قىزىلتال قىستاعىنداعى قىزمەت اترەتى شارۋالار ءۇشىن ناقتى ءىس ىستەپ بەردى
تۇردان جاناقىن ۇلى
2017.07.14 14:05
كۇنەس اۋدانى قارابۋرا قالاشىعىنىڭ قىزىلتال قىستاعى - مال شارۋاشىلىعىن نەگىز ەتەتىن، قازاق، ۇيعۇر، حانزۋ سىندى ءۇش ۇلتتان قۇرام تاپقان كەدەي قىستاق- تى. ۇستەگى جىلى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا وبلىستىق مال شارۋاشىلىق مەكەمەسىنەن وسى قىستاققا تۇسكەن قىزمەت گرۋپپاسىنداعىلار قىزمەت گرۋپپاسىنىڭ باستىعى بەرىك ءنۇسىپپاي ۇلىنىڭ جەتەكشىلىگىندە قىستاق ەكى كوميتەتىندەگىلەرمەن تىعىز سايكەسىپ ءتۇرلى قىزمەتتەردە تىڭ ناتيجەلەرگە قول جەتكىزدى.
بىرىنشىدەن، ءتۇرلى جوبالار جاساپ، تۇزىمدەردى كەمەلدەندىردى. ايتالىق، مۇندا ەڭ الدىمەن قىستاق ەكى كوميتەتىنىڭ باسشىلارىمەن كەڭەسە وتىرىپ، قىزىلتال قىستاعىنىڭ 2017 – جىلعى قىزمەت وي جەلىسىن ايقىنداۋدان سىرت، قىزمەت گرۋپپالارىنىڭ 2017 – جىلعى قىزمەت جوسپارىن جاسادى. وڭىرلەر، كوشەلەر، وتباسىلارى بويىنشا جاۋاپكەرلىك مىندەتتەرىن ايقىنداپ، «ۇيرەنۋ، بۇرىلىس جاساۋ، جەبەۋ» تاربيە قيمىلىنىڭ جوباسىن جاساپ، قىزمەت گرۋپپاسىنىڭ جوقتاما ءتۇزىمى، جىلدىق قيمىل ورىستەتۋ جوسپارى سياقتى ءتۇرلى تۇزىمدەردى كەمەلدەندىرىپ، مىندەتتەردى بارىنشا ايقىنداپ، «ۇعىسۋ، تيىمدىلىك جاساۋ، توعىستىرۋ» قىزمەتىنىڭ ءساتتى ورىستەتىلۋىن قامتاماسىزداندىردى.
ەكىنشىدەن، ورنىقتىلىقتى قورعاۋ قىزمەتىن بارىنشا كۇشەيتتى. مۇندا قىستاقتىڭ كەزەكشىلەر قوسىنىنان قىزمەت گرۋپپاسىنىڭ كادرلارىن دا سەپتەپ، كەزەكشىلىك قىزمەتىنىڭ تەبىنىن ارتتىرىپ، شۇعىل جاعدايعا توتەپ بەرۋ جونىندە بەلسەنە ماشىق جاساپ، حاۋىپتەن ساقتانۋدى كۇشەيتتى. ۇگىت تەبىنىن بارىنشا ارتتىرىپ، بۇقارانىڭ ورنىقتىلىقتى قورعاۋ جاعىنداعى تانىمدارىن جوعارىلاتتى. ون وتباسى باستىقتارىنان قۇرام تاپقان بىرلەسىپ قورعانۋ اترەتىن قۇرىپ، ون وتباسى باستىقتارىنىڭ بەلسەندىلىگىن ساۋلەلەندىرۋمەن بىرگە، ولارعا فورما كيىم الىپ بەرۋمەن بىرگە، اي سايىن 100 يۋاننان قوسىمشا قاراجات بەرىپ، بەلسەندىلىكتەرى مەن جاۋاپكەرشىلىكتەرىن بارىنشا جوعارىلاتتى ءارى كەدەي وتباسىلارىنىڭ تىزىمدىگىن جوعارىعا جولداۋدا وسى ون وتباسى باستىقتارىنىڭ پىكىرىن الىپ، ناقتى قيىنشىلىعى بار بۇقارانىڭ تىزىمنەن قالىپ قالۋىنىڭ الدىن الدى. ون وتباسى باستىقتارىنىڭ مىندەتى جونىندە ارناۋلى ءتۇزىم شىعاردى. «باس نىسانانى جۇزەگە اسىرىپ، ادالدىقپەن مىندەت ارقالايىق» دەگەن ارناۋلى تاقىرىپتا وكتەم ءۇن قاتىپ، اشىق پوزيتسيا ءبىلدىرۋ جيىنىن اشىپ، «ءۇش ءتۇرلى كۇشتىڭ» ءمانى مەن قاتەرى، بۇقارانىڭ نەنى ىستەپ، نەنى ىستەمەۋى جونىندە ىشكەرىلەي لەكسيا جاساپ، ولاردىڭ وسى جاعىنداعى تانىمدارىن ايقىندادى.
