ۇلتتىق مۋزىكا تەاترى «قارا كوز» بەيجيڭدە تۇڭعىش رەت قويىلدى
2017.06.27 13:43
مەملەكەتتىڭ كوركەمونەردى سۇيەمەلدەۋ ارناۋلى قورى ارقىلى اتقارىلعان نىسان، شينجياڭنىڭ ۇلتتىق مۋزىكا تەاترى «قارا كوز» ماۋسىمنىڭ 16-كۇنى كەشتە بەيجيڭدەگى ازاتتىق ارميا وپەرا ۇيىرمەسىنىڭ كونسەرت زالىندا تۇڭعىش رەت قويىلدى.
ۇعىسۋىمىزشا، بۇل تەاتر شينجياڭداعى نەگىزگى ساتى مادەنيەت ءۇيى ىشىندە مەملەكەتتىڭ كوركەمونەر قورى ارقىلى سۇيەمەلدەنگەن تۇڭعىش كولەمدى مۋزىكالى تەاتر بولىپ، تەاتردىڭ بەيجيڭدە قويىلۋى تەكەس اۋدانىنىڭ ساۋدا سيپاتىنداعى كوركەمونەر كونسەرتىنىڭ بەتاشارىن اشىپ، شىت -جاڭا مادەنيەت تانىسقىسىنا اينالدى. ول ىلەنى ۇگىتتەۋ، تەكەستىڭ كورىكتى تابيعات كورىنىسىن، ساياحاتتاعى ابزالدىعىن كورنەكتىلەندىرۋدە ماڭىزدى قۋزاۋشىلىق رول اتقارادى. تۇڭعىش مايداندا 700 نەشە كىسىلىك كونسەرت زالى كورەرمەندەرگە لىق تولىپ، قويۋ ۇلتتىق ەرەكشەلىك، تەرەڭ تاريحي استار كورەرمەندەردى ايرىقشا اسەرلەندىرىپ، دۋ قول شاپالاق ءۇنى تولاستامادى. تەاتر قويىلىپ بولعاننان كەيىن كورەرمەندەر كەتۋگە اسىقپاي، اكتەرلەرمەن سۋرەتكە ءتۇسىپ، ەستەلىك قالتىردى.
تەاترداعى باسىم كوپ اكتەر تەكەستەن كەلگەن، سوندىقتان دا مۋزىكالى تەاتر ءان-بيگە شەبەر ولار جونىنەن العاندا تىڭ جاڭالىق بولىپ، باسىم كوپ سانداعىلار مۋزىكالى تەاترعا تۇڭعىش رەت قاتىناسقان. تىلگە تيەك ەتۋگە تاتيتىنى، تەاتر اياقتالعان كەزدە كەزىندە شينجياڭدا ۇزاق جىل قىزمەت ىستەگەن جانە تۇرمىس كەشىرگەن ايگىلى جازۋشى ۋاڭ مىڭ اكتەرلەرمەن بىرگە ساحناعا شىعىپ، ۇلتتىق كوركەمونەردىڭ مەرەيىن اسىردى. تەكەس اۋداندىق مادەنيەت،دەنەتاربيە-راديو-تەلەۆيزيا مەكەمەسىنىڭ باستىعى ليۋ شىڭچۇن بىلاي دەدى: قازىر تەكەس اۋدانىندا 140 حالىقتىق كوركەمونەر بەيزاتتىق مادەني مۇرا نىسانى بار، «قارا كوزدىڭ» ەڭ كورنەكتى ەرەكشەلىگى __ بەيزاتتىق مادەني مۇراعا مۇراگەرلىك ەتۋدى كورنەكتىلەندىرۋ جانە تانىستىرۋ ءۇشىن تاماشا تەكشە قالىپتاستىرىپ، مۋزىكالى تەاتردىڭ كوركەمونەرلىك فورماسى مەن جۇڭگونىڭ حالىق اراسىنداعى بەيزاتتىق مادەني مۇراسىن توعىستىرعان. بۇل تەاتر بەيجيڭدە تاعى 5 مايدان قويىلعاننان كەيىن جەر-جەردە 30 مايدان قويىلادى ەكەن.
كەلۋ قاينارى: «ىلە كەشى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
