بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

وبلىسقا توتە قاراستى ورىنداردىڭ ءوندىرىس حاۋىپسىزدىگى جاعدايىنىڭ جالپى تۇلعالىق جاقتان ورنىقتىلىعىن ساقتاۋعا قۇلشىنايىق

اۆتونوميالى وبلىس ءوندىرىس حاۋىپسىزدىگى جانە ورتتەن ساقتانۋ قىزمەتى جونىندە تەلەۆيزور – تەلەفون ءماجىلىسىن اشتى

2017.04.06 14:58    

  ناۋرىزدىڭ 31 – كۇنى اۆتونوميالى وبلىس ءوندىرىس حاۋىپسىزدىگى جانە ورتتەن ساقتانۋ قىزمەتى جونىندە تەلەۆيزور – تەلەفون ءماجىلىسىن اشىپ، بيىلعى ءوندىرىس حاۋىپسىزدىگى جاعدايىن جاپپاي قورىتىندىلاپ ءارى وعان تالداۋ جۇرگىزىپ، ءوندىرىس حاۋىپسىزدىگىنىڭ ءتۇيىندى قىزمەتىن ورنالاستىرىپ، ءتۇرلى شىرعالاڭنىڭ تۋىلۋىنان بار كۇشپەن ساقتانىپ جانە ونى تەجەپ، وبلىسقا توتە قاراستى ورىنداردىڭ ءوندىرىس حاۋىپسىزدىگى جاعدايىنىڭ جالپى تۇلعالىق جاقتان ورنىقتىلىعىن ساقتاۋعا قۇلشىنۋدى تالاپ ەتتى.

  وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى ماجىلىسكە قاتىناستى، وبلىستىق پارتكومنىڭ تۇراقتى مۇشەسى گاۋ تيانشان ءماجىلىستى باسقاردى.

  ماجىلىستە وبلىستىق پارتكومنىڭ شۋجيى زىڭ سۇننىڭ ءوندىرىس حاۋىپسىزدىگى قىزمەتى جونىندەگى ماڭىزدى بەكىتپە نۇسقاۋى جەتكىزىلدى ءارى 1 – توقسانداعى وبلىسقا توتە قاراستى ورىنداردىڭ ءوندىرىس حاۋىپسىزدىگى قىزمەتى جانە بىلتىر جىل سوڭىنان بەرى ورىستەتىلىپ وتىرعان ءوندىرىس حاۋىپسىزدىگى جونىندەگى ءجۇز كۇندىك زور تەكسەرۋ، جاپپاي اداقتاۋ، بارىنشا وڭاۋ ارناۋلى قيمىلىنىڭ جاعدايى حابارلاندىرىلدى.

  بيىل قاڭتاردان ناۋرىزعا دەيىن وبلىسقا توتە قاراستى ءارقايسى كاسىپ - سالادا جالپى 154 ءوندىرىس حاۋىپسىزدىگى شىرعالاڭى تۋىلىپ، 6 ادام ءولىپ، 20 ادام جارالانىپ، تىكە ەكونوميكالىق زيان 788 مىڭ 300 يۋان بولعان، شىرعالاڭ سانى، ءولىم – ءجىتىم مولشەرى جانە ەكونوميكالىق زيان جاعىنان ۇقساس مەزگىلمەن سالىستىرعاندا جەكە – جەكە %30.6، %72.7، %44.4 جانە

  44.8% ازايعان.

  ءوندىرىس حاۋىپسىزدىگى جونىندەگى ءجۇز كۇندىك ارناۋلى قيمىلى بارىسىندا وبلىسقا توتە قاراستى ورىنداردا بىرلەسىپ تەكسەرۋ گرۋپپاسىنان 156 سى قۇرىلىپ، تەكسەرۋگە 6 مىڭ 841 ادام قاتىناسىپ، جالپى 28 مىڭ 150 مەكەمە جانە ورىن تەكسەرىلگەن؛ 18 مىڭ 173 ادەتتەگى كومەسكى حاۋىپ تەكسەرىلىپ انىقتالىپ، 17 مىڭ 149 كومەسكى حاۋىپ رەتتەلگەن نەمەسە وزگەرتىلگەن، رەتتەلۋ – وزگەرتىلۋ مولشەرى %94.37 كە جەتكەن؛ 2 مىڭ 280 دانا زاڭ اتقارۋ ماتەريالى تاراتىلىپ، وبلىسقا توتە قاراستى ورىنداردىڭ ءوندىرىس حاۋىپسىزدىگى جاعدايىنىڭ ورنىقتىلىققا بەتالۋىن جەبەگەن.