ۇشىنشىدەن، وتباسىلارىن ارالاپ جاعداي ۇعىسۋ قىزمەتىن جاپپاي ورىستەتتى. مۇندا «سەگىزدى، ءسوزسىز، دارىپتەۋ»، «سەگىزدى، ءسوزسىز، قۋزاستىرۋ» تالابى بويىنشا، قازىرگە دەيىن بارلىق وتباسىلارىن ارالاپ جاعداي ۇعسىپ بولعان. ال ەكىنشى رەتكى وتباسىلارىن ارالاپ جاعداي ۇعىسۋدا 80 -، 90-، 2000 – جىلداردان كەيىن تۋىلعانداردىڭ پاسپورت جاعدايىن، ناپوس جاعدايىن، سىرتقا شىعۋ جاعدايىن جاپپاي ۇعىسىپ، قىستاق تۇرعىندارىنىڭ جاعدايىن ءتىپتى دە انىقتاي ءتۇستى. كۇن سايىن ينفورماتسيالاردى ءبىر جاقتى ەتۋ جيىنىن اشىپ، بۇقارا اڭىس ەتكەن سۋ، توك، جول، بەيقۇت ءۇي قۇرىلعىلارىنا قاتىستى ينفورماتسيالاردى دەر كەزىندە تەكسەرىپ، انىقتاپ ۋاعىندا شەشۋمەن بىرگە، جەر داۋى، كوشىرىپ قونىستاندىرعاندارعا ساياتىن تولەم بەرۋ، قىستاق ەمحاناسى ەمدەۋ قىزمەتكەرلەرىنىڭ قابىلەت ماسەلەسى سياقتى بۇقارانىڭ اڭىسى كۇشتى بولعان ءبىرقىدىرۋ ءتۇيىندى ماسەلەلەردى دەر كەزىندە ۇيلەسىمدى شەشتى.
تورتىنشىدەن، حالىققا تيىمدىلىك جەتكىزۋ ساياساتىن بارىنشا تياناقتاندىردى. قىزمەت گرۋپپاسىنداعىلار نىسان قارجىسىنا بەلسەنە ءوتىنىش ەتىپ، قىزىلتال قىستاعى شينجياڭ قوڭىر سيىرى باعىمشىلىعى سەلبەستىك كووپەراتيۆىن قۇرۋ، ساپالى ساۋىن سيىرى باعىمشىلىعى، قوس ءتىل بالالار باقشاسى قۇرىلىسى سىندى سايكەستى نىساندارعا قول جەتكىزىپ، وسى قىزمەتتەردى ءساتتى ورىستەتۋمەن بىرگە، بيىل تاعى قىستاقتىڭ شاعىن مادەنيەت الاڭى، مالعا ۆاكسينا سالۋ ورنى، جول شىراعى، حاۋىپتى ۇيلەردى جاڭالاۋ، ەگىستىك سۋ قۇرىلىسى قۇرىلعىلارى، ساعا مال ۆاناسى قۇرىلىسى سياقتى نىساندارعا قول جەتكىزۋگە كۇش سالۋدا ەكەن.
بۇل جونىندە قىزمەت گرۋپپاسىنىڭ باستىعى بەرىك ءنۇسىپباي ۇلى بىلاي دەدى: ءبىز مۇندا كەلگەن سوڭ قىستاقتىڭ نەگىزگى جاعدايىن شىعار ءتۇيىن ەتىپ، مال شارۋاشىلىق قۇرىلىمىنا رەتتەۋ جۇزگىزىپ، مال تۇقىمىن اسىلداندىرۋ، قازاق قويىن رەڭ بويىنشا تابىنداستىرۋ جۇمىستارى بويىنشا مال ساپاسىن دارەجەگە ايىرۋ، ارحيۆتەستىرۋ قىزمەتتەرىن بەلسەنە ىستەپ، 560 باس سيىردى تەكسەرۋ ارقىلى تولىمدى بولعان 265 باس سيىرعا ارحيۆ تۇرعىزدىق ءارى وسى سيىرلاردى توڭازىتىلعان ىسفەرمامەن ۇرىقتاندىرىپ، مال تۇقىمىن اسىلداندىرۋعا شىنايى نەگىز قالادىق. كۇنەس اۋداندىق جايىلىمدى باقىلاپ- باسقارۋ پۋنكىتى، قارابۋرا قالاشىقتىق مال شيپاگەرلىگى پۋنكىتىمەن سەلبەسىپ تەكسەرۋ گرۋپپاسىن قۇرىپ، جايىلىم مەن مالدىڭ تەپە – تەڭدىگىن ساقتاۋ جونىندە ارناۋلى وڭاۋ قيمىلىن ورىستەتىپ تاماشا ناتيجەلەرگە قول جەتكىزدىك. بۇدان سىرت، باعىمشىلىقپەن شۇعىلداناتىن وتباسىلارىن كۇنەستىڭ نارات قالااشىعى، نىلقى اۋدانىنىڭ مىس اۋىلى، توعىزتاراۋ اۋدانىنىڭ اقتۇبەك قالاشىعى، جىرعالاڭ اۋىلى سياقتى ورىندارعا اپارىپ ونداعى سەلبەستىك كووپەراتيۆتەرىندە ۇيرەنۋ جانە ەكسكۋرسياعا قاتىناستىردىق. وبلىستىق مال شارۋاشىلىق، مال شيپاگەرلىگى مەكەمەسى مەن اۋداندىق عىلىمى – تەحنيكا جالپىلاستىرۋ مەكتەبىنەن ماماندار ۇسىنىس ەتىپ، ساعا، قىزىلتال قىستاقتارىنداعى شارۋالاردان 500 دەن استام ادام تاربيەلەدىك. ارناۋلى قارجى شىعارىپ 5 كيلومەتر اتىز – ارىقتى تازالاپ، تاسقىننان ساقتانۋ قۇرىلعىلارىن بەكەمدەدىك. قىستاق كوشەلەرىن جاسىلداندىرۋ ءۇشىن جولدىڭ ەكى شەتىنە ءشوپ جانە اعاش ەگىپ، ونى ارناۋلى رەشاتكالاپ مالدىڭ بۇلدىرۋىنەن ساقتادىق. 45 وتباسىن اۋلا شارۋاشىلىعىمەن شۇعىلدانۋعا باستاپ، ولارعا 400 ءتۇپ جەمىس اعاشى كوشەتى مەن 4 مىڭ ءتۇپ ءتۇرلى كوكونىس قالامشاسىن تاراتىپ بەردىك. وبلىستىق جۇڭگوشا ەمدەۋ شيپاحاناسىنىڭ ماماندارىنان 10 ادامدى ۇسىنىس ەتىپ، قىستاقتاعى 120 دان استام ادامنىڭ دەنساۋلىعىن تەكسەرتىپ، ناۋقاسى اۋىر 8 اداعا شيپاحانادا جاتىپ ەمدەلۋگە ءناسيحات بەرىپ، 8 مىڭ يۋاننان استام ءدارى – ۋكولدى تەگىن تاراتىپ بەردىك. وبلىستىق حايۋناتتاردى ىندەتتەن ساقتاۋ ورنى مەن وبلىستىق جايىلىمدى باقىلاپ – باسقارۋ باس پۋنكىتىنىڭ قولداۋىندا قىستاقتان قىزمەت اتىرەتىندەگىلەرگە تاماقتاناتىن ارناۋلى اسحانا اشتىق. بۇل اسحاناعا قىزمەت گرۋپپاسىنداعىلار اي سايىن 500 يۋاننان قارجى شىعارسا، قىستاق كادرلارى تەك150 يۋان عانا قارجى شىعارىپ، قاربالاس كەزدە قىستاق اسحاناسىنان تاماقتاناتىن تاماشا جاعداي ازىرلەپ بەردىك.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
