بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ىلە وبلىسى ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى 8 تيپتىك ماسەلەنى جاريالادى

2017.09.28 14:36    

  جاقىندا ىلە وبلىستىق ءتارتىپ تەكسەرۋ كوميتەتى ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساعان 8 تيپتىك ماسەلەنى اشىق جاريالادى، ولار مىنالار:

  1. ىلە اسىل تۇقىمدى جىلقى فەرماسى پارتكومىنىڭ بۇرىنعى ورىنباسار شۋجيى، فەرما باستىعى ابدۇعوپۇر ازيزاحۇننىڭ بەلگىلەمەگە قايشىلىق جاساپ تارتۋ – تارالعى، ساۋعا اقشا الۋ ماسەلەسى

  ابدۇعوپۇر ازيزاحۇن ىلە اسىل تۇقىمدى جىلقى فەرماسى پارتكومىنىڭ ورىنباسار شۋجيى، فەرمانىڭ باستىعى مىندەتىن اتقارعان كەزىندە بەلگىلەمەگە قايشىلىق جاساپ باسقارۋ جانە قىزمەت وتەۋ وبيەكتىلەرىنەن تارتۋ – تارالعى مەن ساۋعا اقشا العان؛ قىزمەت ىقپالىنان پايدالانىپ، باسقارۋ جانە قىزمەت وتەۋ وبيەكتىسىنە ءوزى تولەۋگە ءتيىستى قاراجاتتى تولەۋدى ورنالاستىرعان؛ قىزىنىڭ ۇيلەنۋ تويىنان پايدالانىپ، بەلگىلەمەگە قايشىلىق جاساپ تارتۋ – تارالعى العان؛ بەلگىلەمەگە قايشىلىق جاساپ پايدا ءتۇسىرۋ سيپاتتى قيمىلدارمەن اينالىسىپ، باسقارۋ جانە قىزمەت وتەۋ وبيەكتىلەرىنەن «دەلدالدىق اقى» العان. سونىمەن بىرگە، ابدۇعوپۇر ازيزاحۇندا تاعى ۇيىمدىق تارتىپكە، بۇقارالىق تارتىپكە، تۇرمىس تارتىبىنە، مەملەكەتتىڭ زاڭ – ەرەجەلەرى مەن بەلگىلەمەلەرىنە قايشىلىق جاساۋ ماسەلەلەرى ساقتالعان. ابدۇعوپۇر ازيزاحۇنعا پارتيا ىشىندەگى مىندەتىنەن، اكىمشىلىك مىندەتىنەن قالدىرۋ (ءبولىم دارەجەلىگە تومەندەتۋ) جازاسى بەرىلىپ، تارتىپكە قايشى يەمدەنگەن پايداسى قايتارىپ الىندى.

  2. كۇيتۇن قالالىق بازار باقىلاۋ – باسقارۋ مەكەمەسى پارتگرۋپپاسىنىڭ شۋجيى، ورىنباسار مەكەمە باستىعى جىڭ يۇيجۇننىڭ بەلگىلەمەگە قايشىلىق جاساپ قوسىمشا قاراجات تاراتۋ ماسەلەسى

  2014 – جىلدان 2015 – جىلعا دەيىن جىڭ يۇيجۇن مەكەمە باستىقتارىنىڭ قىزمەت كەڭەسىندە نەمەسە پارتگرۋپپانىڭ جيىنىندا كەڭەسىپ ۇيعارۋ فورماسى ارقىلى مەكەمەدە وتانشىلدىق تازالىق سيلىعى، ۇلگىلى جۇمىسشى – قىزمەتشىلەر وتباسى سيلىعى، زەيىن سىناۋ جارىسى سيلىعى، ورنىقتىلىقتى قورعاۋ كەزەكشىلىك قوسىمشا قاراجاتى سياقتى سيلىق اقشا، كومەك قاراجاتتارىن بەلگىلەمەگە قايشى تاراتقان. جىڭ يۇيجۇنگە پارتيا ىشىندە ەسكەرتۋ جازاسى بەرىلدى ءارى بەلگىلەمەگە قايشى تاراتقان قوسىمشا قاراجاتتار قايتارىپ الىندى.

