شاعانتوعاي اۋدانىندا قارا جەمىستى شەتەن اعاشى كىرىس كوزىنە اينالدى
2017.07.14 14:04
شاعانتوعاي اۋدانى التىنەمىل اۋىلى التىنەمىل قىستاعىنىڭ تۇرعىنى يۇي شينجيان 2015- جىلى 800 مۋ جەرگە پولشادان ەنگىزىلگەن قارا جەمىستى شەتەن اعاشىن سىناق رەتىندە ەگىپ، تاماشا تابىسقا جەتتى. اۋداندىق پارتكوم مەن حالىق ۇكىمەتى جەرگىلىكتى ورىننىڭ اۋا رايىنا ەرەكشە ۇيلەسەتىن بۇل شەتەن اعاشىن وسىرگەن يۇي شينجياننىڭ بۇل يگى ءىسىن شىنايى قولداپ - قۋاتتاعاننان كەيىن ول ىلە - شالا «شينجياڭ رۇيياڭ اۋىل شارۋاشىلىق سەرىكتىگىن» قۇرىپ، شەتەن اعاشى ەگىلەتىن جەر كولەمىن 6 مىڭ مۋعا كەڭەيتتى. ول بيىل ءبىرىنشى مەرزىمدە 80 ميلليون يۋان قارجى شىعارىپ، 2 مىڭ مۋدان استام جەرگە قارا جەمىستى شەتەن اعاشىن ەكتى. مىنە، بۇل ءىس شارۋالاردىڭ ەگىنشىلىك قۇرىلىمىن رەتتەپ، كىرىستەرىن ارتتىرۋىنا تاماشا وراي جاراتتى.
شەتەن اعاشىنان انتوتسيان، سارى مىس ايىرۋعا بولادى. بۇل پولشادان لياۋنيڭعا، لياۋنيڭ ارقىلى وسى اۋدانعا ەنگىزىلگەن. بۇل جەمىستى اعاش اۋداننىڭ جاراتىلىستىق شارت - جاعدايىنا ەرەكشە ۇيلەسەدى. ويتكەنى شينجياڭنىڭ كۇن نۇرى تۇسەتىن ۋاقىتى ۇزاق بولىپ، كۇن مەن ءتۇننىڭ تەمپەراتۋرا پارقى كورنەكتى بولادى، وسى اۋداندا ەگىلگەن شەتەن اعاشىنىڭ قۇرامىنداعى انتوتسياننىڭ مولشەرى لياۋنيڭدا ەگىلگەن شەتەن اعاشىنداعى انتوتسياننىڭ مولشەرىنەن ءۇش ەسە جوعارى بولادى ەكەن. بۇل جونىندە «شينجياڭ رۇيياڭ اۋىل شارۋاشىلىق سەرىكتىگىنىڭ» جاۋاپتىسى يۇي شينجيان: ونىمدەرىمىز جاپونيا، كورەيا، تايۋان سياقتى ەلدەرگە ساتىلادى، بۇل جەمىستىڭ دەنساۋلىققا ەرەكشە پايدالى ەكەندىگى دالەلدەنىپ وتىر. بەسىنشى جىلعا بارعاندا ءار مۋىنان الىناتىن مۋ باسىندىق ءونىمى ءبىر تونناعا جەتەدى، ءبىز باستاپقى باعا بويىنشا ەسەپتەگەندە ءبىر كيلوگرامىن 9 يۋاننان ساتاتىن بولساق مۋ باسىنا 9 مىڭ دا 10 مىڭ يۋان تازا پايدا قالادى»، - دەدى.
قارا جەمىستى شەتەن اعاشى جابايى شيە ورىگى دەپ تە اتالادى. تاعام رەتىندە، ءدارى رەتىندە پايدالانۋعا بولادى، بۇل جەمىستىڭ قۇرامىندا انتوتسيان، سارى مىس سياقتى زاتتار مول بولىپ، جۇرەك اۋرۋى، جوعارى قان قىسىم سياقتى جۇرەك قان تامىر اۋرۋلارىن ەمدەۋدەگى ءونىمى ەرەكشە جوعارى. قۇرامىندا تاعى دا ۆيتامين cمەن توتىقتىرۋعا قارسى ەلەمەنت بولعاندىقتان، قارتايۋدىڭ الدىن الادى. وسى جەمىستەن الىناتىن زاتتان اۋىر مەتالداردان ۋلانۋ اۋرۋىن ەمدەۋگە بولادى.
«جىجياڭ عىلىم - تەحنيكا توبى» اۋىل شارۋاشىلىق ىستەرىنىڭ ورىنباسار باستىعى ۋان ميڭفان: قارا جەمىستى شەتەن اعاشى قۋاڭشىلىققا ءتوزىمدى وسىمدىك. ءبىز وسى اۋداننىڭ تاماشا شارت - جاعدايىمەن بىرلەستىرىپ، مەملەكەتىمىزدىڭ ءتيىمدى ساياساتىنا ۇيلەستىرىپ، «ءبىر بەلدەۋ، ءبىر جول» ستراتەگياسى بويىنشا باقتى وتكەلى ارقىلى ونى شەتەلگە شىعارۋىمىزعا بولادى. اۋداندىق پارتكوم مەن حالىق ۇكىمەتىنىڭ قولداپ - قۋاتتاۋىندا ۇزدىكسىز قۇلشىنىپ، وسى اۋداندا مەملەكەتىمىز بويىنشا ەڭ ءىرى قارا جەمىستى شەتەن اعاشى ونەركاسىپ بازاسىن قۇرۋعا كۇش سالامىز»، - دەدى. جاينا دالاباي قىزى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
