بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

نىلقى مەن قۇلجا اۋداندارى قالىڭ قاردا كوش جولىندا قامالىپ قالعان مالشىلارعا تۇندەلەتىپ كومەك كورسەتتى

2016.11.21 14:02     كەلۋ قاينارى : حالىق تورابى

  حالىق تورابى، 21 – قاراشا، بەيجيڭ. ءتاڭىرتاۋ تورابىنىڭ حابارلاۋىنشا، شينجياڭ نىلقى ادانى سۇپتاي اۋىلى مەن قۇلجا اۋدانى ءدوڭمازار اۋىلى قاتارلى 6 اۋىلدان 11000نان استام ءتورت تۇلىكتى قىستاۋعا كوشىرىپ بارا جاتقان 90نان استام مالشى 16 – قاراشا كۇنى تاڭ سارىدە قالىڭ قاردىڭ كەسىرىنەن كوش جولىندا قامالىپ قالعان. ساقشى جاق ولاردىڭ كومەك سۇراۋ تەلەفونىن قابىلداعاننان كەيىن، اتالعان ەكى اۋدان شۇعىل جاعدايعا توتەپ بەرۋ جوباسىن دەرەۋ ىسكە قوسىپ، ىلە وبلىستىق پارتكوم شۋجيىنىڭ ورىنباسارى، ساياسي – زاڭ كوميتەتىنىڭ شۋجيى لي ميڭحۇي مەن نىلقى اۋداندىق پارتكوم شۋجيىنىڭ ورىنباسارى، اۋدان اكىمى مۇرات بايقوجا ۇلى مالشىلار قامالىپ قالعان جەرگە بارىپ، حاۋىپتى ورىنداعى مالشىلار مەن ءتورت تۇلىكتى دەر كەزىندە كوشىردى.

  لي ميڭحۇي ءىس تۋىلعان جەردە ورنالاستىرۋ جاساپ، ەكى اۋداننىڭ قامالىپ قالعان مالشىلار مەن ءتورت تۇلىكتى قۇتقارۋعا كۇش سالىپ، ادام ءومىرىن ءبىرىنشى ورىنعا قويۋىن، سونىمەن قاتار، ەكى اۋدانداعى تاراۋلاردىڭ ويداعىداي ۇيىمداستىرىپ، شارالاردى تىندىرىمدى اتقارىپ، قۇتقارۋ قىزمەتىندە حاۋىپسىزدىككە كوڭىل ءبولۋىن، كوپ تاراۋدىڭ بىرلىكتە اتتانىسقا كەلىپ، كوشكەن مالشىلار مەن ولاردىڭ ءتورت تۇلىگىنىڭ حاۋىپسىزدىگىنە كەپىلدىك ەتۋىن تالاپ ەتتى.

  نىلقى اۋداندىق قاتىناس – تاسىمال مەكەمەسىنىڭ باستىعى ۇسەنجان احمەتتىڭ ايتۋىنشا، بىرنەشە كۇننەن بەرى قالىڭ قار جاۋعاندىقتان، مالشىلار سۇپتاي اۋىلى بوربوسىن قىستاعىنان اشالى قىستاۋىنا باراتىن جولدا قامالىپ قالعان. مالشىلاردىڭ قامالىپ قالعانىن ۇققان سوڭ، نىلقى اۋداندىق اپاتتان قۇتقارۋ بولىمشەسى ءتۇنى بويى جولدىڭ قارىن تازالادى ءارى تەمىر جول تاراۋلارىمەن حابارلاسىپ، اپاتتان قۇتقارۋ بۇيىمدارىن كوش جولىنداعى مالشىلارعا جەتكىزدى.

  ۇعىسۋعا قاراعاندا، مالشىلار قامالىپ قالعان جەردە قاردىڭ قالىڭدىعى 40 سانتيمەتردەن اسقان. نىلقى اۋداندىق مال شارۋاشىلىق - مال شيپاگەرلىك مەكەمەسىنىڭ باستىعى نۇرلان مەدەۋباي ۇلى: مالشىلاردىڭ جەم – ءشوبى تاۋسىلۋعا تايادى، جول بەكىپ قالعاندىقتان، جەم – ءشوپتى ۋاعىندا جەتكىزۋگە مۇمكىنشىلىك بولماي تۇر. سوندىقتان، قۇتقارۋ بولىمشەسىنىڭ شۇعىل جاعدايدا قۇتقارۋ گرۋپپاسى تۇرگى ماشينامەن جولدى اشتى. قازىر قاراسۋ اۋىلى مەن سۇپتاي اۋىلىنداعى 32 وتباسىنىڭ مالى بۇل ارادان ءوتتى، قامالىپ قالعان 12 مالشى وتباسى دا حاۋىپسىز ورىنعا كوشىرىلدى، - دەدى.

  كومەككە كەلگەندەر 17 – قاراشا كۇنى ساعات 7گە دەيىن 10 ساعات بويى ۇزبەي قۇلشىندى، ولار ءالى دە جولدىڭ قارىن تازالاۋدا. وسى جولى تۇسكەن كوشكىندە 30 تۇياق قوي ءولىپ، قۇلجا اۋدانىنان ەكى مالشى جەڭىل جارالانۋدان سىرت، باسقا ءولىم – ءجىتىم، جارالانۋ احۋالى تۋىلعان جوق.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.