- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كاسىپتىڭ ءوزى - بايلىقتىڭ كوزى
2016.11.21 09:00
ۇستەگى جىلى تەكەس اۋدانى «كاسىپتەنۋدى جەبەۋ، كاسىپتەنۋ ارناسىن كەڭەيتۋ» ىستەرىن مىقتى يگەرىپ، 2016–جىلعى نىسانالى جاۋاپكەرلىك مىندەتتەرى مەن تالاپتارىن قاتاڭ تياناقتاندىرىپ، ءتۇرلى قىزمەتتەردە جاڭالىق جاراتىپ، قىزمەت ستيلىنە بۇرىلىس جاساپ، كوزدەۋلى نىساناعا جەتپەيىنشە تيتتەي دە بوساڭسىماۋ پوزيتسياسىندا بولىپ، كاسىپتەنۋ، يگىلىك جاراتۋ قىزمەتتەرىن ويداعىداي مىقتى يگەرىپ، جىل باسىنداعى ءتۇرلى نىسانالى مىندەتتەردى ءساتتى ورىنداۋعا كەپىلدىك ەتتى.
تەكەس اۋدانى تەكەس قالاشىعى گۇلباق الەۋمەتتىك رايونىنىڭ تۇرعىنى گۇلبارھىرام ۇستەگى جىلى كەستەشىلىك، كومپيۋتەر جانە اس–سۋ ازىرلەۋ سياقتى تەحنيكالىق كۋرستارعا قاتىناستى. ول مۇگەدەك بولعاندىعى سەبەپتى وتباسىندا كاسىپسىز بولىپ، ەكونوميكالىق كىرىس قاينارى دا جوقتىڭ قاسى ەدى. تەحنيكالىق كۋرسىلەرگە قاتىناسقاننان كەيىن ۇكىمەتتىڭ قامقورلىعىنا بولەنىپ، شاعىن دۇكەن اشىپ، كەستەشىلىك قولونەرىن دە ويداعىداي دامىتىپ، بىرنەشە ايدان بەرگى كىرىسى 8 مىڭ يۋانعا جەتىپ، تۇرمىس ورەسى دە جاقسارا باستادى.
گۇلبارھىرام بىلاي دەدى: «مەن بۇرىن وتباسىندا كاسىپسىز ەدىم، تاربيەلەۋ كۋرسىنە قاتىناسىپ، بالكۇلشە جاساۋ تەحنيكاسىن ۇيرەندىم، سونىمەن بىرگە كەستەشىلىك، كومپيۋتەر تەحنيكاسى سياقتى كۋرسىلەرگە دە قاتىناسىپ، يگىلىك جاراتۋعا قۇلشىنىپ، ۇكىمەتتىڭ قولداپ–قۋاتتاۋىندا دۇكەن اشتىم، قازىر بۇل دۇكەن تۇرمىس قاراجاتىمدى قامتاماسىزداندىرىپ قالماستان، اتا–انامنىڭ جۇگىن جەڭىلدەتىپ، تۇرمىسىم دا جاقسارا باستادى»،–دەدى.
2015–جىلى گۇلباق الەۋمەتتىك رايونى 450 مىڭ يۋان قارجى قوسىپ، 10 نان ارتىق دۇكەن ازىرلەپ، يگىلىك جاراتۋ، كاسىپتەنۋ شاعىن رايونىن قۇرىپ، 30 دان استام ادامدى كاسىپتەندىرىپ، يگىلىك جاراتقان. وسى الەۋمەتتىك رايوننىڭ تۇرعىنى بۇبۇش پراندىك پىسىرۋ كۋرسىنا قاتىناسقاننان كەيىن وسى شاعىن رايوننان پراندىك، بالكۇلشە دۇكەنىن اشتى. وسى كۇندەردە ونىڭ ساۋداسى كۇسەت بولىپ، قاريدارلارى كۇن سايىن كوبەيىپ، ايلىق كىرىسى 15 مىڭ يۋانعا جەتىپ، مەرەكە–مەيرامداردا ساۋداسى ءتىپتى دە جاقسى بولىپ كەلەدى.
2016–جىلدان بەرى تەكەس اۋدانى « كوكتەم سامالى قيمىلى»، «حالىق باسقارۋىنداعى كاسىىپورىنداردىڭ ۇسىنىسپەن قابىلداۋ اپتالىعى»، «كاسىپتەنۋگە كومەكتەسۋ ايى» سياقتى قيمىلدار ورىستەتىپ، كاسىپتەنۋشىلەر مەن كاسىپورىن ورتاسىندا كوپىرلىك رول اتقاردى.
تەكەس اۋداندىق ادام كۇشى بايلىعى جانە قوعامدىق قامسىزداندىرۋ مەكەمەسىنىڭ قىزمەتكەرى جاڭ يوۋجى تىلشىگە: « 2016–جىلى اۋدانىمىزداعى كاسىپ كۇتكەن ءار ۇلت بۇقاراسىنىڭ كاسىپتەنۋ، يگىلىك جاراتۋ ىستەرىن پارمەندى جەبەگەندىكتەن، قازىرگە دەيىن 2 مىڭ 183 ادام تاربيەلەنىپ، 17 رەت ۇسىنىسپەن قابىلداۋ جيىنى اشىلىپ، كاسىپتەنۋ ويى بار 500 ادامعا، 6 ميلليون يۋان ءوسىمسىز شاعىن سومالى قارىز اقشا تاراتىلىپ، اۋدانىمىزدىڭ ‹قوس يگىلىك جاراتۋ› قىزمەتىندە ايتارلىقتاي ناتيجەلەرگە قول جەتكىزدىك»،–دەدى.
تاسقىن مازاق ۇلى
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
