- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
نىلقى اۋدانىندا «ۇلتتار ىنتىماعىنىڭ بەرەكەلى شاڭىراعى» قيمىلى ويداعىداي ورىستەتىلۋدە
2017.01.11 15:19
تاياۋ كۇندەردەن بەرى نىلقى اۋداندىق پارتكومنىڭ دۇرىس باسشىلىعىندا نەگىزگى ساتىداعى مەكەمە، ورىندار جوعارى دارەجەلى ورىنداردىڭ ۇندەۋىنە ءۇن قوسىپ، «ۇلتتار ىنتىماعىنىڭ بەرەكەلى شاڭىراعى» قيمىلىنا جابال اتتانىسقا كەلىپ، ءار ۇلت بۇقاراسىمەن ءبىر نيەت، ءبىر تىلەكتە بولا وتىرىپ، جاراسىمدىلىقتىڭ كەرەگەسىن كەڭ جايۋعا قۇلشىندى.
ىلە وبلىستىق قازىنالىق باقىلاۋ مەكەمەسىندەگى باسشىلار مەن كادرلار نىلقى اۋدانى قاراسۋ اۋىلى سەيپىل قىستاعىندا «ۇلتتار ىنتىماعىنىڭ بەرەكەلى شاڭىراعىندا» قيمىلىن ورىستەتىپ، بۇقارامەن سەرىكتەسىپ تۋىسقاندىق قاتىناس ورناتىپ، كەدەي وتباسىلارىنا كومەكتەستى. قيمىل بارىسىندا وبلىستىق قازىنالىق باقىلاۋ مەكەمەسىندەگى باسشىلار قىستاق تۇرعىندارىنا پارتيا 18- كەزەكتى ورتالىق كوميتەتىنىڭ 6- جالپى ءماجىلىسىنىڭ رۋحى مەن ج ك پ اۆتونوميالى رايوندىق 9 - قۇرىلتايىنىڭ رۋحىن ۇگىتتەدى. قازىنالىق باقىلاۋ مەكەمەسى سۇيەمەلدەيتىن كەدەي وتباسىلارىنىڭ اربىرىنە ءۇي سالۋعا 10 مىڭ يۋاننان كومەك قاراجات بەرۋمەن بىرگە، بۇكىل قىستاقتاعى 22 كەدەي وتباسىنا 195 مىڭ يۋان كومەك قاراجات تاراتتى ءارى ولاردىڭ قىس قىرىنان قىسىلماي ءوتۋى ءۇشىن كومىر ءتۇسىرىپ بەردى. قىستاق تۇرعىنى ءالىمجان: «وبلىستىق قازىنالىق باقىلاۋ مەكەمەسىندەگى كادرلاردىڭ كومەگىندە جاڭا ۇيگە كوشىپ كىردىك ءارى قىستان دا قىسىلماي وتەتىن بولدىق»، - دەدى. ىلە وبلىستىق قازىنالىق باقىلاۋ مەكەمەسىنەن نىلقى اۋدانى قاراسۋ اۋىلى سەيپىل قىستاعىنا تۇسكەن قىزمەت گرۋپپاسىنىڭ باستىعى ۋەي جيفىڭ: «مەكەمەمىز وسى قىستاقتاعى 35 كەدەي وتباسىن سۇيەمەلدەپ، مەكەمەدەگى كادرلار ولارمەن تۋىستىق قاتىناس ورناتتى»، - دەدى.
ءار ۇلت حالقىن ءوزارا دوستىق پەن سۇيىسپەنشىلىككە جەتەكتەۋدى ماقسات ەتكەن نىلقى اۋداندىق دامۋ-رەفورما كوميتەتىنىڭ كادرلارى جۋىقتا قاراسۋ اۋىلىنىڭ كوزباسى قىستاعىنداعى 27 كەدەي، مۇگەدەگى بار وتباسىنداعىلارمەن جۇزدەسىپ، ولارعا 40 قالتا ۇن جانە 40 سۋلياۋ تورسىق سۋماي سياقتى زاتتىق بۇيىمدار تاراتىپ دوستىق، سۇيىسپەنشىلىك قيمىلىن تەرەڭدەتتى.
نىلقى اۋداندىق دامۋ-رەفورما كوميتەتىنىڭ كادرلارى قىستاق پارتيا ياچەيكاسى جانە قىزمەت گرۋپپاسىنىڭ سەلبەسۋىندە وزدەرىمەن دوس بولعان مالشىلارمەن اڭگىمە دۇكەنىن قۇرىپ، تۇرمىس جاعدايىن ۇعىسىپ، بۇدان بىلايعى بولاشاق جوسپارلارىنا قۇلاق ءتۇردى. مالشىلار دا ولاردى ىستىق ىقىلاسپەن قابىلداپ، اعىنان اقتارىلدى.
ساۋىقشىل، قوناقۋار قاسيەتىن ساقتاعان حالقىمىز ۇيىنە كەلگەن قوناقتى ەرەكشە قادىرلەپ، ءسۇتتى شايىن قۇيىپ، قىزارا بورتكەن باۋىرساعىن داستارقانىنا سالىپ كۇتىپ الدى.
نىلقى اۋداندىق دامۋ-رەفورما كوميتەتى پارتيا ياچەيكاسىنىڭ شۋجيى ليۋچيڭ: «مەكەمەمىز وسى قىستاقتاعى 27 وتباسىمەن تۋىستىق قاتىناس ورناتتى. مەكەمەمىز مۇنان بىلاي كوزباسى قىستاعى مەن وسىنداعى كەدەي وتباسىلارىن سۇيەمەلدەۋ جوسپارىن جاسادى، بۇل مىندەتتى ناتيجەلى ورىنداۋعا بارىنشا قۇلشىنامىز»، - دەدى.
قاراسۋ اۋىلدىق پارتكومنىڭ مۇشەسى، بىرلىكساپ قىزمەتكەرى باقىتبەك نۇرلىباي ۇلىنىڭ تانىستىرۋىنشا، نىلقى اۋدانىندا «ۇلتتار ىنتىماعىنىڭ ۇلى شاڭىراعىندا» قيمىلى ورىستەتىلگەننەن بەرى ىلە وبلىسى، نىلقى اۋدانىنان 36 ورىننىڭ ءار ۇلت كادر-قىزمەتشىلەرى قاراسۋ اۋىلىنا بارىپ تۋىستىق قاتىناس ورناتىپ، توننىڭ ىشكى باۋىنداي تاتۋ-ءتاتتى قارىم- قاتىناس ورناتىپ، قيمىلدىڭ ونىمدىلىگىن جوعارىلاتۋ ءۇشىن تۋىستىق قاتىناس ورناتۋ سالتىن وتكىزدى. بايسۇلتان نۇپتەبەك ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
