ىلە وبلىسى مەن ونەركاسىپ – ساۋدا بانكەسى شينجياڭ بولىمشە بانكەسى ستراتەگيالىق سەلبەستىك كەلىسىمىنە قول قويىستى
«13 – بەس جىلدىق» مەزگىلىندە وبلىسقا توتە قاراستى ورىنداردى كەمىندە 80 ميلليارد يۋان قارجىمەن قامداماقشى
2017.07.17 13:56
شىلدەنىڭ 12 – كۇنى اۆتونوميالى وبلىس پەن جۇڭگو ونەركاسىپ – ساۋدا بانكەسى شينجياڭ بولىمشە بانكەسى ستراتەگيالىق سەلبەستىك كەلىسىمىنە قول قويىسقاندا تاراپتار: «شىنايى قىزمەت وتەۋ، قول ۇستاسا دامۋ» پرينسيبىن ۇزدىكسىز جالعاستىرىپ، بايلىق قاينارىنان ورتاق يگىلىكتەنۋ جانە ابزالدىقتارمەن ءوزارا تولىقتاۋ، حاۋىپ - قاتەردى باسقارۋ، ايگىلى ماركا ۇگىتى سياقتى سالالاردا سەلبەستىكتى تەرەڭدەتۋگە كەلىستى. «13 – بەس جىلدىق» مەزگىلىندە جۇڭگو ونەركاسىپ – ساۋدا بانكەسى شينجياڭ بولىمشە بانكەسى وبلىسقا توتە قاراستى ورىنداردى 80 ميلليارد يۋان قارجىمەن قامداۋعا پەيىل ەكەندىگىن، وبلىسقا توتە قاراستى ورىنداردىڭ، ءتىپتى، اۆتونوميالى رايوننىڭ ەكونوميكاسىنىڭ وركەندەۋىن، قوعام ورنىقتىلىعى مەن باياندى تىنىشتىعىن جەبەيتىندىگىن ءبىلدىردى.
وبلىستىق پارتكومنىڭ شۋجيى زىڭ سۇن، وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى كەلىسىمگە قول قويۋ سالتىنا قاتىناستى.
قول قويۋ سالتىنان بۇرىن زىڭ سۇن جۇڭگو ونەركاسىپ – ساۋدا بانكەسى شينجياڭ بولىمشە بانكەسى پارتكومىنىڭ شۋجيى، بانكە باستىعى زوۋ پيڭ قاتارلىلارمەن ىشكەرىلەي اڭگىمەلەستى. زىڭ سۇن مىنانى اتاپ كورسەتتى: وسى رەتكى سەلبەستىك __ اۆتونوميالى وبلىس پەن جۇڭگو ونەركاسىپ – ساۋدا بانكەسى شينجياڭ بولىمشە بانكەسىنىڭ ىستەستىگىن تەرەڭدەتىپ، بازار قۋاتىن كەڭەيتەدى، ەكى جاقتىڭ اناعۇرلىم زور كەڭىستىكتە، اناعۇرلىم جوعارى ورەدە ىشكەرىلەي سەلبەستىك ورناتىپ، جىبەك جولى ەكونوميكالىق بەلدەۋىندەگى وزەكتى رايون سىندى ءتۇيىندى فينانس ورتالىعىن قۇرۋدى بىرلىكتە جەبەپ، باتىسقا اشىق ۇستالعان ىلەنىڭ جىبەك جولى ەكونوميكالىق بەلدەۋىندە اناعۇرلىم ماڭىزدى رول اتقارۋىن جەبەۋىن ءۇمىت ەتەمىن.
وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى ليۋ جيانگونىڭ باسقارۋىندا جۇڭگو ونەركاسىپ – ساۋدا بانكەسى شينجياڭ بولىمشە بانكەسى مەن اۆتونوميالى وبلىس كەلىسىمگە قول قويۋ سالتىن وتكىزدى.
جاقىنعى جىلداردان بەرى جۇڭگو ونەركاسىپ – ساۋدا بانكەسى شينجياڭ بولىمشە بانكەسى ورتالىق پەن اۆتونوميالى رايوننىڭ ءتۇرلى قىزمەت ورنالاستىرۋلارىن مۇقيات دايەكتىلەندىرىپ، جەرگىلىكتى ەكونوميكانىڭ دامۋىن قولداۋدى جانە وعان قىزمەت وتەۋدى مىندەت ەتىپ، فينانستىق قىزمەت وتەۋ قابىلەتى مەن ورەسىن ۇزدىكسىز جوعارىلاتىپ، اۆتونوميالى وبلىستى ءتۇيىندى قولداۋ رايونىنىڭ ءبىرى ەتىپ، ءتۇيىندى، ءىرى نىساندار مەن ەرەكشە بايلىق ابزالدىعى، كاسىپ سياقتى جاقتارداعى قولداۋ تەبىنىن ارتتىردى. 2014 – جىلدان 2016 – جىلعا دەيىن جۇڭگو ونەركاسىپ – ساۋدا بانكەسى شينجياڭ بولىمشە بانكەسى وبلىسقا توتە قاراستى ورىندارعا جالپى 14 ميلليارد 500 ميلليون يۋان قارىز اقشا تاراتتى، بۇل شينجياڭ بولىمشە بانكەسىنىڭ جالپى قارىز اقشا تاراتۋ مولشەرىنىڭ %6.8 ىن ۇستاعان، مۇنىڭ ىشىندە 2014، 2015 – جىلدارداعى ءتۇرلى قارىز اقشانىڭ ارتۋ مولشەرى جەكە – جەكە %39.6 جانە %28 بولىپ، بۇكىل بانكە بويىنشا ورتا ەسەپپەن 10 پايىز قارقىنىمەن ارتقان. بيىلعى الدىڭعى جارتى جىلعا دەيىن جۇڭگو ونەركاسىپ – ساۋدا بانكەسى شينجياڭ بولىمشە بانكەسى وبلىسقا توتە قاراستى ورىنداردا جالپى 2 ميلليارد 250 ميلليون يۋان قارىز اقشا تاراتقان، ءتۇرلى قارىز اقشا قالدىق سوماسى 10 ميلليارد 120 ميلليون يۋان بولعان.