  3. چاپچال سىبە اۆتونوميالى اۋدانى جاعىستاي اۋىلى پارتكومىنىڭ بۇرىنعى مۇشەسى، قارۋلى ءبولىمنىڭ بۇرىنعى باستىعى ابدۋالي ابدۋعانيدىڭ بەلگىلەمەگە قايشى تارتۋ – تارالعى، ساۋعا اقشا الۋ ماسەلەسى

  2013 – جىلدان 2016 – جىلعا دەيىن ابدۋالي ابدۋعاني بەيقۇت ءۇي سالىپ، حالىقتى اۋقاتتاندىرۋ قۇرىلىسىن جۇرگىزۋ بارىسىندا باسقارۋ جانە قىزمەت وتەۋ وبيەكتىلەرىنەن بەلگىلەمەگە قايشىلىق جاساپ تارتۋ – تارالعى، ساۋعا اقشا العان. سونىمەن بىرگە، ابدۋالي ابدۋعانيدا تاعى ساياسي تارتىپكە، بۇقارالىق تارتىپكە، مەملەكەتتىڭ زاڭ – ەرەجەلەرى مەن بەلگىلەمەلەرىنە قايشىلىق جاساۋ سياقتى ماسەلەلەر ساقتالعان. ابدۋالي ابدۋعانيعا پارتيادا ەكى جىل قالدىرىپ سىناپ كورۋ جازاسى مەن اكىمشىلىك مىندەتىنەن قالدىرۋ (جاي قىزمەتكەرگە تومەندەتۋ) جازاسى بەرىلىپ، بەلگىلەمەگە قايشى تابىسى قايتارىپ الىندى.

  4. توعىزتاراۋ اۋدانى ءدوڭمالى قالاشىق ورتا مەكتەپتىڭ بۇرىنعى باستىعى حى بيننىڭ ەرەجەگە قايشىلىق جاساپ ۇكىمەت اقشاسىمەن قوناق كۇتۋ، جەكە اۆتوكولىكتى ۇكىمەت اقشاسىمەن جۇرگىزۋ ماسەلەسى

  حى بين 2014 – جىلدان 2016 – جىلعا دەيىنگى ارالىقتا ەرەجەگە قايشىلىق جاساپ ۇكىمەت اقشاسىمەن قوناق كۇتكەن. 2014 – جىلى مامىردا، 2016 – جىلى قىركۇيەكتە اتالعان مەكتەپتىڭ قىزمەتكەرلەرى جالعان تالون كەستىرۋ ارقىلى قاراجات ءتۇرىن زاڭسىز شىعارىپ العان ءارى كەلىپ – كەتۋ جوقتاماسىنان تارتىلعان قاراجاتتى تۇگەلدەي بەنزين قۇيۋ كارتۋچكاسىنا اۋدارىپ، حى بيننىڭ جەكە اۆتوكولىگىنە بەنزين قۇيۋىنا ازىرلەگەن. حى بينگە پارتيادان شىعارۋ، اكىمشىلىك مىندەتىنەن قالدىرۋ جازاسى بەرىلدى.

  5. كۇنەس اۋدانى المالى قالاشىق ەمحانانىڭ باستىعى ياڭ حىشيانىڭ ەرەجەگە قايشىلىق جاساپ قوسىمشا قاراجات تاراتۋ ماسەلەسى

  ياڭ حىشيا 2013 – جىلى قاڭتاردان 2016 – جىلى ماۋسىمعا دەيىن المالى قالاشىق ەمحانانىڭ باستىعى مىندەتىن وتەگەن مەزگىلدە، زاڭسىز شىعارىلعان الەۋمەتتىك دەنساۋلىق ساقتاۋعا قىزمەت وتەۋ نىسان قارجىسىنان پايدالانىپ، تاماقتان كەشىككەن جۇمىسشى – قىزمەتشىلەرگە قوسىمشا قاراجات، كەزەكشىلىك قاراجات رەتىندە تاراتقان؛ 2014 – جىلدان 2015 – جىلعا دەيىن، زاڭسىز تارتىلعان قىستاق شيپاگەرلەرىنىڭ قوسىمشا قاراجاتىنان پايدالانىپ جىل سوڭىنداعى وزاتتاردى، ۇزدىكتەردى سيلاۋ قاراجاتى، قىزمەت ونىمدىلىگىن باعالاۋ سيلىق اقشاسى رەتىندە تاراتقان. ياڭ حىشياعا پارتيا ىشىندە ەسكەرتۋ بەرۋ، ەرەجەگە قايشى تاراتىلعان اقشانى قايتارتۋ جازاسى بەرىلدى.