  قۇرماش سىرجان ۇلى بىلاي دەپ اتاپ كورسەتتى: ناۋرىز ايىنان بەرى ىلە اڭعارىنىڭ ءوندىرىس حاۋىپسىزدىگى قىزمەتى تىڭ سايىستارعا ءدوپ كەلدى. اۋدان – قالالار، تاراۋلار، ورىندار وي – سانانى سەرگەك ۇستاۋعا باستان – اياق تاباندى بولىپ، ءوندىرىس حاۋىپسىزدىگى تەتىگىن مىقتى ۇستاپ، پارمەندى شارالاردان ۇتىمدى پايدالانىپ «جاۋاپكەرلىك تورىن» ءجيى قۇرىپ، «ورتتەن ساقتانۋ قامالىن» بەرىك ورناتىپ، باتىل بەكىم، تەگەۋرىندى ءتاسىل، قاتاڭ تارتىپپەن ءتۇرلى شىرعالاڭداردىڭ تۋىلۋىن بارىنشا تەجەۋ كەرەك.

  ماجىلىستە مىنالار تالاپ ەتىلدى: «پارتيا مەن ۇكىمەت بىردەي جاۋاپتى بولۋ، ءبىر ورىندا قوس جاۋاپكەرلىك ارقالاۋ، تەڭ يگەرىپ ورتاق باسقارۋ، مىندەتىن اتقارماعانداردىڭ جاۋاپكەرلىگىن قۋزاستىرۋ» جاۋاپكەرلىك جۇيەسىن مۇقيات تياناقتاندىرۋ، تاراۋلاردىڭ حاۋىپسىزدىگىن باقىلاۋ – باسقارۋ جاۋاپكەرلىگىن قاتاڭ اتقارۋ، كاسىپورىنداردىڭ ءوندىرىس حاۋىپسىزدىگىندەگى سۋبيەكتتىك جاۋاپكەرلىگىن قاتاڭ تياناقتاندىرۋ كەرەك. ءوندىرىس حاۋىپسزدىگى جونىندەگى ءجۇز كۇندىك زور تەكسەرۋ، قاۋىرت اداقتاۋ، بارىنشا جونگە سالۋ ارناۋلى قيمىلى بويىنشا «قايتا قايرىلىپ قاراۋ» قىزمەتىن ىشكەرىلەي ورىستەتۋ؛ ساقتىق سيگنالىن بەرۋ، الدىن – الا مالىمدەۋ قىزمەتىن، باقىلاۋ – تەكسەرۋ جانە شۇعىل جاعدايعا توتەپ بەرۋ ازىرلىگى مەن كەزەكشىلىك قىزمەتىن كۇشەيتىپ، ءتۇرلى تابيعي اپات سالدارىنان ءوندىرىس حاۋىپسىزدىگى شىرعالاڭىنىڭ تۋىلۋىنان ساقتانۋ قىزمەتىن شىنايى نىعايتۋ كەرەك.

  ناۋرىزدىڭ سوڭىندا، مەملەكەتتىك كەڭەستىڭ باعالاۋ گرۋپپاسىنىڭ اۆتونوميالى رايوندىق حالىق ۇكىمەتىنىڭ ورتتەن ساقتانۋ قىزمەتىن جىلدىق تەكسەرۋىندە، ىلە وبلىسى ۇلگى الىپ تەكسەرىلەتىن ورىنداردىڭ ءبىرى بولدى. اۋدان – قالالار، تاراۋلار «ءبىر كەلكىلىكتى ساقتاۋ» يدەياسىن، ءسوزسىز، ورناتىپ، تىعىز سەلبەسپ، تىزە قوسا ىستەستىك جاساپ، مەملەكەتتىك كەڭەستىڭ ورتتەن ساقتانۋ قىزمەتىن باعالاۋعا جانە بوران - ءورت اپاتىنان ساقتانۋ قىزمەتىنە ويداعىداي سايكەسىپ، ءتۇرلى تابيعي اپات سالدارىنان ءوندىرىس حاۋىپسىزدىگى شىرعالاڭىنىڭ تۋىلۋىنان ساقتانۋ قىزمەتىن شىنايى كۇشەيتۋ كەرەك.

  كۇيتۇن قالاسىنىڭ، چاپچال سىبە اۆتونوميالى اۋدانىنىڭ، وبلىستىق تۇرعىن ءۇي جانە قالا – اۋىل قۇرىلىسى مەكەمەسىنىڭ، وبلىستىق قوعام حاۋىپسىزدىگى مەكەمەسى ءورت ءوشىرۋ تارماق اترەتىنىڭ نەگىزگى باسشىلارى ماجىلىستە پىكىر الماستىرىپ، لەبىز ءبىلدىردى.

  وبلىستىق ءوندىرىس حاۋىپسىزدىگى كوميتەتىنە مۇشە ورىنداردىڭ جاۋاپتىلارى، وبلىستىق ۇكىمەتتىڭ قاتىستى تاراۋ، ورىندارىنىڭ جاۋاپتىلارى نەگىزگى ءماجىلىس الاڭىندا ماجىلىسكە قاتىناستى، اۋداندىق – قالالىق ۇكىمەتتىڭ، وتكەل باسقارۋ كوميتەتىنىڭ جاۋاپتىلارى جانە قاتىستى تاراۋلار، ءتۇيىندى كاسىپورىنداردىڭ جاۋاپتىلارى بولىمشە ءماجىلىس الاڭىندا ماجىلىسكە قاتىناستى.

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار