جۇڭگو – قازاقستان قورعاس حالىقارالىق مادەنيەت اۋىس – كۇيىس ورتالىعىنا (قورعاس جۇڭگو مادەنيەتى سارايى) ماڭدايشالىق ءىلىنىپ، ىسكە قوسىلدى

2017.11.23 14:06  

　　حالىق تورابى، 23 – قاراشا، بەيجيڭ. ءتاڭىرتاۋ تورابىنىڭ حابارلاۋىنشا، شاڭحاي الەمدىك كورمەسىندەگى جۇڭگو مەملەكەتتىك سارايىنىڭ ۇلگىسىندە جاسالعان جۇڭگو – قازاقستان قورعاس حالىقارالىق مادەنيەت اۋىس – كۇيىس ورتالىعىنا (قورعاس جۇڭگو مادەنيەتى سارايى) 21 – قاراشا كۇنى جۇڭگو – قازاقستان قورعاس حالىقارالىق شەكارالىق سەلبەستىك ورتالىعىندا ماڭدايشالىق ءىلىنىپ، اتالعان ورتالىق ىسكە قوسىلدى.


　　بۇل نىسان ــ جۇڭگو – قازاقستان حالىقارالىق شەكارالىق سەلبەستىك ورتالىعىنداعى تۇڭعىش رەت رەسمي ىسكە قوسىلعان مادەنيەت جاعىنداعى نىسان، سونىمەن بىرگە، ورتالىق كوميتەتتىڭ ۇگىت ءبولىمى، شينجياڭ ۇيعۇر اۆتونوميالى رايوندىق پارتكوم ۇگىت ءبولىمىنىڭ ءتۇيىندى تۇردە قولداۋىنا يە بولعان شەكاراداعى شەتەلگە ۇگىتتەۋ جاعىنداعى سىناق نىسانى، جۇڭگو مەن ورتا ازياداعى ەلدەردىڭ حالىقارالىق مادەنيەت جاعىندا اۋىس- كۇيىس جاسايتىن تەكشەسى بولىپ تابىلادى.


　　قورعاس قالاسىنىڭ ۋاقىتتىق قالا باستىعى جەڭىس قادىس ۇلى: قورعاس جۇڭگو مادەنيەتى سارايى رەسمي ىسكە قوسىلعاننان كەيىن، جۇڭگونىڭ تاريحى مەن مادەنيەتى ، ۇلتتىق سالت – ساناسى مەن جىبەك جولى قاتارلى تاقىرىپتارداعى مازمۇنداردى ەل ءىشى مەن شەتەلگە ايگىلەپ، جۇڭحۋا مادەنيەتىن ىشكەرىلەي ۇگىتتەپ، جۇڭگو حيكاياسىن ويداعىداي بايانداپ، «سەلبەستىك ورتالىعىنىڭ» تانىمالىلىق اسەرىن ۇلعايتىپ، قورعاس قالاسىنىڭ مادەنيەت جاعىنداعى باۋراۋ قۋاتى مەن قوعامدىق ىقپالىن جوعارىلاتاتىن بولادى، ــ دەدى.


　　قازىرگە دەيىن، قورعاس جۇڭگو مادەنيەتى سارايى ورتا ازيا ەلدەرىمەن مادەنيەت جاعىنداعى اۋىس- كۇيىسكە قاتىستى 30 نەشە رەت قيمىل ۇيىمداستىرعان، قيمىل مازمۇنى ــ حاتكەرلىك، سۋرەتكەرلىك، كەستەشىلىك، ءداستۇرلى مۋزيكا اسپاپتارىمەن مۋزيكا ورىنداۋ ، ءان – ءبي قاتارلىلار.


　　كەلۋ قاينارى: حالىق تورابى