ءبىرىنشى توقساندا وبلىسىمىز بويىنشا ءوندىرىس حاۋىپسىزدىگى جاعىنداعى شىرعالاڭ مولشەرى كورنەكتى تومەندەدى
حاۋىپسىزدىك جاعدايى جالپى جاقتان ورنىقتى بولدى
2017.05.04 14:08
ءتىلشىمىز ۋ چيۇڭ حابارلايدى. ءساۋىردىڭ 28 - كۇنى اۆتونوميالى وبلىستىق ءوندىرىس حاۋىپسىزدىگىن باقىلاۋ كوميتەتى اشقان مۇشە ورىنداردىڭ ءوندىرىس حاۋىپسىزدىگى قىزمەتىنەن مەرزىم بويىنشا دوكلاد جاساۋ ماجىلىسىنەن مىنانى ۇعىستىم: بيىل ءبىرىنشى توقساندا وبلىسقا توتە قاراستى ورىنداردا ءتۇرلى شىرعالاڭنان 154 رەت تۋىلىپ، 6 ادام ءولىپ، 20 ادام جارالانىپ، تىكەلەي ەكونوميكالىق زيان 788 مىڭ يۋانعا جەتكەن، وتكەن جىلعى ۇقساس مەزگىلدەگىدەن 4 ءتۇرلى كورسەتكىش جاپپاي تومەندەپ، ءوندىرىس حاۋىپسىزدىگى جاعدايى سالىستىرمالى ورنىقتى بولعان.
ماجىلىستە وبلىستىق ءوندىرىس حاۋىپسىزدىگىن باقىلاۋ كوميتەتى كەڭسەسى ءبىرىنشى توقسانداعى ءوندىرىس حاۋىپسىزدىگىنىڭ جالپى جاعدايىن حابارلاندىردى. وبلىستىق قوعام حاۋىپسىزدىگى مەكەمەسى، ەكونوميكا - ينفورماتسيالاندىرۋ كوميتەتى سياقتى 7 قاتىستى تاراۋ بيىل جىل باسىنان بەرگى ءوز سالاسىنىڭ ءوندىرىس حاۋىپسىزدىگى قىزمەتى جاعدايىن، ورىن تەپكەن ماسەلەلەردى جانە كەلەسى كەزەكتەگى قىزمەت شارالارىن دوكلاد ەتتى، قاتىستى ماماندار بۇل 7 ورىننىڭ قىزمەت جاعدايىنا باعا بەردى.
وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى ليۋ جيانگو ماجىلىستە مىنانى اتاپ كورسەتتى: مۇشە ورىنداردىڭ مەرزىم بويىنشا ءوندىرىس حاۋىپسىزدىگى قىزمەتىنەن دوكلاد بەرۋ ءتۇزىمى _ اۆتونوميالى رايوننىڭ ءوندىرىس حاۋىپسىزدىگى جاۋاپكەرلىك جۇيەسىن اناعۇرلىم كەمەلدەندىرەتىن قىزمەت جاڭالىعى ءارى بۇدان كەيىنگى ءوندىرىس حاۋىپسىزدىگى قىزمەتىن ويداعىداي ىستەۋدىڭ ۇزاق ۋاقىتتىق ماڭىزدى شاراسى. وسى قىزمەت ارقىلى مۇشە ورىندار ءوز جۇيەسىنىڭ، ءوز كاسىبىنىڭ ءوندىرىس حاۋىپسىزدىگىن باقىلاۋ جاۋاپكەرلىگىن تياناقتاندىرۋعا جەتەكشىلىك ەتىپ، باقىلاۋ جۇرگىزىپ، ساڭلاۋلاردى تەكسەرىپ، ولقىلىقتاردى تولىقتاپ، باقىلاۋ - باسقارۋ شاراسىن كەمەلدەندىرىپ، باقىلاۋ - باسقارۋ جاۋاپكەرلىگىن تياناقتاندىرىپ، اۆتونوميالى وبلىستىڭ ءوندىرىس حاۋىپسىزدىگى قىزمەتىن ونان ارى كۇشەيتۋى جانە جاقسارتۋى كەرەك.
