مالشىلارعا 180 توننا جەم–ءشوپ تاراتىلىپ، مالدىڭ كوكتەمنەن امان شىعۋىنا كەپىلدىك ەتىلدى
2017.03.16 14:04
جاقىندا تەكەس اۋدانىنا قاراستى تەكەس جىلقى فەرماسى ءتۇرلى ارنالار ارقىلى 80 مىڭ يۋان قارجى توپتاپ، وعان 180 توننا جوڭىشقا جانە ساپالى جەم –ءشوپ ساتىپ الىپ، وسى فەرماعا قاراستى مال شارۋاشىلىق 3–روتاسىنداعى مالىشلارعا تاراتىپ بەرىپ، ءار تۇلىك مالدىڭ كوكتەمنەن امان شىعۋىنا تاماشا شارت–جاعداي جاراتىپ بەردى. ءتىلشىنىڭ ۇعىسۋىنشا، وتكەن جىلى قىس ەرتە ءتۇسىپ، قار قالىڭ جاۋعاندىقتان كوپتەگەن مالشىلار جەم–شوپتەن تارىعىپ، ءتول الۋدا ەداۋىر قينالعان بولاتىن. بيىل فەرما وسى تاجىريبەلەردەن ساباق الىپ، مالشىلاردىڭ زيانىن ەڭ تومەنگى شەككە ءتۇسىرۋ ءۇشىن، فەرما پارتكومى مەن حالىق ۇكىمەتى قازىنالىق جۇمسالىمدى مولايتىپ، كۇن ىلگەرى جەتكىلىكتى جەم–ءشوپ ساتىپ الىپ، ونى دەركەزىندە مالشىلارعا ۇلەستىرىپ بەرىپ، كوكتەمگى ءتول الۋ قىزمەتىنىڭ ويداعىداي جۇرىلۋىنە بەرىك نەگىز قالادى.
مالشى نۇسىپبەك تىلشىگە: «2016–جىلى فەرمامىزعا قار جىلداعىدان ەرتە ءتۇستى. جەتكىلىكتى ازىق–تۇلىك دايىنداۋعا ۇلگىرە الماي قالدىق. وسى قالىڭ قاردىڭ سەبەبىنەن جايىلىمدى بۇكىلدەي قار باسىپ، مالعا ازىق–تۇلىك جەتىسپەدى. قازىر مەندە 250 تۇياق قوي جانە 20 باسقا جاقىن ءىرى قارا بار. مىنە، وسى جاعدايدى كوزدە ۇستاعان فەرما پارتكومىنىڭ باسشىلارى مالشىلارعا قىسقى جەم –ءشوپ تاراتىپ، ءبىزدىڭ كوڭىلىمىزدى ورنىقتىردىءارى ساياساتتىق جاقتان قولداۋ كورسەتىپ، ءبىزدىڭ ءىس جۇزىندىك قيىنشىلىعىزدى شەشىپ، قيىن وتكەلدەن وتۋىمىزگە تاماشا شارت–جاعداي جاراتىپ بەردى. مەن وسىنداي قامقورلىق جاساعان فەرما پارتكومىنا شەكسىز العىسىمدى بىلدىرەمىن»،–دەدى قۋانىشتى بەينەمەن. سونىمەن بىرگە، بۇل فەرما پارتكومى ءبىر قىدىرۋ پارمەندى شارالار قولدانىپ، اپاتقا ۇشىراعان مالدىڭ قىس جانە كوكتەمنەن امان ءوتۋى مەن كوكتەمگى ءتول الۋ قىزمەتىنە شىنايى كەپىلدىك ەتۋ ءۇشىن، جالعاستى قازىنادان مول قارجى اجىراتىپ، جەتكىلىكتى جەم –ءشوپ دايىنداپ، قىسقى اپاتتان ءونىمدى ساقتانىپ، 2017– جىلى مالشىلاردىڭ ەكونوميكالىق كىرىسىن ويداعىداي ارتتىرۋىنا بەرىك نەگىز قالادى. بۇل جونىندە مالشى جۇمابەك تىلشىگە:« بۇگىن فەرمامىزدىڭ جەم –ءشوپ تاراتۋ ۇقىتىرۋىن تاپسىرىپ العاننان كەيىن، مەن ناق مايدانعا بارىپ ءار تۇلىك مالعا جەتكىلىكتى جەم –ءشوپ الدىم. ونىڭ ۇستىنە، قازىر مالعا بەرەتىن ازىق–تۇلىك تە تاۋسىلىپ، شاراسىز قالعان ەدىك. مىنە، وسىنداي قيىن جاعدايدا قالعانىمىزدى ەسكەرگەن جەرگىلىكتى پارتكوم مەن ۇكىمەت بىزگە قىسقى جانە كوكتەمگى جەم–ءشوپ تاراتىپ، ءبىزدىڭ قالىپتى ءوندىرىس جۇزگىزۋىمىزگە زور تۇرتكى بولدى، ەندى ءبىز كوكتەمگى ءتولدى ويداعىداي الاتىن بولدىق»،–دەدى سەنىممەن.
ۇعىسۋعا قاراعاندا، تەكەس جىلقى فەرما پارتكومىنىڭ باسشىلىق القاسىنداعىلار مال شارۋاشىلىق رايوندارىنا بارىپ، ونداعى قار اپاتىنا ۇشىراعان مالشى وتباسىلارىن ارالاپ، اپات جاعدايىن ەگجەي–تەگجەيلى ۇعىسقاننان كەيىن، اپاتقا توتەپ بەرۋ شاراسىن جەدەل اتقارىپ، ساياساتتىق جاقتان قامداۋ ءتۇزىمىن بەلگىلەپ، اپات زيانىن ەڭ تومەنگى شەككە ءتۇسىرىپ، مالشىلاردىڭ قالىپتى ءوندىرىس–تۇرمىسىنا شىنايى كەپىلدىك ەتكەن. ناقتى ساناققا نەگىزدەلگەندە، قازىر تۇتاس فەرما بويىنشا 300 مىڭ مۋدان استام جايىلىم مەن 326 مالشى وتباسى، سونداي–اق 20 مىڭ (باس) تۇياقتان استام ءار تۇلىك مال قار اپاتىنا ۇشىراعان. اپات تۋىلعاننان كەيىن بۇل فەرما بارلىق كۇشتى شوعىرلاندىرىپ، اپاتتان قۇتقارۋ قىزمەتىن بەلسەنە ورىستەتىپ، ءار تۇلىك مالدىڭ قىس جانە كوكتەمنەن امان ءوتۋىن قامتاماسىز ەتۋمەن بىرگە، كوكتەمگى ءتول الۋعا مىعىم نەگىز قالاعان. ىرسالى سىلاميا ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
