مادەني مۇرا قىزمەتىنىڭ باسقارىلۋى جان - جاقتى كۇشەيتىلدى
2017.03.13 15:08
2016- جىلى ىلە وبلىستىق مادەني مۇرا مەكەمەسى «قورعاۋ − نەگىز، قۇتقارۋ − ءبىرىنشى، ۇيلەسىمدى پايدالانىپ، باسقارۋدى كۇشەيتۋ» قىزمەتىنە تاباندى بولىپ، مادەني مۇرا قىزمەتىنە بولعان قورعاۋ، باسقارۋدى جان - جاقتى كۇشەيتىپ، رۋحاني مادەنيەت پەن زاتتىق مادەنيەت قۇرىلىسىن اناعۇرلىم ىلگەرىلەتتى.
بۇل مەكەمە جىل باسىندا جوعارىنىڭ ورنالاستىرۋىنا ساي مادەني مۇرا قىزمەت جوسپارىن جاساپ، ونى اۋدان، قالالارداعى ساتىلار بويىنشا مۇقيات تياناقتاندىرىپ، نىسانالى باسقارۋدى كۇشەيتتى. 16 ميلليون 900 مىڭ يۋان قارجى اجىراتىپ، وبلىسقا توتە قاراستى اۋدان، قالالارداعى 17 ورىنداعى بايىرعى مادەني مۇرا ورىندارىن قايتادان جوندەپ، قۇرىلىستارىن جاڭالاپ، كورەرمەندەردىڭ ەكسكۋرسيالاۋىنا تاماشا نەگىز قالادى. وبلىس دارەجەلى 2 - توپتاعى ءتۇيىندى قورعالاتىن 66 مادەني مۇرا ورنىن بەكىتىپ جاريالادى. اۋدان، قالاعا قاراستى دالاداعى ءتۇيىندى قورعالاتىن مادەني مۇرا ورىندارىن قورعاۋ، شارلاۋ قىزمەتىنە جاۋاپتى قىزمەتكەرلەرگە قۇنى 150 مىڭ يۋاندىق 17 دانا موتوتسيكل، 12 دانا حابارلاسۋ اسپابىن الىپ بەرىپ، ولاردىڭ مادەني مۇرانى مەرزىم بويىنشا شارلاۋىنا كەپىلدىك ەتتى. بايىرعى قابىردى، بايىرعى مۇرانى ۇرلاعان، ويرانداعان قىلمىستىلارعا زاڭ بويىنشا قاتاڭ سوققى بەرىپ، وبلىسقا توتە قاراستى ورىندار بويىنشا ءتۇيىندى قورعالاتىن 368 مادەني مۇرا ورنىنىڭ اماندىعىنا تەكسەرۋ جۇرگىزدى ءارى مادەني مۇرانى قورعاۋ جونىندە 15 مىڭ پارشا ۇگىت قاعازىن تاراتتى. وتانشىلدىق، ۇلتتار ىنتىماعى، ۇشقارىلىققا قارسى تۇرۋ، ىلەنىڭ مادەني تاريحى جونىندە اۋدان، اۋىلداردا 100 مايدان جىلجىمالى سۋرەتتى كورمە اشىپ، كورگەن ادام سانى 500 مىڭ ادام - رەتكە جەتىپ، 100 مىڭ نۇسقا ۇگىت ماتەريالىن تاراتتى. «دۇنيە جۇزىلىك مۇراجايى كۇنى»، «مادەني مۇرا كۇنى» ءتۇرلى ۇگىت قۇرالدارى ارقىلى ۇگىت - ءناسيحات جۇرگىزىپ، ۇگىت قاعازىن تاراتۋ قيمىلىن ورىستەتىپ، مۇراجايعا كەلگەندەرگە ساپالى قىزمەت وتەگەندىكتەن وتكەن جىلى وبلىستىق مۇراجاي، لين زى - شۇي ەسكەرتكىش