قۇرماش سىرجان ۇلى كەلىسىمگە قول قويۋ سالتىندا مىنانى ءبىلدىردى: جاڭا قالىپقا ىرىقتىلىقپەن سايكەسىپ، بەلسەنە جەتەكشىلىك ەتىپ، «جاڭالىق اشا، سايكەستى، جاسىل، اشىق، تەك يگىلىككە كەنەلە دامۋ» سىندى بەس ۇلكەن دامۋ ۇستانىمى بويىنشا قامداۋ جاعىنداعى قۇرىلىمدىق رەفورمانى كەلەلى ستراتەگيالىق تالعام رەتىندە قاراپ، اناعۇرلىم سايكەسىمدى فينانس ورتاسىن جاراتىپ، جۇڭگو ونەركاسىپ _ ساۋدا بانكەسى ىلە وبلىستىق بولىمشە بانكەسىنىڭ دامىپ الۋەتتەنۋىنە زور كۇشپەن قولداۋ كورسەتىپ، شىنايى سەلبەسۋ، ءبىرىن ءبىرى سۇيەنىش ەتۋ، بىرلىكتە ىلگەرىلەۋ، جاراسىمدى دامۋ سىندى ۇكىمەت _ بانكە قاتىناسىن بەلسەنە ورناتىپ، جەرگىلىكتى ورىن مەن كاسىپورىننىڭ ورتاق يگىلىككە كەنەلۋىن قۇلشىنا جۇزەگە اسىرىپ، جەرگىلىكتى ورىننىڭ ەكونوميكالىق قۇرىلىسى مەن فينانس اينالىمىن ويداعىداي جەبەيمىز.
جۇڭگو ونەركاسىپ-ساۋدا بانكەسى ىلە وبلىستىق بولىمشە بانكەسىنىڭ وسى رەتكى كەلىسىمگە قول قويۋدى وراي ەتىپ، فينانىستىڭ «قاجەتتەن اسىپ قالعان ءوندىرس قۋاتىن، قامبادا باسىلىپ قالۋدى، سۇيمەندى ازايتۋ»، «وزىندىك قۇندى تومەندەتۋ، ولقىلىقتاردى تولىقتاۋداعى» تىرەكتىك رولىن ساۋلەلەندىرىپ، وبلىسقا توتە قاراستى ورىنداردىڭ تۇراقتى مۇلىككە قارجى قوسۋ، نەگىزگى تۇلعالىق ەكونوميكانى دامىتۋدى ءتىپتى دە پارمەندى فينانىستىق قولداۋ جانە ءتىپتى دە جوعارى ورەلى، جان-جاقتى فينانىستىق قىزمەت وتەۋمەن قامداپ، ۇكىمەت-بانكە ىستەرىنىڭ ناقتى، جوعارى ءونىمدى، سايكەسىمدى ۇلگى جاراتۋ جاعىندا جاڭا ناتيجە جاراتۋىن ءۇمىت ەتتى.
زوۋ پيڭ كەلىسىمگە قول قويۋ سالتىندا بىلاي دەدى: جۇڭگو ونەركاسىپ-ساۋدا بانكەسى شينجياڭ بولىمشە بانكەسى بۇل رەتكى كەلىسىمگە قول قويۋدى وراي ەتىپ، قولداۋ تەبىنىن اناعۇرلىم كۇشەيتىپ، ىلەنىڭ قالا قۇرىلىسى مەن نەگىزگى تۇلعالىق ەكونوميكاسىنىڭ دامۋىنا جان-جاقتى قولداۋ كورسەتەدى. سونىمەن قوسا، ونەركاسىپ-ساۋدا بانكەسىنىڭ ۋنيۆەرسالدانۋ، حالىقارالانۋ، ينفورماتسيالانۋ جاعىنداعى تيجارات ابىزالدىلىعىن تولىق ساۋلەلەندىرىپ، ساياسات، بايلىقتى ورنالاستىرۋ، قىزمەت ونىمدىلىگى، قارجىنى سايكەستىرۋ جانە فينانىس جاعىندا جاڭالىق اشۋ سياقتى كوپ جاقتان ىسكە كىرىسىپ، وبلىسقا توتە قاراستى ورىنداردىڭ نەگىزدىك قۇرىلعى، مادەنيەت-دەنەتاربيە، قوعامدىق ىستەر، حالىق تۇرمىسىن قامتاماسىزداندىرۋ، جوعارى دەڭگەيدە جاساۋ، مادەنيەت-ساياحات، ساۋدا-زات اينالىمى، كاسىپ باقشا رايونى، جاڭا وركەندەگەن كاسىپ جانە ءتيىمدى كاسىپتەردى دامىتۋعا بەلسەنە قولداۋ كورسەتەدى.
اۆتونوميالى وبلىستىڭ قاتىستى تاراۋلارى مەن فينانىس ورىندارىنىڭ جاۋاپتىلارى كەلىسىمگە قول قويۋ سالتىنا قاتىناستى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
