بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قۇلجا قالاسى تۇيە باعىمشىلىعىن كۇش سالا دامىتتى

2017.06.27 13:44    

  قۇلجا قالاسى جاقىنعى جىلداردان بەرى ەرەكشە باعىمشىلىق كاسىبى جاعىندا عىلمي جولمەن مال باعۋدى تياناق ەتىپ، باتىلدىقپەن جاڭالىق جاراتىپ، ءۇرتىس ىزدەنىس جاساپ ەرەكشە باعىمشىلىق كاسىبىن دامىتۋدىڭ تىڭ جولىنا ءتۇستى. مۇندا قۇلجا قالاسىنداعى ەرەكشە باعىمشىلىق كاسىپتەرىنىڭ ءبىرى تۇيە باعىمشىلىعى باستاپقى شاعىن كولەمنەن بىرتىندەپ كاسىپ تىزبەگى بولىپ قالىپتاستى.

  شينجياڭداعى ۇلتتاردىڭ شۇباتتىڭ دارىلىك رولى جونىندەگى تۇسىنىگى ەرتە-اق قالىپتاسقان. حالىق اراسىنداعى امالياتتىق تاجىريبەلەرگە نەگىزدەلگەندە، شۇباتتىڭ جەل – قۇز سيپاتىندىق دومبىعۋدى، كەڭىردەك قابىنۋى، وكپە تۋبەركۋلەزى، قان ازدىق، قانداعى ماي قۇرامى جوعارىلاۋ، سوزىلمالى باۋىر قابىنۋ، قانتتى نەسەپ اۋرۋى، اسقازان قابىنۋ، بۇيرەك السىزدىگى، قۋىق استى بەزى قابىنۋ، دەمىكپە، جۇرەك بۇلشىق ەتىنىڭ ءتۇيىلۋى، بالالاردا بولاتىن تاماققا تابەت تارتپاۋ سياقتى اۋرۋلاردى ەمدەۋگە بولادى ەكەن. سونىمەن بىرگە، وكپەنى قۋاتتاندىرۋ، يممۋنيتەتتى كۇشەيتۋ، تەرىنى اجارلاندىرۋ، تۋىتتان كەيىنگى داقتى جوعالتۋ سياقتى ەمدىك رولعا يە. وسىعان ساي قۇلجا قالاسى تۇرعىنداردىڭ شۇباتقا سۇرانىسىن قامتاماسىز ەتۋ ءۇشىن، تۇيە باعىمشىلىعىن كۇش سالا دامىتتى. قازىر قۇلجا قالاسىنا قاراستى اۋىل – قالاشىقتاردا ءبىر مىڭ 219 تۇيە بار ەكەن، مۇندا قۇلجا قالاسىنا قاراستى كەپەكجۇزى اۋىلىنداعى تۇيە باعىمشىلىعى سەلبەستىك كووپەراتيۆىندە 120 ساۋىن تۇيە باعىلۋدا. قۇلجا قالاسى تۇتىنۋشىلارعا قولايلىلىق جاراتۋ ءۇشىن، قالا ورتالىعىنان 2 شۇبات ساتۋ پۋنكتىن قۇردى. قازىرگى بار تۇيە باعىمشىلىق كووپەراتيۆى مەن ارناۋلى تۇيە باعاتىن جەكە كاسىپكەرلەر بازاردى ءار كۇنى 100 كيلوگرام مولشەرىندەگى شۇباتپەن قامداپ وتىر. تەكسەرۋگە نەگىزدەلگەندە، قۇلجا قالاسىنىڭ شۇبات بازارىندا كۇنىنە 300 كيلوگرام ءشۇبات، ءبىر جىلدا مولشەرمەن 10 مىڭ 800 كيلوگرام شۇبات، ىلە اڭعارىنداعى شۇبات بازارىندا جىلىنا 30 توننادان استام شۇبات تاپشىلىق ەتەدى ەكەن. بۇعان قاراتا قۇلجا قالاسى جاقىنعى ءۇش جىلدا ساۋىن تۇيە باعىمشىلىعى ورىندارىن كەڭەيتىپ، ءار ۇلت بۇقاراسىن ساپالى، تازا شۇبايپەن قامداۋعا قۇلشىندى.

  قۇلجا قالاسى مال شارۋاشىلىعىن وسىزامانداندىرۋ اياق الىسىن جەدەلدەتۋدى جەتەكشى، مال شارۋاشىلىق ونەركاسىپ قۇرىلىمىن رەتتەۋدى مال شارۋاشىلىعىن دامىتۋدىڭ نەگىزى ەتتى، جايلىم بايلىنان ۇيلەسىمدى پايدالانۋ ارقىلى شارۋالاردى ەكونوميكالىق سەلبەستىك ۇلگىسىن دامىتۋعا جەبەپ، باقتاشىلاردىڭ كاسىپتىك سەلبەستىك كووپەراتيۆىن زور كۇشپەن دامىتىپ، مال شارۋاشىلىعىنىڭ ءوندىرىس ءونىمى مەن باقتاشى وتباسىلارىنىڭ كىرىسىن ارتتىرۋدى قۇلشىنا ىلگەرىلەتتى.

  بۇل جاعىندا قۇلجا قالاسى بيىل تۇيە باعىمشىلىعى سەلبەستىك كووپەراتيۆىنەن ەكەۋىن قۇرىپ، ارناۋلى تۇيە باعاتىن اۋقاتتى وتباسىنى بەسكە جەتكىزدى، تۇيە باعىمشىلىعى سەلبەستىك كووپەراتيۆى جەرگىلىكتى ورىنداعى 45 وتباسىنى تۇيە باعىمشىلىعىمەن اينالىسۋعا جەبەدى، تۇيە باعىمشىلىعىمەن اينالىسقان تۇرعىنداردىڭ كىسى باسىندىق ورتاشا كىرىسى ءبىر مىڭ 900 يۋانعا جەتىپ، كورنەكتى ەكونوميكالىق ونىمدىلىك جاراتىلدى.

  قۇلجا قالالىق مال شارۋاشىلىق، مال شيپاگەرلىك قىزمەت پۋنكتىنەن ۇعىسۋىمىزشا، بيىل قۇلجا قالاسى اۋقاتتانعان باقتاشى وتباسىلاردى ءوز الدىنا باعىمشىلىق سەلبەستىك كووپەراتيۆىن قۇرۋعا شابىتتاندىرىپ ءارى وعان باستاماشىلىق ەتىپ، توڭىرەكتەگى ءبىتىراندى باعىمشىلىقپەن اينالىسىپ وتىرعان وتباسىلاردى كووپەراتيۆكە مۇشە ەتىپ قابىلداپ، بىرگە ءوندىرۋ، بىرلەسىپ تيجارات ەتۋ، جوعارى ءونىمدى، ساپالى، شوعۇرلى دامۋ جولىمەن ءجۇرىپ، مال شارۋاشىلىعىن شوعىرلاندىرۋعا ويىسقان. سونىمەن بىرگە، تۇيە باعىمشىلىعىن نىسان، قارجى، تەحنيكا، ينفورماتسيا جاقتارىنان دەمەپ، شارۋالاردىڭ اۋقاتتانۋ ارناسىن كەڭەيتۋىنە كومەكتەسكەن. (اقىلباي مۇقامەتالي ۇلى)

  كەلۋ قاينارى: «ىلە كەشى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار