شينجياڭ ۇيعۇر اۆتونوميالى رايونىنىڭ ورنىقتىلىقتى قورعاۋ قىزمەتىنە باقىلاۋ - جەتەكشىلىك ەتۋ گرۋپپاسى ىلەدە باقىلاۋ - تەكسەرۋ جۇرگىزدى
2017.03.08 14:23
اقپاننىڭ 28 - كۇنى اشىلعان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ماجىلىسىندە العا قويىلعان مەملەكەتتىك ەكى ءماجىلىس كەزىندە ورنىقتىلىق قىزمەتىن ويداعىداي ىستەۋ جونىندەگى نۇسقاۋ - تالاپتاردى دايەكتى تياناقتاندىرۋ ءۇشىن، اۆتونوميالى رايوندىق پارتكومنىڭ ءبىر تۇتاس ورنالاستىرۋىنا ساي اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز باستاعان ورنىقتىلىقتى قورعاۋ قىزمەتىنە باقىلاۋ - جەتەكشىلىك ەتۋ 3 - گرۋپپاسى ناۋرىزدىڭ 4 - كۇنى ىلەگە كەلىپ، ورنىقتىلىقتى قورعاۋ قىزمەتىنە باقىلاۋ جۇرگىزىپ، جەتەكشىلىك ەتتى.
سول كۇنى باقىلاۋ - جەتەكشىلىك ەتۋ گرۋپپاسىنداعىلار قۇلجا قالاسىنىڭ قىستاق كوميتەتى، حالىققا قولايلى ساقشى ىستەرى پۋنكىتى، شينحۋا كىتاپحاناسى، مەشىت، باقشا، ەرەن بازارى، اۋىل شارۋاشىلىق ونىمدەرى بازارى سياقتى ادامدار شوعىرلى جانە ءتۇيىندى ورىندارعا بارىپ، ورنىقتىلىقتى قورعاۋ شارالارىنىڭ تياناقتانۋ جاعدايىن ىشكەرىلەي ۇعىستى.
قۇلجا قالالىق قوعام حاۋىپسىزدىگى مەكەمەسىنىڭ قولباسشىلىق ورتالىعىندا ەركىن تۇنياز قۇلجا قالاسىنىڭ قوعام اماندىعىن وڭاۋ جاعدايىنان دوكلاد تىڭداپ، بۇكىل قالانى كەسكىنمەن باقىلاۋ جۇيەسى قۇرىلىسى مەن ودان پايدالانۋ جاعدايىن ەگجەي - تەگجەيلى ۇعىسىپ، قىزمەت ۇلگىسى مەن ساقشىلاردىڭ جاعدايدى ءبىر جاقتى ەتۋ قىزمەتىن سۇراستىردى. ول الدىمەن اۆتونوميالى رايوندىق پارتكوم اتىنان ورنىقتىلىقتى قورعاۋدىڭ ءبىرىنشى شەبىندە شايقاس جۇرگىزىپ جاتقان قوعام حاۋىپسىزدىگى حالىق ساقشىلارىنا العىس ايتتى ءارى ولاردان شىنايى حال سۇرادى. ول بىلاي دەدى: كەزەكتەگى كۇردەلى جاعداي الدىندا قوعام حاۋىپسىزدىگى حالىق ساقشىلارى باس نىسانانى تياناقتاندىرۋدى، ءسوزسىز، ەڭ ۇلكەن ساياسي جاۋاپكەرلىك ەتىپ، قىزمەتتى ەرتە باستان، كىشى - گىرىم ىستەن، تەز، ويداعىداي يگەرىپ، ىرىقتىلىق شايقاسىن ويداعىداي جۇرگىزىپ، اۆتونوميالى رايوندىق پارتكومنىڭ ورنىقتىلىقتى قورعاۋ شارالارىن مۇقيات ويداعىداي تياناقتاندىرىپ، «التىنى ويداعىداي يگەرۋدى»، «ءتورتتى جاپپاي قامتۋدى» ورىنداپ، بوساڭسىماي، سالعىرتسىماي، ساڭلاۋ، ەسكەرۋسىز جەر قالدىرماي، شاشاۋ شىعارماي، مەملەكەتتىك ەكى ءماجىلىس كەزىندەگى قوعامدىق جالپى جاعدايدىڭ جاراسىمدىلىعى مەن ورنىقتىلىعىنا بار كۇشپەن كەپىلدىك ەتۋ كەرەك.
باقىلاۋ - جەتەكشىلىك ەتۋ گرۋپپاسىنداعىلار قۇلجا قالاسى قارادوڭ اۋىلى حۋاگوشان قىستاق تۇرعىندار كوميتەتىنە بارعاندا اۋلادا حالىق جاساقتارىنىڭ ماشىق جۇرگىزىپ جاتقانىن كوردى. تۇرعىندار كوميتەتىنىڭ 1 - قاباتىنا كىرىپ بارعاندا كىلەگەي ءيىسى اڭقىدى. وندا 20 نەشە ايەل ءبىر جەتەكشى ۇستانىڭ ءجون سىلتەۋىندە پراندىك، بالكۇلشە پىسىرىپ جاتىر ەكەن. 2 - قاباتىنداعى جيىن زالعا «ۇلتتار ىنتىماعىنىڭ بەرەكەلى شاڭىراعى» تاقىرىبىنداعى ۇگىت - لەكسيا تىڭداۋعا كەلگەن تۇرعىندار لىق تولعان، وندا لەكسيا جاساۋشى تۇرعىندارمەن پىكىر اۋىستىرىپ، وي ءبولىسىپ، كوپشىلىك مارە - سارە.