  6. موڭعۇلكۇرە اۋداندىق حالىق ەمحاناسى پارتكومىنىڭ ورىنباسار شۋجيى، ەمحانا باستىعى لۇي ليڭليڭنىڭ ەرەجەگە قايشىلىق جاساپ ۇكىمەت اقشاسىمەن زات ساتىپ الۋ، ساۋعا بەرۋ ماسەلەسى

  لۇي ليڭليڭ 2014 – جىلى قاڭتاردان 2017 – جىلى ماۋسىمعا دەيىن ۇكىمەت اقشاسىمەن كوپ رەت ساۋعا ساتىپ الىپ، نىسانعا يە بولۋعا جانە كاسىپتەردى سايكەستىرۋگە ىستەتكەن. لۇي ليڭليڭگە پارتيا ىشىندە ەسكەرتۋ بەرۋ جازاسى بەرىلدى.

  7. نىلقى اۋدانى مىس اۋىلدىق پارتكومنىڭ مۇشەسى، ساقشى بولىمشەسىنىڭ باستىعى مۇراتجان ماحاباتقان ۇلىنىڭ ەرەجەگە قايشىلىق جاساپ ۇكىمەت اۆتوكولىگىن پايدالانۋ ماسەلەسى

  مۇراتجان ماحاباتقان ۇلى مىندەت وتەگەن مەزگىلدە قىزمەتتەگى قولايلىلىقتان پايدالانىپ، ەرەجەگە قايشىلىق جاساپ كوپ رەت ۇكىمەت اۆتوكولىگىن پايدالانعان. سونىمەن بىرگە، مۇراتقان ماحاباتقان ۇلى تاعى مەملەكەتتىڭ زاڭ – ەرەجەسىندەگى بەلگىلەمەگە قايشىلىق جاساپ، حالىق بۇقاراسىنىڭ جوعالعان سيىرىن ءوز بەتىمەن ءتۇرىن وزگەرتىپ ساتىپ، جەكە شىعىستارىنا پايدالانعان. مۇراتقان ماحاباتقان ۇلىنا پارتيا ىشىندە قاتاڭ ەسكەرتۋ بەرۋ جازاسى بەرىلدى ءارى جوعالعان سيىردىڭ اقشاسىن قايتارىپ، مەملەكەت قازىناسىنا تاپسىرۋ بۇيىرىلدى.

  8. قۇلجا قالاسى ىلە وزەنى وڭتۇستىك جاعا جاڭا رايونىنىڭ ەكونوميكا جانە دامۋ كەڭسەسىنىڭ بۇرىنعى مەڭگەرۋشىسى جۇي ميڭنىڭ بەلگىلەمەگە قايشىلىق جاساپ تارتۋ -تارالعى الۋ ماسەلەسى

  2014- جانە 2015-جىلعى كوكتەم مەرەكەسى كەزىندە جۇي ميڭ ىلگەرىندى -كەيىندى 2 رەت باسقارۋ جانە قىزمەت وتەۋ وبيەكتىلەرى ۇسىنعان تارتۋدى العان. سونىمەن بىرگە جۇي ميڭدا ۇيىمدىق تارتىپكە، قىزمەت تارتىبىنە قايشىلىق جاساۋ ماسەلەسى ساقتالعان. جۇي ميڭعا پارتيا ىشىندە ەسكەرتۋ جازاسى بەرىلىپ، تارتىپكە قايشى يەمدەنگەن پايداسى قايتارىپ الىندى.

  حابارلاندىرۋدا بىلاي دەپ اتاپ كورسەتىلدى: بيىل تامىزدا وبلىستىق پارتكوم «اۆتونوميالى وبلىستىق پارتكومنىڭ ورتالىقتىڭ سەگىز ءتۇرلى بەلگىلەمەسىن قاتاڭ تياناقتاندىرىپ، پارتيا ءتارتىبىن اناعۇرلىم قاتاڭداستىرۋ جونىندەگى ءبىرقانشا بەلگىلەمەسىن» شىعارىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن، اۆتونوميالى رايوندىق پارتكومنىڭ 10 تارماقتى بەلگىلەمەسىن جانە اۆتونوميالى وبلىستىق پارتكومنىڭ 12 تارماقتى بەلگىلەمەسىن قاز -قالپىندا تياناقتاندىرىپ، ءادىل دە پاك ساياسي ورتا جاراتۋ جونىندە ايقىن تالاپتار قويدى. تۇتاس وبلىستاعى ءار دارەجەلى پارتيا ۇيىمدارى مەن ءتارتىپ تەكسەرۋ -باقىلاۋ تاراۋلارى وبلىستىق پارتكومنىڭ بەلگىلەمە، تالاپتارىن مۇقيات دايەكتى تياناقتاندىرىپ، بۇرىس ستيلدەردى باتىل وڭاپ، پارتيا ستيلى، اكىمشىلىك ستيلدىڭ ءۇرتىس جاقسارۋىنا كەپىلدىك ەتۋى كەرەك. الايدا ءبىز «ءتورت بۇرىس ستيل» ماسەلەسىنىڭ ابدەن ءسىڭىستى بولىپ كەتكەنىن، تىم كۇردەلىلىگىن، جوعارىداعى حابارلاندىرۋدا ءبىر جاقتى ەتىلگەن پارتيالى كادرلاردىڭ تارتىپتە ايقىن بەلگىلەنگەن ىستەردى بىلە تۇرا تيىلماعاندىعىن، ءوزىن تەجەمەستەن ماسەلەنىڭ ءتۇسىن وزگەرتىپ تارتىپكە قارسى كەلگەندىگىن، سول سەبەپتى جاۋاپكەرلىگى قاتاڭ قۋزالعاندىعىن سەرگەكتىكپەن ايقىن تانۋىمىز؛ ودان اشتى ساباق الۋىمىز؛ بارشا پارتيالى كادردىڭ ءوزىن، ءسوزسىز، تەجەۋى كەرەكتىگىن ءبىلۋىمىز ءتيىس.

  حابارلاندىرۋدا مىنالار باسا دارىپتەلدى: مەملەكەت مەرەكەسى، ورتا كۇز مەرەكەسى تاياپ قالدى. ءار دارەجەلى باسشى كادرلار ساياسي قىراعىلىقتى ارتتىرىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن، اۆتونوميالى رايوندىق پارتكومنىڭ 10 تارماقتى بەلگىلەمەسى مەن اۆتونوميالى وبلىستىڭ 12 تارماقتى بەلگىلەمەسىن تياناقتاندىرۋدا ۇلگى بولىپ، ناشار ستيلدى باتىل تەجەۋ كەرەك. ءار دارەجەلى ءتارتىپ تەكسەرۋ -باقىلاۋ ورگاندارى پارتيا -ۇكىمەت ورگاندارىنىڭ جەكە قور قۇرۋ، الباتى تولىقتاما قاراجات تاراتۋ، ۇكىمەت اۆتوكولىگىن جەكە ىسىنە پايدالانۋ، جەكە اۆتوكولىگىن ۇكىمەت اقشاسىمەن باعۋ، پارتيالى كادرلاردىڭ بەلگىلەمەگە قايشىلىق جاساپ باس قوسۋ وتكىزۋ، ۇكىمەت اقشاسىمەن ءىشىپ -جەۋ، نەكە، ءنازىر -شىراق وتكىزۋدى جەلەۋ ەتىپ پايدا ءتۇسىرۋ، تارتۋ -تارالعى قابىلداۋ سياقتى ماسەلەلەردى قاداعالاي باقىلاپ، قاتاڭ تەكسەرىپ ءبىر جاقتى ەتۋى، ەرتەدەن، كىشكەنە ىستەردەن باستاپ مىقتى يگەرىپ، الدىن -الا ساقتانىپ، تيىم سالۋ بۇيرىعىنىڭ ايباتىن، قاتاڭ ءتارتىپتىڭ يمەندىرۋ كۇشىن ايگىلەپ، پارمەندى باقىلاۋ، ءتارتىپ اتقارۋ، جاۋاپكەرلىكتى قۋزاستىرۋ قۋاتى ارقىلى ءادىل دە پاك مەرەكە ورتاسىن جاراتۋ كەرەك.

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار