- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ىلەدەگى ءار ۇلت كادرلارى مەن جۇرتشىلىعى ج ك پ اۆتونوميالى رايوندىق 9 – قۇرىلتايىنىڭ اشىلعاندىعىن قىزۋ تالقىلاپ، ءبىر اۋىزدان مىنانى ءبىلدىردى: ءبىر نيەتپەن ىنتىماقتاسىپ، قوعام ورنىقتىلىعى مەن باياندى تىنىشتىقتى جۇزەگە اسىرۋ ءۇشىن ۇلەس قوسامىز
2016.11.02 10:57
ءتىلشىمىز سۇن ۋەيشيا حابارلايدى. ج ك پ شينجياڭ ۇيعۇر اۆتونوميالى رايوندىق 9 – قۇرىلتايى تابىسپەن اشىلدى، ىلەدەگى ءار ۇلت، ءار سالا كادرلارى مەن جۇرتشىلىعى بۇدان تەرەڭ شابىت الىپ، كوڭىلدەرى سەرپىلدى. كوپشىلىك ءبىر اۋىزدان بىلاي دەپ قارادى: ج ك پ اۆتونوميالى رايوندىق 8 – قۇرىلتايىنان بەرگى 5 جىلدا تۇتاس رايونىمىزداعى جوعارى - تومەندەگىلەر قيىنشىلىقتاردى جەڭە وتىرىپ، قۇلشىنا العا ىلگەرىلەتىپ، باتىلدىقپەن شۇعىلالى تابىس جاراتقان بەس جىل، ءتۇرلى ىستەردە ءۇرتىس نىق قادام تاستالىپ، باياندى تىنىشتىقتىڭ ۇلى جورىعىنا شەرۋ تارتقان بەس جىل بولدى. كوپشىلىك ءبىر اۋىزدان مىنانى ءبىلدىردى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ىلەنىڭ قوعام ورنىقتىلىعى مەن باياندى تىنىشتىعى ءۇشىن ءوز ۇلەسىمىزدى قوسامىز.
نىلقى اۋداندىق پارتكومنىڭ ورىنباسار شۋجيى، ساياسي – زاڭ كوميتەتىنىڭ شۋجيى حوۋ دىلۋ بىلاي دەدى: ج ك پ اۆتونوميالى رايوندىق 9 – قۇرىلتايى تۇتاس رايوندا شي جينپيڭ جولداستى ۇيىتقى ەتكەن پارتيا ورتالىق كوميتەتى بەلگىلەگەن قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتى تياناقتاندىرىپ، جاپپاي دوڭگەلەك داۋلەتتى قوعام قۇرۋدىڭ ماڭىزدى ساتىنە قادام تاستاعان، تۇتاس رايونىمىزدىڭ جوعارى – تومەننىڭ ج ك پ 18 – كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ وتىرعان ساتتە اشىلعان ءبىر رەتكى توتەنشە ماڭىزدى ءماجىلىس بولدى. بۇل بۇدان كەيىنگى قوعامدى ورنىقتىرۋ، حالىق تۇرمىسىن جاقسارتۋ، ەكونوميكانى دامىتۋعا تەرەڭ ىقپال جاسايدى. نىلقى اۋدانىنىڭ ءار ۇلت كادرلارى مەن جۇرتشىلىعىنىڭ «ءشارباتتى، كوركەم، قونىستانۋعا جايلى» نىلقى قۇرۋ سەنىمى مەن بەكىمى ارتا ءتۇستى. نىلقى اۋدانى مەملەكەت بەلگىلەگەن كەدەي اۋدان، اۆتونوميالى رايوننىڭ، اۆتونوميالى وبلىستىق پارتكومنىڭ جانە اۋداندىق پارتكومنىڭ باسشىلىعىندا قوعام ورنىقتىلىعى، ەكونوميكانى دامىتۋ، حالىق تۇرمىسىن جاقسارتۋ، ەكونوميكا قۇرىلىسى جاعىندا ورنىقتىلىق بارىسىندا ىلگەرىلەۋ جارىققا شىقتى، اسىرەسە، ورتا، شاعىن كاسىپورىنداردى تەز قارقىنمەن دامىتۋ، جۇرتشىلىقتىڭ كاسىپتەنۋىن جەدەلدەتۋ، كەدەيلىكتەن ارىلتىپ، بايۋ جولىنا باستاۋ جاعىندا ماڭىزدى رول اتقاردى؛ حالىق تۇرمىسى قۇرىلىسى جاعىندا ورتاق ماقساتقا ۇمتىلىپ، ەڭ ادەمى ۇيلەر بۇقاراعا ارنالعان بەيقۇت ءۇي ارقىلى حالىقتى اۋقاتتاندىرۋ ينجەنەرياسى بويىنشا سالىنعان ۇيلەر، ەڭ ادەمى قۇرىلىس – مەكتەپ، ەڭ وزىق قۇرىلعى - شيپاحانا، جول سياقتى نەگىزدىك قۇرىلعىلاردا كورنەكتى وزگەرىس تۋىلىپ، جۇرتشىلىق باقىتتى تۇرمىستان يگىلىكتەندى، 2017 – جىلى كەدەيلىكتەن ارىلتۋدى ۋاعىندا جۇزەگە اسىرۋعا تاياپ كەلەدى. پارتيا قۇرىلتايىنداعى قىزمەت بايانداماسى بۇدان كەيىنگى قىزمەتتەرىمىز جونىنەن جالپى پرينسيپ، ءبىز، ءسوزسىز، باياندامادا بەلگىلەنگەن نەگىزگى باعىت، كۇرەس نىساناسى بويىنشا تۇتاس اۋداننىڭ ءتۇرلى قىزمەتتەرىن ويداعىداي ىستەپ، قوعام ورنىقتىلىعىن ءۇرتىس ساقتاپ، «ۇلتتار ىنتىماعىنىڭ بەرەكەلى شاڭىراعى» قيمىلىن ءتۇيىندى تۇردە ويداعىداي ورىستەتىپ، قوعام ورنىقتىلىعىن كۇشەيتۋ نەگىزىندە حالىق تۇرمىسىن بار كۇشپەن جاقسارتىپ، بۇقارانىڭ قيىن، ءزارۋلى ىستەرىن ويداعىداي شەشەمىز. سونىمەن بىرگە، ەكونوميكانىڭ دامۋىن جەدەلدەتىپ، ورتا، شاعىن، ۇساق كاسىپورىنداردى بار كۇشپەن دامىتىپ، اينالمالى ەكونوميكانى، تومەن كومىرتەكتى ەكونوميكانى، اقاۋسىزدىق كاسىبىن دامىتۋدى جەدەلدەتىپ، تازا، اقاۋسىز، كۇتىمدەۋ تيپىندەگى نىلقى قۇرىپ، بۇقارانى ورنىقتى دامۋدىڭ جەتىستىكتەرىنەن ورتاق يگىلىكتەندىرىپ، باقىت كورسەتكىشىن جوعارىلاتامىز. وبلىستىق ساياحات مەكەمەسى پارتگرۋپپاسىنىڭ مۇشەسى، ءتارتىپ تەكسەرۋ گرۋپپاسىنىڭ باستىعى ۋاڭ يانجۇن بىلاي دەدى: پارتيا قۇرىلتايىنىڭ بايانداماسى ساياحات كاسىبى ءۇشىن تاماشا تاريحي دامۋ ورايىن الىپ كەلدى. ىلەنىڭ كوركەم تابيعات كورىنىسى، دارا ەرەكشەلىككە يە تاريحي مادەنيەتى، قويۋ سالت – ءداستۇرى بار جانە ەرەكشە جاعراپيالىق ابزالدىققا يە، شينجياڭ قىزمەتىنىڭ باس نىساناسىن دايەكتى تياناقتاندىرۋ ىلەنىڭ ساياحاتىن ءتىپتى دە دامىتۋعا سەرپىن ءبىتىردى. قاڭتاردان قازانعا دەيىن ىلە وزەنى اڭعارىنا كەلىپ ساياحاتتاعان ساياحاتشىلار سانى 20 ميلليون ادامعا (رەت)، ساياحات كىرىسى 17 ميلليارد يۋانعا جەتكەن.
جاقىنعى جىلداردا ىلە ساياحات كاسىبىندە ورايدى مىقتى يگەرىپ، «ىلە حالىقارالىق ساياحات اڭعارى» جانە «دۇنيە جۇزىلىك ساياحاتتا ايگىلى رايون» قۇرىلىسىن بەلسەنە ىلگەرىلەتىپ، مەملەكەتتىك A دارەجەلى كورىنىس رايونىنان 35 ىن قۇرىپ، تابيعي ەكولوگيا ساياحاتى، تاريحي مادەنيەت ساياحاتى، سالت – ءداستۇر ساياحاتى، مەملەكەت اتتاعان شەكارا ساياحاتى، قىس ماۋسىمىنداعى قار – مۇز ساياحاتى سىندى 5 ءىرى جەلىلەس ساياحات ءونىمىن جارىققا شىعاردى، ىلە قازىر جۇڭگونىڭ باتىس بولەگىندەگى ساياحات تۇيىنىنە اينالدى ءارى جىبەك جولى ەكونوميكالىق بەلدەۋىن اشۋ مەن دامىتۋ ورايىنا ىلەسىپ، جۇڭگونىڭ باتىس بولەگىندەگى حالىقارالىق ساياحاتتىڭ نىسانالى جەرىنە اينالدىرۋعا قۇلشىنۋدا.
اسىمجى وجى تەكەس اۋدانى قاراتوعاي اۋىلىنىڭ تەرەكتى قىستاعىنىڭ مالشىسى ەدى، ونىڭ 6 باس سيىرى، جۇزدەن استام قويى بار بولاتىن. ول بىلاي دەدى: ج ك پ اۆتونوميالى رايوندىق 9 – قۇرىلتايىنىڭ اشىلۋى _ كوڭىلىمدى سەرپىلتىپ، كەدەيلىكتەن قۇتىلىپ، اۋقاتتانۋ سەنىمىمدى اناعۇرلىم بەكەمدەدى. ىنتىماق، ورنىقتىلىق بولمايىنشا حالىق بۇقاراسىنىڭ باقىتتى تۇرمىسى دا بولمايدى. بۇگىنگى تاڭدا قىستاقتاعى ءار ۇلت تۇرعىندارى تەحنيكالىق جاقتان ءبىر – بىرىنە جول كورسەتىپ، تۇرمىستا ءوزارا كومەكتەسىپ، ءبىر وتباسىنىڭ ادامدارىنداي ەتەنە تۇرمىس كەشىرۋدە. اسىرەسە، مەملەكەتتىڭ دالمە – ءدال سۇيەمەلدەۋ ساياساتى اتقارىلعاننان بەرى حالىق بۇقاراسى اناعۇرلىم كوپ تيىمدىلىكتەن يگىلىكتەنىپ، مەملەكەتتىڭ كەدەيلەردى سۇيەمەلدەۋ ساياساتىنىڭ ارقاسىندا جاڭا ۇيلەرگە كوشىپ كىردى ءارى كىرىستەرىن ارتتىردى. اۋداندا ەڭبەك تەحنيكاسىنا اقىسىز تاربيەلەۋ كۋرىسى اشىلۋدا، كوپتەگەن تۇرعىندار وسى كۋرس ارقىلى تەحنيكا يگەرگەننەن كەيىن، بوس ەڭبەككۇشتەردى جوتكەپ كاسىپتەندىرۋ ارقىلى وتباسى كىرىستەرىن ارتتىرۋدا. اسىرەسە، مەملەكەتىمىز جۋىردا اتقارعان اقىسىز دەنساۋلىق تەكسەرۋ نىسانى اناعۇرلىم كوپ ەگىنشى – مالشىعا پارتيا مەن ۇكىمەتتىڭ مەيىرىن سەزىندىردى. ءبىز بولاشاعىمىزدىڭ اناعۇرلىم نۇرلى بولاتىنىنا كامىل سەنەمىز.
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
