- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىس دارەجەلى 22 كومەك بەرۋ اترەتى اۋدان _ قالالارعا بارىپ، قالا _ اۋىل تۇرعىندارىنىڭ دەنساۋلىعىن تەكسەرۋ قىزمەتىنە كومەكتەستى
جىل سوڭىنان بۇرىن وڭتۇستىك شينجياڭداعى ەكى ايماق، ءبىر وبلىسپەن قاتار ءبىرىنشى كەزەكتى دەنساۋلىق تەكسەرتۋ مىندەتىن ورىنداۋعا كەپىلدىك ەتەمىز
2016.11.25 13:27
وبلىس دارەجەلى قۇرىلىمداردان ءارقايسى اۋدان–قالانىڭ قالا–اۋىل تۇرعىندارىنىڭ دەنساۋلىعىن تەكسەرۋ قىزمەتىنە كومەكتەسۋگە اتتانىسقا كەلتىرۋ ءماجىلىسى قاراشانىڭ 22–كۇنى ىلە وبلىستىق دوستىق شيپاحاناسىندا وتكىزىلدى. وبلىس دارەجەلى 10 ەمدەۋ قۇرىلىمىنداعى 87 تەحنيكالىق قىزمەتكەردەن قۇرام تاپقان 22 جوعارى ساپالى كومەك بەرۋ اترەتى قاراشانىڭ 23–كۇنىنەن باستاپ ءارقايسى اۋدان–قالانىڭ قالا مەن اۋىل تۇرعىندارىنىڭ دەنساۋلىعىن تەكسەرۋ قىزمەتىنە كومەكتەسۋگە اتتاندى.
وبلىستىڭ ورىنباسار باستىعى جاڭ جۇي اتتانىسقا كەلتىرۋ ماجىلىسىنە قاتىناستى جانە تالاپتاردى العا قويدى.
قالا – اۋىل تۇرعىندارىنىڭ دەنساۋلىعىن تەكسەرۋ قىزمەتىن كۇش سالا ىلگەرىلەتۋ ءۇشىن وبلىسقا توتە قاراستى ورىندار قاراشانىڭ 19–كۇنى «وبلىس دارەجەلى ەمدەۋ قۇرىلىمدارىنىڭ ەمدەۋ اترەتىن جىبەرىپ، ءارقايسى اۋدان–قالانىڭ قالا مەن اۋىل تۇرعىندارىنىڭ دەنساۋلىعىن تەكسەرۋ قىزمەتىنە كومەكتەسۋ» جونىندەگى حابارلاندىرۋىن تاراتتى. ەمدەۋ قىزمەتكەرلەرىن تاڭداپ جىبەرەتىن ورىندار تالاپ بويىنشا قىزمەتتى تەز ورىنداپ، وبلىستىق دوستىق شيپاحاناسى، وبلىستىق كۇيتۇن شيپاحاناسى، وبلىستىق جۇڭگوشا ەمدەۋ شيپاحاناسى، وبلىستىق شينحۋا شيپاحاناسى، وبلىستىق انا–بالالاردىڭ دەنساۋلىعىن قورعاۋ شيپاحاناسى، وبلىستىق اۋرۋدىڭ الدىن الۋ–تىزگىندەۋ ورتالىعى، وبلىستىق ورتالىق قان پۋنكتى جانە ازاتتىق ارميا 11–شيپاحاناسى، قارۋلى ساقشى 8660–شيپاحاناسى، ىلە وبلىستىق ساۋىقتىرۋ شيپاحاناسى سياقتى ەمدەۋ ورىندارىنداعى 87 قىزمەتكەردەن ۇيىمداسقان 22 جوعارى ساپالى كومەك قوسىنىن اۋدان–قالالارعا جىبەردى. ولار بۇقاراعا قىزمەت وتەۋمەن بىرگە ءارقايسى اۋدان–قالانىڭ تۇرعىنداردىڭ دەنساۋلىعىن تەكسەرۋ قىزمەتىنە كومەكتەسەدى.