سارايىنا 160 مىڭ ادام ەكسكۋرسياعا كەلىپ، ولاردىڭ مادەني مۇراعا بولعان تانىمىن جوعارىلاتتى. «ءبىر بەلدەۋ، ءبىر جول» قىزمەتىنە ءمان بەرىپ، كومەككە كەلگەن ولكە، قالالاردىڭ ءمان بەرۋىندە ىلەنىڭ بايىرعى مۇرالارىن گانسۋ ولكەسىنىڭ لانجوۋ قالاسى، جياڭسۋ ولكەسىنىڭ شۋجۋو، جىجياڭ قالالارىنا اپارىپ كورمە اشىپ، ولاردىڭ ىلەنى تانۋ، ىلەنىڭ تاريحي مادەنيەتىنە بولعان تۇسىنىگىن ارتتىرىپ، كورشىلەس ورىندارمەن بولعان قارىم - قاتىناستى قويۋلاتتى. قىزمەتكەرلەردىڭ كاسىپتىك قابىلەتىن جوعارىلاتۋ ءۇشىن، 48 قىزمەتكەردى شاڭحاي، فۋجوۋ، شي - ان سەكىلدى ولكە، قالالارعا مۇراجايدى باسقارۋعا قاتىستى تەحنيكالىق بىلىمدەردى ۇيرەنۋگە جىبەرىپ، ولاردىڭ كاسىپتىك - تەحنيكالىق ساپاسىن جوعارىلاتتى. 37 ميلليون 600 مىڭ يۋان اجىراتىپ، قورعاس اۋدانىنا قاراستى بايىرعى كۇرە قالاسىنىڭ تاسقىننان ساقتانۋ توسپاسىن جاسادى.
كەدەيلەردى دالمە - ءدال سۇيەمەلدەۋ، كەدەيلىكتەن قۇتىلدىرۋ جۇمىسىن ويداعىداي ىستەپ، تەكەس اۋدانى، قۇلجا قالاسىنداعى سۇيەمەلدەۋگە العان وتباسىنا تاۋىق، ۇيرەك بالاپانىن الىپ بەرۋ، كوكونىس ەگىپ بەرۋ، مال قورا، تاۋىق قورا سالىپ بەرۋ، جەم - ءشوپ الىپ بەرۋ، ەلەكترمەن سۋ تارتاتىن ماشينا ورناتىپ بەرۋ سىقىلدى جۇمىستاردى ىستەپ بەردى ءارى جۇمىسشى - قىزمەتشىلەردى جىلۋ اتاۋعا ۇيىمداستىرىپ، ولار ءۇشىن 4 مىڭ 660 يۋان ناق اقشا، 300 دانا كيىم - كەشەك جىلۋ اتاپ، وقۋ تاۋىسقان ءبىر وقۋشىنى جۇمىسقا ورنالاستىرىپ، ولاردىڭ كەدەيلىكتەن ەرتەرەك ارىلۋىنا تاماشا نەگىز قالادى. «ۇلتتار ىنتىماعىنىڭ بەرەكەلى شاڭىراعى» قيمىلىن ءورىس الدىرىپ، جۇمىسشى - قىزمەتشىلەر جۇپ قۇراپ، تۋىس بولىپ، وتباسىن ارالاپ، ۇنەمى باس قوسىپ، ۇلتتار ىنتىماعىن نىعايتىپ، قوعام ورنىقتىلىعى مەن باياندى تىنىشتىق باس نىساناسىن جەبەپ، ءتۇرلى قىزمەتتەردى ىلگەرىلەتكەندىكتەن، وتكەن جىلى بۇل مەكەمە وبلىس جاعىنان ۇلتتار ىنتىماعى العاباسارلىعىنداعى ۇلگىلى ورىن بولىپ سيلاندى. ال 37 ادام مەكەمە جاعىنان ۇلتتار ىنتىماعىنداعى وزات جەكە بولىپ باعالاندى. جارقىن ماناپقان ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
