقتان، ساياحات كورىنىس رايونى ات مايعا بەرۋ اترەتى قىزمەتكەرلەرىن كاسىپتىك تاربيەلەۋگە بەلسەنە ۇيىمداستىرىپ، ولاردىڭ قىزمەت وتەۋ ورەسىن اناعۇرلىم جوعارىلاتىپ، اتى مايعا بەرۋ كاسىبىن تۇتاس اۋداننىڭ ساياحات كاسىبىنىڭ ماڭىزدى بۋىنى رەتىندە بارىنشا جانداندىرعان.

  ۇعىسۋعا قاراعاندا، وسى ساياحات وڭىرىندەگى ات مايعا بەرۋ كاسىبىمەن شۇعىلداناتىن مالشىلار اتتارىن ساياحاتشىلارعا ساعاتىنا 80 - 100 يۋانعا دەيىن مايعا بەرىپ، ەكونوميكالىق كىرىسىن كىرگىزگەندىكتەن، بۇل كۇنى ات مايعا بەرۋ كاسىبى جەرگىلىكتى مالشىلاردى تىڭ دامۋ جولىنا باستاعان تىرەكتى كاسىپكە اينالعان. قاراجون جايلاۋىنداعى قىران ساحنا كورىنىس رايونىنىڭ جەر ءتۇزىلىسى تەگىس، اۋماعى كەڭ، جان - جاعى جاسىل قاراعايمەن كومكەرىلگەن، جەرى شۇرايلى، سۋى ءمولدىر، جايىلىمى شۇرايلى، ورتاسى كوركەم بولعاندىقتان، بۇل جەر كوپتەگەن ساياتشىلاردىڭ دەمالىپ، كوز اياسىن كەڭەيتىپ، كوڭىل اشاتىن تاماشا ساياحات تۇيىنىنە اينالعان. تاعى ءبىر جاعىنان العاندا بۇل كورىنىس رايونى قازاق ۇلتىنىڭ ۇلتتىق ەرەكشەلىككە يە سالت - سانا مادەنيەتىن بارىنشا كورنەكتىلەندىردى. ال ات ءمىنىپ ساياحاتتاۋ كاسىبى ۇلتتىق بوياۋى قانىق بولۋ سىندى ارتىقشىلىعىمەن وسى كورىنىس رايونىنىڭ وزىندىك ەرەكشەلىككە يە ساياحات نىسانىنا اينالىپ، كوپتەگەن ساياحاتشىلاردى وزىنە باۋراپ، ولاردى شەكسىز شاتتىققا شومدىرعان.

  بۇل جونىندە گۋاڭجۋ قالاسىنان كەلگەن ساياحاتشى يىن دي اتقا ءمىنىپ ساياحاتتاۋ بارىسىندا ءوزىنىڭ كوڭىل كۇي تەبىرەنىسىن بىلاي جەتكىزدى: «قاراجون ساحاراسى، شىنىندا، كوركەم جەر ەكەن ءارى وسىنداي گۇلگە ورانعان گۇلىستاندى تۇڭعىش كورىپ وتىرمىن. ەكولوگيالىق ورتاسى دا مەيلىنشە تابيعي ەكەن. اسىرەسە، بۇل ءوڭىردىڭ جاسىل مانات جامىلعان تاڭعاجايىپ كورىنىسى، شىنىندا، ادامدى تاڭعالدىرادى. مەن ارنايى وسى جەرگە كەلىپ، اتقا ءمىنىپ سەرۋەندەپ، قاراجون ساحاراسىنىڭ شىرايلى كەلبەتىن كورىپ، توتەنشە كوڭىلدى بولدىم»، - دەدى.

  وسى ساياحات كورىنىس رايونىنداعى ات مايعا بەرۋ اترەتى باستان - اياق قىزمەت وتەۋ، حاۋىپسىزدىكتەن ساقتانۋ، اقى الۋ ءتۇزىمى سىندى جاقتاردا ءبىر تۇلعالانعان قىزمەت وتەۋ جەلىسىن العا قويىپ، ات مايعا بەرۋ اترەتىنىڭ ساياحاتقا قىزمەت وتەۋ ارناسىن كەڭەيتىپ، وسى ارقىلى جەرگىلىكتى تۇرعىندار كىرىسىن نەشە ەسە جوعارىلاتىپ، تاماشا دامۋ ساتىسىنا قادام تاستادى.

  بۇل جونىندە لانجوۋدان كەلگەن ساياحاتشى رىن جيانشين تىلشىگە: «قاراجون ساحاراسىنىڭ كوركەم كەلبەتى مەنى، شىنىندا، قايران قالدىردى. بۇل ارانىڭ تاۋ جىلعالارى بيىك، جەرى شۇرايلى، سۋى ءمولدىر، ورتاسى توتەنشە كوركەم بولۋمەن بىرگە، جانعا جايلى ەكەن. مۇنىمەن قوسا بۇل ارانىڭ ساياحات قۇرىلعىلارى دا تولىق كەمەلدەنىپتى. قاراجون ساحاراسىن قاتتى ۇناتىپ قالدىم. ىلە اڭعارى ايتسا - ايتقانداي جەر ءجانناتى ەكەن»، - دەدى.

  سونىمەن بىرگە، بۇل كورىنىس رايونىنىڭ ات مايعا بەرۋ اترەتى ساياحاتشىلارعا ءتىپتى دە تيىمدىلىك جاراتۋ ماقساتىندا ات مايعا بەرۋ قوسىنىن كەڭەيتىپ، ءاربىر مالشىنىڭ ءوز الدىنا اتىن مايعا بەرۋدىڭ تاماشا جاعدايىن جاساعاندىقتان، مالشىلار ءار كۇنى اتى مايعا بەرۋدەن تاباتىن كىرىسىن 200 يۋاننان اينالدىرعان. سونداي - اق جەرگىلىكتى تۇرعىندارعا دا زور ەكونوميكالىق كىرىس قاينارىن جاراتۋىنا تاپتىرماس دامۋ ورايىن الا كەلگەن. ىرىسالى سىلاميا ۇلى

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.