جەمەنەي اۋدانىنان بايقالعان تۇڭتيان ۇڭگىرى ەسكى جۇرتى 2017 – جىلعى جۇڭگو ارحەولوگياسىنىڭ جاڭا بايقاۋىنا تاڭدالدى
2018.01.18 14:58 كەلۋ قاينارى : حالىق تورابى
حالىق تورابى، 18 – قاڭتار، بەيجيڭ. «جۇڭگو قوعامدىق عىلىمدار اكادەمياسى ارحەولوگيالىق تالقى جينالىسى جانە 2017 – جىلعى جۇڭگو ارحەولوگياسىنىڭ جاڭا بايقاۋى» اتىنداعى تالقى جينى 2018 – جىلى 16 - قاڭتار جۇڭگو قوعامدىق عىلىمدار اكادەمياسىنىڭ عىلىمي بايانداما زالىندا وتكىزىلدى، 2017 – جىلعى جۇڭگو ارحەولوگياسىنىڭ جاڭا بايقاۋى نىسانىنا تاڭدالعان جانە كىرگەن نىساندار جاريالاندى. جەمەنەي اۋدانىنان بايقالعان تۇڭتيان ۇڭگىرى ەسكى جۇرتى 2017 – جىلعى جۇڭگو ارحەولوگياسىنىڭ جاڭا بايقاۋىنا تاڭدالدى.
تۇڭتيان ۇڭگىرى − شينجياڭ ۇيعۇر اۆتونوميالى رايونى التاي ايماعى جەمەنەي اۋدانى توستى اۋىلى قويتاس قىستاعىنىڭ شىعىس وڭتۇستىگىندەگى ءساۋىر تاۋىنىڭ باۋرايىنا ورنالاسقان ۇڭگىر، ۇڭگىردىڭ توبەسىنىڭ گرانيتى جەمىرىلۋ، ويىلۋ سەبەبىنەن تابيعى تەرەزە پايدا بولعاندىقتان وسىلاي اتالعان. 2014 – جىلى بايقالعاننان كەيىن، 2016 − 2017 – جىلدىڭ جازىندا شينجياڭ مادەني مۇرالاردى زەرتتەۋ اكادەمياسى مەن بەيجيڭ ۋنيۆەرسيتەتىنىڭ ارحەولوگيالىق عىلىمدار ينستيتۋتىنىڭ ماماندارىنان قۇرالعان ارحەولوكتەر اترەتى اتالعان ۇڭگىرگە ەكى كەزەكتى قازۋ جۇمىسىن ىستەگەن، بۇل شينجياڭنان ءبىرىنشى بايقالعان كونە تاس قۇرالدار داۋىرىنەن قالعان تاس ۇڭگىر بولدى.
شينجياڭ مادەني مۇرالار – ارحەولوگيا زەرتتەۋ ورنىنىڭ زەرتتەرمەنى يۇي جيانجۇن: «كونە تاس قۇرالدار داۋىرىنەن كىشكەنە تاس قۇرالدار داۋىرىنە، ونان كەيىن قولا زامانىنا دەيىن، ودان كەيىنگى العاشقى تەمىر قۇرالدار داۋىرىنە دەيىنگى بۇيىمداردىڭ ءتۇرى مول، جەر قىرتىس جىگى ايقىن بولىپ، كەمەلدى تىزبەك قالىپتاستىرعان، شينجياڭ جەمەنەي اۋدانىنىڭ ‹تۇڭتيان ۇڭگىر› ەسكى جۇرتىنىڭ اشىلۋى كونە ۇلى قۇرلىقتىڭ باتىسىنداعى كونە تاس قۇرالدار ءداۋىرىنىڭ ورتا مەزگىلدەگى مادەنيەت ۇلگىسى ەركشەلىگىن بەينەلەدى، ەلىمىزدەگى ۇقساس مەزگىلدەن قالعان ەسكى جۇرتتاردىڭ ىشىندە ەرەكشە دارالىق قاسيەتى بار. جۇڭگو تاس قۇرالدار داۋىرىندەگى موست مادەنيەتى ۇلگىسىندەگى ارحەولوگيالىق بوستىقتىڭ ورنىن تولتىردى» دەدى.
يۇي جيانجۇن تاعى بىلاي دەپ تانىستىردى: 14 رەت كومىرتەكتى تەكسەرۋى ارقىلى، كونە تاس قۇرالدار ءداۋىرىنىڭ جەر قاباتى شامامەن وسىدان 45 مىڭ جىل توڭىرەگىندە بولعان. اتالعان كونە جۇرتتىڭ جاعىراپيالىق ورىن ەرەكشەلىگى مەن قازىپ الىنعان تيپتىك موست مادەنيەتى ەسكەرتكىشتەرى ەۆرازيا قۇرلىعىنىڭ شىعىسى مەن باتىسىنداعى بۇرىنعى تاريحتاعى ادامداردىڭ كوشى – قون، بارىس – كەلىس، ىرگە كەڭەيتۋى قاتارلى ماسەلەلەرىن زەرتتەۋدە ەرەكشە ماڭىزدى ءجىپ ۇشى بولىپ ەسەپتەلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