مۇنداي جاراسىمدى بەينەنى كورىپ ەركىن تۇنياز توتەنشە قۋاندى. ول بىلاي دەدى: قىستاق تۇرعىندار كوميتەتى _ پارتيا مەن ۇكىمەتتىڭ بۇقارامەن بايلانىس جاسايتىن، ولارعا قىزمەت وتەيتىن كوپىرى جانە دانەكەرى. باس نىسانانى توڭىرەكتەپ، پارتيانىڭ باستى ماقساتىن ەستە بەرىك ساقتاپ، بۇقارالىق لۋشياندى امالياتتا ايگىلەپ، قىزمەت وتەۋ جۇيەسىن كەمەلدەندىرىپ، ءتۇرلى بايلىق قاينارىن رەتكە سالىپ، الەۋمەتتىك قىزمەت وتەۋ ورەسىن جوعارىلاتىپ، ورنىقتىلىقتى قورعاۋدى قامتاماسىزداندىرۋ قۋاتىن ارتتىرىپ، بۇقاراعا قىزمەت وتەۋدىڭ ەڭ سوڭعى ءبىر شاقىرىمىن ىركىلىسسىزدەندىرۋ كەرەك.
قۇلجا قالاسىنىڭ گۇلدى مەشىتىندە ەركىن تۇنياز مەشىت باسقارۋ، ءدىني قيمىلداردىڭ ورىستەتىلۋ جاعدايىن جانە قىستاقتا تۇراتىن مەشىت باسقارۋ كوميتەتىنىڭ رولىن ساۋلەلەندىرۋ جاقتارىن ەگجەي - تەگجەيلى ۇعىستى. ول وتانشىل ءدىني قايراتكەرلەردەن وتاندى، ءدىندى سۇيەتىن تاڭداۋلى ءداستۇردى ساۋلەلەندىرىپ، ءدىني ۇشقارى يدەياعا ايقىن تۋ ۇستاي وتىرىپ قارسى تۇرۋ، ءدىني ءشاريعاتتار مەن ءدىني قاعيدالاردى قوعامنىڭ دامۋىنا، ءداۋىردىڭ العا باسۋ تالابىنا سايكەستىرىپ ءتۇسىندىرىپ، دىنگە سەنەتىن بۇقارانىڭ اقىل - پاراساتى مەن كۇش - قۋاتىن ءوندىرىستى دامىتۋ، قاجىرلى ەڭبەك ارقىلى اۋقاتتانۋ، تۇرمىس شارت - جاعدايىن جاقسارتۋ، تۇرمىس ورەسىن جوعارىلاتۋ جاعىنا شوعىرلاندىرۋدى ءۇمىت ەتتى.
ساقشى سيگنالى شالىنىسىمەن 30 سەكۋند ىشىندە حىبەي داڭعىلىنداعى حالىققا قولايلى ساقشى ىستەرى پۋنكىتىنىڭ حالىق ساقشىلارى مەكتەپ اۋلاسىنا جەتىپ كەلىپ، مەكتەپ اۋلاسىنا تۇتقيىل باسىپ كىرگەن «سودىرلاردى» بويسۇندىردى. سول كۇنى تۇستەن كەيىن باقىلاۋ - جەتەكشىلىك ەتۋ گرۋپپاسىنداعىلار قۇلجا قالالىق 22 - ورتا مەكتەپكە بارىپ، مەكتەپتىڭ توسىن ۋاقيعالاردى ءبىر جاقتى ەتۋ جاتتىعۋىن ناق مايداندا كوردى. ۇعىسۋعا قاراعاندا، بۇل مەكتەپ ۇدايىلىق حاۋىپسىزدىكتى ساقتاۋ، ورنىقتىلىقتى قورعاۋ قىزمەتىندە ەكى قوسىن قۇرىپ، «ۇشتەن ساقتانۋدى» كۇشەيتىپ، «ءتورتتى قامتاماسىزداندىرۋ مەحانيزمىن» كەمەلدەندىرىپ، «بەستى تياناقتاندىرۋدى» مىقتى يگەرىپ، حاۋىپسىزدىكتى تەكسەرۋدىڭ «التى باسقىشتى جوباسىن» قاتاڭ اتقارىپ، ورنىقتىلىقتى قورعاۋدىڭ حاۋىپسىزدىك شەبىن اناعۇرلىم نىعايتقان.
ناق مايدانداعى جاتتىعۋدى كورگەننەن كەيىن ەركىن تۇنياز بىلاي دەدى: مەكتەپ «بىركەلكىلىكتى ساقتاۋ» يدەياسىن كۇشەيتىپ، سايكەسۋدى، قارىم - قاتىناستى نىعايتىپ، ءوزارا سايكەسىپ، توسىن جاعدايدى ءبىر جاقتى ەتۋ قۋاتى مەن ساقتانۋ - مەڭگەرۋ ورەسىن ۇزدىكسىز جوعارىلاتىپ، مەكتەپتىڭ جانە ماڭايىنىڭ حاۋىپسىزدىگى مەن ورنىقتىلىعىن قورعاۋ كەرەك.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
