مەملەكەتتىك تازا قالا داڭقى قۇلجا قالاسىنا تىڭ تەبىن باعىشتادى
جارقىن نۇرابىلدا ۇلى
2017.08.31 14:40
تۇنىق اۋا، كوك اسپان، تازا دا، رەتتى گۇل قۇلجانىڭ بۇگىنگى قونىستانۋ ورتاسى قالا حالقىنا جانعا جايلىلىق سيلاسا، ال سىرتتان كەلگەن قوناقتاردى تاماشا كەلبەتىمەن ءتانتى ەتۋدە.«جۇڭگوداعى ايگىلى ساياحات قالاسى»، «مەملەكەتتىك باۋ–باقشالى قالا»، «مەملەكەت دارەجەلى تاريحي مادەنيەتتى قالاشىق» اتاعىن ىلگەرى–كەيىندى ەنشىلەگەن مىناۋ قۇلجا قالاسىنىڭ جالپى جەر اۋماعى 755 شارشى كيلومەتر، مۇنىڭ ىشىندە قۇرىلىس سالىنعان ءوڭىر 37 شارشى كيلومەتر بولىپ، مۇندا ۇيعۇر، حانزۋ، قازاق، حۇيزۋ، موڭعۇل، سىبە سىندى 37 ۇلت، 535 مىڭ 700 جان سانى بەرەكەلى دە جاراسىمدى جاساپ كەلەدى. جۋىق جىلداردان بەرى قالانىڭ نەگىزدىك قۇرىلعى قۇرىلىسىنىڭ جاقسارۋى، الەۋمەتتىك قىزمەت وتەۋ قابىلەتى، جاسىلدانۋ، جارىقتانۋ، تازارۋ، كورىكتەنۋ ورەسىنىڭ ۇزدىكسىز جاقسارۋىمەن ىلەسىپ قالانىڭ بەت–بەينەسىندە تاماشا وزگەرىستەر بارلىققا كەلدى. ۇستەگى جىلى شىلدەنىڭ 14–كۇنى مەملەكەتتىك وتانشىلدىق تازالىق كوميتەتى 2015–2017–جىل ارالىعىنداعى مەملەكەتتىك تازا قالا ەسىمدىگىن جاريالاعاندا قۇلجا قالاسى وزگەشە باۋراۋ قۋاتىمەن اعالاپ العا شىعىپ، مەملەكەتتىك تازا قالا اتاعىن ەنشىلەدى. بەس جىل بويى پارتيا مەن ۇكىمەتتىڭ پارمەندى باسشىلىعىندا جۇرت بولىپ جۇمىلىپ، ساياسات، قارجى جاقتاعى قولداۋدىڭ ارقاسىندا قۇلجانىڭ بۇگىنگىدەي اسەم كەلبەتى مەنمۇندالاپ، اتاعى اسپانداپ، تابىس تورىنەن كورىندى.
مۇندا ەڭ الدىمەن باسشىلىق كۇشەيتىلىپ، جاۋاپكەرشىلىك تياناقتاندىرىلدى. ايتالىق 2012- جىلى قۇلجا قالالىق پارتكوم، حالىق ۇكىمەتى مەملەكەتتىك تازا قالا قۇرۋ قىزمەتىن ورتاعا قويدى ءارى ىسكە كىرىسىپ، بۇل قىزمەتكە وسكەلەڭ ءمان بەردى. قۇلجا قالاسىندا قالالىق پارتكوم شۋجيى باس جەتەكشى بولعان مەملەكەتتىك تازا قالا قۇرۋعا جەتەكشىلىك ەتۋ ورنى، قالا باستىعى گرۋپپا باستىعى بولعان تازا قالا قۇرۋعا باسشىلىق ەتۋ شاعىن گرۋپپاسى، التى ارناۋلى تەكسەرۋدى، تياناقتاندىرۋدى باقىلايتىن ورىن قۇرىلدى. وبلىستىق پارتكوم، حالىق ۇكىمەتى جانە قالادا تۇراتىن قاتىستى ورىندار مەن كاسىپورىندار قولداۋ، سايكەستىرۋ، قولداۋ قىزمەتىن بەلسەنە ىستەدى. «پارتكوم جەتەكشىلىك ەتكەن، ۇكىمەت باستاماشىلىق جاساعان، ورىندار تياناقتاندىرىپ، بۇقارا اتسالىسقان، جوعارى–تومەن بىرلەسىپ قيىملداپ، ءبارى تۇگەل ارالاسقان» تازا قالا قۇرۋ قىزمەتىنىڭ تاماشا جاعدايى جاراتىلدى. نىسانالى جاۋاپكەرشىلىك ءتۇزىمى ساتىلار بويىنشا تياناقتاندىرىلىپ، باسقارۋ تۇزىمدەرى كەمەلدەندىرىلدى. تازا قالا قۇرۋ قىزمەتىن عىلمي دامۋ كوزقاراسىن تياناقتاندىراتىن، شارۋاشىلىق، قوعامدىق ىستەردى سايكەستىرە دامىتاتىن، حالىق تۇرمىسىن جاقسارتاتىن ماڭىزدى ينجەنەرياعا اينالدىرا ءبىلدى. نەگىزدىك قۇرىلعى قۇرىلىسىن كەمەلدەندىرۋ مەن قالا–قالاشىق قورشاعان ورتاسىن ۋنيۆەرسالدى وڭاۋدى مىقتى يگەرىپ، قالانى «بۇقاراعا قولايلى، بۇقاراعا يگىلىك جاراتاتىن، بۇقاراعا تيىمدىلىك سيلاعان، بۇقارانى اۋقاتتاندىراتىن» ينجەنەريا رەتىندە يگەرىپ، بار كۇشپەن ناقتى جٷمىستاردى مولىنان ىستەۋگە، تازا قالا قۇرۋدىڭ بەلگىلەنگەن ءتۇرلى كورسەتكىشتەرىن نىساناعا جەتكىزۋگە ۇمتىلىس جاسادى.
دەنساۋلىق ساقتاۋ تاربيەسى، تازالىق ءبىلىمى كۇشەيتىلىپ، اس–سۋ تازالىعى الەۋمەتتىك ورتاسى باقىلانىپ، الەۋمەتتىك تازالىق ورەسى جوعارىلادى. مۇندا قۇلجا قالاسى الۋان فورمامەن دەنساۋلىق تاربيەسى مەن تازالىق بىلىمدەرى جايىنداعى ۇگىتتى جاندى جالعاستىردى ءارى «الدىن الۋ، ساقتانۋدى نەگىز ەتۋ» قىزمەت ادىسىنە تاباندى بولىپ، جالپى حالىقتىق دەنساۋلىق تاربيەسىن تەرەڭدەي قانات جايدىردى. اسحانا، مەيرامحانا، قوناقجاي، مادەنيەت كوڭىل اشۋ ورىندارىن بۇل رەتكى تازا قالا قۇرۋداعى ءتۇيىندى وڭاۋ وبيەكتىسى سانادى. ايتالىق، ءۇش جىلدان بەرى قوناقجاي، مادەنيەت كوڭىل اشۋ ورىندارى، الەۋمەتتىك مونشا، اجارلاندىرۋ، شاش جاساۋ ورىندارىنا قاراتىلعان ارناۋلى تەكسەرۋ كۇشەيتىلىپ، ونداعىلاردىڭ دەنساۋلىق اقاۋسىزدىعى جاپپاي تەكسەرىلىپ، دەنساۋلىق تولىمدىلىعى %100 كە جەتتى. الەۋمەتتىك ورىنداردىڭ اۋاسى، كۇن نۇرىنىڭ ءتۇسۋى، اۋا ءوتۋى، جارىقتانۋى، دىبىس، سۋ ساپاسى، الارماننىڭ دەزينفەكسيالانعان ىدىس–اياقتاردى ىستەتۋى مەن تازالىق قۇرىلعىلارىن تەكسەرۋ قىزمەتى كۇشەيتىلدى. تۇتاس قالانىڭ اس–سۋ كاسىبىنە، ازىق–تۇلىكتى مانەرلەۋىنە، الەۋمەتتىك تازالىق ورىندارىنا، تۇرمىستىق اۋىز سۋ تازالىعىنا باقىلاۋدى كۇشەيتتى. مۇنىمەن قوسا قۇلجا قالاسىنىڭ الەۋمەتتىك تازالىق پەن ەمدەۋ قىزمەت وتەۋ ورەسى جوعارىلاپ، ءتۇرلى جۇقپالى اۋرۋلاردان ساقتانۋ، الدىن الۋ ۇيىمدىق قۇرىلىمدارى قۇرىلىپ، ۇزاق مەرزىمدىك جوبالارى جاسالدى.
