- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
توعىزتاراۋ اۋدانى «ۇلتتار ىنتىماعىنىڭ بەرەكەلى شاڭىراعى» قيمىلىن ورىستەتتى
2016.11.17 13:59
توعىزتاراۋ اۋدانى ۋنيۆەرسالدى الاڭىنىڭ 3-ءوندىرىس اترەتىندەگى قازاق، حانزۋ، ۇيعۇر، ورىس تۇرعىندارى ۇزاق ۋاقىتتان بەرى ءوندىرىس، تۇرمىستا ءبىر شاڭىراقتىڭ ادامدارىنداي ءوزارا قامقور، سۇيەنىش بولىپ، سۇيىسپەنشىلىكتەرى ارقىلى قاراپايىم ومىرلەرىنىڭ تاماشا ەستەلىگىن جازىپ كەلەدى.
«جاقىنعى بىرنەشە جىلدا جولداسىمدى اۋرۋ مەڭدەتىپ، قيىنشىلىق قىسپاعىندا قالعاندا مايلىباي قاتارلى اۋىلداسىمنىڭ كومەگىنە يە بولدىم. مايلىباي مەنىڭ قازاق تۋىسىم، الدىنعى جولى ءبىر قويىن اكەلىپ، اۋرۋ جولداسىمنىڭ كوڭىلىن سۇراپ كەتتى. بۇگىن 100 كيلوگرام ءبيداي اكەلىپتى. ءبىزدىڭ اترەتىمىزدەگى ءار ۇلت حالقى ءبىر شاڭىراقتىڭ ادامدارىندايمىز، كىمدە قيىنشىلىق بولسا ءوزارا كومەكتەسىپ تۇرامىز»،- دەدى مايلىبايعا راقىمەت ايتقان ياڭ حۇيچۇن.
ياڭ حۇيچۇننىڭ جولداسى جاڭ گولۋ قۇرىلىس سالۋ شەبەرى بولىپ، جىلىنا وسى ونەرىمەن بىرنەشە ءجۇز مىڭ يۋان كىرىس تاباتىندىقتان، وتباسى ءال – اۋقاتى جاقسى ەدى. بىرنەشە جىلدىڭ الدىندا نەسەپتەن ۋلانۋ ناۋقاسىنا شالدىققان ول اۋرۋىن ەمدەتۋ ءۇشىن قولىنداعى بار قارجىسىن ىستەتىپ بولادى دا، اۋرۋىن ەمدەتۋگە قارجى تابا الماي قاتتى قينالادى. وسى ىستەن حابار تاپقان مايلىباي مۇقاجان ۇلى اۋرۋ مەڭدەتكەن اۋىلداسى جاڭ گولۋدىڭ جاعدايىن ۇعىسىپ، ءوزى باس بولىپ قوي اتاپ، باسقالاردى جىلۋ اتاۋعا ۇيىمداستىرىپ، جاڭ گولۋدىڭ ەرتەرەك اۋرۋدان ايىعۋىنا تىلەكتەس بولدى.
مايلىباي مۇقاجان ۇلى تۇتاس اترەتتەگىلەردىڭ قۇرمەتىنە بولەنگەن قامقور جان. مايلىباي بۇرىن جوقشىلىقتىڭ تاقسىرەتىن كوپ تارتقان، ۇل – قىزدارىنىڭ كۇننەن كۇنگە ەسەيىپ كەلە جاتقانىن ويلاعان ول وزىندە بار 100 مۋ جەرىنە عىلمي جولمەن ەگىن ەگىپ، ەگىس قالدىقتارى ارقىلى قولىندا بار مالىن باعىپ، ون جىلدا 300 قوي، 30 باستان استام سيىر قۇراپ، اۋىلداستارى اراسىنداعى جىلدىق كىرىسى 200 مىڭ يۋاننان اسقان اۋقاتتى وتباسىنا اينالدى.
ول تىلشىگە بىلاي دەدى: «بۇرىن مەن دە تۇرمىستىڭ تاقسىرەتىن كوپ تارتقانمىن، پارتيا مەن ۇكىمەتتىڭ ابزال ساياساتىنىڭ ارقاسىندا قازىر وتباسى جاعدايىم جاقساردى. سوندىقتان ماڭايىمداعى اۋرۋ – سىرقاۋ، مۇگەدەكتەرگە كومەكتەسۋ مەنىڭ بورىشىم دەپ بىلەمىن، اۋىلداستارىما، بالالارىما ۇلگى بولسام دەيمىن».
بۇل اترەتتىڭ باستىعى قۋاتجان تىلاحمەت ۇلى بىلاي دەيدى: «مايلىبايدىڭ بىرنەشە جىلدان بەرى قيىنشىلىعى بارلارعا كومەكتەسىپ كەلە جاتقانىنان اسەرلەنگەن وسى اترەتتەگى پارتيا مۇشەسى ءانۋار مۇراتبەك ۇلى اۋرۋ – سىرقاۋ، كومەككە مۇقتاج ءۇش وتباسىنىڭ اربىرىنە بىردەن قوي بەرىپ، پارتيا مۇشەسىندىك رولىن ساۋلەلەندىرىپ، ءوزىنىڭ ءىس جۇزىندىك ارەكەتى ارقىلى پارتياعا دەگەن شەكسىز ادالدىعىن بەينەلەدى».
ول تىلشىگە بىلاي دەدى: «مەن ءبىر پارتيا مۇشەسىمىن، پارتيانىڭ ابزال ساياساتىنىڭ جەبەۋىندە ەڭبەكتەنىپ 200 تۇياق قوي، 15 سيىر، 10 جىلقى ءوسىرىپ، وتباسى شارت – جاعدايىمدى جاقسارتتىم. اۋقاتتانعان بۇگىنگى كۇنى ماڭايىمداعى ءالسىز جاندارعا كومەكتەسىپ، ءوز ارەكەتىم ارقىلى پارتياعا شەكسىز العىسىمدى ايتامىن، بۇدان كەيىن ءتىپتى دە كوپ كومەككە مۇقتاج ادامدارعا قول ۇشىن بەرەمىن». ساۋلە داۋلەتقان قىزى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