ماجىلىستە مىناۋ تالاپ ەتىلدى: «ج ك پ ورتالىق كوميتەتى مەن مەملەكەتتىك كەڭەستىڭ ءوندىرىس حاۋىپسىزدىگى سالاسىنىڭ رەفورماسىن، دامۋىن ىلگەرىلەتۋ جونىندەگى پىكىرى» بويىنشا ءارقايسى قاتىستى تاراۋلار ءبىر نيەتپەن سەلبەسىپ، اۆتونوميالى وبلىستىڭ رەفورما شاراسىن ەرتەرەك بەلگىلەپ تياناقتاندىرۋىن جەبەۋ كەرەك. رەفورما مىندەتىن جاپپاي مەڭگەرىپ، قىزمەت جاۋاپكەرلىگىن اداقتاپ، ءارقايسى تاراۋدىڭ جاۋاپكەرلىگىن كۇشەيتۋ كەرەك. ءاربىر رەفورما مىندەتى، ءاربىر ناقتى قىزمەت جونىندە تۇراقسىزدارىن كۇشىنەن قالدىرىپ باسقارىپ، سالىستىرىپ تەكسەرۋ ۋاقىت شەگىن بىرتىندەپ ىلگەرىلەتۋ كەرەك.
ماجىلىستە «1 - مامىر» دەمالىسى، تاسقىن مەزگىلىندەگى ءوندىرىس حاۋىپسىزدىگى، مەملەكەتتىك 16 - رەتكى «ءوندىرىس حاۋىپسىزدىگى ايى» قيمىلى سياقتى ءتۇيىندى مازمۇندار جونىندە ورنالاستىرۋ جاسالدى. ماجىلىستە مىناۋ تالاپ ەتىلدى: اۋدان - قالالار، وتكەلدەر، تاراۋلار جانە ورىندار سالعىرتتىق يدەيانى، دامەلەنۋدى باتىل جەڭىپ، «پارتيا مەن ۇكىمەت تەڭ جاۋاپكەرلىك ارقالاۋ، ءبىر ورىندا قوس جاۋاپكەرلىك ارقالاۋ، قىزمەتتە اعاتتىق جىبەرگەندەردىڭ جاۋاپكەرلىگىن قۋزاستىرۋ، تەگىس يگەرىپ، تەڭ باسقارۋ» سىندى ءوندىرىس حاۋىپسىزدىگىنىڭ قاتاڭ ءتارتىبىن ويداعىداي تياناقتاندىرىپ، ءوندىرىس حاۋىپسىزدىگىندەگى كىناراتتاردى جاپپاي اداقتاۋ - تەكسەرۋ زور رەتكە سالۋ قيمىلىن ىشكەرىلەي ورىستەتۋ كەرەك. جول، كەنشىلىك كاسىپورىندارى، ادامدار شوعىرلى ورنالاسقان ورىندار، قۇرىلىس جۇرگىزىپ جاتقان ينجەنەريالار سياقتى ءتۇيىندى سالالاردىڭ حاۋىپ - قاتەرىن باسقارۋ - مەڭگەرۋدى كۇشەيتىپ، كوكەيگە بەرىك ساقتاپ، ءونىمدى شارا قولدانۋ كەرەك. «مۇلدە كەشىرىم ەتپەۋ» ولشەمىنە ساي، زاڭعا، ەرەجەگە قايشى ءوندىرىس تيجاراتى ارەكەتتەرىنە قاتاڭ سوققى بەرۋ كەرەك. بىردە - ءبىر ساڭلاۋ، بىردە - ءبىر ەسكەرۋسىز جەردى، بىردە - ءبىر كومەسكى حاۋىپتى قاعىس قالدىرماي، ءتۇرلى ءوندىرىس حاۋىپسىزدىگى شىرعالاڭدارىنىڭ تۋىلۋىن باتىل تەجەپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن ورنىقتى ءوندىرىس حاۋىپسىزدىگى ورتاسىن قالىپتاستىرىپ، پارتيا 19 - قۇرىلتايىنا تاماشا تابىس سيلاۋ كەرەك.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