تازا قالا قۇرۋ ورايىمەن قوماقتى قارجى قالانىڭ نەگىزدىك قۇرىلعى قۇرىلىسىن جەبەپ، قالا قۇرىلىسىنا تىڭ ومىرشەڭدىكتەر سيلادى. گۇلىستان اتانعان قۇلجا قالاسىنىڭ ءتورت ماۋسىمى وزگەشە، اۋا رايى تاماشا، تازا قالا قۇرۋدىڭ بەرىك نەگىزى ەجەلدەن بار بولاتىن–دى. قالانىڭ تۇلعالىق ساپاسىن جوعارىلاتىپ، بۇقاراعا تيىمدىلىك اكەلەتىن، قولايلىلىق سيلايتىن، يگىلىك جاراتاتىن ينجەنەريالاردى جۇرگىزىپ، ءار ۇلت حالقىنىڭ ءوندىرىسى، تۇرمىسى جانە قونىستانۋ ورتاسىن كورنەكتى جاقسارتۋعا ۇمتىلدى. ناقتاپ ايتار بولساق، ەڭ الدىمەن حالىققا قولايلى بولۋدى جەتەكشى ەتىپ، تاس جول، تارماق كوشە، قۇبىرلاردى تورلاستىرۋ قۇرىلىسىن كۇشەيتىپ، جۋىق ءۇش جىلدان بەرى ءبىر ميلليارد 385 ميلليون يۋان قارجى قوسىپ، 135 كيلومەتر تاس جول مەن 660 مىڭ شارشى مەترلىك جاياۋلار جولىن جاساپ، شەتكەرىدەگى 30 تارماق كوشەنى وزگەرتىپ، 8 ورىننان جاڭادان اسپا كوپىر سالىپ، 10 تۇيىق كوشەنى تۇتاستىردى. ال قالانىڭ جىلۋمەن شوعىرلى قامداۋ، قۇبىر سۋمەن قامداۋ جانە تابيعى گازبەن قامداۋ قۋاتى جوعارىلادى. ايتالىق، 30 عا تارتا تارماق كوشەلەرگە جالپى ۇزىندىعى 110 كيلومەترلىك تابيعي گاز قۇبىرى جاتقىزىلىپ، تابيعي گازبەن قامداۋى 36 ميلليون 580 مىڭ تەكشە مەترگە جەتىپ، 80 مىڭ وتباسى 260 مىڭ جان سانى يگىلىكتەنىپ ۇلگىردى، گاز قۇيۋ پۋنكىتىنەن سەگىزى جاڭادان جاسالدى. مۇنىمەن حالىققا يگىلىك جاساۋداي جارىقتاندىرۋ ينجەنەرياسى ورنىقتى قاداممەن ىلگەرىلەتىلىپ، «ىلە وزەنىنىڭ ەكى جاعالاۋىنداعى جول، كوپىر، باقشا–الاڭ، جاسىلداندىرۋ بەلدەۋى مەن ۋاقىتتىق كوشە قۇرىلىسى» سىندى التى ۇلكەن جارىقتاندىرۋ ينجەنەرياسى ىستەلدى. ال حالىققا تيىمدىلىك جەتكىزۋدەي تازالاۋ، جاسىلداندىرۋ، كورىكتەندىرۋ ينجەنەرياسى ءساتتى جۇرگىزىلدى. تازالاندىرۋ جاعىندا ءۇش جىلدان بەرى 75 ميلليون يۋان قارجى قوسىپ، تۇرمىستىق قوقىر–قوقسىق پەن ەمدەۋ قوقىر–قوقسىعىن ءبىر جاقتى ەتەتىن ورىنداردى كەمەلدەندىردى.
130 ميلليون يۋان قارجى قوسىپ، ورتا تازالىعى اسپاپتارىنان 400 دەن استامىن ساتىپ الدى. 10 ميلليون يۋان قارجى قوسىپ، 85 ورىننان الەۋمەتتىك دارەتحانانى جاڭادان جاساپ، 28 ورىنداعى دارەتحانانى وزگەرتىپ جاسادى. جەمىس–جيدەك قابىعىن سالاتىن ساندىق، قوقىر–قوقسىق شەلەگى تولىقتىرىلدى. جاسىلداندىرۋ جاعىندا ءۇش جىلدان بەرى 660 ميلليون يۋان قارجى قوسىپ، 22 تارماق كوشەنى، 5 ورىنداعى جاڭادان جاسالعان باقشانى، 10 ورىنداعى قابىرستاندىق توڭىرەگىن جاسىلداندىردى؛ حالىق باقشاسى، حالىق الاڭى، حانبيڭ باقشاسى، ىلە وزەنىنىڭ ەكى جاعالاۋىنداعى كورىنىس بەلدەۋى، مەملەكەت، ولكە تاس جولى بويىنداعى جاسىل كاريدور قۇرىلىسى ورىندالىپ بولدى؛ بىلىكشى وزەنى مەن جىرعالاڭ وزەنىنىڭ ەكى جاعالاۋىنداعى 3 مىڭ 122 مۋ ەكولوگيالىق قورعانىس ورمانى قۇرىلىسى ورىندالدى. كەزەكتە قالا وڭىرىندەگى بەس ورىنداعى 360 مۋلىق سازدىق قالپىنا كەلتىرىلۋمەن بىرگە 15 مىڭ مۋ كولەمىندەگى ىلە وزەنى مەملەكەتتىڭ سازدىق باقشاسىنا 150 ميلليون يۋان قارجى قوسۋدى تابىستى ءوتىنىش ەتتى. قامتاماسىزداندىرۋ سيپاتتى تۇرعىن ءۇي قۇرىلىسىن جەدەلدەتىپ، بۇقارانىڭ تۇرعىن ءۇي قيىنشىلىعىن شەشۋ ءۇشىن قۇلجا قالاسى ءۇش جىلدان بەرى 2 ميلليارد 260 ميلليون يۋان قارجى قوسىپ، جالپى كولەمى ءبىر ميلليون 210 مىڭ شارشى مەتر كەلەتىن 16 مىڭ 753 قامتاماسىزداندىرۋ سيپاتتى تۇرعىن ءۇي سالدى. 200 ميلليون يۋانعا تاياۋ قارجى قوسىپ، ىركەس–تىركەس قالانىڭ شىعىسىنداعى ۋنيۆەرسالدى بازاردى، قالانىڭ شىعىسىنداعى كوكونىس، جەمىس–جيدەك بازارىن، قالانىڭ شىعىسىنداعى حالىق تۇرمىسى بازارىن، قالانىڭ شىعىسىنداعى كاسىپتەنۋ بازارىن، قاراءدوڭ اعاش ماتەريالدارى بازارىن جاساپ، بازاردىڭ تازالىق احۋالىن كورنەكتى جاقسارتتى. جول قاتىناس نەگىزدىك قۇرىلعى قۇرىلىسىن كەمەلدەندىرىپ، كولىك باسقارۋدى ارناعا ءتۇسىردى. ايتالىق جاڭادان 200 كوشە اۆتوبۋزى مەن 200 تاكسيدى جولعا سالسا، 128 اۆتوبۋز بەكەتى جاڭادان جاسالىپ، 61 بەكەت وزگەرتىلىپ جاسالدى.
بۇدان سىرت، جۋىق جىلداردان بەرى، قۇلجا قالاسى ەكونوميكالىق قۇرىلىستى جەدەلدەتۋمەن بىرگە تازا قالا قۇرۋدى وراي ەتىپ، اۋانىڭ لاستانۋى، سۋدىڭ بىلعانۋىنان ساقتانۋدى ءتۇيىن ەتىپ، ونەركاسىپ بىلعانىشىنان ساقتانۋ مەن قالا ورتاسىن ۋنيۆەرسالدى وڭاۋدى ىشكەرىلەي ورىستەتىپ، بىلعانىشتى ءونىمدى تەجەدى. «كوگىلدىر اسپان» ينجەنەرياسىن ىسكە اسىرۋ ارقىلى بىلعانىشتىڭ قاينارىنان قاتاڭ مەڭگەرۋ، تازا ەنەرگيانى پايدالانۋدى جالپىلاستىرۋ، قۇرىلىس وبيەكتىلەرىن باسقارۋدى كۇشەيتۋ سياقتى شارالاردى جالپىلاستىرىپ، اۋانىڭ لاستانۋىن وڭاۋدى ىسكە اسىردى. كەزەكتە تۇتاس قالا بويىنشا 106 ورىننىڭ 128 پارقازانىن بۇزىپ، 29 ورىننىڭ 49 پارقازانىن شەكتى مەرزىم ىشىندە وڭاۋعا بۇيىردى، بىلعانىشى اۋىر بولعان 22 شاعىن كاسىپورىندى جابۋمەن بىرگە، قازىرگى 435 كوشە اۆتوبۋزى مەن ءبىر مىڭ 626 تاكسيدى تۇگەلدەي گاز قۇيىلاتىن ەتىپ وزگەرتتى. لات سۋدى ءبىر جاقتى ەتۋ قۋاتى ارتتىرىلۋمەن بىرگە سۋ زاۆودتارىنداعى سۋ ساپاسى مەملەكەتتىك 2–دارەجەلى سۋ ساپاسى ولشەمىنە جەتكىزىلدى. شۋىلدى تەجەۋ ءتۇيىندى تۇردە مىقتى يگەرىلدى.
بەس جىلدىق قۇلشىنىس، مەملەكەتتىك تازا قالا قۇرۋداعى ۇمتىلىس اسەم دە تازا، رەتتى دە جانعا جايلى گۇل قالاعا تاڭعاجايىپ ومىرشەڭدىكتەر سيلاپ ۇلگىردى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
