بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

وبلىسقا توتە قاراستى ورىنداردىڭ جالعان اۋىل شارۋاشىلىق ماتەريالدارىن الاستاۋ، زاڭ اتقارۋ ارناۋلى قيمىلى باستالدى

2017.03.22 15:28    

  كوكتەمگى ەگىس قارساڭى اۋىل شارۋاشىلىعى ماتەريالدارى قاۋىرت ساتىلاتىن مەزگىل، ەگىنشىلەردىڭ ۇقىق–مۇددەسىنە كەپىلدىك ەتۋ ءۇشىن وبلىسقا توتە قاراستى ورىندار ناۋرىزدىڭ 18–كۇنى 2017–جىلعى جالعان اۋىل شارۋاشىلىق ماتەريالدارىن الاستاۋ، زاڭ اتقارۋ ارناۋلى قيمىلىن باستادى.

  وبلىستىق پارتكومنىڭ تۇراقتى مۇشەسى نۇرجۇما جاقاي ۇلى، وبلىستىڭ ورىنباسار باستىعى مەي يۇي جانە وبلىستىق اۋىل شارۋاشىلىعى مەكەمەسى، ساپانى تەحنيكالىق جاقتان باقىلاۋ مەكەمەسى، قوعام حاۋىپسىزدىگى مەكەمەسى، ونەركاسىپ–ساۋدانى اكىمشىلىك جاقتان باسقارۋ مەكەمەسى، قامداۋ–ساتۋ كووپەراتيۆى سياقتى قاتىستى ورىنداردىڭ جاۋاپتىلارى باستالۋ سالتىنا قاتىناستى.

  وبلىستىق پارتكوم مەن ۇكىمەت اۋىل شارۋاشىلىعى، اۋىل–قىستاق قىزمەتىنە وسكەلەڭ ءمان بەرىپ، ءار جىلى جالعان اۋىل شارۋاشىلىق ماتەريالدارىن الاستاۋ، ارناۋلى وڭاۋ قىزمەتىن ورنالاستىرىپ كەلەدى. ءار دارەجەلى اۋىل شارۋاشىلىق تاراۋلارى مەن قاتىستى تاراۋلاردىڭ ورتاق كۇش سالۋىندا اۆتونوميالى وبلىستىڭ جالعان اۋىل شارۋاشىلىق ماتەريالدارىن الاستاۋ قىزمەتىنىڭ ءونىمى كورنەكتى بولىپ، اۋىل شارۋاشىلىق ماتەريالدارh بازارىنىڭ ءتارتىبى ۇزدىكسىز جاقسارىپ، اۋىل شارۋاشىلىق ونىمدەرىنىڭ ساپاسى مەن حاۋىپسىزدىك دەڭگەيى ورنىقتى جوعارىلادى. بيىل قاتىستى تاراۋلار باس نىسانانى تىعىز توڭىرەكتەي وتىرىپ، جالعان اۋىل شارۋاشىلىق ماتەريالدارىن الاستاۋ، زاڭ اتقارۋ ارناۋلى قيمىلىن ورىستەتۋدى وراي ەتىپ، ۇگىتتەۋ، جەتەكشىلىك ەتۋ، تەحنيكالىق قىزمەت وتەۋ، تيجاراتتى ارناعا ءتۇسىرۋ جانە باقىلاۋ–باسقارۋدى كۇشەيتۋ سياقتى شارالار ارقىلى حاۋىپسىز اۋىل شارۋاشىلىق ماتەريالدارىن اۋىل–قىستاقتارعا جەتكىزۋدى جەبەۋ كەرەك. شارۋا وتباسىلارىنا، اتىز باسىنا ىشكەرىلەي بارىپ، قاتىستى زاڭدار مەن زاڭ–ەرەجەلەردى ۇگىتتەپ، ەگىنشى–مالشىلارعا جالعان اۋىل شارۋاشىلىق ماتەريالدارىن تانۋ، پارىقتاۋ جانە ودان عىلمي پايدالانۋ جونىندە ءبىلىم بەرىپ، ەگىنشى–مالشىلاردىڭ اۋىل شارۋاشىلىق ماتەريالدارىنان دۇرىس تۇتىنۋ كوزقاراسىن ورناتۋىنا مۇمكىندىك جاراتۋ كەرەك.

