قۇلجا قالاسى بيىلعى تۇراقتى مۇلىككە قوسىلاتىن قارجىنى 15 ميلليارد 400 ميلليون يۋانعا جەتكىزۋگە قۇلشىنباقشى
2017.03.22 15:28
ءتىلشىنىڭ ناۋرىزدىڭ 19–كۇنى قۇلجا قالاسىندا اشىلعان 2017–جىلعى جالپى ەكونوميكا سالاسىنداعى ورىنداردىڭ قىزمەت ماجىلىسىنەن ۇعىسۋىنشا، بيىل قۇلجا قالاسى تۇراقتى مۇلىككە قوسىلاتىن قارجىنى جىل باسىندا بەلگىلەگەن %50 ارتتىرۋدى %55 ارتتىرۋعا تەڭشەپ، بيىل 15 ميلليارد 400 ميلليون يۋان قارجى قوسۋ مىندەتىن ورىنداۋعا قۇلشىنباقشى ءارى وسى جەتەكشى ءتۇيىندى مىقتى يگەرىپ، بارلىق نىسانا–مىندەتتەردىڭ تولىق ورىندالۋىنا كەپىلدىك ەتپەكشى ەكەن.
بيىل قۇلجا قالاسى ورنىقتىلىق بارىسىندا العا ىلگەرىلەۋ سىندى قىزمەتتىڭ نەگىزگى جەلىسىنەن جازباي «1–كاسىپتىڭ ورەسىن جوعارىلاتىپ، 2–كاسىپتە ءتۇيىندى مىقتى يگەرىپ، 3–كاسىپتە زور دامۋعا» تاباندى بولىپ، شار تاراپقا، ورتا ازياعا باعىتتالعان اشىق ەكونوميكالىق جۇيە قۇرۋدى جەدەلدەتىپ، قۇلجا قالاسىن ءتاڭىر تاۋىنىڭ تەرىستىك بوكتەرىندەگى باتىس بولەك ورتالىق قالاسى، باتىسقا ايقارا اشىلعان ماڭىزدى تەرەزە، جىبەك جولى ەكونوميكالىق بەلدەۋىندەگى ماڭىزدى ءتۇيىن ەتىپ قۇرماقشى. بيىل قۇلجا قالاسى نىسانعا قارجى قوسۋدى ەكونوميكانى دامىتۋدىڭ ماڭىزدى قوزعاۋشى كۇشى ەتىپ، ءوندىرىستىڭ جالپى ءونىم قۇنىن %8.5 ارتتىرۋ، الەۋمەتتىك قازىنالىق مەجە ەسەپ كىرىسىن %10 ارتتىرۋ، تۇراقتى مۇلىككە قوسىلاتىن قارجىنى %55 ارتتىرۋ، كولەمدەنگەن ونەركاسىپتىڭ ارتۋ قۇنىن %6 ارتتىرۋ، سىرتقى ساۋدا يمپورت–ەكسپورت جالپى سوماسىن %6 ارتتىرۋ نىساناسىن ىسكە اسىرماقشى. بۇدان تىس، قۇلجا قالاسى ەرەكشە كاسىپتى جەتەكشى ەتۋدى كۇشەيتۋ، رەفورمانى جەبەۋدەن زور كۇشپەن قامال الۋ، قازىنا، باجى، فينانس ىستەرىن جاقسى ىستەۋ، حالىق تۇرمىسىن شىنايى قامتاماسىزداندىرۋ جانە جاقسارتۋ، كەدەيلىكتەن قۇتىلدىرۋدان قامال الۋدى مىقتى يگەرۋ، قالا مەن اۋىلدى بىركەلكى دامىتۋ، ەكولوگيالىق ورتانى قورعاۋدى كۇشەيتۋ سىندى جەتى قىزمەتتى ماڭىزدى ءتۇيىن ەتە وتىرىپ، ەكونوميكانى دامىتپاقشى.
ءماجىلىس بىلاي دەپ اتاپ كورسەتتى: بيىلعى ەكونوميكالىق قىزمەتتى جاقسى ىستەۋدىڭ، بەلگىلەنگەن نىسانا–مىندەتتەردى جۇزەگە اسىرۋدىڭ تەتىگى _ شىنايى يگەرىپ، ناقتى ىستەۋدە. تۇتاس قالاداعى ءار دارەجەلى پارتيا ۇيىمدارى ەكونوميكالىق قىزمەتتى ماڭىزدى ورىنعا قويىپ، ەكونوميكالىق جاعداي مەن ماڭىزدى ەكونوميكالىق ماسەلەلەر جونىندەگى زەرتتەۋدى، ورنالاستىرۋدى كۇشەيتىپ، جاۋاپكەرلىكتى ارتتىرىپ، مەحانيزمدى كەمەلدەندىرىپ، قابىلەتتى جوعارىلاتىپ، ستيلگە بۇرىلىس جاساپ، تياناقتاندىرۋدى مىقتى يگەرىپ، پارتيا ورتالىق كوميتەتىنىڭ شەشىم–ورنالاستhرۋلارىن بۇلجىتپاي تياناقتاندىرۋ كەرەك. اۆتونوميالى رايوننىڭ، اۆتونوميالى وبلىستىق پارتكومنىڭ شەشىم–ورنالاستىرۋلارىن باتىل دايەكتى اتقارۋ؛ قالالىق پارتكومعا قويىلعان تالاپتى جاۋاپكەرلىكتى اشالاۋ نەگىزىندە ناقتى شاراعا، ناقتى ءىس–ارەكەتكە، دالمە–ءدال كۇش سالۋ تۇيىنىنە، تاباندىلىقپەن جالعاستى قۇلشىنىسقا، ناقتى ونىمدىلىككە اينالدىرۋ؛ ونى قۇرى قاڭقاعا، بوس سوزگە اينالدىرۋعا باتىل قارسى تۇرۋ؛ بارلىق قىزمەتتە ناقتى ونىمدىلىككە قول جەتكىزۋگە كەپىلدىك ەتۋ كەرەك.
2016–جىلى قۇلجا قالاسىنىڭ ەكونوميكاسى ورنىقتى، اقاۋسىز دامىپ، «سەگىزگە كەپىلدىك ەتىپ، توعىزعا ۇمتىلىس جاساۋ» نىسانا–مىندەتى ورىندالىپ، ءوندىرىستىڭ جالپى ءونىم قۇنى 20 ميلليارد 200 ميلليون يۋان بولىپ، %8؛ كولەمدەنگەن ونەركاسىپتىڭ ارتقان قۇنى ءبىر ميلليارد 460 ميلليون يۋانعا جەتىپ، %26؛ قالا–قالاشىق تۇرعىندارىنىڭ كىسى باسىندىق ۇلەسىندەگى ورتاشا كىرىسى 26 مىڭ 896 يۋانعا جەتىپ، %8.1؛ ساۋدارگەر شاقىرىپ، قارجى ەنگىزۋ ارقىلى تياناقتانعان قارجى 9 ميلليارد 750 ميلليون يۋانعا جەتىپ، %4.7؛ شارۋالاردىڭ كىسى باسىندىق ورتاشا تازا كىرىسى 14 مىڭ 559 يۋانعا جەتىپ، 920 يۋان ارتتى. بۇدان تىس، قۇلجا قالاسى تاعى رەفورمانى تەرەڭدەتىپ، 88 توپتاعى 290 ءتۇرلى رەفورما مىندەتىن تولىعىمەن ىلگەرىلەتىپ، بازاردىڭ ومىرشەڭدىك قۋاتىن ارتتىرا ءتۇستى. حالىق تۇرمىسىنا تيىمدىلىك جاساۋعا كۇش سالىپ، 23 توپتاعى 92 ءتۇرلى ءتۇيىندى حالىق تۇرمىسى ينجەنەرياسىن تولىق تياناقتاندىرىپ، حالىق تىلەگىن توعىستىرىپ، بۇقارالىق نەگىزدى بەكەمدەدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