ۇعىسۋعا قاراعاندا، قىركۇيەكتىڭ 17–كۇنى اشىلعان اۆتونوميالى رايوننىڭ باس شۋجي شي جينپيڭنىڭ شينجياڭ قىزمەتىنىڭ باس نىساناسى تۋرالى بايىمداۋلارىن دايەكتى تياناقتاندىرۋ جونىندەگى قايتالاي اتتانىسقا كەلتىرۋ ماجىلىسىندە اۆتونوميالى رايوندىق پارتكومنىڭ شۋجيى چىن چۋانگو: «ەمدەۋ جاعىندا حالىققا تيىمدىلىك جاساپ، جالپى حالىقتىڭ دەنساۋلىق اقاۋسىزدىعى ينجەنەرياسىن اتقارىپ، بيىلدان باستاپ ءار جىلى بارلىق شينجياڭ ناپوسىنداعى قالا–اۋىل تۇرعىندارىنىڭ دەنساۋلىعىن ءبىر رەت اقىسىز تەكسەرۋ كەرەك» دەگەن ماڭىزدى نۇسقاۋىنىڭ رۋحىنا ساي، وبلىسقا توتە قاراستى ورىندار قىركۇيەكتىڭ 25–كۇنىنەن باستاپ قالا–اۋىل تۇرعىندارىنىڭ دەنساۋلىعىن تەكسەرۋ قىزمەتىن رەسمي باستاعان. قاراشانىڭ 20–كۇنىنە دەيىن وبلىسقا توتە قاراستى ورىندارداعى قالا مەن اۋىل تۇرعىندارىنان دەنساۋلىق تەكسەرتكەن ادام سانى 750 مىڭنان اسقان.
جۋىردا اۆتونوميالى رايوندىق پارتكوم ىلە وبلىسى بيىل جىل سوڭىنان بۇرىن وڭتۇستىك شينجياڭداعى ەكى ايماق، ءبىر وبلىسپەن قاتار ءبىرىنشى كەزەكتى دەنساۋلىق تەكسەرۋ مىندەتىن ورىنداپ بولۋى كەرەك دەپ ايقىن ورتاعا قويعان.
ماجىلىستە مىنالار تالاپ ەتىلدى: ءارقايسى ەمدەۋ قۇرىلىمدارى يدەيا مەن ارەكەتتى وبلىستىق پارتكومنىڭ، ۇكىمەتتىڭ شەشىم–ورنالاستىرۋلارى نەگىزىندە بىرلىككە كەلتىرىپ، حالىق جۇرەگىن جىلىتاتىن، حالىق تۇرمىسىنا تيىمدىلىك جاسايتىن وسى ينجەنەريانىڭ كەلەلى ءمانىن، ءسوزسىز، ىشكەرىلەي ۇعىنىپ، ونى ساياسي مىندەت رەتىندە قاراپ، تولىق ورىنداۋلارى كەرەك. ءارقايسى اۋدان–قالاعا بارعان 22 كومەك اترەتى ەڭ اۋەلى نە ىستەيتىنىن، قالاي ىستەيتىنىن جانە قانداي ونىمدىلىككە قول جەتكىزەتىنىن تولىق تانىپ جەتۋى كەرەك. قىزمەت ورنىنا بارعاننان كەيىن ءىس جۇزىندىك جاعدايمەن بىرلەستىرىپ قىزمەت ءبولىسىن جاساپ، قىزمەت ورنىنىڭ رولىنا ايرىقشا ءمان بەرىپ، ناۋقاستارعا ءوز وتباسىنىڭ ادامدارىنداي مەيىرلى بولىپ، كومەككە بارعان شيپاحاناعا، نەگىزگى ساتىنىڭ الدىڭعى شەبىنە ىشكەرىلەي ەنىپ، «شاقىرسا دايىن بولاتىن، كەلگەندە شايقاسا الاتىن، شايقاسسا جەڭە الاتىن» بولۋى كەرەك. ءارقايسى كومەك اترەتى نەگىزگى ساتىداعى قىزمەتىن وتە ەرەكشەلەندىرمەۋى، ءوزىنىڭ ءاربىر ءسوز–ارەكەتى ارقىلى جەكە باسى مەن مەكەمەسىنىڭ وبرازىن قورعاۋى، ۇلتتار ىنتىماعىن ەمدەۋگە كومەكتەسۋ امالياتى بارىسىندا بەينەلەپ، كومەككە بارعان كادرلاردىڭ تاماشا وبرازىن تولىق ساۋلەلەندىرۋى كەرەك.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
