بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

قۇلجا اۋەجايى قابىلداعان _ جونەلتكەن جولاۋشى سانى تۇڭعىش رەت ءبىر ميلليون ادام – رەتكە جەتتى

ەلىمىز بويىنشا ورتاشا تيپتەگى اۋەجاي قاتارىنا رەسمي ءوتىپ، شينجياڭ بويىنشا 4 _ ورىنداعى ميلليوندىق تارماق لەنياعا اينالدى

2016.12.21 13:45    

  جەلتوقساننىڭ 17–كۇنى قۇلجا اۋەجايى تاريحي سيپاتتى كەزەڭگە ءوتتى. CZ6826 كەزەكتى جولاۋشىلار ۇشاعىنىڭ ۇشۋىنا بايلانىستى قۇلجا اۋەجايىنىڭ قابىلداعان – جونەلتكەن جولاۋشى سانى تۇڭعىش رەت ءبىر ميلليون ادام–رەتكە جەتتى. بۇل قۇلجا اۋەجايىنىڭ مەملەكەتىمىز بويىنشا ورتاشا تيپتەگى اۋەجاي قاتارىنا رەسمي ءوتىپ، شينجياڭ بويىنشا 4 – ورىنداعى ميلليوندىق تارماق لەنياعا اينالعانىن بىلدىرەدى.

  وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى لۋ شۋجياڭ، وبلىستىڭ ورىنباسار باستىعى زاكىر زوردۇن جانە حالىقتىق اۆياتسيا شينجياڭ باسقارۋ مەكەمەسىنىڭ، شينجياڭ ۇشاق توبى سەرىكتىگىنىڭ، وبلىسقا توتە قاراستى قاتىستى تاراۋلاردىڭ جاۋاپتىلارى قۇتتىقتاۋ سالتىنا قاتىناستى.

  قۇلجا قالاسىنىڭ تۇرعىنى جاڭ ۋىن قۇلجا اۋەجايىنىڭ ميلليونىنشى رەتكى جولاۋشىسى. سول كۇنى قۇلجا اۋەجايى وعان قىمبات باعالى سيلىق بۇيىمى مەن ۇشاق بەلەتىن تارتۋ ەتتى ءارى وعان VIP ۇشاق كۇتۋ بولمەسىندە ۇشاق كۇتۋدەن ءبىر جىل پايدالانۋ ۇقىعىن بەردى. جاڭ ۋىن بىلاي دەدى: قۇلجا اۋەجايىنىڭ ميلليونىنشى رەتكى جولاۋشىسى جانە قۇلجا اۋەجايىنىڭ تاريحي سيپاتتى كەزەڭىنە كۋاگەر بولعانىم ءۇشىن ءوزىمدى ايرىقشا باقىتتى سەزىنەمىن، قۇلجا اۋەجايىنىڭ بولاشاقتا ءتىپتى دە جەدەل دامىپ، بىزگە اناعۇرلىم قولايلىلىقتار جاراتۋىن تىلەيمىن.

  ۇعىسۋىمىزشا، قۇلجا اۋەجايى 2012–جىلى قابىلداعان–جونەلتكەن جولاۋشى سانى تۇڭعىش رەت 500 مىڭ ادام–رەتكە جەتكەن ەكەن. سودان قىسقا عانا 4 جىل وتە سالىپ، بۇل كۇندە ءبىر ميلليون ادام–رەتكە جەتىپ وتىر. قۇلجا اۋەجايى جولاۋشىلارعا قىزمەت وتەۋ ءبولىمىنىڭ جاۋاپتىسى لي ليەجيان بىلاي دەدى: قۇلجا اۋەجايى ىلەنىڭ ساياحات بايلىعى مەن وتكەلدىڭ وڭىرلىك ابزالدىعىنا سۇيەنىپ، اۋە جولى تورابىن كەمەلدەندىرىپ، اۋە قاتىناسى بازارىن اشتى. قاجىرلى قۇلشىنىستىڭ ناتيجەسىندە قازىر وڭتۇستىك اۆياتسياسى، تيانحاڭ اۆياتسياسى، مەملەكەت اۆياتسياسى، شىعىس اۆياتسياسى، شانحاڭ اۆياتسياسى جانە ءۇرىمجى اۆياتسياسى، جيۋيۋان اۆياتسياسى سىندى 7 اۆياتسيا سەرىكتىگى ىلەدە تيجارات جۇرگىزەدى؛ 8 تارماقتى اۋە جولى اشىلىپ، شينجياڭنان بەيجيڭ، تيانجين، شي–ان، چىڭدۋ، نانجيڭ، گۋاڭجوۋ سياقتى ەلىمىزدەگى ماڭىزدى قالالارعا قاتىنايدى، ەلىمىزدىڭ جەر–جەرىمەن قويۋ قاتىناس ورناتىپ، ىلەلىكتەردىڭ ءجۇرىپ–تۇرۋىن ءتىپتى دە قولايلىلىقتارمەن قامتاماسىز ەتتى.

  لۋ شۋجياڭ قۇتتىقتاۋ سوزىندە بىلاي دەدى: كوپ جىلداردان بەرى قۇلجا اۋەجايى ىلەنىڭ قاتىناس–تاسىمال، ساياحات، مادەنيەت ىستەرىنىڭ دامۋى جانە ديپلوماتيالىق اۋىس–كۇيىس، سەلبەستىك جاقتارىندا كورنەكتى رولىن ساۋلەلەندىرىپ، ىلەنىڭ ەكونوميكالىق قۇرىلىسى مەن قوعامدىق ىستەرىنىڭ دامۋىنا ماڭىزدى ۇلەستەر قوسىپ كەلەدى. قۇلجا اۋەجايى وسىنى وراي ەتىپ، حاۋىپسىز جۇمىس جۇرگىزۋ، اۋە جولىنا قاتىستى ورنالاستىرۋ، باسقارۋ، قىزمەت وتەۋ، مادەنيەت ارقىلى جەتەكشىلىك ەتۋ، بازار ءورىسىن كەڭەيتۋ ىستەرىن ۇزدىكسىز ساپالىلاندىرىپ جانە ونىڭ دارەجەسىن جوعارىلاتىپ، ىلەنىڭ ادام، زات اينالىمىن جەدەلدەتۋدى، قابىلداۋ–جونەلتۋدى جەبەپ، قۇلجا اۋەجايىن ىلەنىڭ ەكونوميكاسى مەن قوعامىنىڭ دامۋىن جەبەيتىن پارمەندى كۇش ەتىپ قۇرۋعا كۇش سالۋى كەرەك.

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.