  قيمىلدا مىناۋ تالاپ ەتىلدى: تۇقىم، ەگىس دارىلەرى، تىڭايتقىش سياقتى اۋىل شارۋاشىلىق ماتەريالدارى بازارىن تىعىز توڭىرەكتەپ، ءتۇيىندى وڭىرلەر مەن ءتۇيىندى وبيەكتىلەردى كورنەكتىلەندىرىپ، ۋاقىتتى، ادام كۇشىن شوعىرلاندىرىپ، اۋىل شارۋاشىلىعىندا جالعان، جارامسىز ونىمدەردى ءوندىرۋ، ساتۋ سىندى زاڭعا قايشى ارەكەتتەرگە قاتاڭ سوققى بەرىپ، اۋىل شارۋاشىلىق ماتەريالدارىنىڭ باعاسىن ورنىقتىرۋ قىزمەتىن ويداعىداي ىستەپ، باعانى جوعارىلاتۋ، ىركىپ باسىپ قويۋ، باعانى جوعارىلاتۋ سىندى زاڭسىز ارەكەتتەرگە قاتاڭ سوققى بەرۋ كەرەك. اۋىل شارۋاشىلىj تاراۋلارى باستاماشىلدىق رولىن بەلسەنە ساۋلەلەندىرۋى، قوعام حاۋىپسىزدىگى، ونەركاسىپ–ساۋدانى اكىمشىلىك جاقتان باسقارۋ، ساپانى تەحنيكالىق جاقتان باقىلاۋ، قامداۋ–ساتۋ سياقتى تاراۋلار سەلبەستىكتى كۇشەيتىپ، جۇمىس ءبولىسى بويىنشا ءارقايسىسى ءوز ورىندارىنىڭ قىزمەتىن اتقارىپ، ءوز جاۋاپكەرلىگىن ارقالاپ، بەلسەندى، ىرىقتى بولىپ، تاراۋلارمەن سەلبەسىپ، تۇلعالىق بىرىككەن كۇش قالىپتاستىرىپ، جالعان اۋىل شارۋاشىلىق ماتەريالدارىن الاستاۋ قىزمەتىن ويداعىداي ىستەۋ كەرەك.

  سول كۇنى وبلىستىق اۋىل شارۋاشىلىعى، ساپانى تەحنيكالىق جاقتان باقىلاۋ، ونەركاسىپ–ساۋدانى اكىمشىلىك جاقتان باسقارۋ سياقتى تاراۋلار بىرلەسىپ زاڭ اتقارۋ، تەكسەرۋ قيمىلىن ورىستەتىپ، اۋىل شارۋاشىلىق ونىمدەرىنە ءتۇيىندى تەكسەرۋ جۇرگىزىپ، ەستەلىككە الىپ، اۋىل شارۋاشىلىق ماتەريالدارى بازارىنا رۇقسات ەتۋ وتكەلىن قاتاڭ يگەردى. تۇقىم، ەگىس ءدارىسى، تىڭايتقىش، جەم–ءشوپ جانە مال ءدارىسى سىندى ماڭىزدى ونىمدەردى توڭىرەكتەي وتىرىپ، اۋىل شارۋاشىلىق ماتەريالدارى بازارىن ارناۋلى جونگە سالۋدى مىقتى يگەرىپ، اۋىل شارۋاشىلىعىنداعى قاتەرلى ونىمدەر مەن اينالىمعا تۇسكەن ونىمدەردى باقىلاۋ، ۇلگى الىپ تەكسەرۋ تەبىنىن ارتتىردى. سونىمەن بىرگە، دەلولاردى تەكسەرىپ–ءبىر جاقتى ەتۋ تەبىنىن ارتتىرىپ، اۋىل شارۋاشىلىق ماتەريالدارى بازارىنىڭ ورتاسىن رەتتەۋدى مىقتى ۇستاپ، جالعان، جارامسىز ونىمدەردى ءوندىرۋ، ساتۋ، ۇقىققا سۇعاناقتىق جاساۋ، زاڭسىز قوسپا قوسۋ سياقتى زاڭعا قايشى ارەكەتتەرگە قاتاڭ سوققى بەرىپ، ەگىنشى، مالشى بۇقارانىڭ حاۋىپسىز ماتەريال ساتىپ الۋىنا كەپىلدىك ەتتى.

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار